鏞鏞．藝嚐館

营业中

休息中

嘆燒原隻鵝髀原隻鵝髀上碟有迷你炭爐一路烘熱隻髀皮燒得薄脆鵝肉充滿肉汁熱辣辣食好有風味但$𝟮𝟵𝟬一隻有d貴.童年大白兔糖奶凍打卡之選奶凍造型係一隻泥土上既小白兔泥土係啲朱古力脆脆有粒白兔糖喺白兔奶凍隔離幾得意.吊燒蜜汁叉燒招牌燒味部出產既蜜汁叉燒叉燒肥瘦適中入口鬆化唔肥膩好味過西苑既叉燒.迷你桔型咸水角純粹影相特別靚味道冇乜特別都整得幾脆.流心西施炸蝦丸冇影低但我認為係必點蝦丸用米粉包住炸勁酥脆蝦丸入面有熱辣辣腐乳汁菜式設計幾有創意

🍴尖沙咀|中菜| 鏞鏞．藝嚐館🍴/🫢見到鏞鏞．藝嚐館的鏞字，都大約估到係同燒鵝老字號 - 鏞記 有關。位於K11的鏞鏞．藝嚐館，舖頭裝修時尚光猛，感覺乾淨年輕簡約風格🤗🤗/不過，記得當日晚餐客人唔算多，但可能餐廳不是用地氈同埋樓底唔算高嘅關係，感覺同酒樓差不多嘈🫣/💡食物方面印象深刻的有:椒鹽大蝦皇🦐 - 爽口彈牙又夠鑊氣鏞記正宗燒鵝 - 脆皮得嚟有肉汁🦀雲禮子蛋清配飯 - 雲禮子姐係BB蟹的蟹膏，聽講處理需時，一份都要用好多隻蟹，蟹膏撈飯點會唔正🤪😋😋童年白兔糖奶凍 - 造型可愛，充滿奶香，亦非常滑嘟嘟👍🏻/總括，😁食物幾好的，間中會想再食，但餐廳設計佈局嘅關係，好易覺得嘈，Btw有機會下次想試下點心😜

呢度嘅創意菜都幾特別。我最中意流心西施炸蝦丸，一份三粒，外表金黃好似蠶蛹，一啖咬落去，脆皮包住蝦球又包住芝心，酥脆又爆漿，蝦肉好彈牙，完全唔油膩，但係要小心芝心燙口。荔茸帶子好味在以荔茸特有嘅清甜搭配帶子嘅鹹香，味道夠晒豐富。脆皮金磚豆腐，外脆內嫩，唔覺唔覺就一件接一件食晒。最後叫咗生炒糯米飯，炒得夠香口，令人諗起細個過年食嘅糯米飯……

小編開始減肥計劃，所以前幾日戒左澱粉質。今日出關，同客戶食貴價野，就揀咗中式餐廳食下米飯。因為近客戶關係，所以揀咗餐廳喺K11 MUSEA, 相信係鏞記嘅分店。1. 蜜汁叉燒燒味菜式之中，小編最愛叉燒，因為佢唔會好似燒肉咁樣皮好乾。呢個叉燒一上碟嘅時候蜜汁係好多，食落每一舊都會有蜜糖嘅味道，但佢唔會黐到嘴唇，加上半肥瘦適中，可以見到師傅既功架。2. 鏞記燒鵝呢個馳名好多年嘅燒鵝，我真係細細個就聽過個名。上一次食係6年前，外國有一班朋友黎香港，喺中環嗰間食，但印象唔太好覺得好鹹。但今次再食就好啲，個皮係脆既，佢個汁亦都唔會太多令到燒鵝變咸。但可能因為近來食得好味嘅燒鵝太多，鏞記燒鵝對我黎講，就變得冇咁出眾。3. 涼瓜酸瓜炒牛肉牛肉炒得香，軟滑的。涼瓜同埋酸瓜，拍埋一種味道係幾得意。4. 蒜蓉西蘭花都炒得香嘅，正常西蘭花質素。另外冇影相嘅有兩碗白飯加一個荷葉飯，午餐埋單$1800 四個人。食物質素係OK嘅，係價錢偏貴，黎得呢個商場食都預咗。味道：9/10環境：9/10服務：8/10性價比：5/10

除左平時食High tea影靚相之外， 我同朋友都會去鏞鏞飲茶。佢嘅裝潢偏現代化，感覺好有朝氣，同普通茶樓好唔同。招牌燒鵝髀和春捲可以話係我每次必叫的美食之一，佢哋啲點心唔單止賣相靚，味道都唔錯，啱哂我口味！另外佢個皮蛋酸姜都唔錯，帶俾我一種好refresh嘅感覺。

今日起K11 Musea 7/F食咗個晚餐。佢環境真係好舒服，枱同枱嘅空間咁非常闊落。同朋友傾偈一流。出邊仲有個露台可以有風景睇。每人平均$500，食物質素幾好，唯一價錢有少少進取。燒鵝例牌- $250你睇得出佢切得好有心思，雖然份量唔大，但係細細舊好精緻。熱辣辣都好好味。蝦球（酸辣）- $340 每一隻蝦球都好大隻。有六隻。好嘢味。椒絲腐乳通菜鮮魷- $180 -熱辣辣好惹味。呢度餐廳嘅份量係細少少，但係每一樣嘢都好精緻，環境又闊落。

鴛鴦遠年陳皮牛肉一直是鏞鏞的特色菜，菜式裡面有兩食，包括炒牛肉及陳皮牛肉餅。炒牛肉非常嫩滑，帶有一點點的焦香和醬油香，非常開胃，想必廚師有專門進行醃製入味。至於牛肉餅飽腹感更重，牛肉的香味完全被激發，與陳皮互相協調搭配和平衡，非常特別。

梅菜扣腩肉入口鬆軟 細細咀嚼幾啖就溶化係口🤤入味得黎有口感 炆得剛好👍🏻有別於平常食到味道帶辛辣🌶開胃 2個人食都毫無油膩感 梅菜處理得幾好 無異味而又不搶奪扣肉味😍叫左2碗白飯撈飯😋雖然未到好特別一食難忘既程度 但值得一試👍🏻然後仲叫左個下午茶Set有幾款點心🧆當中燒賣蝦餃屬正常水準 不過不失 反而印象更深刻係點左佢個辣椒油夠香夠辣🌶叉燒酥香口🫔不過長型的雪菜鵝肉的炸春卷 造形扮雪茄 就超級難食🤢皮吾夠脆口 尤其前段黑色粉末入口苦味好重😖食左一半都完全食吾到有鵝味 配搭連普通春卷都好食過佢 同朋友仔食左一半就放棄了 甜品好食 芒果🥭布丁都多甜芒果 上面柚肉搭埋好食吾算甜 甜品可以份量多番小小 甜品救番個印象 不過吾會再食呢個Set🙅🏻‍♀️整體環境好舒服😌打卡影下相一流📸服務態度ok keep住有人幫你斟下茶 有互外位坐 同朋友可以坐幾小時吹水放鬆既地方👍🏻 價錢就偏貴 但質素同環境成正比

We walked in and queued for seats with the QR code. Wasn’t called and nobody was at the counter to help serve walk-in customers for 40min. Called out for managers help but another 10min wasted with a baby and a pregnant woman with us. Never coming to this place.

趁今日假期、陽光普照，同太太去左鏞鏞食飯，享受一望無際的大海景。呢個一落雨就無得坐個戶外空間真系好靚，淨系嗰景都抵曬！ 嘢食方面，我哋叫左酥皮流心奶黃包、炸春捲、燒鵝髀等。流心奶黃包外皮用左墨西哥配皮，油炸完後更加酥脆，配上流心的奶皇餡，散發出淡淡奶油香，令我回味無窮。至於碳爐燒鵝髀，雖然味道大致與鏞記一樣，但上盤方式很驚艷，用來打卡就一流！

強烈推薦鏞鏞嘅炭火網燒鵝髀，勁香、勁好食！食左好多次鏞記燒鵝嘅我，就覺得佢地兩間燒鵝嘅味道好似，可謂不相伯仲。不過，佢地最大嘅分別都係包裝，鏞記每樣菜式嘅包裝真系超有驚喜，例如名物燒鵝髀，一改老式的炭烤燒製，改由經鐵絲網上枱，再用炭火㷫，食落啖啖炭香味，新鮮感十足！另外，炭火燒亦令燒鵝皮脆肉香，唔洗擔心脆皮凍左變韌，好有心思。

呢個價錢會expect比普通酒樓好食，但真係好失望。兩個人叫個5個點心，馬蹄牛肉腸淨係食到馬蹄同埋腸粉d粉；黑松露網皮素蛟個皮好厚，個餡料好似平時腐皮卷入邊嘅餡，冇乜黑松露味；香芋薄撐就淨係食到一pat粉，食唔到任何芋頭蓉或者芋頭粒，芋頭味都得好少；灌湯餃同蝦春卷就正常普通酒樓standard； 普洱茶冇普洱茶嘅味，仲要個杯係熱到辣手。點心唔得，杯茶又唔得，唔會再有下次，服務態度幾好都補救唔到…………

世事難料，放假原先約家人去k11食飯，怎料前一天確診，自己再安排去別處，就來此。 比起上次新年來時，少了點心選擇，是否星期天？ 嫣紅野菌石榴果$68，細棵，菌鮮，芝麻蔥茸叉燒酥$60，葱茸？食聞都無，總體及格無標青。 在春日美饌裏，因牛蝦都不食，只有杏汁淮山燉雞鍋$280可選亦啱食，杏汁養顏補肺，淮山建脾開胃，雞當然補身妙品，端上來微火補温，雪白淮山及嫩滑雞肉與濃香杏汁互相交流後，杏汁有雞味，雞有杏汁香味，淮山杏汁雞味，來個靚仔先配，樣子都白淨粒粒分明，但有少少鬆散，不及龍苑 黏糯。 當日陽光普照，幾枱客人，坐在寬敞綠色半圓卡位，看着港島及維港，㗳住杯茶，雖然無乜鐵觀音茶味（@$35），但感悠閒自得，舒服寫意，好好活在當下！明日千变萬化不會睇見！

YUNG'S BISTRO 鏞鏞．藝嚐館💵 Hkd 300-500 一位午餐推介指數 🥃🥃🥃今日黎到鏞鏞．藝嚐館食個Lunch Set⚓️ 鏞鏞小食金沙脆魚皮 ，至尊肥燶叉，芝麻海蜇絲其實得個肥义見得下人，其他都係普通嘢⚓️ 精選點心蝦餃，燒賣，叉燒酥普通過吾普通，冇咩特別⚓️ 杏汁白肺湯個湯都係一般般，吾係好入味⚓️ X0醬爆蝦球個蝦球煮爆得幾香，有啲水準⚓️ 碧綠鵝箤炒飯 都係超普通，其實有少少失望，成個Set 原來冇燒鵝，雖一得依個鵝肉碎炒飯⚓️ 成餐飯最好食係個紅豆沙，起哂沙又重陳皮味

本身同屋企人食生日飯。之前食過幾次都可以，所以揀咗呢度因為環境都OK。入到餐廳，Reception個小妹妹態度應該係成餐飯入面最好的一個員工。有幫我哋整安心出行同埋掃針卡。之後坐低我哋就點餸。叫咗一支酒和八個餸，系一位比較年長嘅部長姐姐幫我哋點菜。一開始態度都可以，我叫左8個餸之後，姐姐係咁推薦我哋食海鮮，本身對海鮮敏感的我一向都唔食。姐姐推薦左2個海鮮我都拒絕咗，同埋都有表明唔食海鮮。之後去推薦第三個蟹鉗，我都唔好意思推遲所以叫抽，諗住俾屋企人食。之後姐姐就西口西面。直到上菜嗰度，頭三個上得好快，二個前菜一個燒鵝，之後都滿心期待。點知第四個菜相隔左半個鐘都未上。但係佢哋有另外一個同事就俾咗牙籤我哋，意思即係想趕我哋走？之後就搵返我個部長姐姐，同佢講我哋有幾個餸都話仲未上。佢用好西既語氣同我講跟緊。我心諗佢應該同廚房嗰度神交緊，所以可以直接覆我跟緊 。之後再過10分鐘上第四個餸。點知隔離嗰台，我哋食到一半先入座都上齊晒餸。嗰陣時我啲屋企人已經有少少不滿。之後有個送中送錯咗去隔離嗰台諗住攞返俾我哋食。我望咗一望個服務員，佢先拎去廚房重新整過。成個食飯過程都係一肚火。樓下大排檔質素都好過佢