錦日本料理 (已結業)

在淘大商場活動一輪 , 食市的確很多 , 但好多時一個人好難找落腳處 ... 大xx , 老麥 , 真係唔想再幫襯... 中式酒樓? 一條友更難 ... 日本野? 呢個場都有幾間 ... 鐵匠成日無位... 呢間"錦" 都算係我有番叮既選擇 .... 晚上9點幾, 靜靜地享受下.... 我試過叫過唔同既 set , 但還是喜歡呢個 雜錦fish生set .... , 有一段時間無來 , 上台仍保持水準 , 服務員依舊欣勤友善 .天婦羅漿今次是多了些 , 但仍很脆 , 烏冬也很彈牙 , 當然壽司也很肥美啦.... 蒸蛋更是細滑 ...吃出廚師的心機 , 唔係流水作業式地幹 .... 最重要是水準穩定 . 吃完那份餐.... 真的還想再吃多幾件壽司 .... 很肥美...

今晚有家姐請食飯, 想食日本野, 但鈇匠無位, 便到此店試試. 家姐點了泡菜豚肉拉麵 ($39), 我點了生薑豚肉定食 ($68), 見到有種小食叫芝士半片($29), 問個侍應好唔好食, 他說好食可以試下, 便點了試試.家姐說個泡菜湯底好好味, 又唔算太辣, 而d豚肉份量不多, 但味道好好, 是有甜味的, 上面有紫菜, 粟米粒等, 味道同賣相都好.我的定食有好大碟豬肉及有少少沙律菜, 菜好新鮮爽口, 而d豬肉有林及入味, 味道是好的, 但全無薑味, 有點失望. 碗飯好大碗, 再配上一小碗烏冬及一小碟泡菜. 份量足夠.最特別的芝士半片, 炸得香脆夠熱, 味道幾好, 好似是魚蛋的口感(但又不是魚蛋), 內有芝士餡(但又無芝士味), 好得意的食品. 整體的食品質素幾好, 但座位有點迫. 侍應亦幾快手及有主動加茶.今日最開心是家姐請食飯, 感謝您!!

見到食評介紹好似幾好, 見到有個錦之定食幾吸引, 一心同朋友去食啦, 點知去到menu唔見有...唯有叫其他野, 我叫左個咖哩吉列豬扒飯, 朋友要鍋燒牛肉定食, 另叫多個小食--餃子咖哩吉列豬扒飯 d 咖哩ok, 可惜唔夠送飯...豬扒...炸得過乾, 麻麻, 朋友ge鍋燒牛肉定食 好似ok.. 而餃子就最差, 餃子皮同入面d料完全分離, 只只都甩開, 唔得!

是日爸b要開工,得我同仔仔兩個開餐,x'mas出街睇下仔仔想食什麼?點知佢一講就麥記,我當然話唔好啦!比佢激死,係麥記門口cry.....,正想屈服之際,佢話食壽司,都好過麥記啦.行過見呢間都有壽司食,又有位就呢間.見有一個套餐有壽司又有天婦羅,日式蒸蛋同細細碗的烏冬,好似幾豐富,就呢個,仔仔鍾意薯仔,就叫多個薯仔年榚.好芝士我我,就叫左個芝士燒茄子.年糕先來,好香薯味,加上小小汁,香租軟懦,真的一枝棒芝士燒茄子真的好香,甜得黎又唔搶喉,雖然平時唔多食茄子,但今次一個人都成條食晒.等了一陣,壽司套餐來到,仔仔第一時間就食左件蛋壽司,佢話好味,但其他壽司就睇都唔睇,真係激死!!!只好叫佢食烏冬,佢竟然成碗食晒(雖然細細碗,但平時叫佢食飯或麵,食兩啖就話飽,今次算奇蹟)跟住我叫佢食蒸蛋,佢個樣好勉強,食了一口後,佢竟竟竟然默默甘食晒之後仲問我可唔以食多個蒸蛋原來可以只order蒸蛋,$18,都ok呀.蒸蛋上面有些啡啡地的汁,幾鮮味,仔仔問我係什麼汁?只好問下個侍應,點知個侍應係日本人,只好用我極有限的日文加英文問,原來係海膽汁,唔怪得甘鮮味啦.仔仔話過兩日同爸b再黎食.

早前吃過兩次都覺得不俗,而且見過有日本人也來光顧, 這次跟友人吃飯就選了它,希望一洗上次難吃的甘味的記憶..友人點了牛肉烏冬定食, 我點了壽司天婦羅定食, 還有甜薯天婦羅. 友人也算「嘴刁」之人, 聽她說腐皮壽司和鳥冬做得不錯,我也放心了=P我的壽司有三文魚,熟蝦,赤貝,玉子,腐皮; 三文魚很「靚」, 甚至覺得比板長還要好; 人生第二愛的赤貝也很好吃. 烏冬吸收了湯汁,味道很好卻又不會太軟. 天婦羅有蝦,南瓜,茄子和甜薯; 南瓜的表現最好,至於甜薯天婦羅,友人說要是粉漿多一點會更好,我不喜歡多漿就覺得剛好,所以真是見仁見智.不過,最高潮還是我那個海鮮蒸蛋! 吃了一口蛋,真的很鮮味! 當時不懂形容就跟友人說：很「魚」... 那真的是有吃海鮮的感覺! 蛋裡還了些材料,當中有一塊相當大的蝦肉, 製作也相當認真吧. 後來吃到一口特別鹹, 才發現部分鮮味來自面頭那些焦糖色的液體, 應該是溶了的味之素(日本家庭日常做飯都會下的調味料), 但蝦肉給我相當大的印象分, 也就不太介懷.地點...位於麥佬後的巷, 不是太多人會經過, 更惶論認識. 不過我覺得質素比大街那邊的板長好得多!員工...態度都算

今晚想食烏冬，上網見到呢間餐廳comment幾好，就黎試下。點知野又唔好食，坐又坐得唔舒服。壽司天婦羅定食 ($69)：天婦羅幾香脆，但腐皮壽司和蛋壽司好甜，超難食。烏冬滑但太淰。蒸蛋好滑，但淋面既sauce腥腥地。海膽壽司 ($30)：海膽唔新鮮。鹽燒鯖魚 ($42)：燒得乾身，魚肉唔鮮味。豆腐沙律 ($28)：sauce酸微微和有芝麻香味，係最好味既一碟菜。除左食物差之外，坐得好唔舒服，同左右兩張枱相距只有半呎位，食完好快走左。

又係星期五晚搵野食既時候喇今日冇咩目標，去淘大行下街，男朋友揀左好多好評既錦日試下~~小店面積細細，裝修唔算好靚，但係都算整齊骨子~ 去到既時候見到有日本人埋單，應該都唔錯~兩個人嗌左︰ 燒靖魚+炸蝦定良﹕有魚、兩隻炸蝦、三文魚、白飯、烏冬(細碗) 鍋燒牛肉定食︰牛肉鍋、三文魚、白飯 燒廣島蠔 牛肉玉子定食既份量好足，其實唔駛嗌小食都夠~鍋燒牛肉味濃，但係唔係幾覺熱；男朋友既燒靖魚好似唔錯，因為佢好快就食哂，我試唔到 小食既牛肉玉子真係好食!!鬆軟多汁，唔可以話非常好，但係以價錢黎講(好似$2X) 算唔錯~ 反而燒蠔唔算太好…個汁唔係太啱口味~見到冬天餐牌仲有牛肉火鍋、海鮮火鍋、泡菜豚肉鍋，下次再黎試下先!!

今日下午一行5人在九龍灣食Lunch朋友說想食日本野於是大家來這試一下我們點了自選兩餸我點了三文魚蓉和牛肉三文魚可能不夠新鮮有一點腥,而牛肉就像吉X家的不過就冇咁鞋而飯食落去都幾好而朋友7 的豚肉,他們說不錯,另一個的叉燒拉麵也很食,可惜冇試佢地的烏冬,聽講幾好食下次要試一下

呢度d 烏冬真係幾好味! 因為我唔食魚生, 兩個人淨係叫左兩個烏冬同一客餃子~燒餃子ok~ 但不會令你印象難忘~吉列豬烏冬~ 豬扒係放o係麵上的, 我唔mind "淋"左, 好味! 反而覺得咁樣冇咁乾同熱氣~ d 烏冬好彈牙, 四十幾蚊有咁既質素算好抵食!! 另外仲有咖哩牛, 好香~ 不過我唔太鍾意食牛, 所以冇試到~但我frd覺得可以再encore!份量方便..可能我比較細食, 又或者唔係好餓啦, 我食一碗烏冬都已經好飽了...=_=侍應好好, 又拎櫈俾我放野, 又成日refill 綠茶~下次要帶埋男朋友黎先得

常上openrice的我，見到這間的食評很多也很不錯，就來試一試。等了兩個號碼，也等了十幾分鐘，如果不等，可在室外吃，送飲品的，但天氣熱，無謂要我們受罪吧。點了一客滑蛋豬扒飯，滑蛋真的很滑，一開始生了點，會越來越熟，等一分鐘左加後是剛剛好的。豬扒就很差，皮不脆不香，真的太淋了，連帶影響整個豬扒的味道，加上只有蛋做汁的情況下，豬扒味道又不夠，令整個飯很淡。牛肉麵套餐包一碗麵和一碗小小的三文魚碎飯和兩隻餃子。牛肉麵的湯底也有陣陣牛肉味，吃久了會發現紅薑味越來越濃，連牛肉味也蓋過了。牛肉是薄切肥牛，如吉野家的水準，也是幾好的。配菜如紅薑絲、蔥等都是用來吊味，不錯。三文魚碎飯，是很多三文魚整溶變成一團，三文魚用料不太好，三文魚鮮味不出，碎了也沒有溶在口中的感覺，配合大量的飯，的確是依賴幾片薑和一片蛋，所以整體是不對版的。餃子兩隻，幾入味，但是很油膩，真的一人一隻可接受，兩隻以上一定吃不了。加茶加很多次，不過茶沒有香味，整體來說真的不好，短期內一定不會再來。

今日外遊回港後的第一餐又選擇了日本菜這間餐廳經過就多,但都係第一次食我同黃兔分別叫了一人一個定食:壽司+天婦羅定食 - 賣相不錯! 有很多不同款式食物 ~日式燉旦 - 有蟹柳,蝦等,材料算豐富,但旦不太滑,及水汪汪! 壽司 - 三文魚,蝦 及甜旦, 食材算新鮮!剌身 - 三文魚OK,但有一種魚肉質就超硬! 我食唔慣呢!天婦羅 - 幾脆,但一咬就成口油烏冬 - 太軟身,但味道都可以!錦之定食 - 配搭有心思, 相信是該店的招牌定食油泡豆腐烏冬 - OK, 但有點軟身三文魚魚生飯 - 魚生新鮮, 唔錯波菜伴芝麻醬汁 - 幾特別, 個醬汁配蔬菜好開胃吉列炸蝦及釀蟹蓋 - 由於是吉列炸, 非常香口, 不太油膩, 釀蟹蓋好有心思黑椒牛柳粒 - 牛肉炒到熟透亦不韌, 味道剛好, 亦不失牛的鮮味雖然食物好味, 但座位太少和太窄, 不太適合一大班朋友聚會店員向每枱食客詢問意見以保持水準, 非常用心, 值得表揚

9點左右唔駛等,1位= =d餐亦比想像中貴..55$以上..原本以為4x~5x$就有結果點左 牛肉拉麵餐,跟小型魚生飯,兩舊煎較子前者湯好標準..係好味..但食多幾啖覺得未試出特式之處..下次會試第2款難度高d..牛肉都幾好..拉麵都幾好口感..飯就都好正,份量夠,味道標準,飯又好咬,餃子都出奇地好食,唔會話炸到皮厚過餡,,平民黎講本身想比ok..因為貴得黎唔算超卓,,但諗一諗魚生飯超市都2x$,,拆散計真係唔算貴既..何況有返咁上下水準..所以會再試既.

轉眼間..暑假便完結了......新學期第一件事....一定要食個開sem飯....等新學期有個好開始呢......一行3人黎到了好朋友haha o係openrice 精心挑選既"錦日本料理"lunch 時間好彩唔使等好耐我地3個都叫o左"吉列豬扒咖哩飯"吉列豬扒好脆....同埋豬扒好厚下咖哩汁好好味...唔會好辣....有點甜味..還有薯仔粒..紅蘿蔔粒...讚!!!!飯用上日本米...特別好味......另外...店內既綠茶都好好飲...

我從來都不會寫食評,好與不好,只會記在心,但今日竟有點不吐不快之感.24號係老婆生日,選了這店食晚飯,之前已經多次在這店光顧,日本人老闆係一個好nice既人.今次點了海藻沙律,燒三文魚頭,燒生蠔,紅酒漢堡.海藻沙律好爽口,估唔到洋蔥生食原來係好好味,沙律汁原全帶出海藻同洋蔥既鮮甜.三文魚頭燒得幾香口,這個ok,唔太特別.燒生蠔如往常肥美好味,每次必食之選.紅酒漢堡第一次食,肉質好滑好有咬口,個汁係當中靈魂,好味到叫多一碗飯,連汁都撈埋,老婆仲笑我好似細路仔.今餐老婆食得好滿意,正想再叫甜品之際,門口有個肥佬係甘用粗口鬧個女侍應,話佢等左45分鐘都冇檯,個女侍應好有禮貌同佢講因為暫時只有二人檯,佢地4個人坐唔到要等大檯,個野蠻人仲係甘衝上去想打人甘,好心啦,人地有檯唔比你就話啫,我兩個人都等左成半個鐘先有位,人家侍應打份工,做到冇停過,人客一埋單就已經即時安排比客入,你仲想點?個個都係甘等啦,又唔係得你一個等,你仲要講粗口鬧人,你有冇品呀?仲話人客永遠是對的,甘人地比張二人檯你地4個人,你會坐嗎?簡直無理取鬧....此時已經冇心情再食甜品,埋單走人.在此我想同個女侍應講,你服務態度好好,

之前在openrice search過，見到依間都好多人有好的評論，於是今日同個朋友到此一試，我們共同都叫了個咖喱牛肉烏冬，我個人覺得湯底真係好正!咖喱不太辣，烏冬又彈牙，不過d配菜就真係唔夠，而且餐牌的款式卻不多。