錦日本料理 (已結業)

新一年的米芝蓮, 在必比登那一方面, 也有一番新的景象, 當中也有不少新入圍的店子, 錦日本料理就是一例. 雖然是新入圍, 但就不是新店, 因為其實店子在07年已經開業了, 不過就突然在15年打入榜, 是否店子水準有大改進, 還是米芝蓮突然懂得這裡?是日跟文迪及小吉來到這邊商場拍照, 午餐就前來這家必比登店試試吧. 店子地方不大, 擺位幾擠逼, 但總算簡潔. 看看午餐餐牌, 價位相當經濟, 就在當中揀了兩客午餐分吃.田樂豬扒飯 $56: 8.5分, 先來的是田樂豬扒飯, 其實就是炸豬扒飯, 另外在面頭加上田樂醬. 豬扒炸得幾有水準, 熱辣辣, 皮夠香脆, 肉質也幾嫩滑, 最重要的是田樂醬是相當惹味, 加上田樂醬的豬扒, 食味提升了不少. 旁邊還跟上不少菜絲, 正好中和了豬扒的油膩感.燒汁雞扒定食 $59: 8分, 另外一客午餐是燒汁雞扒定食, 就是大路一點的款式, 雞扒質感不俗, 肉質不會太實, 配上燒汁同吃, 效果不俗. 同樣地, 亦是跟上不少菜絲, 實是比較健康的安排, 討好.黑芝麻布甸 $29: 8.5分, 餐後少不了的是吃甜品, 就來一客黑芝麻布甸吧. 布甸質感香滑, 黑芝麻香

經常來到淘大用膳的我,第一次來這間日本餐廳吃晚飯,餐廳座位設有室內及室外, 但火鍋是不能在室外進食的,所以想吃火鍋的人記得選擇室內座位喔!星期五晚上八時多, 餐廳門口仍有2、3張台輪侯,我們很快便進到室內的座位,既然可以進來, 於是便想試試在室外不能別的火鍋,我們二人選擇了三款食物.蕃茄濃湯雞鍋火鍋內有數件雞件, 菜, 金菇, 油豆腐, 豆腐, 蘿蔔 等...火鍋材料比想像中多, 雞件啖啖肉, 最精彩是蕃茄湯底, 非常濃郁好喝!如配飯/ 烏冬之類需要另加錢, 我們本身加了飯+蛋, 本身想整個 蕃茄蛋花湯飯, 但侍應溫馨提示我們通常海鮮鍋才會加蛋作泡飯用, 蕃茄鍋可以不加, 最後我們也聽了侍應的意見, 除去了加蛋. 天婦羅烏冬定食天婦羅炸漿剛好, 不多不少, 也沒有過火, 炸蝦不霉, 沒雪藏味道.烏冬份量略小, 如果大食的人會不夠吃, 烏冬軟滑, 湯底香濃但略甜. 南瓜薯餅 一份一個, 南瓜內餡很充足,  薯餅也大份, 可以share 吃! 讚!

平時都鍾意試開唔同地方既拉麫店架啦,之前都有諗過去呢間錦日本料理食,今日抽到時間去呢間食我自己叫左個炸豬排定食拉麫,呢個定食有一碗足料既拉麫,一塊大豬排同少少刺身.講左拉麫味道先啦,淨拉麫加配菜其實都已經OK架啦,湯味好濃之餘,拉麫又彈牙,再加埋塊炸到咁靚既豬排一齊食,真係不得了,十分十分之好食我個FD就叫左呢個天婦羅定食,佢話天婦羅都炸得唔錯,外脆內軟,金黃鬆化都幾好食.佢重話配飯食又有另一種滋味

淘大商場的食店一直都比對面街的德福來得多款及便宜, 之但係易手亦很快, 經常會見到同一位置的食店換新, 而這家日本小店, 卻一直沒有被取締, 可能是因為好吃......也有可能是因為難搵 ^^但別以為難搵就易有位, 街坊老饗老早就會來霸位, 小店只有約廿個位, 雖然店外也有"園景位", 但大熱天時就算送汽水也很難捱!開店時間是十一時, 這一次光顧是在十一時許, 但已經淨下兩張枱, 明顯街坊們都是等開門入坐。這小店最出名的午餐, 應該算是"三餸飯",(佢地有個比較靚既名, 但其實即係三餸飯) MENU 在openrice 已有, 除了三餸外, 更可外加小食, 與及upgrade 白飯至三文魚蓉飯或烏冬。魚生看樣子是不錯的,而野菜煮就非常有日本風味,炸蝦不是天婦羅, 是吉列皮, 香脆乾身卻不乾涸,汁煮牛肉比起吉野家好上一倍, 甜甜又有牛肉味,小食墨魚丸在香港來說是合格了, 但比較日本的差上幾倍, 外脆內乾, 木魚碎也不太香, 亦較少墨魚丸汁卻用上沙律汁.....55......我不喜歡......這間小店充滿日式家庭店風格, 而我偶然也會遇到位日本女士做待應及收銀, 不知是否老闆娘, 可惜

錦依間鋪頭就係淘大商場外既一個角落頭仔，未食過既絕對唔起眼嫁， 但佢實際上其實有好多熟客去食野。不過今次係我第一次黎,而朋友就黎過幾次,佢話有機會一定要帶你去食,佢話黎到一定要食依個牛肉蛋卷，當然係令佢一試難忘,我都非常鍾意,暖暖地既甜蛋中間仲有包着少少牛肉， 加埋少少醬油，味道會岩岩好，非常好味之餘,食落仲好有質感，同出面既蛋卷唔同不過味道都唔錯既,之後叫左個雜錦海鮮配迷你烏冬,依個都非常好味,而且份量都算好多，佢D刺身新鮮夠哂,有帶子,三文魚,吞拿魚同埋八爪魚，仲有魚子,不過佢個魚子比較上鹹左少少,之後試埋個天婦羅,都係唔錯嫁,炸粉岩岩好唔會太厚。之後朋友既海膽魚生飯,都幾正,雖然只有兩舊海膽， 不過食落都好過癮，海膽夠哂新鮮又夠甜,食落真係唔錯嫁。 

好久冇來食,早幾日來到休息冇得食.叫左:天婦羅烏冬天婦羅烏冬$63:烏冬比以前細碗左,但味道依然,都幾彈牙.湯有小小過鹹,魚蛋都可以.食第一口烏冬時發現有飄白水味,立即通知待應,原來係隻匙舀問題.天婦羅有2隻蝦,茄子,南瓜,蕃薯.天婦羅蝦比以前細隻左,炸粉厚左,生粉味過重,令炸蝦冇左蝦味,有小小過鹹,其他食品味道都可以,都係個炸粉味太厚及太重味.真令我有小許失望.

在OPENRICE上看到九龍灣日式食店的食評，因此到此一吃。不過位置有點隱匿，找了一會才找到。= ="拿票時，店員問要IN/OUT SIDE時，因為第一次來，所以沒特別去選。然後，坐的是店內的位置。後悔了，因為店內較窄、窗戶緊閉、空調較細，所以蠻「焗」的。反之，店外的位置雖然有寒風，但坐在店家準備的暖爐傘下，是溫溫暖暖的說。（等位時都站在傘下說）而且，燈光雖不太足，但二人面對面坐著，還是滿有情調。好啦…有看我之前食評的，都知道我倆二人有「選擇困難症」。所以在等位時及坐在店裡看餐牌…以下略。總之以下就列出食品吧。>w<"魚生雖薄，但較長身。飯是溫的、沒膠味。魚生跟飯用少許芥末黏著。口感不差。蛋煎得十分好，嫩滑、甘甜。牛肉不老、爽口，肉汁依在。想不到兩種好像「水溝油」的食物能有這麼完美的效果。（或是我見識少？！ORZ")每逢到日式食店一定會吃的「鹽燒鯖魚」，$52。看餐牌時以為價錢略貴，原來是有兩大塊的。配著白飯吃簡直一流，有如置身於日系家庭的感覺。（中二？！）煎得剛好，魚肉不老。用筷子可輕易夾斷，伴著白飯吃。肥美嫩滑，口感滿足。 豆腐、生蠔x2、大扇貝、海蝦…有點忘了還有

"錦"座落在淘大商場外的小角落，好像毫不起眼， 實際上有不少熟客仔光臨。 而我亦都光顧了好幾次， 今次終於若佢寫食評。今次亦是和男友一起到來！每次去"錦"我必定食牛肉蛋卷， 令我一試難忘！暖暖的甜蛋中包着牛肉， 再配上那醬油， 味道剛好， 非常好味兼有質感， 有別於一般蛋卷！(HKD 38, 5★) 今次我選了雜錦海鮮don 配迷你烏冬(hkd 133, 4★) 份量其實都算多， 小女子確實免強才可吃清 ╮(╯▽╰)╭ 刺身新鮮(帶子，三文魚，吞拿魚，八爪魚，魚子) 不過魚子偏鹹>< 天婦羅亦不錯， 炸粉剛好不厚。 還有熱食的胡蘿蔔，薯仔伴菜！不錯！最後，介紹男友吃的海膽魚生飯。 (hkd 92) 我們倆整愛海膽！！雖然這飯只有兩片海膽， 不過也很滿足， 海膽亦新鮮夠甜 >~<非常推介這間小店， 價錢不貴， 戶外坐位還有暖氣呢！坐在室外也不凍！

學生餐牌只要着校服就可以啦(學生證應該都得?)*咖哩烏冬$32 就係咁簡單有烏冬有咖哩有湯 但已經好好味 女仔黎講可以食飽飽啦 不過我覺得呢個比較普通*吉烈豬扒飯 飯同豬扒係分開嘅 豬扒好脆(不過最近好似縮左水)，而且淋上去嘅醬汁都好特別好開胃 我好鍾意食*沙律雞球飯(?) 呢個都係幾好味嘅~佢個雞球係炸左再淋上沙律 熱哄哄又脆 同埋個沙律好夾 夠味！*燒汁雞球飯 我覺得呢個稍微喊左少少 舊雞都好嫩滑 旁邊仲有沙律點綴好好啊！學生餐32-35 仲有湯飲~ 又食到高級味道 又吾+1好抵架啦

九龍灣淘大商場是一個美食小天堂。各色食肆，一應俱全，而且豐儉由人。相比起兩條街以外的德福廣場，人流更少，搵食都容易得多。這一晚，我們在淘大閒逛，途經這間選擇豐富而價錢實惠的錦日本料理，決定入內一試。小店格局，環境一般。牆上貼著的，不是和風裝飾，而是各色餐單海報。對於這間料理的第一印象，就是有很多很多套餐組合，令我患上了選擇困難症。　　每款套餐看起來都很吸引，除了主食外，分別配上天婦羅、魚生、壽司等等不同配菜。就像我點的刺身飯套餐，便包含了有多種刺身的珍珠飯、天婦羅、前菜、烏冬，相當豐盛。配菜方面，喜歡紅蘿蔔、竹筍、冬菇的前菜盒，尤其那竹筍咸咸甜甜的，惹人好感；蛋偏甜；至於天婦羅，是一蝦三菜的組合，粉漿和內裡的材料都不俗，值得一讚。　　來到主角刺身飯－－各種刺身中，甜蝦比較鮮甜肥美，三文魚、吞拿魚、魚籽中規中矩，惟八爪魚就稍稍遜色。總括來說，刺身雖不是好貨色，但以這個價格來說，水準合符預期，總算令人滿意。反而珍珠飯不夠香軟熟，須要改善。　　幾經掙扎的安娜，決定試綠茶冷麵套餐。材料不惶多讓地豐富，有三文魚魚生飯、天婦羅、綠茶冷麵。魚生、天婦羅就不重覆了，僅偷了一小注綠茶冷麵試試。　　我一向

呢間餐廳係我同男朋友去九龍灣食野的首選（晚餐）我地今次叫左天婦羅炸蝦牛肉溫泉蛋烏冬、海膽刺身同埋南蠻雞定食通常都會係熱食上先的，再來先係刺身。先講講個烏冬--點菜的時候一定要叫天婦羅另上，唔係上木台的時候就會林哂，一d都唔脆口嫁啦！牛肉的分量都唔少，足夠你每一啖烏冬都有肉的分量，個湯如果再甜d加埋個溫泉蛋會更好味的！無記錯好似係$53，以食量一反的女仔來講夠飽肚的！  刺身--食落有鮮甜的味道，之前都食過幾次，本身不太喜歡食海膽的朋友都讚好 ，價錢都係一分錢一分貨，要百幾蚊到，起碼上左木台一段時間都未起水先！南蠻雞定食-- 要加錢先有細烏冬，飯，湯同腌物（另外有款差不多樣的炸雞球果款係包飯的）個雞肉外皮脆脆的，入面就好滑（但又唔係有d粉粉地紅色的肉色咁，而係真係好嫩滑的白色），點埋個芝麻醬會更加好味！總體來講今次等左一陣就有位，上菜時間都快，侍應都好主動加茶，今餐飯都唔錯  

年初五開工,第一餐我地行左去淘大食晏,本來諗住食素的,但係未開門,係對面見到有間日本嘢都有諗過食既,就去啦,三個人每人點左一份LUNCH SET,嘩,有個定食好抵,59元可以選三樣嘢,都幾多款揀喎,我揀左三文魚刺身,薯餅同埋牛肉,賣相非常之討好,份量都唔細的,有一大碗飯,飯入面有些芝麻及脆脆地既嘢,好香都幾好味喎,一碗面豉湯,面豉湯入面有些海帶,豆腐,唔係好咸,味道OK,牛肉幾好味,如果多D汁仲正,都幾多的,薄薄地一塊,三文魚刺身有兩件,OK肥美,薯餅上面有些醬,都幾香口,好味的,入面好淋身的,不過唔算太熱.同事分別點左一個牛肉烏冬配壽司,烏冬幾大碗,係咖喱味道的,同事話好味及烏冬都彈牙的,壽司有四件,三文魚,甜蝦,魷魚及腐皮,賣相OK,我食左件三文魚都鮮甜的.另一個同事叫左一碗豬軟骨拉麵,都好大碗喎,佢話豬軟骨都好淋入味,拉麵都OK呀,另外還叫左一客小丸子,我食左一粒OK,不過入面多粉左少少,同埋唔夠熱呀!!

是日走到了九龍灣，一時想不到吃哪家食肆周圍走，走到這家幾年前吃過覺得的日本料理店還記得當時令人印象最深刻的是其芝麻布甸，未知還有沒有機會吃到呢?望望餐廳內的環境，與幾年前沒有分別坐位也較迫夾，而餐牌上的款式就比以前多了三文魚不是一片片而是切粒，且吃落有點腥味帶子細小，鮮味一般，由於太薄，質感也欠奉醋飯算是近來吃過較差的，醋很酸，酸得喉嚨也不太舒服架架仔點的是雜錦魚生飯也"不遑多讓"竟用上不少蟹柳和丸子，雜錦魚生也只有三文魚和鱆紅魚，大有偷工減料之嫌烏冬也是非常一般的料子湯底也過鹹了，入口也欠煙韌如無記錯，上次是給了笑樣，是因為它的芝麻布甸今次真的退步了很多，只"值"一個喊樣!

飲食戰線近日蔓延至九龍灣，多得家住該區的摯友充當盲公竹，帶我來到這間頗受歡迎的小店。舖子地方稍為狹窄，桌子的距離也相近，晚上不足七時正，店內經已坐滿八成客人，可想而知其人氣不俗。從約十款晚市套餐當中，我揀選了鮮帶子三文魚飯，兩種都是我酷愛的海鮮。等了一會，侍應便把盛載魚生的木桶送上，賣相倒是有心思。除了兩片面積頗細的帶子，以及五片切得厚身的三文魚，廚子還加了不少配菜，為菜式增添不少生氣。平心而論，三文魚的色澤不夠亮麗，開頭還擔心食物不夠新鮮，不過入口後卻釋除所有疑慮。三文魚油脂分佈均勻，肥美豐腴兼無渣，配上些少檸檬汁，更能突出鮮甜的感覺。帶子雖然較為細粒，但質地富彈性，而且能嚐到一朕海水味，不錯。飯底可說是整個菜式的敗筆，它的口感平凡且偏腍，失去了應有的晶瑩剔透和彈牙感，而且缺乏微酸的醋香，失望！前菜是一些豆類，我試不出有何特別，而且份量超少，實在不值一提。那個迷你烏冬倒有驚喜，湯底是清甜的麵豉湯，味道適中不過濃，烏冬滑溜又彈牙，海帶、香蔥味滲透其中，可說是一份佳作。友人點了鰻魚飯，她亦有提出米粒的問題，相信店子要在這方面下點功夫了。

好多年前夜晚黎過錦，覺得佢既食物唔錯，今日特登下午再黎食係外面見到佢推緊魚生飯，好吧，今次就試魚生飯喇!入到去既時候，覺得地方比較窄，枱亦比較細呢點菜：魚生飯少不了要食三文魚，另一款揀左甜蝦食物賣相極好，魚生整齊咁排列係用木桶裝住既飯上面午餐仲配一碗熱烏冬，ok!魚生食落有少少失望，冇賣相感覺咁好食,但都算唔錯既雖然魚生望落帶一點邊，睇黎近腩既位置原來食落唔太夠香甜蝦食落亦屬一般水準反而壽司米絶不欺場消費：$65左右