釜之魂釜飯專門店 (淘大商場) (已結業)

不嬲都好鍾意食鰻魚，見淘大會間鰻魚飯，一直都好期待，今日經過終於開左啦！所以就同左男朋友入去試下。我地就叫左兩個鰻魚飯($118)同埋一串黑松露玉子燒($18)，因為新開張難免上菜都比較慢，但我地都覺得只要食物夠好食就唔緊要。黑松露玉子燒一黎到個樣就有d伏，因為睇落好乾，只不過係蛋上面有一條溝左少少黑松露既沙律醬咁樣，食落果然好乾，亦都無黑松露味雞蛋味亦都一般但我地無比佢打擊到，仍然好期待個鰻魚飯！鰻魚飯黎到，望落無咩特別，鰻魚汁好少，只係表面有汁，下面完全係白飯，食落個鰻魚味係唔錯同條鰻魚都幾肥，但見到個飯就唔開胃，個飯係勁硬同無汁，唔知佢係咪想做到煲仔飯有飯焦既效果，所以有d飯係焦焦地，但完全唔係煲仔飯飯焦個回事，佢係搞到成碗飯勁乾勁硬，好似落唔夠水去煲咁，食左一半就放棄左，好頂胃食完今餐，我相信唔會再有下一次，吉野家d饅魚飯都好食過佢！