銘興山西刀削麵 (黃埔新邨) (已結業)

午餐唔知食咩好，由黃埔花園行到出去最旺嘅 小街窄巷上，發現有間新開嘅刀削麵店，見到餐牌都幾多選擇，就入去試一試。麵餐價格唔貴，大概$40 $50左右，而且選擇好多有放湯嘅，有撈麵嘅，仲有啲拼盤小食添。我就揀咗有個紅色highlight嘅口水雞刀削麵，係咁凍嘅日子裏面，食啲熱辣辣，感覺上好暖胃。店家上菜，先來一大碟雞，賣相唔錯，味道唔算太啦。每張桌子上，都放了一瓶店家自製嘅醃製白蘿蔔，唔太酸帶點甜非常之清新開胃。熱騰騰刀削麵上菜啦，湯底唔辣，非常之清澈，飲得出係豬骨湯。加上口水雞，超好味。刀削麵非常彈牙而且厚身，果然好足料，而且刀削麵應該係自製，出面似乎食唔到啲咁厚身咁彈牙嘅味道。今餐真係出乎意料咁好味，一定會再幫襯試埋其他唔同嘅菜式。

醉雞係我中意食既烹調雞嘅煮法之一。除咗酒味重之外,同時亦可帶出雞嫩滑既感覺(不失兩者)比正常其他食刀削麵份量會正常較多。價錢係成好味同份量正比今次係我第四次享用”醉雞餐”,當然好食到唔記得幫佢哋影張相🤣星期一至五晏晝開飯時間等候時間又唔會太耐。打公仔不妨可以考慮一下，雖然地方比較小但我會比較注重食物質素🤣👍面質口感非常好🤭啲面係師傅即叫即整。另外，本身會分開上咁就可以品嘗醉雞既味道！賣相亦精緻！

Good chewy sliced noodles served with drunken chicken. Portion of the noodle is a little small and soup base is lacking a little taste. Generous portion of drunken chicken but the meat texture is a little disappointing. Tasted like its been prepared and stored for quite a long time, can hardly say its fresh..

話說同男朋友都鍾意食刀削麵，今日就專誠嚟到紅磡試下哩間開咗無幾耐嘅刀削麵~舖面唔大，lunch time都要排隊，大家記得做定心理準備先嚟！打開menu,，見到餐廳推薦花雕醉雞刀削麵 ，一於叫嚟試下！落餐冇耐，個醉雞就嚟咗，放係檯度都聞到好大浸花雕酒味，流哂口水啦試下佢先！個雞非常入味，仲附帶一隻糖心蛋相比起，個刀削麵反而無花雕醉雞咁出色。唔知係咪湯麵嘅關係，個麵有啲冧，同我心目中有韌度嘅刀削麵有啲出入試下個熱拌刀削麵先~先嚟個close up~不得了，勁足料！我地叫咗個雙拼牛筋腩同豬頸肉兩個餸都好出色！個麵上面仲有大量花生同炸醬，非常夠味！下次達到我地識叫啦，一定要叫熱拌順帶一提，哩度嘅刀削麵所有包埋飲品

夏日熱辣辣，就去食麻辣；食唔到咁辣，都可叫走辣。黃埔地鐵站附近難得的小店，一星期都去吃幾次，百吃不厭。店內賣既係手制刀削麵，可以見住師傅拎住粉團，一刀一刀落面去煮既過程，可叫食得安心又乾淨。特別在冷刀削麵，天氣咁熱食實在合適，不過味道偏辣，每次都只可以食到BB級，所以承受唔到就選擇唔辣，但唔好走醬，醬是冷面的靈魂。幸好小店本身加+$3有凍飲😛😛😛😛但要留意只係小店，位置不多，多幾個人通常要等位，不過餐好在每次都只係等短時間☺️特別推介牛筋腩、豬頸肉、還有醉雞都係值得食

😋牛根腩刀削麵 配送一杯熱飲 $45牛腩夠淋夠入味，刀削麵比較闊身、厚身，煙煙韌韌， 湯底係濃濃嘅腩汁。-😋素菜炸春卷刀削麵 配送一杯熱飲 $38炸春卷有6條，新鮮炸起所以勁脆。-😋加9蚊有一碟菜菜好新鮮，而且可以加腩汁/蠔油，一定要試下加腩汁，真係有一條條牛腩絲。-全部枱上都有一樽自家製醃蘿白，免費任食，蘿蔔酸酸甜甜好開胃。----------🚩銘興山西刀削麵🔎紅磡黃埔新邨德民街36號地下C舖

下午茶時段有迷你版刀削麵，配飲品。牛展刀削麵，中湯碗。如細食些的都夠飽。牛𦟌塊切得很薄有6-7片，牛肉味唔算濃。刀削麵厚薄適中，有咬口之餘但又不太靱。枱上有一瓶醃蘿白，酸度比甜度為多，頗酸的。熱飲柚子蜜都不用加$。

個人喜歡食粉麵類多過飯，刀削麵最近大行其道，剩係紅磡土瓜灣都不下十間八間，之前幾間都令人失望，今日試呢間銘興刀削面，第一要讚環境滿分，畢竟係新鋪，新淨光猛，冷氣吾會吹到你暈，叫咗個豬軟骨豬大腸湯刀削麵，小麻辣，辣味夠，不過冇麻既感覺，你可以話佢只係普通辣味，湯底算濃郁，但係食完唔口渴，無食左味精既感受，我叫嘅係下午茶餐，所以份量係細啲，個人不喜豬大腸比較多肥膏，但豬軟骨幾淋，整體唔錯，會再encore👍🏻

我見呢間餐廳成日都大排長龍，一直都好想試下有幾好食，竟然有咁多人日日大排長龍！咁岩今日晚餐時間唔洗等，我就黎試下係咪真係咁好食啦！我見佢有個熱撈手撕雞刀削麵，我見係佢推介又幾得意所以叫黎試下！我覺得個味就一般般，因為我諗住應該會重味啲，點知佢個味好淡，而個麵係暖既，個口感麻麻地，我個人唔係咁中意。而啲麵既口感都唔錯，係餐廳裡面見到師傅係裡面一條一條咁削落去煮既，認真比心機！不過個味對我黎講真係一般般，所以我應該都唔會再黎試架啦。

星期日，突然好想吃刀削麵於是跳上地鐵就往黃埔的這一間新舖來。出地鐵站B口兩分鐘即到。叫了冷麻辣豬肚絲刀削麵，炎炎夏日非涼拌不能解暑！配料豐富，有黃瓜絲，花生米，蒜泥，胡麻醬，辣椒胡麻醬⋯粗粗一看覺得豬肚絲份量較少，後來發現一部分埋在麵下面了～刀削麵非常筋斗，煙煙韌韌，令人十分滿足！麻辣肚絲也較入味。這裡的麻辣相當夠味習慣吃辣的自己亦感受到燒灼感。但是非常香口！掃完一碗麵已經飽上心頭。這間店提供甜酸蘿蔔，十分開胃，我一人夾了十塊⋯另一個貼心位是醋，乃是山西陳醋而非浙醋，夠香。我唯一不太喜歡的是胡麻醬，改麻油可能更佳？午市還有茶啡贈送，埋單48蚊超抵特登過來完全值得

肚腩男極度喜愛試新野，是日經過黃埔區，又見到開咗間新嘅食店，口痕即刻入去試下先！小店雖小，但係乾淨企理，最開心係有自家醃酸蘿蔔任你添加，好開胃！叫左兩款麵，佢都係師傅手渣住舊麵團即場用刀削既，口感十分煙un彈牙！上圖柱侯牛根腩湯麵，麵和餸分開上，按你自己喜好加入去。牛腩十分淋滑入味，份量尚算足夠，但是說好的牛筋呢？好似無影。再試下哩味黑椒牛肉炒刀削麵，聽落個名新奇刺激，出到黎咁似乾炒牛河刀削麵版既？都幾搞笑有創意！鑊氣十足，不過小弟覺得刀削麵攞黎炒有啲偏硬身，同埋本身麵種唔會入味，所以出到黎個效果麻麻。都係未能完勝乾炒牛河。總結此小店性價比十分高，味道都幾好，值得一讚呀姐都好親切！希望keep住質素！話晒黃埔區係汰弱留強既兵爭之地 ，加油呀！

諗住食麻辣麵+炒花生所以買之前 已經問定個侍應 邊款先會有配炒花生佢答話所有麵食都會有然後就買咗碗麻辣豬軟骨熱拌刀削麵外賣一打開..花生呢？摷衡成碗麵 1粒都冇而個麻辣度本身係冇辣度揀嘅所以都唔驚訝碗麵係唔辣嘅買外賣最怕就係啲料唔齊..有待改善同區有更好選擇！

特色冷刀削麵，好好味，好大一碗，份量夠晒數，配有爽脆青瓜絲，牛肉絲，雞蛋，擔擔醬，芝麻沙律醬，仲有脆花生，啲麵係即叫即削，真係好功夫⋯⋯👍🏻（冷刀削麵需要等多分鐘）冷麵煙韌有咬口，所有材料拌在一齊就好好食，夏天天氣熱辣辣，冇乜胃口，冷麵係唔錯嘅選擇！😋首創黑椒牛肉炒刀削麵配上青瓜絲，食落去感覺唔會油膩又飽肚，牛肉似新鮮牛肉切得厚身，有少許嚼勁，又唔會老👍🏻叫了小食，花雕醉雞配2個流心蛋，酒味濃郁又唔會苦口，雞肉好滑酸蘿蔔係老闆自己醃製，免費任食，爽脆又唔會嗆喉粉麵都有配送一杯熱茶或咖啡，轉凍飲加$3

睇openrice知道又開左間新刀削麵，於是嚟食下，同附近果間比較下～ 雖然始終無喺內地食列嘅咁軟滑，同附近一間嘅食物質素、價錢差唔多～ 酸蘿蔔又係任食～ 但環境好D, 舒服D, 燈光令食物賣相好D，感覺又乾淨D, 服務員殷勤有禮貌D，笑容多D～ 所有嘢加埋，贏左❣️ 我決定以後嚟呢間食 😋酸蘿蔔酸得嚟味道好唔嗆候～ 食食食 yummy 😋 主食叫左手撕雞，算幾鮮嫩，青瓜絲都鮮，而花生炒得極香，係會令人食唔停架😆仲有一樣，就係午市叫餐有熱飲送，即係抵D啦～ 真係贏晒～

wow…紅磡新開刀削麵，近黃埔B出口，見平時勁多人排隊，好似好正？今日去試左個花雕雞刀削麵，一個字正，份量足料，仲送埋杯熱飲添，真系抵到爛啦，外賣自取有9折，推介。