鍋心粥底火鍋 (順寧道)

营业中

休息中

今次為了慶祝同蛋蛋既紀念日我地蛋蛋睇左啲youtuber既介紹最後決定簡呢間一嚟蛋蛋🐣病左 喉嚨發炎左好幾日 要食清淡啲二嚟蛋蛋好鐘意食海鮮🤤🤤🤤我地怕無位所以提早就已經訂左位早左五分鐘去等，到個時出面已經好多人訂左枱既都等緊好快入到去 首先就比左紙我地簡配菜先 簡完好快就上前菜沙律前菜沙律配麻醬 好新鮮好開胃 之後好快上粥底同海鮮蝦 得兩隻（二人份量嚟）嚟到已經無跳 死了 應死左一陣 比想像中細，youtube個隻好大 見到呢隻個時有啲sad 入面無乜膏 認真！是日有扇貝 鮑魚 貴紀蚌 蜆仔扇貝新鮮鮑魚都新鮮蜆仔不過不失 貴妃蚌麻麻地由於唔食多寶魚 可以落單前轉 可轉蜆或一款配菜自選配菜我地簡左兩碟牛肉 一碟黑毛豬腩片 一碟雞骨丸 一份油炸鬼，相中牛肉係兩份嚟共八片。其實食完海鮮，係完全沒有覺得飽既感覺，初時我地以為會好飽，仲驚食唔哂..但去到份量其實好少。之前蛋蛋食過一次，份量一定係多過今次，佢話啲份量少左1/3。肥牛好食 豬腩都好食手打雞骨丸我都鐘意個口感，好爽，油炸鬼普通（大家如果想食 建議大家唔好自選簡 單點平啲 計落抵啲）其實食完配菜都仲未飽一心期待個粥底。個粥底已經有芋頭

今次係第二次黎食，第一次食完後，已向朋友極度推介這店，朋友食完也讚好。這晚共8位家人一起食，用兩個鍋，由於是長枱關係，變相分開兩邊各有各食，較難傾計。坐下後，先奉上什菜沙律，有日式麻醬點的。蔬菜很新鮮。粥水做火鍋湯底。先上指定嘅海鮮，全部都非常新鮮，首先落肉蟹，由於蟹有羔，令整鍋粥都染上淡黃色，並充滿蟹味。多寶魚雖然多骨，但肉質非常滑，好鮮味。花甲、蜆等都好鮮甜，但今晚就食到有些沙。自選方面叫了美國肥牛、黑毛豬肉、雞軟骨肉丸、花膠仔、爆芝獅子狗。肥牛豬肉都不錯，冇任何驚喜。花膠仔就一般般，肉丸因為有雞軟骨碎在內，咬時就特別有口感。獅子狗外貌同平時食嘅一樣，但咬下去就有芝士溢出。最後的粥就充滿海鮮和肉的味道，非常豐富的一頓晚餐。喜歡這店明碼實價198元一位，不收茶介和加一，只是飲品要另收錢。

海鮮粥底火鍋聽落就覺得吸引，今次兩個人去，即使如此，食物分量十足每台都有七款海鮮，五款自選配料同埋三款蔬菜(粟米、芋頭、南瓜)每人都有半隻蟹，蟹唔算多膏，但勝在鮮甜更值得一讚嘅係蟹殼唔似坊間一般嘅硬，好容易就可以搣到，一拉一扯，就很輕鬆咁樣將蟹肉分離，唔使用死力蝦每人有三隻蝦，非常生猛，一上枱嘅時候仲扎扎跳，店員建議我哋用蓋蓋住，不然它們可能會跳出來呢肉質方面，蝦肉唔算太霉吃下去有微微的蝦鮮味魚吃下去比較多骨，肉不算太多，也有蠻多的脂肪，我就不太欣賞了但是假如說有魚，能讓海鮮粥的鮮味增添，也是不錯的花甲、皇蜆這兩款的鮮味相若，口感也差不多，只是大小的分別，欣賞的是這兩款海鮮大部份都能開口，證明都是新鮮的，吐沙工序也做得不錯，至少吃下去沒有滿口沙子的感覺鮑魚這個是唯一令我感到有點扣分的，鮮味不足之餘，店員沒有幫忙去掉鮑魚墨綠色的部位，那是不能吃的，而且不是每一個人都知道，如果吃了不乾淨的東西就不好了北寄貝雖然有點難咬，不過很快就能煮熟了大元貝店員當晚周圍問，有冇人要加＄10 隻大元貝，嘩，咁吸引嘅價錢，我當然唔會放過啦！於是我哋每人加了一隻，真係好大隻呀！有半隻手掌咁大唔夠15分鐘之後，

之前因為網上報導試過一間叫聚x坊的粥底火鍋，去過2次都俾人鬧足2次，話唔夠飽，無野食，所以我都驚驚地再試粥底火鍋，有朋友叫過去鍋心，我都拒絕過，但今次試左一食難忘，首先材料好新鮮，又足稱，海鮮鮮甜，肉類都係靚，有口感質素，唔係著通的街市貨，$198唔洗加一，可以食到咁高質素的食物，真係令我另眼相看，最正係有花膠仔可以揀，份量絕對唔會少，當晚我4個人食，起初食海鮮，大家都話未覺飽，點知一食肉類就話好飽啦，最尾仲推黎推去添😃😃😃真心推介，價錢合理高質素

之前都有朋友推介過大圍嘅鍋心，但太遠路程遲遲未有動力去試，上次係呢度附近打邊爐發現順寧道都開咗間鍋心，所以一定要試試，下午4點左右打去好好彩book到8:30，早5分鐘去到，離遠已見到好多人等緊入場食，一坐底先來沙律，食住等個粥底煲滾，然後先食海鮮，有鮑魚、蟹、蜆、蝦、魚......共7款唔同嘅海鮮，魚好滑，蟹肉好鮮甜大隻，食完再放南瓜、粟米、香芋落粥度滾，再食自選嘅5款配料，黑毛豬梅頭肉口感爽，好味美國肥牛好有牛味，我再追加兩隻扇貝，一人一隻，$10隻抵食全程d職員好細心，耐唔耐見煲粥太滾會幫我較細火d, 又幫我加返d粥水，食晒d配料就幫我加返d粥落去煲，滾咗食埋個粥真無得頂呀，其實食到尾已經好飽，都忍唔住食咗兩碗粥，好鮮味呀整個用餐過程無論係食材、服務都令我非常滿意，回味無窮！

試過佐敦分店，覺得唔錯，約埋好友再到深水埗分店食過。八點半前去到門口，已經人頭湧湧，反應的確熱烈。時間一到即刻入去坐低，$198蚊包括七種海海鮮及五種附加配料，我哋揀咗牛肉、豬肉、雞骨丸、淮山同埋鬼馬油炸鬼。食物十分新鮮， 蝦蟹都好大隻，貝殼類(花甲、鮑魚、大蚌、皇蜆)直情無得頂店員會定時過嚟睇下我哋煮成點，每張枱都有一張紙、一個計時器教你哋每一種食物要煮幾耐，跟住做就得。話明粥底火鍋，梗係有粥啦！店員會最後加埋其他配料：南瓜 、冬菜、蝦米 、粟米落去個粥底喥去煮。講真食埋個粥我哋四個人都好飽lu總結，呢個價錢又有海鮮，配料又有豬、牛及其他，性價比的確十分高！ 我個人覺得值得再嚟多次，唯獨蝦、蟹如果能夠再大啲咁就一百分

開到兩點既鍋心，最近成為我地宵夜寵兒，搭程uber去到開餐😎粥底火鍋食過幾次，都未話好迷佢，但依間真係一試成主顧。冇加一，一個套餐勁飽，又新鮮又好味。一去到落單，揀五款，加自己既調味料，之後就等鍋底到。首先落海鮮食，鮑魚、蜆、大蚌、蟹、蝦、多寶魚，樣樣新鮮，彈牙又大隻，不得了。之後落素菜，南瓜、芋頭、粟米，三樣野都為個粥加唔少鮮甜度。再之後就落五款料，第一次我地揀左豆卜、魚腐、肥牛、餐肉同萵筍。魚腐必食，睇個樣肥牛一般，但我冇食到，萵荀都夠甜，豆卜就太多食到小驚，餐肉我都唔食就唔知。最後加粥膽，個時個粥已經有哂海鮮味，個料又新鮮，加埋香辛料真係不得了，食兩三碗都得，奈何太飽。依間真係又抵又好味😋😋😋😋

聽說海皇的粥底火煱是跟鍋心的，朋友見開了新分店，所以相約一試～15種食材，每位$198有計時器，也有貓紙教大家點食法不夠喉還可以追加配料飲品選擇不算多店家亦很細心列出每種海鮮食材的烹調時間，保證跟中就不會浪費新鮮食材白粥火鍋底跟海皇的不一樣啊XD海鮮全部都很新鮮，分量也足夠還有其他蔬菜和丸類手打肉丸還有豚肉、牛肉、腩肉都是有水準之作大吃海鮮後粥底很鮮甜美味，而且不會很油＄198位雖然不是任食，但用料靚已經值回票會了﹗

成班朋友食飯，食火鍋就最開心，一齊十下十下咁。呢間鍋心想食好耐，但長期都full booking。本身想Book佐敦分店，但已經full 左，唯有黎深水步啦。黎到嘅時間見到多人得誇張！想食一定要Book位，walk in我認為係無可能食到的。個個等入座,好多人呀套餐黎，自已揀配料，再加埋預設左的海鮮。蟹 勁多膏呀！蟹膏好香，蟹肉鮮甜。魚 因為有骨，魚類似乎朋友唔多like，份量都幾多，魚肉都算滑。牛肉　薄薄地一放入鍋就好快熟。肉香都幾濃。食到最後粥底愈煮愈濃。肉丸加入粥到一齊煮，帶有肉香，個粥更好味。肉丸真材實料，唔係普通成粒膠果種丸。最尾個粥好鬼正，好鮮甜，煮埋好多海鮮嘅精華，味道一流。有少少咸，因為多款海鮮加加埋埋好多海水味。最後加入少少香料煮，更加美味。

晚上七點十五分我問三位有冇枱？有個類似店長嘅人話八點半要交枱。咁我地話冇問題。佢話八點半食唔切都要走。我話你上得切菜嘅，我地就交到枱。我地食得好快。估唔到果個人竟然講，咁唔好嗱，你地走啦。d態度仲要好差。真心每人$198都唔係平啦。你做唔切一係就一早講full booking唔入客啦，唔好叫人交枱，要人地食唔切都要走。短期內都唔會想幫襯

小編與友人當日八時左右到達門口 見到門口如此人山海 小編友人曾經嘗試訂佐敦分店，可惜已經滿座只好訂深水埗分店。入座後會填寫餐牌，只能選五款，不是任食的，如果不夠食可以再另外單點的。不過以小編和友人兩位女生的食量其實不用再單點的。入坐後，會有一盤沙律同芝麻醬海鮮方面都幾新鮮，分量方面都多，每樣一碟。牆上或者枱上都會有個計時器，畀你係煮海鮮既時候計時，每樣海鮮大概煮分半至兩分鐘半不等，詳細要問番店員。小編對蝦敏感，所以問店員可唔可以換其他海鮮畀小編，最後都有換到蜆畀小編，十分感謝🙇🏻。不過蜆方面都真係有頗多，有點可惜🙁。其他食物方面：日本山藥豆腐-小編是因好寄才會選擇的，可惜有點失望。口感有點像豆腐卜。黑柏葉-切得太細了，煮熟後會"縮水"變成了這樣。服務方面還可以，間唔中會有店員黎過來幫你睇下你煮成點同埋幫你調教火既大小。不過係最後落粥底後，有店員走過黎用有點像"質問"既語氣問小編及友人為何不加南瓜，有點嚇倒到我們。總括而言，服務方面還真的不錯最後的粥底，真的有點咸，小編食完後後都喝了幾杯水才能解渴。以這個價錢有這個質素已經很好，對得起這個價錢的質素。

平安夜約成班好朋友一起去食粥底火鍋,呢間都係上網睇到之前未試過!我們訂左晚上8:30, 早到左已經見到好多人係門口, 但原來佢都係要8:30先開始放人入去因為第一次來,咩都唔知,見餐牌又無價錢,所以要問人點叫野食~~大鄉理咁原來當日係每位$198加1, 包7款指定海鮮,粥底料及任選5款食物,都真係好抵,呢D日子都只係呢個價錢,好~~去食物相,但只影了最初來的海鮮,其他食物掛住食無影到,哈哈仲有碟飽魚好似漏左影!我地另外拎左兩支白酒去,開瓶費每支$30, 都算合理吖!呢餐食得好滿足,會再來!!唯一唔好係我地訂8位佢只安排6人卡位,所以坐得好迫,不過呢D日子算啦!!

本身諗住平平地去食個m記就算，點知經過見到呢間新野幾平就屁股痕試下...上到黎坐底見到餐具有少少唔乾淨。麻辣湯底麻麻唔係太好，點煲都冇乜麻辣味同得層辣油係面，唔係正宗麻辣湯底黎既。皮蛋芫茜湯底要煲耐d先會入味，一開始飲落好似清湯咁，煲耐左就真係會有皮蛋芫茜。以為好似平時任食火鍋咁出黎既數量會好少，但原來都幾大份，叫多左食唔晒....服務質素唔差，幾好。環境都幾大，張台夠大.......唔錯唔錯.....整體黎講唔好亦都唔差啦.......

有時兩個人打邊爐最麻煩的地方係唔叫得多，但近排主打粥底海鮮的火鍋店就幫我地解決左呢個問題，佢地劃一以人數收費，可以試到唔同種類的海鮮同配料，其中一間我比較鐘意的鍋心，見到近日長沙灣開左分店，即刻要黎食番餐。鍋心主打用時令海鮮，加埋最後的海鮮精華粥底而盛名，最重要係每位唔需要$200就落到樓。一開始就有沙律食住先再叫配料，包括7款海鮮同埋5款配料，最後仲有海鮮精華粥食。首先主菜海鮮方面，今日有蟹、蝦、沙白、白蜆、鮑魚、珍寶蚌同埋珍寶魚。蝦蟹肉夠甜，沙白同白蜆無腥味，夠晒鮮。鮑魚同珍寶蚌大大件，最後珍寶魚夠滑，基本上我唔需要點醬料都夠味。除左蜆有時有少少沙外，其他都無咩挑剔。之後就加定芋頭、南瓜同粟米等煮粥，再順便食配料，雞骨丸同豚肉不錯，或者係粥底，雞件都夠滑。之前係食過油炸鬼，但估唔到響鈴吸左湯底都好入味，效果仲好過油炸鬼。最後，侍應將芋頭南瓜粒變蓉，融入個粥底，加埋粥膽同埋豬油渣同菜脯等配料，我地兩個人分別食左四碗粥，充滿暖烘烘的感覺。最後不得不讚一點係老闆同侍應的服務態度都好好，首先一開始教晒你放邊樣先，定時就走埋黎同你加埋，提埋你幾多分鐘，仲有最後同你同埋煮埋個粥。而有另一枱客之

因為朋友參加鍋心Facebook抽獎遊戲得到4位免費試食黎之前已經聽聞這間火鍋超讚.對於我這個邊爐控實在興奮試食時段安排左係8點半到11點此時段.入座後店員就放左一鍋粥水上來.HKD198餐係包左前菜沙律7款海鮮大蝦(好新鮮..要夾實放落去)膏蟹(超多膏)鮑魚,大蜆(鮮甜)唔記得左個名既貝類(細細粒..建議先食呢款)花甲(鮮甜到不得了)5款自選配料.我地分別選左自家手打雞軟骨丸(入口爽脆味有點偏咸)肥牛(因我唔食牛.同行朋友話好食)黑豚肉(唔會好肥)窩純及花姿丸(太普通,所以唔記得影相)此店還會教食物先後次序..當食哂後店員會攞個粥膽來幫忙弄一鍋充滿海鮮味既粥作結尾.不要看少此份量..食到蠻飽的呢!