錦日本料理 (已結業)

放工後到九龍灣找東西吃, 記得見過openrice這店的食評滿正面的,所以便來到試試。今天晚上所吃的:鮮帶子併三文魚飯 - 這兒的刺身很新鮮呢! 而且三文魚跟帶子份量不少, 十分鮮甜美味。壽司飯的那種醋味也滿香的。味噌豚肉燒定食 - 開頭擔心味噌味道不好吃, 但這個味噌醬汁也很香! 整個定食也很惹味。餃子 - ok, 沒有太大驚喜。從此, 又多了一個吃日本菜的好地方 =)

看完《鐵達尼號3D》，專程到淘大商場的錦日本料理吃晚飯。店外有六、七人在等位，我們等了約十分鐘。店內面積不算大，我們與旁邊的食客十分接近，簡直就像「搭枱」。點了菜，等了差不多十分鐘已覺得不妥，事關我們點的只是魚生飯，只需要切，無需烹調嘛！要求侍應跟進，她便離開了一會，回來後說已在製作。我們只得耐心等候了。等呀等，結果等了半小時！到底廚房有多少個員工呢？實在毫無效率可言，浪費時間，令我十分反感！我們吃了～鮮帶子併三文魚飯($80)：帶子一分為二，肉厚且甜；三文魚有五片，很肥美，好！白飯不會太軟，質感尚可。雜錦角切粒魚生飯($68)：三文魚切粒，仍算新鮮；另外有蟹肉、蟹籽、蛋，味道不過不失。迷你烏冬：烏冬彈牙，有昆布味，味道不錯。日替前菜：賣相、味道都是一般。雖然食物質素尚可，但製作一碗魚生飯，要花30分鐘，慢得過份，我絕對不會再去光顧了！

係德福報完旅行團走左過淘大搵食，行左一個圈都冇咩特別野，就食番我例牌飯．．．日本菜”錦”係一個細細地既日式料理，招呼很好。食物方面都以街坊生意為主，設有套餐。我就叫左個極品刺身飯，套餐內容有一碟刺身飯同小烏冬刺身比我想像中多，賣相很好～刺身內容：海膽、三文魚子、三文魚、帶子、牡丹蝦、八爪魚、立魚、吞拿魚。海膽有少腥，其他刺身都尚算ｏｋ。$148有咁多野食都叫做唔錯　小烏冬亦比想像中彈，雖然唔係手打但都唔會粉團麵咁。可能冇抱太大期望所以今次都食得滿意

今日同老婆豬再到九龍灣睇mr. 老實, 先要食晚餐, 喜愛日本野食的為食豬因為上一次的滋味, 故此再到此店一食~~環境同服務同上次一樣, 在此不再多說, 有興趣人仕可到我上一次食評一看~~食物方面今次要了一個雜錦魚生飯+烏冬定食, 一個壽司+天婦羅烏冬定食, 同一客餃子~~魚生飯同烏冬是上次評過的, 在此不贅 (簡單說我自己很喜歡, 好吃~~)壽司幾好, 飯不是大大舊的, 根據老婆豬所說, 三文魚同甜蝦都鮮甜, 不過味道唔算特別濃厚, 我就食了甜蛋, 好食, 鬆軟唔乾身, 有淡淡的蛋香, 甜味不太過, 同蛋味相配得很好, 美中不足是這甜蛋是暖暖的, 如果是的話相信一定更好味~~天婦羅有蝦, 番薯, 茄子, 冬菇, 我同老婆一致認為冇一樣是特別突出的, 冇驚喜, 全都是有一般的日式料理可吃到的味道, 唔會差過人, 但又好唔過人禁囉~~最後餃子是令人失望的一道菜, 皮唔脆, 肉唔香, 無可取之處~~總括而言, 今次作過一些新的嘗試, 但卻是令我有些失望, 不過不是食物質素差, 而是我有太多的期望了~~那此店會否再來??答案是會, 因為以老婆豬的性格, 相信下次再經過時一定會再忍不住入去幫襯

特別前來九龍灣吃的日式食店，有水準的食物。而且價錢合理，值得推介。埋單＄130，算係平又抵食﹗waiter都好好，不停加水。但上菜就好慢，等左25分鐘才有得吃。而且，座位太少和太窄，不適合大班朋友聊天。雜錦刺身飯：三塊厚切三文魚、三隻蝦、二塊活魚、二塊甜蛋、蟹子、芝菜和酸薑，豐富的份量足夠地多。賣相一流， 魚生夠新鮮，順紋切法無渣，肥美好味。而蝦也新鮮好味，甜蛋夠甜。活魚肉新鮮爽勁﹗口感一流，令我好驚喜﹗牛肉烏冬(+$12轉)：海帶、香蔥在其中，牛肉多多，海帶軟，烏冬又好滑和彈牙。魚生飯：有五片魚生，二塊甜蛋、蟹子和酸薑。魚生刺身都好鮮味，三文魚很靚又肥美冰凍，質素很好的魚生﹗麵鼓湯：小小的一碗，好有麵鼓味道，好飲也不太濃。

這家錦一向風評不錯,一直都想試.呢日2個人無無聊聊又係淘大行來行去見6點左右都冇乜人,可能時間尚早, 所以我們倆便早一點入座吃晚飯.入到去到見餐牌好多選擇, 有好多定食配搭.不過第一次試,梗係散叫d,餐又叫d啦.所以我地2個人叫左:雞扒烏冬雞扒都幾大塊,但有點兒乾.湯底都算清得來帶點味道.烏冬冇食,不過另一半話還不錯.雞翼餃子一碟有3隻.賣相比餐牌的還吸引.飽滿既雞翼中間入面包住菜肉既餃子涵,如果d涵可以再熱d就更加好. 外皮炸得脆脆的,雖然十分熱氣都忍不住要一啖食落去.十分不錯.三文魚卷雖然味道冇咩特別, 不過賣相好花心思,值得一讚.海膽三文魚飯+迷你烏冬份量都唔算好細,一個人食剛剛好.海膽唔算好新鮮,有點一pat pat狀態,反而三文魚都不錯,而且都ok大塊.旁邊2舊凍煎蛋就失色左d,如果冇呢2舊野仲好.迷你其實都有半個烏冬,清湯都不錯,冇咩味精.最後試左個芝士忌廉雖然唔係好大杯,但係一食,嘩!好濃芝士味,再加上淡淡檸檬香,好濃調好滑.相比起黑芝麻布甸,呢個真係好食好多倍.下次我甚至願意再來幫襯佢只為呢杯甜品.2個人最後食左2百多, 話貴唔貴,平又唔係平.不過服務確實是不錯. 眼見

暑期"流流長"，出街熱到死，所以好多個商場都會攪啲特色主題吸引市民參觀，今天我和我朋友就選擇去九龍灣某商場喇！！影完相睇完靚野，梗要開飯！！！由於九龍灣都唔係我地地球，所以去之前就梗係上OPENRICE睇下附近有咩好味啦！近期暑假，出街出得多，唔想食咁貴，竟然比我見到依間－錦日本料理，價錢中特，但又有魚生食！一於去試下！我地大概夜晚八點幾去到，原本都要等位，點知前三台啲人冇黎到，所以大概４分鐘之後都入得。餐廳內面比我想像中細，有些少迫。如果你諗住一大班人去，睇黎訂定位好啲。坐定定之後因為個位係埋邊，啲waitress冇走到過黎我地果邊，要行出去cashier果面叫佢黎點野食～我地兩個人叫左三色魚生飯同鮮帶子三文魚飯（一個餐大約七十幾蚊，跟一個細烏東同納豆）！加一個海鮮炸卷（$44）!三色魚生飯O既三色係三文魚，吞拿魚同八爪魚～每種兩件！魚生味道都算中上！以依個價錢都唔期望食到好靚！但絕對唔差！由於個飯嘅份量唔多，大食嘅未必飽！我地決定叫多個小食－海鮮炸卷！內面幾脆～點沙律醫好好味：）最後埋單＄２１７！因為加一！所以最後每人大約＄１０８。。　不過如果大家夠食，唔叫小食只叫餐，應該一百之內

今日好開心同老婆仔一齊去九龍灣拍拖, 難得一場黎到, 當然要試下九灣的美食啦~在openrice和朋友仔的介紹, 我已經係心中有五強了, 而決定權當然係老婆仔的手中啦結果因為老婆仔的口味偏愛, 所以我決定食這一間"錦日本料理"了........我地6:30p.m.左右進入餐廳, 地方唔算大, 座位唔算迫, 亦都幾整潔.......我地叫左兩個餐, 老婆仔係"三色魚生飯+冷烏冬"$79, 我就是"雜錦魚生飯+烏冬定食"$69約等了10分鐘, 兩個餐也送到了, 三色魚生飯分別係三文魚, 吞拿魚同八爪魚, 每種魚生各有三片, 厚度像一般刺身, 根據老婆仔所說魚生味道中上, 由其三文魚味道濃郁, 比一般的好, 吞拿魚幾新鮮不過唔算濃, 八爪魚口感一流, 十分有嚼口, 鮮味ok而我個"雜錦魚生飯"d魚生係全是碎粒上, 大致上所有魚生都ok, 當中三文魚係最好的, 就算碎粒也是鮮味十足!!!!!!至於烏冬方面, 我和老婆仔都十分喜歡, 因為我地都係食在魚生飯先, 故食烏冬時已經是隔了15-20分鐘, 而且也不是熱呼呼的了, 但一吃下去也十分好吃, 湯底是木魚味, 有一種清新感覺, 相信是没有味精的

兩個人去食午飯唔洗等位~~鋪仔2細位置少少逼~~叫左個甜蝦刺身飯~有十隻蝦有個前菜同埋湯$39都算係咁~~另外叫左雜錦刺身飯兩種魚~三文魚有3塊有蝦~又有甜蛋~$5x(唔記得左...)加左十二蚊~將個湯轉做牛肉烏冬烏冬比刺身飯好味刺身~都可以~~不過d飯有埋個d酸薑咪....自己唔鍾意所以食落怪怪地~如果酸薑可以分開上就好喇~~不過總體黎講都唔錯~~waiter都好好不停加水食完都無趕我地走~服務加分~~下次黎食會試下大碗既烏冬~~

開飯喇！今天非常非常想吃湯拉麵，德福赤丸和百佳大排長龍，想起淘大有這樣一家日本菜，最重要是長期有位，於是便一試啦 說實話，歺牌上的相片，絕對可令大部份食客止步，因相片真的很不吸引 沒法啦，又想吃拉麵、又要即時有位，就試一試。樓面服務員有禮貌安排廚房外、收银處則的一枱，當然會較熱一些 阿牛哥後又一奇遇。 午市特價歺，非常抵食，2餸飯+湯=$4X元，於是幫仔仔點這個歺。Order前問服務員會是什麼汁，有沒有選擇。服務員對答也正常"要看看是甚麼餸，便會配甚麼汁。" 那就要"炸蝦+炸雞"，再問服務員會是甚麼汁? 於是....服務員拿走歺牌到廚房問師傅，夠認真但答案就...麻麻....是豬扒汁！即是甚麼汁？是否燒汁？酸甜的？服務員竟然說"不知道！師傅說是豬扒汁"我就真是丈百金剛〝摸不着頭腦〞？服務員竟然不知道甚麼汁、甚麼味？吾通"豬扒汁"是最新出品，所以連服務員都未見過所以...不冒險了咖喱豬扒飯+味曾湯 - 未送上枱己凍的咖喱和飯，咖喱容易凍..理解飯也不熱...奇怪相信紫菜碎不會令飯變凍 咖喱和豬扒錯，算好味。豬扒也像豬扒，不似其它店的日式吉列豬扒，吃到豬扒肉味，所以這豬扒合格

約了朋友去食午餐 女仔通常喜愛日式食品記得之後同佢都食過淘大三樓的和民時印象相當不錯 心想再去一時朋友提議還有爭鮮及這間錦日本料理爭鮮我也食過幾次 覺得(價錢)相當不錯 正想試試但因為先行經日本料理 所以先看一看門牌門外餐牌的食品不太吸引 價錢又不算平 本想走人但店員又相當有禮貌 加上門面予人正宗風味 也就人一世物一世啦午餐是兩或三餸飯 感覺比出面a la carte差頗多不太pro 我點的是薯餅併三文魚飯餐薯餅不錯 未有炸得過火而死硬 但等同出面的質素沒兩樣三文魚角 很一般 遠比想像中低飯餐之後的飯 味噌湯 真係無言無語 毫不突出好食午餐會加送一份小食 食過飯之後朋友仔問小食在哪?我估是一小兜 份量小得可憐的菜而一個午餐有收加一 但沒有飲品 要加錢才有罐汽水時呢間真係食唔過唯一可讚的是人手很夠!三個人!服務不錯啦

肚子餓，看見門外擺放了食物的樣子好像不錯，便走進去，我們兩個人一個叫了 一個set及叫了曼魚飯，曼魚飯大概等了10分鍾就到，不過醬汁很苦，很難吃，食完個飯那個set才到足足半小時，那個是棘身 壽司,那個刺身比平常吃放題的差很多又腥又臭

很久以前陪妹妹來過一次,但是我沒有食東西,今次同爸爸來吃個午餐.滑蛋雞肉飯$38~~滑蛋鋪滿成個碗,雞塊幾多吓,而且唔鞋,滑溜的蛋配著每一口飯,不知不覺食晒碗飯,非常飽肚自選套餐二款$44炸魚柳+高湯野菜~~魚柳香脆可口,野菜清甜炸餃子$10~~餃子炸到好漂亮,顏色金黃,好吸引,皮脆餡靚,但爸爸卻不太欣賞

老闆是日本人, 他待客熱誠, 可是, 待應的質數比較參差, 部份較年輕的待應較難溝通, 為了美食, 請大家多多包涵!!店內的空間較少, 坐得不夠舒服, 如果大家想坐得舒服一點, 可以選店外的位子, 但當晚天氣較為寒冷, 筆者和男友最後還是選了店內的位子。說回主題: 食物, 正正正! 我們點了雜錦魚生飯 - 賣相一流, 魚生夠新鮮, 從相中可以看到運用順紋切法, 每一件的口感都很好, 份量夠豐富, 蒸蛋夠滑, 正!海鮮鍋 - 同樣, 份量十足, 好食, 由於很多同類店都可做到這水準, 所以筆者傾向推介這店的魚生類。牛玉子燒 - 一上碟時已令我們食指大動, 很有牛肉和蛋味, 兩者配合得好好, 賣相很吸引。

淘大有好幾間日本料理，錦雖然店鋪細細，但食物水準都幾高，可能因為老板係日本人，注重食物質素。一人叫左一個三文魚海膽飯，$69碗，有五塊三文魚，同埋好大舊海膽，令我好驚喜！另外叫左個燒蠔，$39有三隻，好香芝士味！會再黎食，d魚生飯真係好好味～～