影片
更多
2019-06-18
547 浏览
肚腩男極度喜愛試新野，是日經過黃埔區，又見到開咗間新嘅食店，口痕即刻入去試下先！小店雖小，但係乾淨企理，最開心係有自家醃酸蘿蔔任你添加，好開胃！叫左兩款麵，佢都係師傅手渣住舊麵團即場用刀削既，口感十分煙un彈牙！上圖柱侯牛根腩湯麵，麵和餸分開上，按你自己喜好加入去。牛腩十分淋滑入味，份量尚算足夠，但是說好的牛筋呢？好似無影。再試下哩味黑椒牛肉炒刀削麵，聽落個名新奇刺激，出到黎咁似乾炒牛河刀削麵版既？都幾搞笑有創意！鑊氣十足，不過小弟覺得刀削麵攞黎炒有啲偏硬身，同埋本身麵種唔會入味，所以出到黎個效果麻麻。都係未能完勝乾炒牛河。總結此小店性價比十分高，味道都幾好，值得一讚呀姐都好親切！希望keep住質素！話晒黃埔區係汰弱留強既兵爭之地 ，加油呀！
小店雖小，但係乾淨企理，最開心係有自家醃酸蘿蔔任你添加，好開胃！
叫左兩款麵，佢都係師傅手渣住舊麵團即場用刀削既，口感十分煙un彈牙！
上圖柱侯牛根腩湯麵，麵和餸分開上，按你自己喜好加入去。牛腩十分淋滑入味，份量尚算足夠，但是說好的牛筋呢？好似無影。
再試下哩味黑椒牛肉炒刀削麵，聽落個名新奇刺激，出到黎咁似乾炒牛河刀削麵版既？都幾搞笑有創意！鑊氣十足，不過小弟覺得刀削麵攞黎炒有啲偏硬身，同埋本身麵種唔會入味，所以出到黎個效果麻麻。都係未能完勝乾炒牛河。
總結此小店性價比十分高，味道都幾好，值得一讚呀姐都好親切！希望keep住質素！話晒黃埔區係汰弱留強既兵爭之地 ，加油呀！
张贴
