鏞鏞．藝嚐館

营业中

休息中

大年初一嚟到尖沙咀，試咗之前一直都想嚟食但係冇機會嚟嘅鏞鏞，想講佢嘅燒鵝一啲都唔輸鏞記，面且仲有佢哋好有特色嘅原隻炭燒燒鵝髀，啲鵝油滴返落啲炭到令隻髀勁香煙薰味，而且大大隻咁食真係好有滿足感，嚟食嘅人絕對唔可以錯過。另外佢其他小菜都好好食，有個好傳統嘅梅菜扣肉用料好講究，肥瘦好啱可以送好幾碗飯，唔會食一兩舊就唔想食。新年流流當然要食好嘢所以都叫咗唔少嘢，不過全部都係好食嘅完全冇投訴。價錢嚟講就唔係平㗎喇，不過我覺得完全值得，食物質素同服務態度都好令人滿意，期待下次再嚟食。