鍋心粥底火鍋 (順寧道)

营业中

休息中

朋友曾經吃過覺得好吃，所以帶我們來。雖然我們已經訂位了，但還是也等一陣子，待上一輪的客人離開，跟侍應把桌子整理好。除了有7款海鮮，還可以自選5種配料。蟹很多膏，好吃。其他的海鮮也很新鮮，蝦還會跳，嚇了一跳。喜歡吃海鮮的一定要來。配料其中一種選了雞骨丸，真的吃到雞軟骨，在外面很少有這種，來了一定要試試看。 沙拉一般般，只是把蔬菜放在一起。但我比較期待的海鮮粥就沒什麼海鮮味，可能因為海鮮熟了之後就馬上拿上來，所以有一點失望。

要book台先有得食嘅鍋心係粥底火鍋界都好出名～今日同男友放工飛奔去食，事前book好咗枱，一入去就痛得住，不過坐正門口位，一開門就勁大風。（食第一rd 6-8半 無咁多人，仲易book啲）除咗7款海鮮之外仲可以揀多5樣配料～我個人鐘意食貝殼類嘅❤️ 今次嘅蜆都好甜無沙🙆🏻❤️❤️好味道無影到其他食物，今次試咗手打雞骨丸，同男友都唔太鐘意😕😕都係食返雞軟骨串燒個啲岩我哋多啲🤣🤣仲有個豬肉丸食落唔太實，定正常都係咁嘅味🤣🤣最後炸魚皮同油炸鬼用嚟送粥嘅🙆🏻一除左上菜一直都無侍應教我地點食（因為見到格離台明明近牆有教學都有侍應過去講解，我地就無🙁 好彩最後食粥都有個人嚟幫手整

琴晚同一大班同事食呢間粥底火煱。海鮮好新鮮。有蝦，蟹，魚，鮑魚等等，仲有其他肉，菜，丸選擇。鮑魚好大隻食到最後，個職員會行卜黎幫忙整個粥俾我地食。好方便，有專人負責整。👍🏻太好喇。個粥新鮮到呢⋯⋯好好味。我連續食左2碗。（飽都照食）😅到最後埋單，我以為好貴。點知平到你唔信。一人$220左右。叫埋野飲都係呢個價錢。有新鮮海鮮食，環境都不錯，唔太逼。今餐我覺得好抵食。值得推薦俾大家

米湯做鍋底 據說養胃 食材很新鮮 鮑魚個頭大也很鮮活 螃蟹個頭不算大 但比較飽滿 也很新鮮 可選的蔬菜種類也夠多 只是小貝殼偶爾有沙 總體來說 口味不錯 只是環境差了一些 但體驗香港的夜排擋也很有意思

打邊爐與蒸海鮮的混合食法朋友推介, BOOK定位來粥底火鍋, 一行六人一齊來邊邊佢.!!先來7款時令海鮮.海鮮非常新鮮生猛! 上到枱仲郁郁下, 蝦仲生猛到跳咗出來! 嚇咗我地一下. 每款海鮮都有推介時間, 仲畀埋TIMER你計時! 又認真又窩心!除咗海鮮, 仲可以自選5款食物.我地當然係肉肉肉......同埋花膠!<<雞骨丸>> 係雞軟骨造, 不可不試.食埋肉同栗米, 有專人來幫我地加上粥膽煮好. 再加埋<<鍋心五寶(豬油渣、芫茜、菜脯粒、大頭菜、冬菜)>>, 食得!! 嘩!! 粥吸收哂海鮮嘅精華, 又甜又好食!!! 

已經第3次黎呢間分店食，因為覺得呢間分店職員有禮貌同有反應，亦相信會再有第4次呢到每時段都係食2.5小時，真係要準時，因為遲左真係會食唔切，$198唔洗加一，包7樣海鮮(蟹，蝦，鮑魚，蚌，花甲，蜆，多寶魚)，粟米，芋頭，南瓜，再自選5樣野，我地揀左蟹柳(張相同海鮮菇係半份，因為我地食左半放埋一齊補影)，花膠仔，梅頭豬肉，海鮮菇同淮山，每樣野都按人頭去比，所以唔洗擔心唔夠食，每次黎，每個人都係飽住走，仲要拎走埋碗粥，因為最後碗粥真係好鮮甜好好味另外，每次都會有額外是日海鮮可以加配，今日係$25/4隻韓國蠔，但因為我地唔大食，所以冇加。同樣，每樣海鮮都係好新鮮，我地試過好多唔同既呢啲海鮮餐，無論蒸同粥底，我地都覺得呢間係目前食過既No.1

放假日又係時候出動食好西。由於唔係咁舒服,所以想食清淡d,但又不甘心只食白粥。上openrice搵到呢間既有海鮮又有粥食的餐廳,立刻眼前一亮大概9點半黎到,店員問過我地有無訂位。我話無,佢話要睇睇海鮮夠唔夠先可以入座,因為環留俾訂座客人。心諗早知訂位啦。好彩店員睇完話ok。事前睇左openrice食評,見到d蟹好似好新鮮,抱住半信半疑之心即管試試。餐廳設定左每位$198。有5款海鮮另加3款配料。海鮮黎到,有蟹有蝦。蟹真係有膏，海蝦仲係活生生的,(冚住個蓋都跳下跳下),仲有鮑魚同2款蜆,同埋蚌。配料我地要左黑豚肉,海鮮菇同午餐肉。黑豚肉亦意想不到咁嫩(雖然係凍肉),又唔會太肥膩。但點海鮮菇黎錯左金菇,無啦啦黎多左碟牛肉。不過我都唔係太介意既。後尾我地加左1隻蟹($100),3隻蝦($10隻)。老闆/店長??話見我咁隨和送多隻蝦俾我。食曬海鮮,店長仲親自幫我地煮粥底,加左南瓜同芋頭D 粥好綿,3個人每人都分到2碗仔。由於我地又加左配料又飲野,埋單好似$900。平均每人$300,其實我覺得唔算貴!大佬,真係活生生的海鮮wo!以深水埗黎講呢餐海鮮粥鍋算唔錯,值得再去!

今次第二次來食了，一行5人，海鮮好新鮮，1人198包7款海鮮，還有其他肉類丸類，牛肉同豚肉都好味，這樣的價錢有這樣的食物質素真系抵食的。最正就係最後集所有精華的粥底，好鮮甜。

朋友生日提議去啲間食粥底火鍋 預早訂位都要係門外等十五分鐘先入得 原來係要清晒上一場啲人先比入坐低就見到個計時器⏱ 原來係提醒每樣野淥幾耐 個個都係同一個套餐同一個湯底 一黎就比個沙律同上晒海鮮黎 震撼嘅一定係啲蟹啦 爆晒黃 不過一定唔夠門口電視賣廣告嗰啲咁多啦多寶魚嫩滑蜆普通沙白有沙 搞到臨尾啲粥都有沙 仲要比我咬爆左粒沙鮑魚普通 爽 無咩味 貴妃蚌好大隻 鮮爽蟹係鮮甜嘅 唔使再點醬油跟住就上埋預先選左嘅五款配料雞軟骨丸特別 似食肉餅咁 臨尾食粥都有雞軟骨叫左兩個豬同牛 豬肉幾好食無肉躁味 牛肉六秒就食得 唔係就會靭 花膠好多 可能我地多人 好軟幾好食另外叫左個韓國珍珠蠔 鮮甜但真係好細粒食晒海鮮店員就提醒兩次要倒芋頭南瓜粟米入湯 話怕我地唔夠時間 之後就等店員每枱表演煮粥 佢地係用珍珠米煲嘅 會再加菜莆芫茜等配料一齊煮 份量真係煮得剛好每人會食到一碗味道：粥底唔夠阿爺好食 但海鮮勝出服務： 店員服務好 照顧周到 醒目 有專人為每枱煮粥 唯獨有一個店員將支啤酒未飲晒就攞走左總結： 性價比高 值回票價 無加一但每樣野都計時⌛️咁食真係有啲壓力同好忙

今日約左一班fd,甘最好既選擇梗係去打邊爐啦,可以一邊拾下拾下,一邊吹下水同飲下野,呢間野係我個fd book既,分三段時間(1830-0830; 0830-2230 & 2230-0030 ),間野好鬼多人基本上頭兩段時間都full booking, 我地好難得book到0630既個個時段(因為第二日要返工大家都唔想攪甘晏),7個人比左張可以座到6個人既卡位,外加一個主席位,感覺好迫(佢no圓枱),如果約得太多人就唔多岩啦佢198免加1,但係飲野唔包,要另外再加( 10蚊起/罐3或枝),甘樣維起平均220左右/位(睇你要飲d咩),(如果出面平既任飲任食大概都兩百蚊左右),所以底唔底食就見人見智講番佢d食物先,都尚算新鮮、份量都ok,不過唔知係佢個煲大厚定佢個爐火力大低,總之個爐開到盡佢都唔會大滾Step1:厨司會揀左7款時令既海鮮Step2:放入南瓜粒、芋頭 & 玉米（為之後個粥做準備）step3：加入飯煲成粥其實一路打都ok,但打到最後粥個part就覺得好難食,一黎個粥食落又有穀又腥味😲感覺好似好攪喎咗件事甘😅,仲有碗粥好水同食到好大味精(應該1唔夠飯 2 佢響d飯到加左師傅),攪

同舊同事食飯，佢哋揀咗呢間海鮮粥底火鍋，因為分時段，我地BOOK8點半，就真係8點半先入得，但其實8點半先開始叫人，唔足時間架喎一坐低就有沙律，呢度每日都會令7款時令海鮮，而海鮮係跟人頭分配既陸續上台時大家都好興奮因為全部都好大隻又新鮮我地今日有蟹，蜆2款，蚌，鮑魚，多寶魚，蝦蟹好多膏又厚肉，蜆細細粒但量多；蚌都係好鮮甜厚肉牆上有時間同計時器教你每樣要碌幾耐咁就唔驚肚痛或者煮得過耐啦食到咁上下，又加入南瓜、芋頭粒，粟米等慢慢煮個海鮮底最後侍應幫我地撈起D肉渣，加入白粥，冬菜，菜莆，豬油渣等煮粥南瓜、芋頭粒，粟米用黎熬粥底另外5樣火鍋配料揀左肥牛，牛餐肉，響鈴等都係一D都唔失望只係$198唔使+1，酒水另計，超值

已經第四次食鍋心了，每次都非常滿足好飽飽~食物方面，海鮮每次都新鮮，蝦每次都好生猛大隻，蟹就平均黎講都ok，每次大細size唔同，不過就鮮甜同有蟹膏，蜆蚌方面夠爽甜無沙，多寶魚滑嫩但小心多骨，肥牛，腩肉，雞肉軟骨丸每次都新鮮登場，食物方面暫時無一樣令我扁咀~但服務就真係要再改善了，侍應有啲就好禮貌做到野，有啲就。。第一次去就俾人趨快啲落哂啲野食，之後又試過見到有侍應將食材亂放近用過污碟附近~好似今晚咁，有個男侍應行埋黎望完張枱，又望住我，跟住最奇怪係，一路手執走隻吉碗，一路望住我，唔明佢執走個吉碗做乜，有兩隻碗係裝滿骨殼又唔執走，同佢講就話轉頭收無手喎，但係佢只係用一隻手拎走個吉碗，另一隻手無拎野~😑轉個頭返黎執個兩隻滿骨殼嘅碗個陣，又黎眼望望咁望住我😓都唔知想點，攪到我男友想💥💥佢咁劑~就連佢啲fd都覺得服務水準唔平均，可能欠缺工作指引啩~希望以後改善好服務方面，咁就食物，價錢，環境，服務都攞到好高分啦～

呢排好懶，連放假都唔想郁手整野食，朋友就介紹左去食一間傳聞好平既粥底火鍋，一於去試下有幾抵！夜晚分三個時段用餐，分別🕰6:00, 8:30同埋11:00。我地今晚book左8:30，去度見到成門口都係人😱差唔多8:30開始叫名入座入座後侍應生會送上一個間單既餐前沙侓🥗。因為每日餐廳已經準備好7款海鮮🦀🦐🐟🐚，所以客人只需要係點菜紙上面揀另外5款自選配料。以下係三人份量🦀每人半隻，一望就知勁多羔😍🦐每人2隻，因為仲好生猛，所以一定要夾實先好放入鍋，仲要等佢無知覺先好放手，如果唔係彈出黎就大件事⛑🐚鮑魚和蚌每人一隻，兩款size都算ok🐚蜆類有2款，份量都算幾多，洗得幾乾淨，只係有幾粒有沙。食呢d蜆類真係好怕一咬成口沙既感覺🤢🐠多寶魚，幾滑，不過自己唔太喜歡太滑身既魚，所以下次都係轉其他食物。響鈴 / 貢丸 / 王芽白 / 黑毛豬腩片 / 雞骨丸 幾鐘意佢自家制雞骨丸🐔，咬落有粒粒雞軟骨，好有口感👍🏻不過個響鈴就麻麻喇，唔脆之餘仲好林，扣分👎🏻食到差唔多就放入粟米🌽，南瓜粒🎃同埋芋頭粒預備一陣既粥最後會有侍應生幫我地清走晒鍋入面既食物都殘渣，再放入白粥，香茜，冬菜，菜莆，炸豬油渣煮粥。其實

第一次粥底火鍋，有驚豔的感覺，可能本身都鐘意食粥，覺得比一般火鍋好食😂 未去已經充滿期待😍星期六晚去，分兩個時段，6pm-8:30，或者8:30pm-11pm，我地book左6點，準時去到，見到好多台已入座。有人walk in，係無台既，所以去前最好book左先。餐廳會按人數，出一輪海鮮，每人約有半只蟹，1只鮑魚，三四只跳跳紮既蝦，1只大既蛤？（如圖😂）。我地3個人，有一小碟花蜆，半條多寶。D海鮮都好新鮮，墙上有紙提示各種海鮮所需要煮的時間。食完第一輪海鮮，就會上第二輪自選既食物，可以選5種（唔記得影落單紙🤦🏻‍♀️）我地揀左黑毛猪同肥牛，口感唔錯；仲有花姿丸、雞軟骨丸同花膠。其中雞軟骨丸應該係佢地自家製作，好特別，當中夾有細粒既脆脆既雞軟骨。食得七七八八，店員就會幚手“不”曬所有食物，加入粥膽，仲有冬茶、猪油渣脆等約5款配菜，熬翻個粥。最後一定要留肚食哩個粥，係全個火鍋既精華！真係好鮮😂 我地三個人每都有兩細碗份量。總體來講，食材新鮮品質亦好，難怪門庭若市，我會再幚襯😋

早兩個禮拜都book唔到佐敦分店8:30嗰節 好彩深水埗分店仲有位✌🏼一行6人去食近期好hit 鷲哥賣哂廣告既海鮮粥底火鍋打邊爐 位位$198冇加一 飲品另外散叫 套餐已包7款海鮮 另自選5款火鍋料 最後仲有粥 計埋野飲 每人埋單$215 8:30食到11:00 海鮮超新鮮 真係抵到爛😍😍😍#膏蟹 一開波食蟹先 每人半隻 睇下啲膏 omg dor本身唔食蟹都覺得好食 真係好新鮮 個粥底係冇味既 純粹靠食材既鮮味 碟豉油dor成餐飯都冇點過#鮮蝦 每人有3隻 都好大隻下 上枱仲聽到啲蝦係咁跳 記得要小心啲落 因為太新鮮 會彈到周圍都係 #鮑魚 每人一隻 好大隻仲識郁！好好味 記住唔好煮太耐丫#蟶子 好新鮮好好味 每人得一隻唔夠喉😂#花甲 #蜆 份量好多 相比其他海鮮呢兩款一般#多寶魚 好少喺火鍋食到多寶魚 dor就好鐘意 不過朋友覺得有啲腥食完海鮮可以食自選火鍋料喇 唔夠仲有得散叫 不過都唔會唔夠食 份量好大 其中推介 #手打雞骨丸 #黑毛豬梅頭肉 份量好多又好味最最最後有店員會黎煮個粥 將海鮮所有精華加南瓜 芋頭 粟米 真係好正 可惜我地太早落芋頭同南瓜 加上加左太多水打邊爐 啲南瓜芋