錦日本料理 (已結業)

睇到食評好似幾好,所以星期6晚黎試下.一行4人,去到時爆晒,要等位,個侍應好有禮貌叫我地等等.等了大約20分鐘有位.order 左便當a,便當b,刺身2人前,三文魚壽司,天婦羅烏冬,鍋燒烏冬.三文魚壽司好新鮮,醋飯味道恰到好處,三文魚一d都冇偷工減料,ok!刺身2人前d八爪魚好爽口,三文魚夠厚身,蝦夠清甜,good!天婦羅烏冬,烏冬好彈牙,有咬口,湯好味.不過d天婦羅放在湯面,淋左.不過d蝦好新鮮,真係覺得好可惜,問個侍應why d 天婦羅放入烏冬一齊唔係分開上架咩?點知個侍應話係日本天婦羅烏冬係放在一齊,下....係咩???跟住個侍應叫左個日本人過黎,個日本人勁有禮貌又友善,話如果下次想天婦羅分開上,落單時講就得,OKOK,收到!嘩,係淘大都有日本人侍應,係尖咀食都未見過.勁呀!鍋燒烏冬好香,離遠已經聞到,烏冬正!便當A鰻魚飯燒得好香,以前食鰻魚飯多數都係叮既,呢度係燒架,好味!麵豉汁菠菜第一次食,感覺幾清爽.青魚燒得幾香.便當B.......投訴,等左成半個鐘.不過三文魚蟹子飯賣相真係好靚,我女朋友叫我咪嘈,食好野係要等下,激死,咁即係話我食D唔好啦>.<,佢話D天

男朋友既家姐係日本調返香港工作,幾年冇見,約埋成班朋友一齊食番餐,有朋友話呢間唔錯,係正式日本人開既店,一於去試下.間鋪位置唔起眼,兜左兩個圈加埋打電話問個FRIEND先揾到,當時係晚上7點幾,爆晒場要等位!等左大約20分鐘就有位,我地一行8個人,叫左鍋燒烏冬,雜錦天婦羅,鹽燒雞中翼,鐵板牛扒,咖喱牛肉烏冬,刺身二人前,壽司盛,男朋友既家姐就話要ORDER 麵豉豬扒同黑芝麻布丁,佢話呢兩個都係佢係日本成日食,想試下呢間係唔係正宗日本人既餐廳.首先黎左咖喱牛肉烏冬,一致覺得D咖喱好香,烏冬勁正,爽口又彈牙,不過牛肉就細塊左D,有D太碎.天婦羅好脆口又香,家姐話D汁仲係正式日本味,我地食到再ORDER多次,讚!鐵板牛扒上菜時好香,牛扒肉質鮮嫩,多汁...不過如果唔係配雜豆而係配雜菜就更!鍋燒烏冬好多料,有牛肉.冬菇,天婦羅蝦,D烏冬好正,湯底仲正,我地連湯都飲晒!雞中翼燒得好香口,不過就冇咩特別.刺身新鮮,OK!壽司賣相幾靚,D飯味道恰到好處,唔錯.麵豉豬扒醬汁好多,不過個人覺得咸左D,但家姐話呢個係名古屋好出名既食品,醬汁係味濃,係比人連菜一齊食,我地試用生菜夾埋一齊食,果然感覺唔同.值

這是我三個月內第三次幫襯, 三個人食(我,我弟弟及弟弟的女友), 叫了不少的東西-咖哩牛肉烏冬,豚肉拉麵,朝鮮醬魚生飯,炸蠔,三文魚生,青瓜卷,全蝦天婦羅,燒雞串,面豉豬排我弟弟說牛肉烏冬的湯有點怪,因為帶有一點甜味...(上一次都已經是這樣說的了), 反而豚肉烏冬就okay...份量okay, 都夠一位男孩吃飽的~魚生飯也不錯, 有點微辣, 易入口...不過就不及雜錦魚生飯(上次吃過的)的魚生咁"大舊"炸蠔就比上次差了, 沒有上次那樣肥美...全蝦天婦羅也不錯, 連天婦羅的醬汁都是暖的冒煙的!!面豉豬排的醬汁帶些酒味,有點特別,不過就鹹了一點....其他的,都okay啦~服務方面,真的十分好~老闆(是一個會說英語的日本人)會親自上菜及奉茶, 讓人感到十分親切~ 在向侍應打聽之下,原本店裡有另一日本人主理菜式(那個面豉豬排就是他的"傑作")...anyway,店員的服務很周到。結帳時詢問過店員有沒有VIP Programme,他說他們是一家小店, 暫時沒有想過有VIP Programme,不過遲一點會有coupon及把現時的臨時餐牌換了雖然不算超級好食, 但比起附近的日式食肆, 他們已

去咗淘大吃"ni shi ki" , 錦日本料理晚上試吓這店雖然細咗d 同位置比較角落不過, 環境ok~~叫咗嗰鐡板西冷$68 , 天婦羅烏冬$38鐡板西冷d 汁幾好味, 有幾多肉汁, 不錯!! 天婦羅唔太油, d 烤粉適中價錢都幾合理,另外, 可以試吓二人前餐$188,不過嗰時no hungry

見食評唔差,咁就黎試下la..我地叫左1個魚生飯set同1個烏冬set,味道唔錯,咖哩烏冬好好味!!!不過最後食既雪糕就......強差人意左dddddd la...如果再有機會食多次...未必會叫甜品了...0.0

今日同事話想食好食又可以去遠一D嘅地方食LUNCH…記得有呢間大獲好評嘅日本餐廳…好過成日食鉄匠就提議來呢度一試。我哋7個人試左5個SET LUNCH…一致覺得味道唔錯…滑蛋豬扒同雞肉飯拼烏冬($38)我見到蛋啱啱熟…夠滑;咖哩牛肉烏冬拼3件壽司($48)，同事稍嫌咖哩汁太“杰”身…不過就日本菜就係正常;朝鮮醬魚生飯拼烏冬($48)，同事個醬係有少少辣，不過可以接受;另外就係我個雜錦魚生飯拼烏冬($48)…有甜蛋﹑熟蝦﹑三文魚﹑吞拿魚﹑油甘魚﹑魷魚…size ok唔算厚身…不過都夠新鮮…大家都覺得可以encore…不過有微言話又飯又烏冬所以唔係咁啱食，但係我本人就食憤日本餐，呢個配搭我都見慣，無問題喎。但係此餐廳比較細，室內座位最大都係以4人枱為主(不過佢都有一張靠梳化嘅可以拍枱坐8個人)，我哋今日坐室外都幾好，太陽曬唔到又唔係太熱…但係夏天就唔好喇。服務方面就無大問題，佢見我哋人多話坐出面都即刻主動幫我哋拍枱，唔錯。

週末的luch hour, 本想求其找間食肆隨便吃點什麼的, 忽地留意到這間新開"錦", 便過去看看, 店長(我相信應該是, 因為衣服的錦字顏色與其他的不同)隨和地打個招呼, 見我與朋友商量試不試, 亦不會強硬攝位要求我地必試不可.店舖細細間, 有個露天茶座. 我們二人坐四人桌看看餐牌, 見有晒食物的照片, 心想到未必能夠做到如照片的十足十吧, 亦只是本著一試無妨的心叫了兩個set, 滑蛋朱扒飯配烏東, 另一個韓式的配烏東食物送上來, 外型如照片的十足十之餘餐具的質素亦是足料, 是日式瓦制的餐具, only這點便跑羸其他日式餐廳, 因為那些只是用膠制食具, 我覺得呢間餐廳夠晒誠意而食物質素亦不錯, 一個set五十元左右用烏東做搭配的做法, 實在是第一次見而d烏東又好有咬勁, 湯又好味不錯不錯留意到餐廳竟然有個日本仔做侍應, 見他很努力地幫客下記下order, 實在有種身在日本的感覺當然啦, 餐廳的其他女侍應就未必有咁好的禮貌了, 不過都算過得去另外, 都有未夠好的地方, 就是店舖的地方太細, 室內燈光用了專for outdoor所用鈉燈, 令室內光亮不足.桌子的大小和擺位, 亦未夠好,

見到食評幾好,同男友去試下~~~七點幾去到得一張露天二人枱,侍應話露天枱唔收加一,但係貼住餐\廳塊落地玻璃,感覺好似同餐\廳入面張枱搭枱一樣,所以我地決定等入面......好快就有位lu~睇menu都算多選擇---有壽司,刺身,炸物,丼,烏冬...我地決定試丼---辛口海鮮丼& 滑蛋豬扒丼炸物---麵豉豬扒我地兩個丼都有跟前菜&麵豉湯,前菜係辣螺肉---口感好好,辣味亦岩岩好麵豉湯---有一塊薄日式魚旦,有昆布,唔太咸,都算清滑蛋豬扒丼---賣相算ok,味道亦冇乜特別辛口海鮮丼---賣相幾好,味道都幾特別,不過居然三文魚魚生會有魚骨,我咁大個女第一次食魚生會有骨~~有冇搞錯呀~~>___<麵豉豬扒---賣相好平凡,有好多醬汁淋係豬扒面,但係個汁超咸,完全唔可以當小食~~對我地黎講,未必會再幫襯喇~~

前日咁岩係我個老朋友生日,咁諗住同佢食餐飯仔,咁岩我上左黎開飯呢度睇野,見到呢間好似幾好,d評語都話佢呢度既人好有禮服,咁我就決定黎呢度試下啦!去到環境尚可,我同我老老老老朋友仔就叫左個。第一樣上既係剌身,味道不賴;第二樣上既係天婦羅,的確炸得幾好,蝦亦新鮮,的確唔錯,可以覆桌;第三樣上就係那個什麼鐵板牛扒,我去之前睇過呢度既食評,話過呢度既鐵板牛扒很好吃,當初我都不以為然,心諗可以有幾好食呢?勢估唔到我一咬之時,發覺又真係幾鬼好味,有肉汁,夠香口,賣相亦ok,而且係切件上,方便大家用餐,絕對有需要再度覆桌!;第四樣既係昆布湯烏冬,那個湯底......一流!!!烏冬亦有咬口,加埋一齊既感覺係,,,,,,,很好!到最後上既甜品喇,本來應該係綠茶雪糕,不過咁岩佢果日賣晒,結果俾左個豆腐雪糕我地,估唔到竟然仲好食!我自己都食到挖晒頭~而果度既服務態度,真係一流!那個男日本老細非常之咁有禮貌,真係好好人!而且好多員工都好細心,因為當果個鐵板牛扒上既時候,果個捧餐既侍應對住我講我當時係度諗但事實上,個度所有既員工都係好有禮物同埋態度好好既,呢餐$203,淨係買佢既service都抵呀!總括黎講,

之前看到此店沒有劣評今晚便約了朋友去試一試我們晚上7點已到達不是很多人座位尚算寬敞我點了魚生飯友人點了牛肉湯烏冬魚生飯不算太多刺身食落都算OK友人的牛肉湯烏冬也是OK吧整體感覺上都算OK 加一後每人平均$50 還是貴了一點點

家住淘大, 所有淘大食店都試過曬. 開頭諗住呢間日式食店會唔錯, 但食過2次覺得好一般. 第一次試左滑蛋豬扒飯, 味道其實唔錯, 但豬扒有d乾&硬, d 飯又'淋'又'泣', 個滑蛋汁味道就ok. 第二次試左天婦羅飯, 天婦羅有d油, 炸粉徧厚, 但都唔可以話差, d 飯依然又'淋'又'泣', 個汁又係麻麻哋因為徧鹹. 個天婦羅飯跟碗細烏冬, 烏冬冇乜特別, 算ok啦.

因男朋友住在附近，所以光顧．雖然舖仔細細，尚算企理，加上係日本人主理，服務態度好．當日點滑旦吉列豬扒飯＋烏冬＋刺生＋天婦羅＋咖喱吉列豬扒飯．滑旦吉列豬扒飯，強烈推介，豬扒新鮮炸雖然被滑旦整淋但有好香旦味，飯用珍珠米煮所以十分正．咖喱吉列豬扒飯，豬扒都係新鮮炸飯同樣用珍珠米煮，如果喜歡日式咖哩都應該鍾意．烏冬清爽彈牙．刺生新鮮美味．天婦羅不大油膩，可口．

同細佬落街食lunch行來行去都係淘大食唔到好野...搵到呢間....野..入去試試我同細佬都極喜歡個烏冬...好好味...唔係個間鐵x.同埋目x 個d 垃圾面屎湯我同個經理建議...應該係淘大大街做promote.佢\\\\\\\送左張卷比我地

本人住淘大的，已經光顧「錦」多次了。對這間食肆的評價，就是平、靚、正。極力推薦﹕午市套餐o加喱吉列豬扒飯(烏冬+主菜+小食)價錢﹕＄３８(未收加一)烏冬10分:湯底做得十分濃郁，完全無偷工減料。主菜9分加喱不會做得太甜，少少辛口。吉列豬扒是即炸的(因為廚房只是隔了一塊玻璃,所以過程十分清楚)服務10分:日本人再次為大家服務，果然不同！我所點的菜是漏單的。我只是眼神望望廚房，他就追單了。離開的時候，他又好有禮貌說再見。令到我情不自禁地向他回禮。環境8分:清淨!

據知有人投訴該餐廳男經理服務態度不好,本人亦曾多次有光顧,餐廳各員工服務態度十分滿意,亦會很用心聽取客人意見。事情很可能是該名客人自己本身存在問題,因本人家住附近,會經常留意附近店鋪,發覺該餐廳雖不及其他餐廳食物多款式,但是勝在食物出品夠新鮮,該店經理亦曾經跟本人傾談將會不斷有新食物款式加入,希望有更多人可嚐到新鮮日本餐。