錦日本料理 (已結業)

呢間餐廳係我屋企樓下,佢開張到現在我幫襯幾次,佢話係由日本廚師主理,但係我見到只係有個日本人係廚房做什務,有時又見到個日本人做侍應生,從未見到日本廚師係廚房做食物!食物方面,我幫襯幾次,無咩新驚喜,食物一般都係香港人口味,完全沒有日本風格。(本人在日本生活了幾年)這點真令本人覺得有點失望!環境本來唔錯,但係竟然有人係露天座位吸煙而將煙灰四處彈,畢竟餐廳都係禁煙的地方(雖然將D放係露天)負責人留意。

我前後都幫襯過呢間餐廳有四次了, 而且價錢合理, 值得推介0既有1)烏冬, 真係好滑好好味, 跟其他地方吃的烏冬真的很不同2)鹽燒生蠔, 好香口, 3)燒秋刀魚及鯖魚, 幾有水準4)炸天婦羅, 炸粉不太厚, 入口鬆脆... 而套餐入面0既每一小碟都很精緻美味, 很適合女孩子吃不多, 但又可以嘗試到多款日本小吃, 個人認為真的很不錯~ 合理0既價錢配上優質的食物, 不是很多地方都做得到的~ 值得推介=)

年三十剪完頭髮, 聽髮型師講呢間日本菜唔錯, 就黎試我5個人叫2個雜錦天婦羅定食, 兩個拉麵, 牛肉厚蛋燒+蟹子沙律雜錦天婦羅定食:佢無比平時食天婦羅Ｄ蘿白汁, 但淋Ｄ甜汁上出, 都好食炸物好味, 有齊炸蝦兩隻, 茄子, 南爪, 冬菇, 炸粉好簿, Ｄ飯用珍珠米, 正宗定食有鳥冬, 好滑前菜係中華沙律, 一般貨色, $38有咁好貨食, 真抵子沙律:份量比想像中大, 亦有好多蟹子, 好味牛肉厚蛋燒:牛肉咸, 整體ok拉麵係阿姨同媽咪食, 佢話好味至於服務都幾好, 提出要求都好樂意協助, 因我個女扭計, 攪到個地方好污糟, 我埋單後繼續坐多20分鐘, 都無黑面或催我, 臨走仲係咁多謝, 呢餐都食得幾開心

今次去食時，無哂之前既二人餐，諗住剩叫啦，嘩，發現價錢漲價了。之前既二人餐無懈可擊，新鮮，質高，抵食，今次就真係好麻麻地。唯一好的是辣汁魚生飯

前日同2個朋友食lunch,之前上個黎d個網,見有e間野..於是去試下....間野真係唔錯呀!!我自己叫左個朝鮮醬魚生飯食,雖然d朝鮮醬好似咸左少少(自己本身唔食得咸),但仍算OK!!Waiter o既服務態度就超好,唔該前唔該後,好有熱誠,至於大家講果個四眼佬經理就唔見左,價錢都合理總括而言,大致都有4分(5分最高)

After viewing many reviews of Niskishi, my sis and I decided to give it a try. My Set B lunch was great. I especically like the udon - it was chewy and the broth was just right. The mini sashimi rice was fine too. The salmon was fresh and the sushi rice was as good as that of I had tried in Japan. The tempura was so so - the batter was too thick and hard. Luckily, the beef was quite juicy and tender.My sis' set lunch included a bowl of rice with pork and a small portion of udon soup. She thought

早一個月去食，日本人老細重係度都好ok，個四眼仔就好唔掂，兩星期前同個仔6:30pm去食，有4檯客(我去過咁多次基本上7:00前都重係坐唔滿架！)，一入去佢\指住叫我坐路中間已分開左果d\'2\'人檯，我個仔就坐左去隔離梳化果度，當時果度一邊坐左6個人，單丁左一邊\'2\'人檯，咁我見冇人坐，細路仔坐梳化搵陣d啦，咁我就話坐呢到，跟住佢\竟然對住我個仔話~唉！坐呀坐呀，快d啦，我個仔得四歲，佢\都可以咁冇禮貌，當時又唔多人兼冇客入，坐都未坐定即問你食乜呀，嘩~我連餐\牌都未睇呀，駛唔駛咁趕呀！跟住我話睇睇先，佢\竟然黑面走開。我拿拿淋食完都走喇，其間見佢\特然叫其中一檯找數，人地d野先岩岩黎，佢\遞張單過去時，人地兩個都唔知佢\做乜，比佢\呢個動作都嚇一嚇。一星期後lunch再去食，諗住上次可能咁岩姐，今次同個仔20去到，得5檯人，睇完餐\牌叫個set lunch，有碗飯+碗烏冬，個仔唔食得幾多，諗住佢\食烏冬我食飯，唔夠再叫啦，叫完佢\就同我講，唔叫多樣，我話驚食唔晒，佢\話叫小食呀，一指指住個$58牛肉，重貴個我個餐\，都唔緊要喇，我問佢\依加有冇壽司呀架？佢\拉高\'8\'度話\

好多野真係變差左...唔知係唔係日本人老闆無睇住間鋪.香港的職員就搞事呢? 入番D 次質貨﹑無咁禮貌...小弟住個頭,我一定會見到山田先生先會去

前兩個星期黎食都非常ok, 簡直係perfect...但兩星期後唔同晒首先最有禮貌的日本人唔見咗(唔知係咪返咗日本過聖誕)又唔知係咪因為佢不在, 所以d服務差晒我兩個人去食, 我去搵位先, 坐咗5分鐘個細眼佬走埋黎同我講"小姐, 你朋友到未?"....咁係咪即係話我阻住佢d位呢??? 大佬, 當時都冇人在門口等位, 駛唔駛咁呀, 下次不如話每人限坐+食30分鐘, 30分鐘後一定要走呀....跟住我地問攞沙律醬, 問咗4次先有....我忍唔住, 沙律醬黎之前, 已經將d炸蠔食晒...因為驚凍咗唔好食...埋單仲攪笑, 我地食咗120元, 我比150元...佢竟然找返350比我...嘩, 如果我貪心, 佢地死梗...佢見我咁愕然, 問返我之前比幾錢, 好彩我夠老實, 否則我實話比咗500元佢地!!!!唉, 呢間野比人讚壞咗 =_=

同男朋友去食晚飯, 點左炸蝦天婦羅和咖哩牛肉鳥冬,超好味!炸蝦天婦羅好香, 好脆, 唔油, 新鮮, 好好味!咖哩牛肉鳥冬D 汁好香, 牛肉好淋, 烏冬彈, 好好味!服務方面, 其中一個服務員係日本人(佢既制服同其他服務員唔同的), 有禮,又熱誠,識講英文, 好細心留意到你的需要, 服務一流!環境方面, 餐廳裡面既坐位比較擠迫(食晚餐要BOOK 位)!, 想Relax, 舒服D 既就坐外面~ 過左7:30PM 就已經好多人等位!

見佢係20大好評餐廳之一就特登來試下, 星期日的lunch time, 無咩人, 叫左兩個lunch set (1)饅魚飯; (2)魚生飯, 各送一小碗烏冬及一小碟中華沙律。鰻魚有點硬, 汁略甜; 至於魚生, 算是新鮮, 但分量少了一點。飯卻很好, 黏黏的暖暖的, 不知道為甚麼覺得東京鐵塔的媽媽煮的飯應該就是這個味道吧。最喜歡是那碗烏冬, 湯底很清, 放了很多蔥, 好香, 如果烏冬粗身一點就完美了。雖說是set, 但沒有飲品, 又沒有麵豉湯, 沒甚麼誠意啊, 而且我們坐的一角沒開空調, 很熱, 差不多附近全坐滿人侍應才開這一邊的空調, 服務不夠體貼。

我大概一個月前去過..當時真係好好,無論食物定服務態度都很不錯的..但今次去就得返失望兩個字..比上一次去侍應多左,但服務質素同效率..真係不知所謂...我同個朋友一坐低,坐左係死角位...等左5分鐘,都冇人比餐牌我地..到我地叫佢先比..得我到order野食又得左好耐先有人應我地..落完之後個侍應不下走返埋黎3次問我到order個d野...我要左左個dinner set e,我個朋友就叫左個豬扒拉面..你第一次返黎問我係要a定b..第2次就問我朋友係要咖哩豬扒拉面定普通豬扒拉面,第3次就問個豬扒拉面要烏冬定拉面...唉..無奈..食物到..已經比上一次差..算...到結賬..我地又係等人發現我地..等左好耐..到有人見到我地揚手..答左我地係,,但又無人行過黎問我地做咩..我地唯有係個死角位大叫唔該埋單呀..先有人慢慢行埋黎..上次無最低消費可以簽card,今次要over$150..估唔到一個月可以差左咁多..唔想再去..

上星期去呢間食評幾好餐廳,食物質素ok, 本來無咩驚喜,食到差唔多一半有個四眼男人(應該係經理)拿張單埋尼要我埋單先,佢話因為外面有客人等位,我朋友話都比我食埋先啦,既然而家埋單我都係會食埋先走,佢唔多高興走開咗,佢d態度好似我係度阻住張枱咁,佢咁做不如叫人買外賣或者先排隊買飛然後自己搵個位座等叫號碼自己入廚房攞嘢食,唔知呢間係唔係香港第一間日本快餐店...(真正大驚喜)我唔會再去呢間快餐店

所謂的20大好評的餐廳﹕Order了三文魚海膽魚生飯跟迷你烏冬。都等了很耐。迷你烏冬湯底就很普通,而烏冬應該給人煙韌的口感，但食落口之後就給人軟糯的口感，都可以接受。而魚生飯第一眼望落去,就給人一種很消極的感覺,一啲都唔進取積極。魚生飯太多紫菜鋪面,粘住晒啲魚生和飯，趕極都唔走。而飯方面又欠缺醋的酸味，再加上暖得滯，令到魚生變暖。三文魚切得太薄太細件，無口感之如亦欠缺新鮮。海膽太少亦欠缺新鮮;我已很努力但都食剩，不是份量太多，而係唔想食。其他方面餐廳地方比較細,而幾位姐姐仔服務都唔錯,我相信其他食家所講的四眼佬應該係話事人。

以前曾經去過一次, 不過就冇上黎留言不過今次去質素真係差左~所以先上黎講幾句~先講左野食先~今次我同朋友去食叫左朋友叫左個set b~不過等左超耐~成20分鐘都未整好最後成45分鐘先到~不過朋友話麻麻地...菜個個好小...個個唔知係炸咩...幾好食牛肉粒不過不失蟹子飯真係世界真係細小3文魚薄到...烏冬好好食~但朋友話咁就要等咁耐真係唔值得我就叫左個滑蛋海鮮飯不過個海鮮有d怪怪地味...所以食左一半就冇食最後唔小得就係人人都讚既"黑芝麻布丁"不過唔知點解~d忌廉冇上次見到個個咁靚...d忌廉亂"支"....忌廉多到唔好食....所以我都唔影相...比錢個陣差唔多150本來想碌咭竟然唔比?!真係記住你~好彩同朋友都夠錢比其他位真係迫到不得了以前2個人都比人座4人檯宜家係都要我地坐2人~明明個陣冇咩人都唔比我地坐而且都唔見左上次個位有禮貌姐姐仔....上次個見到我地冇野食會幫我地追追但今次要我地追個四眼佬佢都冇入到廚房只係行左去出面一轉之後就返黎同我地講就得最後都係等左成20分鐘先有....加茶又慢...要叫人黎先有人加茶重整到成地濕哂...有d滴左我對腳到都唔知...最後重走左...s