錦日本料理 (已結業)

第一次到淘大探朋友，佢地話出街食飯，就近近地係淘大食，本來想試新開既泰國菜，點知坐電梯時聽到人講呢間難食到嘔，即時轉諗第間．板長好多人等，等左成４５分鐘都未有位，真係好誇張．最後睇到有呢間好似係食日本野，一於就呢間，等左１０分鐘就有位．睇裝修好簡潔，但地方好細，我地４人點菜，４個都睇中Ａ　ＳＥＴ便當．便當有：　三文魚蟹子飯（細碗的，但我老婆話夠晒女人食）～蟹子份量好多，三文魚　　　　　好新鮮，飯粒惹味，正！　　　　　炒牛肉粒～聞到都好香，食落好腍好有肉汁，完全冇渣，超好味，贊！　　　　　炸物～有帶子，蝦同蠔，一向對炸物都不太喜好，覺得總係食到成口油，不　　　　　過今次竟然好小油，炸得好香脆，而且食料好新鮮，一Ｄｄ雪味都冇．　　　　　凍食菜～Ｍｅｎｕ寫係春菊，但後來係菠菜，有ｄ失望，一問之下原來春菊　　　　　過左時，所以改菠菜．但口感好爽又清甜，夏天食一流．（點解落單時唔同　　　　　客人講清楚改左第ｄ菜，講左感覺會好ｄ）　　　　　細烏冬～好彈牙，湯好飲，真係可以連湯都飲埋，我老婆同個朋友真係連湯　　　　　都飲晒，但佢地話一ｄ都唔口渴．最後有個侍應姐姐推介我地食個薯茸年糕，話係個日本人老闆

兩個人黎食晚飯，叫左兩個定食1. 牛肉拉麵 + 叉燒飯 + 炒牛篣2. 炸蝦兩隻 + 刺身幾件 + 湯烏東 牛肉拉麵：麵都ok，但我真係覺得o的牛肉好難食！雖然睇落牛肉係好似吉野家果o的咁有少少肥，但食落口只會覺得成舊脂肪而唔係入口即溶，最後食左幾啖成碗留返低叉燒粒飯：呢個ok，無特別但可以吃得落炒牛篣：普通炸蝦：仍是不懂欣賞，只是一大舊粉，完全成唔到蝦味烏東：ok刺身：不新鮮只此一次，不會再來光顧了埋單12x，但係我寧願去吉野家食牛肉飯仲會滿足點

原本諗住同男朋友去果個食晚飯, 點知因為早到既關係(六時半開始晚市), 竟然仲有特價下午茶同午飯食, 價錢比預期平了, 庶呀~味道: 個兩個魚生飯既味道其實都吾錯. 一片片魚生個碗就好似sushi 甘, 只不過放係個碗到 ; 另外一粒粒個碗就野味d, 因為有少少少少辣~ 至於果個牛玉子燒, 吾錯, 幾得意, 幾好食~環境:　地方小，迫迫地甘，晚市時應該吾夠枱用啦～我地去個時一個客都無，用小小錢就包場了～哈哈服務：ｄwaiter都係女仔，可能係打緊暑期工，細細個甘，講野又細細聲，幾好禮貌～衛生：我好似見到有一隻蚊飛過，嚇下佢之後就無再返過黎． 吾覺污漕～抵食度：我地食個兩個魚生set lunch, 每個$45 (1 飯,1湯,1丁屎甘多既中華沙律, 加$5 可由湯轉烏冬), 牛玉子燒 $29, 另外要加一

中午同同事去呢度食日本料理,地方細細,但都好整齊干淨,我地見到有兩個日本人,應該有一個係老闆,一個係侍應. 侍應果個好好笑,佢又唔識中文,但佢又會落單,係就係雞同鴨講,不過我覺得都幾有日本feel 啦~食物方面,我點左魚生飯,同事就點左天婦羅飯. 魚生飯好好味呀,材料唔會馬虎,好新鮮,TUNA 又冇渣. 同事話佢的天婦羅都好正,有好多料,亦炸得好薄脆. Set lunch 有湯同前菜,食完好飽啊~一個好的lunch 令到成個下午都開心哂呀!

上openrice睇完食評就想黎試試,果然...板長係多人都癲...我同女朋友就去左錦.舖頭俾我種感覺...好唔似日本料理!同埋好簡陋.好在食物同佢間舖唔成正比.叫左個海膽三文魚生飯,一D壽司,玉子燒.玉子燒真係唔錯,係個醬濃左DD.魚生同壽司都好新鮮,不過就唔算係好正~同埋點解日本人做老闆壽司入面冇wasabi...失望.評價係可以一試.不過有樣野俾我種感覺勁差,就係檯的擺放....勁唔方便,絕對要改善!!!

本來想去隔壁的板長，只不過是晚上六點半居然要等40張枱，太誇張了，於是轉場到錦，馬上就有位了。以前來吃過兩次lunch，頗滿意，但沒見過傳說中好好服務的日本人老闆，今天終於有緣見到了。他在廚房和樓面之間走來走去好勤力地工作，還親自給我們上菜，好好笑容呀，講了一堆聽不太明白的日文，我只聽得明最後一句的「どうぞ」，於是我就回答：「ありがとう」，他馬上笑得好燦爛，讓人覺得好親切。我點的set dinner有魚生飯、烏冬、吉列海鮮(蝦、帶子、蠔各一件)、牛肉粒、春菊，十分豐盛，魚生很新鮮，最好味是那個珍珠米飯，暖暖地黏黏地，道地風味，牛肉也不錯，略淡，但肉質頗軟，不靭，也有肉汁，春菊則略甜。我一向不喜揚物，也不太懂分好壞，但這三件吉列海鮮吃進口不覺油膩，也沒有雪藏味，應該是不錯的吧。朋友點了天婦羅烏冬，大讚烏冬又滑又有嚼勁，質感上佳，唯是湯底較淡，她覺得加粟米就更好。不用擠逼，不用苦等，食物質素和服務均具水準，是又開心又滿足的一餐。

好耐冇試過兩個人正正經經食晚飯今晚去左試淘大的錦日本料理開飯的食評好壞參半 不過睇完就決心一定要食叫左一個set dinner一個海膽set 一個炸蠔set dinner幾抵食 $78有魚生飯 烏冬 漬物 煎牛肉粒 仲有炸物飯不太硬 而且三文魚都好肥炸物就普通 雖然用料比較落本唔用一般蕃薯茄子 有蝦帶子同蠔 但略嫌炸粉過厚煎牛肉粒好入味 而且好稔身最欣賞烏冬! 好滑! 而且個湯好有日本風味!海膽set係真係一板海膽咁上so excited! 因為好肚餓連相都唔影!冇咩苦味 對於對腥味一向亳無抗拒既我地簡直係一流既享受!一定會再去真係日本人打理架我好想同個staff講日文下次試咖哩鳥冬同蛋子燒!見到隔離個檯食得好滋味唯一美中不足就係撞正有班為數約20人(應該係成間公司的staff)晚飯大部份都係女人 超嘈!!!!搞到成餐飯同聽到佢地不停咁講野同笑既聲間鋪已經唔係大 好心一大把人就自重下啦

一家小小的店, 其實不太起眼, 不過, 今天朋友生日, 所以就來試試! 我們四個人, 都不大食! 點了兩客三文魚壽司, 玉子壽司, 一個咖哩飯套餐, 薯蓉年糕, 牛油果春卷，　還有炸雞。壽司－－三文魚真的少了一點套餐－－很經濟，有一個咖哩飯，一個牛肉拉麵和雞翅餃子，牛肉拉麵得牛肉甜甜的，覺得有點怪怪喔，不過，挺好食薯蓉年糕－－呢個很好！因為我們都喜歡薯仔的味道，加上要下去的感覺軟綿綿，愛死這個了！牛油果春卷－－夠清新炸雞－－這個也不錯，很脆的一個雞軟骨！

經常在淘大開飯。但永遠想不起這小店。今天特意上openrice找間少到的餐廳,就選擇了這裡。叫了咖哩豬扒飯、魚生飯、什錦天婦羅烏冬、蟹子沙律、日式照燒雞燒餅,還有一客三文魚壽司。第一客來的是壽司,來到後"細少爺"也不禁叫了一聲"好細件啊!"(見相片)。魚是新鮮,但真的細得可憐。蟹子沙律、燒餅也沒什麼特別,可以說是平平無奇吧!而那烏冬也不錯,滑溜溜的。但湯略少也欠味道。天婦羅覺得有一點硬和"鞋口"(即那炸漿比較硬身)。少爺仔的咖哩飯是最失色的,咖哩味很淡口,不甜不辣帶點甘。幸好豬扒也炸得香口。最後,大老爺舉行投票,一家三票否決再來的可能!

通常食晚飯，大家通常都會揀九龍灣德福商場，貪佢交通方便同坐得舒服些但昨晚就同友人一同想試下淘大商場的食肆，　想碰碰運氣看有什麼好吃的東西點知淘大商場改裝後，　變成美食區，真係可以多點幫襯幸好之前在網上已有準備，一心想揀＂錦日本料理＂因為見有不少好的食評，跟著大家的意見搵食，一定冇衰呢，雖然這所店有點難找，　舖位又較少，於是我們選了店外的露天位置，日本店長仲招呼得好好，好有禮貌，話怕我地坐露天位熱，送我們每人一罐可樂呢，真好。之後點了幾道菜，分別有1)湯烏冬- 烏冬好彈牙, 好入味, 湯d 味又唔太濃, 岩岩好. 高質素, 又好平又抵食2) 蛋子燒 - 暖暖地食, 幾好味,唔太甜, 內面仲有少少肥牛包住.3) 燒鯖魚 - 到日本店必食之物, 燒得幾乾身, 略嫌份量細左少少, 魚身唔夠厚肉4) 雜錦刺身 - 幾抵食, 可惜略嫌唔夠新鮮, 放涼了一點, 有少少雪味5)炸大蝦天婦羅 - 隻蝦好厚肉,炸粉都幾香脆, $62一客有6 隻蝦,抵食6) 咖喱豬扒飯 - 豬扒炸得好脆好香口, 肉味鮮, 但咖喱汁唔夠香唔夠濃7) 迷你蟹子飯 - $14 一碗, 當食4 件壽司都係番度, 必食之選....超

九龍灣日本餐廳的新貴，非它莫屬。高級的材料，低級的價錢，坊間少有。海膽魚生飯，最突出的反而是那些壽司飯，飯粒分明，黏度適中，軟糯而不死實，帶著體溫般的暖度，不像其他日本餐廳預先盛好一碗碗放入雪櫃，客人點到便把那冷冰冰的「冷飯」捧出。壽司套餐亦抵食，魚生新鮮，手握飯咬度口足，值得推介。反而烏冬屬平庸之選，不夠彈牙。總括而言，飯類是店子的靈魂，飯類才能顯得出小店的功架。另，光顧三次的我，卻有感店內的員工服務殷勤，服務態度不像其他食客所說般嚴峻。

見到之前的食評講到服務咁~ 都有d怕怕地~不過琴日板長依舊咁多人~我們兩小口子又工作了一日很累~ 不想等位了~最後來了吃~入到去已經感覺很大冷氣~ 坐在風口位~ 我又著不夠衫~只好和老公換位~ 店員細心地問我們要不要關冷氣~ 呢點已經給我一個好好印象~之後點了魚生飯和牛肉飯的set dinner~ 份量真係好夠~ 2個set所以菜色都唔錯~ 只係覺得牛肉飯比較乾~ 有少少牛肉汁就好好~ 不過d牛肉都好好味~琴日老公話聽到有人講日文~ 唔知係唔係日本老闆在~

因為間野響屋企附近，所以成日都會去食。新既set dinner $68，唔算平但食得好飽。而且環境寧靜，傾偈都ok。不過d服務態度真係差左少少，日本人老細你去左邊呀？

成班fd 好耐冇見出黎食餐飯傾下計揀左錦日本料理因為真係好想食日本野4個人1人1個set A 食物如下:湯烏冬:可能唔係招牌既咖哩牛肉烏冬所以唔覺好凸出不過個湯幾清甜烏冬都幾滑唔錯唔錯牛肉粒:都幾有牛味幾香口有咬口而唔"un"但略嫌少左d汁同上檯果陣都唔多夠熱冷菠菜:個汁值得一讚好似係野菌汁(唔知有冇記錯)幾鮮甜喎又同個冷菠菜好match再加上d木魚絲咁岩今日又有d悶熱食呢個冷盤真係幾岩真係抵讚天婦羅(蠔, 蝦, 扇貝)呢個同網友們所講既一樣真係超正食得出佢d料好新鮮完全冇怪味而且唔厚粉亦唔會油林林真係一絕三者之中最鍾意蠔餅果個but蝦同扇具都正迷你三文魚生飯個飯又係正將蟹籽同飯"no"埋飯中有蟹籽脆卜卜口感一流三文魚入口都有d溶既feel 好鮮甜加埋兩塊玉子冇咁dry 甜甜地最衰落多左wasabi 搞到辣味蓋過左魚同蟹籽既鮮甜我覺得其實唔落wasabi都ok因為魚真係好新鮮冇腥味/雪味/怪味呢間算係小弟食過黎講最正既日本料理價錢亦都算合理set A $78 加埋一每人$86絕對好味架真係1定有下次

環境:細味道:好味.我大部份d朋友都唔好味!!服務:好到.200/100分.佢地個樣.都幾靚仔/女.個樣又斯文.叫佢地.又溫柔應你.叫佢羅野.加茶又快手.上次我話碗烏冬唔夠熱.就立刻幫我換!正抵食k啦!D野好食又新鮮乾淨:我去幾次都唔見地下有垃圾!上次我見到前面條友跌左紙巾.個男職.就立刻去執.不過佢係.態度最好