錦日本料理 (已結業)

男朋友既家姐係日本調返香港工作,幾年冇見,約埋成班朋友一齊食番餐,有朋友話呢間唔錯,係正式日本人開既店,一於去試下.間鋪位置唔起眼,兜左兩個圈加埋打電話問個FRIEND先揾到,當時係晚上7點幾,爆晒場要等位!等左大約20分鐘就有位,我地一行8個人,叫左鍋燒烏冬,雜錦天婦羅,鹽燒雞中翼,鐵板牛扒,咖喱牛肉烏冬,刺身二人前,壽司盛,男朋友既家姐就話要ORDER 麵豉豬扒同黑芝麻布丁,佢話呢兩個都係佢係日本成日食,想試下呢間係唔係正宗日本人既餐廳.首先黎左咖喱牛肉烏冬,一致覺得D咖喱好香,烏冬勁正,爽口又彈牙,不過牛肉就細塊左D,有D太碎.天婦羅好脆口又香,家姐話D汁仲係正式日本味,我地食到再ORDER多次,讚!鐵板牛扒上菜時好香,牛扒肉質鮮嫩,多汁...不過如果唔係配雜豆而係配雜菜就更!鍋燒烏冬好多料,有牛肉.冬菇,天婦羅蝦,D烏冬好正,湯底仲正,我地連湯都飲晒!雞中翼燒得好香口,不過就冇咩特別.刺身新鮮,OK!壽司賣相幾靚,D飯味道恰到好處,唔錯.麵豉豬扒醬汁好多,不過個人覺得咸左D,但家姐話呢個係名古屋好出名既食品,醬汁係味濃,係比人連菜一齊食,我地試用生菜夾埋一齊食,果然感覺唔同.值