錦日本料理 (已結業)

今日下午我一同朋友6人去食野,本身都OK,點知一多人WALK IN既時候,一名男經理未經我地同意之下搬開我地其中一張台俾人,感覺極度差,之後客人入座唔到之餘仲令到我地唔高興,足足得失兩台客人,不滿!就算食物味道再好都覺得過份!有待男經理改善! - -

友人推介點了個魚生飯友人點了個辛口魚生飯個人認為辛口魚生飯味道較特出套餐有前菜&面鼓湯我覺得好抵,日本老闆好有禮貌食得好開心仲有,因為店裡沒有坐位坐在出面感覺都很好坐出面免加一tim會再來!!讚好細心的日本小店

早幾年係日本工作關係,好懷念係日本既食物,今日有個friend話我知淘大開左間日本料理,約我去食番餐,開頭都係諗住又係果d香港味既日本料理,不過個friend約到,就去試下.竟然比我見到個餐牌有黑芝麻布甸.....想當年係日本為左食佢,足足排幾個鐘隊,呢度竟然有,二話不說即order,點知個侍應話等我食完飯先上比我,都係既,話晒都係甜品,跟住我order左個鐵板牛扒,我friend就order左滑蛋豬扒同烏冬,嘩!d牛扒好嫩,有d似日本牛肉,即問侍應呢d係咩牛肉,原來係加拿大牛,不過勁正,又嫩又冇渣,我friend 個豬扒飯都唔錯,不過d蛋份量似乎小左d,烏冬值得推薦,好彈牙,湯底好正宗日本昆布湯,清甜!連湯都飲晒.到食甜品時候,個黑芝麻布甸d芝麻香味入口即散發出黎,正,好多年冇食過,我個friend忍唔住都order個,點知.......已經賣晒...好失望....!!!另一驚喜,有個日本人侍應,好有禮貌又友善.淘大....甘多年,你終於有間好野喇!

昨天朋友向我推介這間新開的日式料理,於是晚上二話不說便選了這間店舖用饍.星期六晚上7點到達,可能時候太早,不用等位. 叫了一個唔記得名既定食(有魚生飯,小烏冬,蛋包牛肉,還有2款餸,都忘記了是什麼)聽起來很多,但每樣的份量都很少,吃起來剛剛飽,另外叫了一個滑蛋海鮮飯併烏冬和天婦羅. 蛋包牛肉的配撘第一次試,味道不錯, 烏冬是彈牙的,正合我心意, 天婦羅很新鮮,即炸的,而且有4件蝦,2件南瓜,2件茄子,份量算多,最失望是滑蛋海鮮飯,可能小妹不喜愛吃蠔,整個飯都有很多很小的蠔仔(像用作整蠔屎那些size),另外的海鮮印象中就只有魷魚. 至於服務方面,侍應都很有禮貌,而且勤加水,店內還有一個日本人,不知是否老闆,十分有禮貌,每次說話都會點頭,十分友善.店舖不算大,相信只能容納大約十多人,但客人都能夠直接看到店中的廚師煮食,加上店子都播放著日文舒情歌,感覺很warm.2人消費約$190, 價錢亦不算貴, 的確是一間很有誠意的小店~!

想不到在九龍灣的日本餐廳內看見日本人侍應吧!他似乎只懂看一點中文，以英文和日文跟客人溝通，非常熱情和友善。點了魚生定食和魚生飯(前者只有魚生，僅記配烏冬不要面鼓湯，吃不飽)，還有碎牛肉玉子。三者賣相跟味道都不錯，魚生算新鮮，烏冬有咬口，玉子煎得剛剛好。這小店是淘大的日本料理店中不錯的選擇，等不到板長可以光顧這裡(但沒有壽司)。