鍋心粥底火鍋 (順寧道)

营业中

休息中

早兩個禮拜都book唔到佐敦分店8:30嗰節 好彩深水埗分店仲有位✌🏼一行6人去食近期好hit 鷲哥賣哂廣告既海鮮粥底火鍋打邊爐 位位$198冇加一 飲品另外散叫 套餐已包7款海鮮 另自選5款火鍋料 最後仲有粥 計埋野飲 每人埋單$215 8:30食到11:00 海鮮超新鮮 真係抵到爛😍😍😍#膏蟹 一開波食蟹先 每人半隻 睇下啲膏 omg dor本身唔食蟹都覺得好食 真係好新鮮 個粥底係冇味既 純粹靠食材既鮮味 碟豉油dor成餐飯都冇點過#鮮蝦 每人有3隻 都好大隻下 上枱仲聽到啲蝦係咁跳 記得要小心啲落 因為太新鮮 會彈到周圍都係 #鮑魚 每人一隻 好大隻仲識郁！好好味 記住唔好煮太耐丫#蟶子 好新鮮好好味 每人得一隻唔夠喉😂#花甲 #蜆 份量好多 相比其他海鮮呢兩款一般#多寶魚 好少喺火鍋食到多寶魚 dor就好鐘意 不過朋友覺得有啲腥食完海鮮可以食自選火鍋料喇 唔夠仲有得散叫 不過都唔會唔夠食 份量好大 其中推介 #手打雞骨丸 #黑毛豬梅頭肉 份量好多又好味最最最後有店員會黎煮個粥 將海鮮所有精華加南瓜 芋頭 粟米 真係好正 可惜我地太早落芋頭同南瓜 加上加左太多水打邊爐 啲南瓜芋

鍋心粥真係好好味😘，D海鮮🦀仲好新鮮❣️鮑魚，蝦果d仲識郁架，我唔要魚，就轉多份蜆比我😋個女仔員工又好nice , 煮埋個粥真係Yummy Yummy ! 一人食左兩碗，仲食唔晒，打包回家。😜😜😜真係好full....早d book位。

之前已經好想試 但次次都見到勁多人😅今日一行12人book到位終於食到😁佢分2個時段入坐! 每人都跟一份海鮮😋有蟹、蝦、飽魚、魚、北寄貝、蜆、花甲！海鮮係勁新鮮！鮮甜到不得了😍🤗😋因為我地12人睇落份量就多d, 蟹一人半隻~仲有其他蜆、花甲我諗住一人幾隻~飽魚、北寄貝一人一隻!然後呢，火鍋料就唔算太多選擇！但係火鍋既料就不過不失！只可以揀五款人頭份量或者十款冇咁多份量既火鍋料！中途加芋頭南瓜落去煮煮煮...最後將食剩嘅火鍋料全部撈起！開始整粥底！個粥超鮮甜！勁蟹粥味😍😍😍總括超抵食啦！$198唔洗加一食到飽哂！

食才用料新鲜，份量足夠食用。粥底味道甜美！值得一讚嘅係。煮食指導表，時間控制準確。令到每個品嘗者，也可食到最鮮味嘅食物。價格方面。非常合理！平均每個兩個星期，都會帶朋友品嘗

經朋友介紹 好似好好 食話海鮮好新鮮 就去左 佢分3場時段 book左第1段6-830 因為第2段冇晒位一開頭比左個沙律 但係好大碟 食唔晒 但味係幾好食之後佢就比左個粥水底打邊爐 海鮮好食 蜆冇沙 唔錯 蟹都有膏 但唔係好多 可能睇時候啦 之後食晒海鮮 就食其他邊爐料 overall 都新鮮 個丸我覺得一般 但錯在叫左響鈴 因為打完邊爐就會整粥 搞到成煲粥都有d油益味 強烈建議唔好叫響鈴！！！個粥係好食既 但已經太飽食唔到太多整體係幾好 服務員都細心幫手睇 同提客人食咩先。 唔錯

一早約好成班同事去食鍋心粥，佢係分時段既，我地收工先去就只能夠訂8:30 果場啦，咁呢度就$198 再加一，有7款海鮮，再自選5款邊邊配料！ 睇個價錢係吸引既一坐底，海鮮先上！睇落去海鮮都好新鮮，🦐🦐黎到仲跳跳下，好生猛🦀🦀都好肥美，鮑魚，蚌，蜆，魚睇落都好新鮮🦐🦐好鬼彈牙，正到俾！鮑魚好淋身，完全冇縮，好鬼甜！用粥底煮海鮮都幾得意，D海鮮都好甜，粥底仲好有鮮味但配料就一般！響鈴有少少淋左肥牛就差少少，冇乜牛味！最後食晒海鮮同配料，就會煮粥埋尾，味道唔錯！

其中一個朋友食過帶我哋去，我哋總共有六個女仔去，叫咗七個海鮮加五個自由選擇嘅食物 ，所有海鮮都非常之新鮮，全部都係活嘅! 會郁嘅! 連隻鮑魚你都見到佢仲郁緊， 大概有6cm咁大， 煮熟咗唔靭好爽口，唔黐牙。落蝦時隻蝦仲跳出來，彈傷咗我朋友。食物新鮮自然就好好食， 完全冇得彈。 最後個粥底仲有加咗芋頭同南瓜， 工作人員埋嚟幫我哋整，又係好好食。 我哋每人叫咗一杯嘢，買單都係二百鬆啲，個個都飽到不得了，非常抵食。 但通常要早少少book，如果唔係好難先食到。 必定會再返嚟食!!

今晚同家人去左呢間係深水埗既分店食粥底火鍋～兩輪時間： 揀左食第一輪，唔使等人食完先入座～每人一個價錢（要加一），包一set 海鮮同自選配菜，飲品另計呢d 就係5人份既海鮮！有蟹、蝦、鮑魚、蚌、多寶魚、白蛤同蜆餐廳有提議先食海鮮類，及每款海鮮所需煮熟既時間。睇圖就知d 海鮮好新鮮！鮑魚彈牙、蚌爽口、蟹鉗我約佢全隻剝殼...啖啖肉😋只要海鮮新鮮，就已經好好食！但d 蜆類卻有沙，冇乜食。配菜類揀左花膠、鮮雞、肥牛肉、雞軟骨丸同黑豚腩片。全部都質量幾好！不過個人口味關係，雞軟骨丸不太特別～整體不錯～店員不時會幫忙你，最後既粥亦會負責煮加上炸豬油粒、菜圃，幾好食～

今次又食粥底聽講係粥底始祖 緊係要試下位位$198先來調味土耳其汽水到了 賣相一般 鮑魚細隻但都好鮮蜆肉細細粒隻蟹都幾大隻 但唔夠多膏肉質都鮮甜生蝦咁跳 好新鮮話咁快就食完海鮮到食配料最愛既嚮鈴脆卜卜黑毛豬梅頭肉唔知咩部位 不過都幾爽手打雞骨丸 推介呢個幾有新意 如果鐘意食雞軟骨既朋友就好鐘意農場雞好鮮甜 好好食粥底都係食唔哂總評 味道:中上環境:新淨企理 坐卡位更好服務:員工還可以 老闆都會落場招呼衛生:乾淨 抵食:物有所值因為加既係粥水 所以個煲一路都好淡材料鮮味搭救

早排同朋友試下食e間粥底火煱，我哋一行6人，要座卡位相當逼夾。我哋叫咗個6人海鮮套餐先。佢哋牆邊有貼住海鮮最佳煮食時間比大家參考。首先食既係鮑魚仔好新鮮，之後再試扇貝，之後食條多寶魚勁滑，再食蝦好新鮮仲周圍跳，花甲同蜆（一般），之後再落蟹有3隻，不過得一隻Ok,另外兩隻有d水，之後再加肥牛（一般），黑毛豬（ok)，D蝦滑好味到叫咗兩次，腸仔及午餐肉等……，再食個粥底大滿足……不過走咗唔夠十分鐘就覺得好頸渴。

久聞此店一枱難求，深受大眾歡迎，故朋友預早三星期卜位，6時達門口已人山人海，幸而早有預訂，否則即場到來必定望門興嘆。安頓坐好後立即揀選5款用料，因為一個價錢，已包括是日生猛海鮮，以及綿滑粥底，這晚更有特價蟶子10蚊一隻，當然是按人頭落單。店員先送上沙律讓客人醒醒胃口，才端上一鍋粥底，再送來七款海鮮：羔蟹、海蝦、花甲、蜆、龍利魚塊、象拔蚌和鮑魚，材料新鮮，鮮蝦蹦蹦跳跳。我們按著指示計時將海鮮逐一放下煮熟然後品嚐，接著再放單點的蟶子，爽口彈牙。吃過海鮮後再加肥牛、響鈴卷、花膠、自家製豬肉丸和雞肉丸，吃完後才加南瓜粒、芋頭粒和粟米熬粥，最後加上配料融為一體，由店員窩心體貼的給我們攪拌妥當，才送進肚裡，帶著暖暖和飽足的感覺離開。

呢間主打食粥底火鍋既餐廳成日都FULL好難得早一星期前Book可以訂到星期五晚開餐!有6:30pm-8:30pm/8:30pm-11:00pm 2個時段可以揀我地揀左食8點半個場~當晚好準時就到左! 但都係要等~ 等左差唔多15-20分鐘終於入得!一開始個粥底係純白既~其間~D店員不停過來serve你! 因為有食既次序! 佢地又怕會你煮得太熟~總之好殷勤!自水滾以來呢2個幾鐘個口都未停過!D海鮮全部都好新鮮! D蝦仲識跳~嚇鬼死! 而且份量又多! 食到最後個粥就變左咁~ 都幾甜既!每人200幾蚊食到超飽~好滿足!

$198有七款海鮮，粥底同五款配料, 可能太多好評期望太高有小小失望而且果到D位有D迫坐得唔舒服, 怏怏趣食完就走我去食果日有蟹,鮑魚,扇貝,蜆,魚,北寄貝,蝦,另加入$10/隻蟶子, 一坐低無耐就會問你加唔加, 講真$10/隻真係好抵.食完想再加都無晒蟹好多肉又多膏鮑魚新鮮又彈牙扇貝夠大隻同鮮甜北寄貝好爽口魚勁多骨同太多脂肪蜆好細隻, 有D煮極都唔開口蝦得一隻新鮮到跳出黎, 其他都係死, 有兩隻D肉重要梅配料一定要簡油炸鬼, 配個粥底一流

呢幾年興粥底邊爐，之前都有留意呢間店既大圍分店，想訂檯但電話係打極都冇人既。見佢長沙灣又開左間分店，5點幾6點同朋友行過見裡面冇人，梗係衝入去試下一個字正.....正.....正，重要既野再講三次！198一位全包，有魚、蝦、蟹、鮑魚仲想點！細隻唔緊要，最緊要新鮮！其實仲包豬牛雞、雜丸個D，但咁普通就冇影相。雖然唔係任食，但一定夠飽！我食到唔唔記得留肚食個精華粥底夾硬食左兩啖咋，最後打包左個食剩既海鮮粥返屋企，又食又拎！

朋友在chat group 食完介紹，見D相唔錯，即刻臨時約左6個朋友一齊試。因為其中一個fd有見類敏感，所以由肉食起，最後先落海鮮😥 食物質素同味道不錯哦。，🙅不過位坐有D迫，同唔食海鮮嘅人就唔多抵la~