錦日本料理 (已結業)

想食日本嘢, 又諗起錦。上次寫過食評, 覺得水準下降咗, 但係今次食番同一樣嘢, 又好似ok番喎幾新鮮, 好味, 不過飯好似酸咗少少, 而且魚生唔夠餸飯, 又或者飯多咗啲囉今次烏冬有番啲彈牙嘅感覺, 魚生飯就一貫咁新鮮好味兩個人$110, 又好味, 如果唔介意坐得逼啲, 實在係開飯首選!

是日同大哥, 大嫂, 豬女同皇子, 一行5人去醫肚!!!我地叫左:1. 豪華刺身飯SET $98(唔記得個名, 貴D就改做豪華啦!!!) - 有個大刺身飯+細烏冬+餐前小食(味噌豆)+蒸水蛋, 阿嫂話好好食, D刺身好新鮮好甜!2. 鯖魚炸蝦SET $69 - 有一忽鯖魚+2隻炸蝦+珍珠飯+細烏冬+2件三文魚刺身+餐前小食(味噌豆), 我平時食開這個SET, 今次到皇子食!3. 平價刺身粒飯SET $69 X2 - 有個小刺身粒飯(普通刺身粒)+大烏冬, 個大烏冬真係好好味, 不過食左個烏冬都食唔哂個飯, 最後要皇子KO埋我個飯, 大哥就可以成個SET食哂4. 鐵板吞拿魚粒 $4X- 竟然好好食, D汁配D沙律菜一流呢!5. 天婦羅魷魚絲$29 - 次次都要食, 第一次食就已經上左癮6. 炸蝦餅$43 - 唔多好食, 可以不試今次同埋豬女黎食, 豬女唔肯食自己D粥仔, 反而搶住D烏冬食囉~ 估唔到佢歲半女都十分識食呢, 因為D烏冬就係好好食!!!上兩次來時, 發現D食物有D參差, 又見唔到老闆出現; 今次老闆回歸了, D野食又真係高水準返喎, 唔知係心理作用呢?

錦係一間我很喜歡嘅日本餐廳, 所以我時不時都去食。但係近兩次去食, 發覺水準好似跌咗......近兩次都係食lunch, 第一次食咗滑蛋豬扒飯 - 飯唔係珍珠米, 汁太鹹而豬扒亦老咗啲, 食咗一半就唔想食......最近一次去食迷你魚生飯定食 - 有一個細嘅烏冬跟, 但係烏冬已經唔再彈牙, 有啲失望, 好在個魚生飯都OK以前通常都係食晚餐, 感覺上好似好食啲, 記得佢個豆腐沙律好好味, 唔通午市同晚市係唔同師傅?

三文魚生飯,,,咖哩牛肉飯,,,麻麻吧,,,依間日本料理,,,學生去食,,,就平得多,,,以上就係學生餐既野食,,,唔知係唔係學生餐平D所以野食都係平平無奇,,,但係,,,每日都有師傅既推介,,,都有唔同既選擇!!!另一有趣選擇就係,,,堂食雅座就野食唔包野飲...露天茶座就送汽水!!!侍應禮貌都OK!!!by woody

有次幫大哥砌電腦..因為整得好夜..七八點於是大哥開車帶我去食錦日本料理一直不知道許留山直入既角落有呢間店舖...很僻靜...突然感覺跟大哥能安安靜靜一起晚餐是件很緊張很幸福的事=]畢竟廿年了...第一次跟大哥單獨晚餐我本來晚餐很習慣很飯....但後來見餐牌揀了又揀...樣樣都好想試..於是 打算叫個最平既黎試...因為唔知道呢間店得唔得大哥話 呢個麻麻地...叫我試下D 烏冬~好正怕唔飽佢仲有跟個迷你魚生飯~實夠我食於是我就點了個 烏冬(個名我都忘了~總之是烏冬餐)阿哥叫左個餐..另外叫左個海膽壽司俾我食=]都唔錯...我最怕海膽有臭腥味...上次食冇...^^來了之後~ 烏冬咬入口..感覺很截然不同...本來我覺得吉野家既烏冬已經很好吃了...我覺得呢度既烏冬更加好吃(唔知係咪同一種烏冬呢?可能係 湯底的問題,也可能是氣氛問題...令烏冬變得更好吃)本來怕吃烏冬唔夠飽..但係 仲有個迷你魚生飯~都唔錯啊..好飽呢!好滿足好滿足^___^我覺得 80蚊係可以接受既價錢...如果有杯野飲就更好了=]很想再去食多次...^^(因為跟大哥吃晚餐 戰戰兢兢..沒有影低=]下次我再分享給大家

「香港食食食尋幽探秘之旅」第二激雖然上述名堂較為攪笑，但因同行友人已在早前食評採用，本人只好無耐接受。。。。食店地方位於商場附近，但需轉入小街方能找到。（有少許尋幽探秘之感）餐牌設於店舖門前，方便顧客。設有露天位置，如選擇露天位置可獲免費汽水，可惜吸引力不大。店內空間較為細，多以二人或四人枱為主。食物種類跟一般日本食店一樣，有定食、小食、魚生壽司。。。因為睇過之前既食評，所以最後㨂左燒生蠔、牛肉玉子、烏冬定食 同 鍋燒牛肉定食。。。食物質素有 “中上“，不過定食湯底比較甜，感覺比較膩。。。烏冬較為出色，彈牙。。。其他食物一般，平常食飯菜色。。。總括：如途經附近，可以一試

見有咁多好評，又咁arm行過就走去食下點了兩個set三拼(吉列蝦,鰻魚,唐揚雞)($49)吉列蝦除了炸粉還是炸粉，連大學飯堂都不如鰻魚好'鞋'唐揚雞一夾就皮肉分離=.=魚生飯($48)跟了牛肉烏冬($12)網友推介的就試試意外地發現珍寶帆立貝不過一d都唔甜其他都還可以牛肉烏冬也是推介的不過烏冬係普通烏冬一d口感都無牛肉'鞋'過吉野家>.<唯一好處係多'送'少飯(真係好少)不過食物味道就...結論可以用政府gei標語講句「向'毒'品說不，向惡夢說不」

第三次光顧牛肉玉子蛋味香濃鬆軟,牛肉帶有味淋的甜香!不錯!秋刀魚定食比之前的一次好!魚皮燒得香脆,肉滑而不乾身~湯烏冬滑且彈牙,配上蔥花及海帶簡直是錦上添花!牛肉味重且帶有味淋的甜香,驚喜之出品!冷麵拉麵配上海帶,蛋絲,青瓜絲,蟹柳絲,叉燒條,口感豐富而醬汁香甜!

　　關於這間日式小店，附近居住的友人稱讚此店的出品，倘若有機會應要嚐試。是日要到友人居所一趟，故相約友人同往此地。　　是夜七時，食客不多，小店的面積細小，座位數量有限，侍者安排二人座位，不過比較狹窄，絕不是舒適。店內的裝潢滲有日式風格，主色是米黃色，店東屬東洋人，能操一口流利日語。侍者端上綠茶，食具，餐牌，由於不算太餓，故點了少量的食品，另一原因是未能確定質素如何，保本的在所難免。　　首先上桌的是枝豆小吃，小量的鹽巴於外層，枝豆的色澤呈翠綠色，接觸時察覺它是微溫，不過濕潤感較強。開了一枚枝豆，味道不錯，輕輕的鹽味滲透其中，絕不過量，豆是鮮香爽甜，故水準是及格有餘，友人嗜吃這款小食。　　另一餐前小吃是炸雞軟骨，每客三十多元，份量不少，每件小巧而熱辣，先看墊油紙，剩下的油分不算多。廚子混入輕量的鹽粉、胡椒於外層，不算鹹但仍香脆，咀嚼雞軟骨時發覺不是過硬，水準同是及格有餘。　　店方提供粉狀山葵，壽司豉油供享用，為了迎合一客海膽壽司、壽司天婦羅定食。每份海膽壽司約三十元左右，相信食客不會過份期待。紫菜層香脆，飯團不鬆散，至於海膽的水準，但求沒有過份的腥味已經是萬幸，絕對不會渴望鮮甜。海膽的色澤

服務 : 每個都好快反應 , 有禮貌 , 但係有3件事發生 , 1) 門口戴位既眼鏡男話我同女友去洗手門個時幫我hold位 , 結果去完反到去戴位變左女仔 ,亦無hold到要重新再等.2) 有個紅衣眼鏡女侍應係間咁細既鋪跑黎跑去 , 仲差啲撞到另外一個拎梗餐既女侍 , 佢手上既餐係湯麵 ~3) 叫另一個紅衣女侍俾杯冰水我 , 結果係杯暖水 , 叫番佢無應我 , 結果搵眼鏡男收左再俾 , 紅衣女望一望 , 都係無反應~食品 : 我地叫左天婦罹烏冬 , 牛肉火鍋定食天婦罹烏冬--湯好甜 , 天婦罹唔多油 , 份量亦夠 , 烏冬唔會太淋 , 有咬勁 , 好味)牛肉火鍋定食---湯無味 , 淡過阿媽煮 , 好以純用滾水加菜/牛肉/豆腐 , 要加完7味粉再加大量醬油 , 結果食完幾舊肉同豆腐就無食~結論 : 無咩必要唔再去 , 再去都只係食鳥冬算 , 費時中地雷~

次次都要食烏冬, 因為個湯底好香甜好香魚鮮味, 食得出放左心機去煲!烏冬本身都好滑好彈牙, perfect下午有set 可以加錢要個細烏冬個set 叫左滑旦豬飯, 個飯就好一般

打完波, 行去淘大搵野食, 數九龍灣既日食, 呢間叫做數一數二囉~未算好有胃口, 嗌魚生飯最啱數, 所有魚生刺身都好鮮, 隻蝦好大隻好好味, 飯亦唔會太酸, 好味好味好味.......

今次係第三次光顧啦~因為平價之餘味道又唔差!第三次叫既食物都係差唔多~環境我三次都係選擇坐出面,因為唔大嘈~不過依家開始夏天既關係,可能會比較熱~如果可以的話加多幾把風扇就更好啦!

見食評幾好試佢一次,同女友慶祝生日.叫左拉麵,三文魚刺身,海膽壽司同秋刀魚.三文魚刺身ok既但係唯一缺點唔夠冬,海膽都尚可接受秋刀魚幾香口不過(火農)左小小.。拉麵幾好不過個湯太多油。最好食、最成功係隻雞蛋。女朋友都ok開心的.侍應欠缺笑容.

食過兩次,兩次都覺得唔錯第一次燒廣島蠔:個汁加左沙律醬,蟹籽同芝士拎去燒,好惹味好juicy!牛肉蝦烏冬:牛肉比吉x家好食,好重味林味,烏冬都好彈牙牛肉玉子:熱辣辣上,好鬆軟,好有蛋香!好正!秋刀魚定食:好足料,有飯有烏冬~但秋刀魚我覺得燒到好乾...食完超滿足!平均一個人都唔使$100,都幾抵食~過左兩日我又再幫襯過今次點左牛肉玉子:又係咁好食!天婦羅魷魚絲:見幾得意就點泥試下!比想像中好食呀,估唔到魷魚絲做天婦羅係咁好食架!辣辣地好惹味,用泥送酒一流!我同大食友人搶泥食呀..哈哈鍋燒牛肉定食:跟珍珠飯,兩片三文魚同前菜!前菜有泡菜同中華沙律~三文魚尚算新鮮,至於個湯就好香甜,好重牛肉味!天婦羅烏冬定食:天婦羅唔厚粉炸得好靚,好脆身又唔油!烏冬都好彈牙三文魚壽司:一客六件,食果時已經係勁飽,只怪我地太貪心,我同友人好辛苦先食得曬~