鍋心粥底火鍋 (順寧道)

营业中

休息中

男朋友話左要食粥底火鍋好耐，見到好多人介紹呢間鍋心粥底火鍋，終於的起心肝去試試佢。間鋪分幾個時段食，我地揀左8點半至11點（要book 位）。早左十五分鐘等門口已經好多人，8點40分左入到去坐底揀完送等多陣d材料就陸續送黎，速度都算幾快。D海鮮全部都好新鮮 好好食，D邊爐配料都好好食，本來以為份量好少唔夠飽，點知慢慢食食食下都好飽，如果食得慢會食唔切個粥添，見到隔離枱一大班人好多都食唔切，所以一定要食快啲😋😋另外飲品另外叫，要加錢。整體黎講都可以再食👍🏻👍🏻

朋友係鍋心忠實FANS，琴晚先係北角分店食完今日又同九龍友食過，非常捧場。我上次食鍋心已經係幾年既事，人總係好矛盾，有時覺得D 海鮮活生生咁係你面前bye bye 咗，有少少過意唔去，但又知道海鮮咁食先係最新鮮先好味。所以幾年前食完好好食後我都冇介紹我老公😅今次一行8人，d蟹同多寶🐟，真係好鮮甜，不過啲貝殼例如花甲同埋刀貝就瘦咗啲，啲鮑魚就好鮮味，另外我哋揀咗香腸同埋雞骨丸，最後啲香腸係多到食唔晒要打包，最後加埋南瓜芋頭落去再加埋豬油渣大頭菜，個粥真係又綿又鮮，正。

今年中秋佳節一家選擇食粥底火煱慶祝，好彩一早訂咗位，準時八點半到達門口已經企滿人。雖然唔係任食，份量多到食唔哂超飽都係每人兩百大元。海鮮新鮮生猛，蝦、蟹、蚌、鮑魚、花甲⋯⋯都好大隻。放隻蝦落煱時佢生猛到彈咗的粥水出嚟！😂其他配料選擇都好多，肥牛、豬腩、花枝丸，仲有花膠仔👍🏻美中不足的是我們一行九人，選擇8款配料時每様食物都係9人份量，唔係每樣野都9個人也喜歡。開始時我地問個肥叔叔可否份量減半揀多8款，佢話可以 ，後來經理又話唔得。有待改善囉！

朋友知道我鍾意食粥底火鍋,早幾日佢就帶我去呢間粥底火鍋店,原來要早1星期book先有位,我地book左8點半,一到8點半,職員就叫名安排入座,呢個時段門口都好多人排隊等入座,一坐低職員先比個調味架我地,好快已經上個粥水底,枱上面仲有1個計時器,枱邊會有1張紙教客人每款海鮮需要煮幾耐,原來呢間店唔係任食,又唔係碟碟計,而係海鮮揀5款,另外仲送2款是日海鮮,火鍋配料揀8款,聽落去好似好少咁,都會驚唔夠食,但原來唔會唔夠食,我地揀左多寶魚/鮑魚/蝦/花甲/扇貝,是日海鮮有肉蟹同沙白,職員唔會一次過上灑咁多款海鮮,佢地見我地差唔多食灑佢會再上,唔會搞到張枱無位,肉蟹多膏多肉 ,貝殼類又唔會有沙,所有海鮮都係新鮮, 蝦仲要係跳下跳下,食粥底火鍋有個好處就係可以食到海鮮原本既鮮味,火鍋配料我地揀左自家制手打雞骨丸/油炸鬼/響鈴卷/魚皮餃/脆皮芝士腸/蒿筍/蘿蔔片/鮮淮山,由於第一次食,都驚會唔灑,所以火鍋配料我地都唔敢揀太多既肉,上火鍋配料既時候,職員叫我地將佢地準備好左既南瓜粒/芋頭粒/粟米件一齊煮,食到最後,配料我地食唔灑,我地就放埋一邊,叫職員幫我地準備最後一個環節就係食粥,職員就拎左一兜粥

粥底海鮮鍋聞名不如見面，終於有機會可以一試，好好彩即日電話book枱都可以成功預約，可能係閒日啦。去到見到walk in 真係會無得食，所以成日話，機會係留俾有準備嘅人絕對係食方面都係冇錯㗎！第一次食唔係好識叫，原來可以揀五款海鮮，八款配料。望落好似好少咁，但依個份量都足夠飽到上心口。5款海鮮揀咗：鮑魚、蝦、花甲、貴妃蚌、刀背2款特選就指定左係肉蟹同沙白海鮮總共有7樣，樣樣海鮮都好生猛新鮮仲有烹調指引，每款海鮮要煮幾耐，完全岩我d成日煮過龍煮到老晒既人睇，果然鍋心肉類都好新鮮，肥瘦適中，又嫩滑。多幾片就更完美。一開始既清泉，白粥水湯底煮過海鮮同配料後，店員會送上南瓜粒，芋頭粒同粟米件加入鍋內繼續煮，待所有配料食完後，南瓜同芋頭都熟透，店員便會表演海鮮粥既製作。將所有肉渣過篩，壓碎南瓜同芋頭成蓉，加入菜甫冬菜粒，便大功告成海鮮粥。經歷過歲月既蹉跎，普通粥底都變為鳳凰，有海鮮同肉味既精華係好食又真心夠飽。二百幾蚊一位又有咁多款生猛海鮮食，下次可以再幫襯。

第二次光顧這間火鍋店食晚餐，食材新鮮，店員有禮，價錢合理，食巿亦細心預備了煮食各類海鮮的所需時間清單，以免食客未能享受海鮮的最佳時間。值得一去再去的食店。因食材新鮮，當大家將各類海鮮肉類蔬菜食完，店員會細心將粥底的多餘食材盛起，加入已預備的白粥，冬菜，芫荽，豬油渣等在粥底，煮滖，就可以食到美味的粥。

食好多次都很有水準，海鮮都很新鮮，都介紹了好多朋友一齊去食，每次朋友都讚不絕口，回味無窮，話要再食！時段方面如果可以調節早一點大概7:00-7:30開始，會更加理想，不用食到11點夜晚！有小朋友一起食就會比較夜了一點！

呢間嘢其實一年前朋友就話好食，但我心諗打邊爐嘅都係咁有咩咁特別😂跟著我媽心血來潮話想食粥，我勁憎食平時，但我鍾意食海鮮😆所以就記起朋友講呢間，就打去問下！本身想去佐敦，點知打去話full哂！得返深水埗有位，問完呀媽佢話ok咁就照去，因為其實我帶住試嘅心態又未勁爆想食！但講真食完真係勁飽，佢仲可以比你拎走，唔怕浪費食物🤙🏻最重要我想讚佢個粥鮮到不得了！你真係咩豉油醬汁都唔駛落，個粥底加埋豬油渣不得了😂😂😂啲蝦活生生嚇親我😂所以覺得$200 連加一絕對抵食，同埋一定唔會唔飽，只會飽到要拎走😂

正日生日飯去食海鮮火鍋，再次來鍋心粥底海鮮火鍋上次朋友帶去佐敦個間，食完超回味無窮！又要再講，減磅期間這係第二次打邊爐好掛住D響鈴啊終於再食到！想唔想像到我既開心發現自己食唔到太油又想朋友都食得開心，我同朋友都想起這海鮮火鍋店今次選了深水埗分店，坐得好舒服！這店的海鮮用料好新鮮蟹X超大隻、鮑魚新鮮、D蝦仲跳緊仲有貴妃蚌！最後食埋個粥，精髓所在！最開心個個都大滿足！咁食生日飯，無論我幾節制都要多做運動控制返體重捧著肚子回家滿足睡

今日食神帶路，去到呢間位於深水埗嘅窩心粥底火鍋，話呢度嘅海鮮邊爐好抵食。我仲以為全程都係用粥嚟打邊爐。點知一開始食嘅時候先上一煲粥水，係無米嘅。根據大會嘅介紹，先落蟹同沙白做返個湯底先。 蟹就真係好鮮甜，沙白烚熟咗之後細細粒，食落冇乜感覺。食完呢兩樣就食其他海鮮，我哋叫咗多寶魚、馬刀貝、鮑魚同蝦。小弟不太鐘意多寶魚的肉質，略嫌有啲削。鮑魚上枱嘅時候仲係生嘅，馬刀貝都好鮮甜。食完海鮮就開始食其他配料。我覺得肥牛大大塊都好好食，而雞骨丸軟的感覺好脆口。 用台灣腸嚟打邊爐我都係第一次。不過炸響鈴同炸魚皮就遜色一點。啲魚皮好碎， 無得大大件食唔夠過癮。食完海鮮之後，侍應就會叫你落埋南瓜同埋芋頭做湯底。 不過食神話落咗南瓜同芋頭後，煲嘢就會杰咗，用杰咗嘅湯底打邊爐就不是太好。食到最後就係煮粥嘅時間。大會話可落埋其他配料如豬油渣同大頭菜等等一齊煲。不過，我食完都係覺得粥嘅鮮味唔夠。價錢方面，我哋叫咗成七八支啤酒，再加6枝其他飲品，埋單都只係每人250蚊，真係十分之抵食。 另外服務員的態度也很好，應該會再嚟呢度幫襯。

第一次幫襯覺得這間平靚正人均消費233，因我們加了蠔各一隻及飲品，正得再去，但去食前必须book位，手打鷄軟骨丸就等得有點耐，服務都尚可接受，食物質數很新鮮，可能因為地區平才可以做到此價廉物美的食材！

早前與一班舊同學相約吃晚飯有居住在附近的提議吃這間粥底火鍋因網上的評價好像不錯雖則我用餐的日子是平日可是等待的人數非常之多(因分時段入座)估計沒有訂座根本就不能入座這是最初最初的時候，火鍋的樣子清澈的湯底，味道平淡，不會搶了海鮮的味道它不是任食的火鍋一開始會遂一送上花甲、皇蜆、大蚌、鮑魚、蟹、蝦和魚等七時令海鮮可能會有變更，視乎當天我沒有一一拍照，因為位置問題蟹，是中間一刀一分為二其實很搞笑，因中間本來很多蟹膏一放下鍋煮滾已經失去了很多蟹肉和蟹膏但味道是好吃的唯部份朋友厭拆蟹麻煩鮑魚，非常新鮮，看到邊邊位會動的有些朋友可能不知道原殼上的鮑魚要咬走下面的內臟一來味道腥，二來很污糟的還有蝦都想說一說雖沒有拍照但非常新鮮店家會用另外一隻碟放在上面防止牠們跳出來而且蝦殼很容易起非常鮮美除了七款時令海鮮，還可以自選５款食物其實份量都非常之外所以不用全部叫肉、肉丸等等另外，請注意飲料並不是任飲，要另外散叫

入場分2輪，第一輪係6點到8點半，而我同屋企人記Book左8點半到11點半果輪。但8點半都未入到場，大概都等到差唔多9點先入到。D海鮮唔係新鮮，係超級生猛。上到枱d貝類呀，鮑魚果d重係咁郁緊，d蝦直頭想跳出黎，要搵野蓋住個兜先得。所以每樣野食落口都好鮮甜。另外每人有半隻蟹，每位$200蚊CP值都好高下。野飲就另計的，當日4個人食左900蚊。佢係set咁叫，唔記得有幾多款野比你剔，但最後我地4個人都食唔曬最後上既豬肉丸同五花腩。係滾都唔滾就直接打包d肉返屋企，因為真係太飽。粥都一樣，每人食左一碗就打包左返屋企。個粥真係超正，吸曬d海鮮味，加埋d配料，超香甜。不過唯一要挑剔既地方就係，個時段係雖然去到11:30，但其實我地都想快d食完閃人，因為第二日要返工嗎。但上菜速度真係有d慢。一開始一樣一樣海鮮咁上，我地都按佢教咁滾足d海鮮咁耐，但每樣食完都重要等好耐下。員工雖然幾好禮貌，但同佢地講完，我煲粥水都就乾都好似冇點幫到手跟返張單。

經朋友極力推薦之後 同朋友一齊都好想試下呢間 book左幾次先有位 今日星期一終於有位果然無令我地失望 食料够新鮮 款式够多 幾個大男人都食到好飽 可惜最後未落粥底前 已經飲左d精華下次要再來過

今次同家人慶祝父親節，預早就book定枱尼食，晚飯時段6點開始，不過早去都冇得入，要喺門口等下先。一入到去，侍應就比左一鍋粥底，之後就陸續上唔同既海鮮，有蟹、蝦、蜆、鮑魚、貴妃蚌、魷魚等，其中最鮮甜就係蟹同埋大大隻既鮑魚！另外，仲有肥牛、豬腩片、肉丸等等，都唔錯。食完海鮮都已經飽飽地，之後侍應就拎埋配料煮粥，粥底索哂海鮮既鮮甜味，好味又暖胃，食完好滿足，仲要加埋其他order，埋單都係每人二百幾蚊，好抵食！