金鶴拉麵 (九龍城道) (已結業)

係香港想食碗好味既拉麵真係好難。今晚去左土瓜灣既金鶴，地點確實係唔太方便，不過就係因為咁令到間舖有種特別既清雅感覺，同埋唔使等位^_^ 。同日本食既拉麵比較就梗係差d 喇，但係喺香港黎講，算唔差啦。麵質屬於中幼品種。店內有活動既partition, 可能隨時預備客人間房而設。雞白湯拉麵，個湯好濃，有雞片x2, 叉燒x2, 半隻溫泉蛋，最特別係上面加左一條條炸牛蒡，脆卜卜，幾好食。黑蒜醬油拉麵，湯都濃，仲好香，有雞片x2, 叉燒x2, 半隻溫泉蛋，不過唔知點解d 雞肉一半好冧，一半偏硬。正常既煎日式餃子日式唐揚炸雞，超香，皮脆肉嫩！推介！推介！推介！(好食既野要講3次！哈哈)隔離枱叫左個”活燒蒲燒鰻魚飯”，睇落好正，但今晚想食拉麵，所以無叫到，唯有下次再黎食佢！仲有牙線提供，貼心！仲有個廁所好大好靚！有d 日本feel !

買菜遇上寶馬厰沒有營業，找到泊車位，就不能錯過，到附近新啓業的日本拉麵店下午茶了。進門是料理枱，有吧櫈供邊看邊吃的，但下午茶時段，不很多人，就繼續前行入內堂，燈光很柔和，座位很舒服，枱之間的距離很恰當。先點了小吃，明太子雞翼及芥末八爪魚。兩碟份量也不算大，但很鮮明整齊，味道也很好，不太鹹。明太子雞翼與別不同，沒有雞皮全包著釀肉的， 沒那麼膩。然後點了黑麻油拉麵及原味拉麵。黑蒜醬油拉麵是很致肥的，而鹽味拉麵則是店內最清淡的。麵質很彈口，也不會被浸腍了，很高明。吃了也不會口喝。肉質、配料都很岀色，足見選料用心，亦足料回饋顧客。很不錯的拉麵店，總共有四間分店，佐敦、銅鑼灣、中區及土瓜灣。有手機應用程式，登記成為會員可儲分換食品。另外，洗手間很清潔。價錢方面，及得上某麵屋連鎖，但食品比那連鎖來得清淡。希望能保持水準，以後會多找機會光顧。

話說一直想試金鶴嘅雞白湯拉麵於是相約住係土瓜灣嘅朋友試下諗住土瓜灣會少人啲點知都坐滿，幸好咁岩有一枱走餐廳好有日本feel，唔會好迫，坐得幾舒服拉麵有六款選擇，包括一款沾麵我地揀左最出名嘅“金鶴。雞白湯”雞白湯湯底好香濃雞湯味，濃得黎唔會好油膩，飲完唔會話好口喝，旁邊嘅炸牛蒡，店員提醒要趁熱食，唔係會淋左，牛蒡炸得剛好，幾香脆，兩片雞叉燒都好嫰，還帶點彈性，叉燒也不錯，溏心蛋都算流心，同夠味，所以另外再追加另外還試了“黑蒜醬油拉麵”湯底比較濃味，蒜味都幾香，配料差不多，只是炸牛蒡變了紫菜，拉麵同樣彈牙，軟硬度適中小食揀左“日本明太子雞翼”，味道不錯不過咸，好貼心的用了錫子包住，方便拎起黎食

土瓜灣新店有兩層，之前已經吃過佐敦店，所以對本店也有點認識，今次入去係坐上層，位置比較闊落，而且環境安靜舒適。店內可選擇熱或凍茶，完全配合香港人口味，(日本拉麵店只有凍水)，更提供日本製造的濕紙巾。上次吃完高質的雞白湯拉麵，今次就吃個沾麵吧。食麵守則第一條，一定係飲啖湯底試下師傅既用心同真功夫。就算是沾麵，雞白湯底都一樣鮮甜濃郁而不膩，加上本身自己都鐘意飲開中式雞湯，更加係喜歡這湯。麵質比拉麵粗一點，口感更厚實有感，掛湯能力更佳，吃得慢的話，又可以叫店員幫忙將沾麵湯加熱，非常貼心。 感覺呢間拉麵店好肯去創新，至少未食過有沾麵係有慢煮雞柳呢類配菜而係好食。慢煮雞柳好有驚喜，平時好怕啲雞肉會「鞋」，但呢個煮法真係唔會有呢個擔心，食落好鮮嫩，肉質好滑易入口。另外同行友人亦點左碗黑蒜醬油湯拉麵，試左幾啖都覺得一樣好食！濃濃既蒜香(Galic愛好者一定要試下呢碗！)再加醬油湯底，唔會過鹹，亦有豐富既層次感，值得一試。小吃加了一份餃子，皮薄餡靚，外層更是香脆，咬下去，就有crispy的聲音，也沒有味精的過咸味。呢間麵店老闆既細心係小至洗手間都會感受到，未試過去一間餐廳既toilet 係會咁無微不至

土瓜灣作為隱世美食集中營，咩都有咁濟，唯獨就係差拉麵呢塊Puzzle，直至食完金鶴拉麵，呢幅美食併圖都終於完滿啦。首先講下個環境先，好有日式高級餐廳Feel，完全唔似普通拉麵店。昏暗嘅燈光幾有情調，可惜波波其實係嚟食晏嘅。波波同男朋友都叫咁沾麵，慢煮雞肉同叉燒各二。（頭已側）咁佢沾麵就冇出麵拉麵店畀你揀冷麵熱麵幾多g咁，一嚟就係咁樣架啦。雞胸肉好嫩滑，食得出係日本雞嘅胸脯不得不讚佢個雞湯，濃到呢，仲濃過阿媽煲嘅湯。真係值得返兜。

平時一向都係去佐敦今次知道土瓜灣新開張左咁啱經過決定去幫襯下 土瓜灣分店分兩層 比佐敦分店大好多每次去到都覺得呢個濕紙巾包裝好靚好有日本嘅感覺餐牌大致上都係差唔多不過小食部份就得三樣 比較少選擇必點活鰻蒲燒飯($198)鰻魚好肥美 而且厚身油脂比較重 好juicy配上醬汁 送飯一流 而且仲係即叫即燒 所以如果諗住食鰻魚飯嘅話去到要盡快落單咁就唔使等咁耐啦另外佢會送一個湯 係用鰻魚骨熬嘅味道唔算太濃 清甜我唔會講佢係我食過最好食嘅鰻魚飯但係佢嘅鰻魚飯比香港好多餐廳更為出色👍🏻👍🏻另外點咗雞白湯拉麵($98)呢度嘅拉麵份量都算多湯底好濃郁 但係唔會有黏着喉嚨嘅感覺口感順滑 好似加咗cream咁 😂碗上面有好多炸牛蒡 即刻可以相機食先慢煮雞同叉燒肉質嫩滑 值得一試我哋重點左客日式餃子味道正正常常題外話 呢度嘅洗手間好大坐喺度去廁所嘅時候可以一路睇住電視🙈雲石裝修 加上好貼心有好多用品比顧客使用即刻加咗不少分💕

已經唔係第一次食金鶴拉麵，之前喺佐敦分店都食過好多次，但係土瓜灣分店都係第一次嚟食。次次嚟都食雞白湯拉麵無乜新意咁，今次就試吓其他嘢，睇吓係咪一樣都係咁好食。首先叫了咖喱炸雞肉飯 $78，喺呢間餐廳入面來講都算係較平嘅主食，但係嚟到嘅時候，我同友人都覺得係物超所值。在炸雞有三大舊，同隻溏心蛋對比，你就知有幾大。炸雞同我喺日本食嘅質素差唔多，完全無炸粉嘅感覺，外皮薄、金黃色、香口，肉質非常鮮嫩。咖喱汁份量多，只有少少少少辣，夠惹味，但又唔會過辣影響其他食物嘅味道。活燒蒲燒鰻魚飯 $198 好似係呢間餐廳嘅另一名物，今次都係我第一次試，鰻魚非常厚肉，燒到外皮有少少焦，食落口，除咗有鰻魚汁嘅濃郁，亦都有陣陣嘅焦香味～需加一服務費，埋單2人約$300。P.S. 店內日式裝潢非常之靚，好有日本傳統老店嘅感覺。但同時廁所又非常之先進同貼心，廁所蓋係識自動掀起，廁所亦配備有電視機，超sweet 嘅係，佢入邊有提供牙線、牙刷、衛生用品等等。 (我都唔想食評post出埋廁所嘅相，但真係唔讚唔得🤦🏻‍♀️)如果你鍾意睇我嘅食評，不妨關注我，支持吓我，謝謝你☺️💕

喜歡拉麵的朋友絕對要黎試下，一去到看到門面裝飾已非常有驚喜，門面帶有日式風格，一入去就有5個BAR檯座位，再行入去，上半層樓梯後，有大約20幾個卡位，裡面的牆身油上黑色，再配有金色的日系牆紙作裝飾，既高貴又有格調。而且餐廳一直播著柔和的日文音樂，感覺好舒適，尤如置身日本食拉麵一樣。金鶴.雞白湯拉麵—湯底是用赤雞熬足六小時而成的，雞湯呈奶白色，帶有非常濃郁的雞味，但不油膩，拉麵上配有炸過的牛蒡，非常鬆脆，拉麵的麵條爽口，配有叉燒和慢煮雞肉。黑蒜醬油拉麵—湯底用上秘製黑蒜油，濃濃的黑蒜味，絕對妣美日本的醬油拉麵，麵條爽口，配有叉燒和慢煮雞肉。日式唐揚炸雞—炸雞炸得非常香酥鬆脆，而且仲可以保留雞塊內的肉汁，非常有驚喜。煎日式餃子—餃子皮薄餡靚，唔會煎得太燶。

好少入土瓜灣嘅foodpigss🐷🐷，今次搵朋友就入左黎，順便試下呢間新開嘅拉麵。餐廳行日式現代風格，仲有包裝都好日本feel嘅濕紙巾最估唔到係洗手間有埋牙刷、綿花棒等，另外仲有電視睇😂，而廁所亦係日式電動板，好似去左酒店咁金鶴·雞白湯拉麵（$98）湯底雞味濃郁，事關用左赤雞熬製六小時而成，質感係對比平時食開啲拉麵湯底更傑身，有少少油但不算膩。而成碗麵嘅吸晴點就係炸牛蒡，食落好脆口，食法新穎。辛味拉麵（$88）湯底係以高湯加秘製辛辣香料來調味，味道屬微辣，連🐷🐷唔食得辣都接受到。兩碗麵都係幼麵，軟硬度適中，另有糖芯蛋、黑木耳、洋蔥&荀。仲有叉燒同雞胸肉，當中最驚喜就係雞胸肉的嫩滑同彈牙嘅口感，可謂顛覆本身對雞胸肉嘅印象，仲一啲都無雪藏味日式唐揚炸雞（$33）估唔到食落咁juicy，外層亦好香脆，值得一食煎日式餃子（$33）相對地較遜色，無咩特別日本溏心蛋（$12）其實較預期中熟，但好入味，不俗整體感覺不錯，會再來

工作路過土瓜灣﹐發現街市旁邊竟然出現一家日本餐廳 – 金鶴拉麵。因附近的店都不是餐廳﹐令金鶴拉麵的位置顯得不起眼。連住在土瓜灣的朋友每天經過都未有察覺﹐再過兩天﹐二人來到這家隱世餐廳。大門裝潢有著傳統日本風格﹐木門和圓窗都很日本感覺﹐進店以後果真是一家新簇簇的日式傳統裝潢餐廳﹐以木為主調。加上每桌分隔甚遠﹐不會相互影響﹐是朋友閒談的好去處。金鶴的餐牌選擇不多﹐只有數款拉麵﹐拉麵有沾麵也有湯拉麵﹐感覺就像精心做好一種口味的感覺﹐給了我信心。第一次到來﹐當然要試招牌菜 – 金鶴雞白湯拉麵﹐我點了沾麵 ($138)﹐朋友點了湯麵($98)。還有就是兩個小吃 – 煎日式餃子($33) 和日式唐揚炸雞($33)。先來了餃子﹐餃子共四隻﹐底部可見煎至焦香﹐配上餃子汁。咬下去噴出濃濃肉汁﹐餡料被打至很碎﹐令口感很滑。是特別的體驗再來是唐揚﹐沒想到是3塊﹐因為一般其他餐廳$3X都只有兩小塊….唐揚呈圓球型﹐尺寸也不小﹐配上旁邊的柚子鹽﹐很是吸引！唐揚肉汁更豐富﹐拍照並不能拍得清楚﹐但可見肉絲上也充滿光澤﹐整個唐揚也很Juicy！香脆外皮﹐雞味可口﹐可上柚子獨特味道﹐非常欣賞！主角—金鶴雞白湯拉麵出場啦

金鶴拉麵🍜係香港終於有第2間分店，平日周圍食嘅我，碰啱今日係土瓜灣，所以點都要嚟試試啦🤨未入到去出面又大排長龍，但等咗唔算太耐。餐廳裝潢好靚，日本風味特式，值得一讚。雞白湯拉麵 $98麵底相對硬身，但相反雞肉拉麵比較少有，湯底濃郁，啖啖都有雞味👍🏻辛味拉麵 $88湯底幾似辛辣麵，少少辣，可能我ok辣。拉麵真係比較硬身，材質嘗算豐富，值得一試。唐揚炸赤雞 $33總共有3件，其實見有炸雞心血來潮想食，所以即刻點咗嚟試，但唔算特別。元祖煎餃子 $33有4件，表皮煎得唔算脆口，味道嘗算可以。亦都唔算非常特別，但因為店內小食唔算多，所以不妨一試。🍽7/10🔎 金鶴拉麵 (土瓜灣)土瓜灣九龍城道10-16A號聯業大廈地下B舖

之前去過佐敦嗰邊嘅金鶴拉麵，不過因為太多人排隊嘅關係，最後都冇機會食到，後來知道土瓜灣開咗間分店，我諗應該冇佐敦咁多人呀掛，然後我再今日特登等到下晝2:00鐘先來食，果然去到係可以唔使排隊㗎，不過裏便都坐到滿晒人，上網見到呢一間拉麵最出名嘅雞白湯拉麵，咁我就叫咗一碗佢個湯底真係好好味，完全唔知出邊啲味精湯，側邊啡色一條條嗰啲原來係叫做牛蒡，呢個 Texture 好特別我一向都覺得拉麵最緊要嘅係湯底，以呢度嘅湯底絕對係冇令我失望嘅，價錢亦都唔算太貴呢個炸雞都好好味，炸到裏便啲肉汁好 Juicy一入門口就見到有個地方你會睇到人哋整拉麵今次食咗兩個拉麵，但餐廳其實仲有一樣野好出名，就係佢佢個鰻魚飯，我諗我都要下次再嚟食過啦

唔知呢道算唔算隱世餐廳😆如果唔係咁啱過左黎土瓜灣又想食拉麵真係唔知裝修都幾骨緻特別個門口一讚我們點了一個招牌 − 金鶴 雞白湯拉麵 $98賣相十分靚加上即時炸好的牛蒡絲賣相馬上有加分喔不過剛炸好的關係 感覺有一點點油膩我比較喜歡把它浸在湯裏邊再吃還有我最愛的糖心蛋湯底方面由赤雞熬了6小時而成 #赤雞其實係咩雞？果然味道夠濃郁 而且湯底亦較平時杰一點有帶沾麵的感覺 #感覺有賺了而雞肉放進口中有驚喜 很香的雞肉味 感覺和火雞肉像活燒蒲燒鰻魚 $198雖然小小的一碗 可是鰻魚是滿滿的鋪在上邊而且有看到嗎？他是超厚超厚超厚的這裏應該有超過2cm 也真夠誇張不過飯的份量就比較少只有薄薄一層男生可能感覺不夠吃不過重點是鰻魚喔！還有需要注意一點的是中間的位置有一條骨大家吃之前把它去掉就可以放心吃這樣子就不會吃到一半的時候發現有骨

今日收工嚟到土瓜灣，約咗朋友食飯，土瓜灣區基本上係冇拉麵食🍜，但我朋友話俾我知，有間新開嘅拉麵店，依家係試業中，咁我哋就行過去試吓啦⋯⋯呢間拉麵店叫金鶴，其實佢喺佐敦有間分店，土瓜灣呢間分店比較偏，比較難搵到。佢嘅風格好有日本色彩！同埋呢間拉麵店都幾貼心，去個廁所都有驚喜。。。廁所入面竟然有電電視機，另外仲有牙刷，漱口杯，衛生巾⋯⋯真係估佢唔到🤣講返食物方面，佢哋以雞湯底為主，有湯拉麵，又有沾麵，亦有辛辣拉麵，黑蒜湯拉麵。。。佢個湯底雞湯味好濃👍🏻完全感受到真係用雞來淆個底湯🤤至於個雞肉係用咗雞胸肉，廚師應該慢煮過，好嫩好滑。個糖心蛋都做得好好，熟嘅程度剛剛好。餃子方面，佢個皮好薄，裏面嘅餡唔算好多，但咬落去都有肉汁！金鶴。雞白湯沾麵如果個湯凍左，店員唔無限幫你加返熱金鶴。雞白湯拉麵上面嘅牛蒡係重點，好脆好特別相信到正式開業，應該都會幾多人排隊了！

今日系附近睇完醫生見咁岩呢間拉麵店系土瓜灣開左分店就特登去食 始終之前有段時間系瘋狂到日日都食拉麵所以對拉麵都有番少少要求 都算幾鐘情呢間拉麵 #金鶴雞白湯拉麵中意呢度既白雞湯 湯夠濃原汁原味 唔知煲左幾多個鐘先整到個湯底呢🥰另外雞肉店員上菜時提我地雞肉要冷食 ，果然系好鮮甜既雞胸肉，大塊得黎，又吾會覺得好煙un，平時最吾鍾意就系食雞胸但系一熱一凍 果感覺好特別 果然冷吃除左食到雞肉中既鮮甜肉汁 #黑蒜醬油拉麵呢個湯比較濃郁，好采我系食完個白雞湯一半先交換黎食，不然醬油既濃味就會蓋過白湯味叉燒肥肉瘦肥比例恰到好處 入口有少少溶既感覺好喜歡💕好搞笑我一路食 對面果個一路話舊炸雞好出色😂出面夠脆入面中間好滑，第一次聽一個平時吾食炸雞既人話d炸雞雞好食 餃子🥟 中間冇落調味料，好既地方系佢個皮夠皮夠薄夠滑