釜之魂釜飯專門店 (淘大商場) (已結業)

細佬都係做飲食業.睇到網上同行家介紹呢間「釜之魂」!!用鰻魚做主打,以為同其他餐廳一樣平平無期最多咪好似日本超市買果D或者係其他集團餐廳果D鰻魚丼飯咁.但係食完之後都忍唔到係到讚下幫手推介.「利申:只係同朋友咁啱係附近順便去食餐飯試下」鰻魚真係堅新鮮超肥美,絕對唔係平時食果D只有鰻魚汁無魚味周街買到既一般貨!見到排晒長龍Full晒場就知「金魂」3個人價錢食左咁多好野,平過高級日本餐廳多多聲.極力推介.

一家四口等左九個字，不停入兩個人，完全預唔夠人手試業做野，雖然係大枱，但係等超過半小時都好過傷。最後都一心想試下新餐廳，既然等左咁耐就即管睇下佢有幾好食。點知！ 一個鰻魚釜飯係得面個浸有汁！下面全部白飯！第一次問佢拎鰻魚汁撈飯，已經覺得好唔值$98.第二次問侍應拎汁竟然唔比！最後真係食白飯！另一個五花腩釜飯直頭連舊肉都無味！底層都係白飯！另外，黑松露玉子燒完全無味！葵芳廣場廿蚊都好食過佢！好嬲，唔會有下次！

見新開咗間鰻魚釜飯，黎個lunch試下先門口個姐姐好熱情，星期日中午12點幾都唔使等好耐就入得入到坐低正常落單，我地兩個人要咗個鰻魚飯同一個叉燒飯，之後就等………可能喺新開張，d staff好似有d忙亂又有d迷茫，上菜上d又唔上d反正上咗好耐。隔離一張臺等咗半個鐘催咗幾次發現落錯單直接走咗，另一邊催咗三次先黎咗兩個飯，表情有種生無可戀既感覺我地比較好彩，等咗無幾耐就上咗個叉燒飯賣相不錯，都幾香。食落個飯比較香軟，叉燒同蛋味道都ok, 不過個人感覺叉燒略肥，吞唔落咬咗d肥出黎(本人平時食叉燒唔會咯)等咗好耐先有既全家福，配菜同個面豉湯都ok.催咗次終於主角出場啦飯就同叉燒個個差不多，不過鰻魚睇落唔太吸引，食落無咩味，得陣淡淡魚味。可以要鰻魚汁，倒埋落去就比較好食，因為鰻魚本身比較肥美，煎得都ok總括黎講，兩個飯食完都無飯焦，味道正常，服務一般，埋單兩位lunch盛惠194 (咁既質素感覺小貴) p.s. 埋單都要等…總之黎食要有耐心，話曬新開張，期望之後可以做得更好啦

自己一個人食飯，見呢間釜之魂終於開始試業所以即刻過來試下。話12點開門，但係店入面未ready，等左20分鐘先入得，不過剛剛試業都預左。環境：入面裝修晤錯，檯偏細張，檯同檯之間間隔勉強及格，但係都算坐得舒服服務：及格，等入去期間出面個staff講左勁多句sorry，搞到我都想安慰下佢食物：鰻魚飯用個日本釜裝住上，另外幾舊酸蘿蔔同湯，不過個menu度有d菌類但係實際就無，but我晤好呢d就無咩所謂。講翻個飯，舊鰻魚好厚身，d鰻魚皮燒到好脆好香，d肉仲係滑呢d好野，而且味道真係得，好好味D飯配埋個鰻魚燒汁有d黏口，晤係我favorite，但係都幾香。不過下次可能會考慮淨係叫一條鰻魚，試業期間無得叫但係都係目前起香港食過我覺得最好味嘎鰻魚同相同價位嘎APM重鰻比，呢間d鰻魚我個人就中意好多，色香味同埋個汁都出色d，而且重鰻有魚骨，呢間無飲品：跟餐飲咖啡，杯野有驚喜好香，晤似出面餐廳d跟餐咖啡甘hea，似d高級西餐廳標榜自己d咖啡好出色果d水平，推薦價錢：98+10% ＝ 108，價錢晤算平，但係可以接受，至少暫時淨係起日本食過更好味的，但係呢個都已經係高水平，值得推薦