金鶴拉麵 (九龍城道) (已結業)

相信講起拉麵..大家都會諗起某些大牌子拉麵...但可惜...我好怕食d好鹹既拉麵...於是老公帶我試呢間係土瓜灣既拉麵...👇🏻位置比較偏一點...所以唔多人排隊等位..我地都係等左一張枱姐👇🏻一入門口見到bar 枱...初頭以為得咁少位..原來入到去仲有好多枱..👇🏻雞白湯拉麵...呢個完全係我中意既味道..清清地..唔會太濃..仲配有流心蛋..而且都係$98...價錢合理👇🏻黑蒜醬油拉麵...呢個湯底比較濃稠...老公比較中意呢個..味道濃一點...當然同某牌公仔面個個黑蒜味完全唔同啦👇🏻燒雞泡魚乾...好多日本餐廳都有..呢間唔會燒到好乾身好韌..正👍👇🏻唐揚炸赤雞...有三塊...配有淮鹽...好惹味😋

金鹤拉麵今日同老公去探望媽媽，無意中行過土瓜灣九龍城道發現有間日式拉麵店，見肚子有點餓便入去，我比較喜歡食拉麵便點了金鹤雞白湯拉麵，餐牌介紹湯底是用赤雞熬製六個小時而戊，其口感濃而不膩，口感順滑，及飲後不會有口乾或黏口的感覺，雖然不知道赤雞是甚麼雞，但湯底真如介紹一樣濃而不膩喝後又不口乾，麵質不糊且彈牙，豚肉鬆軟，雞肉嫩滑，伴菜比較特別，不是傳統用的紫菜而是脆炸牛蒡，入口爽脆再配合湯底真的很好味道。老公覺得麵不足夠他填滿肚子便點了活燒蒲燒鰻魚飯，等了10分鐘才上枱，原因鰻魚是即點即燒，入口皮脆肉滑，而米也不馬虎用的是日本珍珠米再配合鰻魚燒汁很好味道。這間金鹤拉麵還有開心大發現，下載店的 Apps做會員，即可用積分免費換領支裝汽水或糖心蛋，老公最愛食雞蛋，所以選擇了糖心蛋。還有中環新店優惠4月1日至3曰$10即嘆人氣拉麵，如果食客這幾天在中環，值得一試。

路過土瓜灣搵到呢間拉麵店，一入到去d staffs殷勤招待，特別一提，個女厠好大好乾淨有埋電視同日本個d電座厠。叫咗一碗黑蒜醬油拉麵係，同另一碗醬油拉麵，一嚟到已經聞到好香嘅黑蒜味，個湯飲落去幾香。叉燒，食落去好淋。半熟蛋嘅流心效果誘人，蛋嘅味道調得很好，蛋汁從那流心嘅蛋黃溢出，更有日本風味。見到雞泡魚乾，正呀！！ 我至愛！！ 整得好香口，燒得有少少焦香，香脆香韌有咬口，好好味！！ 雞泡魚乾個價錢仲要ok抵！！餃子，皮薄，餡料好足，而且肉餃非常鮮味。碗拉麵吃得挺滿足的，大大碗，食一碗已感到飽了，我們還點了一個炸雞，大滿足。

最近金鶴拉麵好似好出名咁，我都忍唔住去試吓，不過作為一間係土瓜灣呢埋左嘅拉麵譜，佢真係可以叫做隱世，搵咗一陣間先搵到佢間鋪係邊，呢種隐世真係好有味道啊，傳聞話呢度嘅雞白湯拉麵，同鰻魚飯都好出名不過鰻魚飯我覺得有啲貴，唔係好捨得食，所以今次就淨係食咗個雞白湯拉麵，都幾好食，個湯我都飲晒

星期日，同老公搵位泊車搵到去九龍城道，竟然見到一家平時唔糸好覺眼嘅日本拉麵店，泊好車就順便入去食個Lunch。進到店內坐下，聽到左邊枱的夫婦讚麵彈牙好吃，右邊枱的兩位少女讚味道好有日本地道feel，咁我地都點咗一個雞白湯拉麵試下先。果然無老點！鷄湯味湯底好濃好鮮甜，鷄肉鮮味好嫩滑！我飲到有D忌廉味？ WOW ! Out of my expect ~ 好好味呀 ! 香滑！炸牛蒡作配菜好有特式，入口香脆，不過必定要盡快吃，否則浸在湯底上太久會變淋。五花腩半肥瘦適中，剛剛好。麵質好彈滑，軟硬程度適中，全碗麵都好Balance。我另外點了一個燒鰻魚飯同老公開心share，是關本人最愛吃燒鰻魚，不過要等大約10分鐘左右，因為店員說是即叫即燒的。真的好有驚喜，好地道，鰻魚肉好滑，皮燒得夠脆，配上燒汁，簡直一流，拍得住我之前在東京食過個間燒鰻魚店。珍珠米甘香，大小平均有黏性，可以夾起來吃，有口感，看得出廚師嘅用心，鐘意食鰻魚飯嘅人都知道一個飯底有幾緊要。鰻魚飯還配炸鰻魚骨湯和芥末八瓜魚。雖然此店好隠世，但有緣地發現它，我哋誓必回來再吃！

收工番屋企經過土瓜灣，食番個拉麵先🍜金鶴雞白湯沾麵 ($138) 麵質唔錯，彈牙而且比較粗，好掛汁！個湯味道好濃好重雞湯味，但就唔會太咸。唯一美中不足係個湯份量唔算多，但好既係個湯可以翻熱，呢樣都幾吸引。跟沾麵有兩塊雞肉同兩塊豚肉，但稍嫌肉汁味唔算重，雞肉都幾高質，但豚肉就冇咩特別。隻蛋係最好食既部份，都幾流心🤤🤤活燒蒲燒鰻魚飯 ($198) 呢個飯係真係好高質🤪 雖然價錢都比較高，但係絕對值得一試!! 鰻魚好厚身，食落真係啖啖肉，加埋上面係燒汁係好食到痴咗線。而且呢度係將鰻魚塊皮燒到脆脆地，連平時食魚唔食皮既我可以完完整整清哂條魚😝🤤 唔好睇個飯好似得好少，加埋條鰻魚食就好飽！同埋個飯都好好食😂 再黎金鶴我都係會叫鰻魚飯🤘🏻

眼見最近佐敦一間拉麵店吸引咁多人排隊，就決定去了土瓜分店試一試，來到位於九龍城聯業大廈的［金鶴拉麵］🍜🍜門外設計風格較日式，簡約時尚。在舊樓立林既土瓜灣區確實突出。室內以黑色為主調，摩登時尚，環境寬敞不侷促，有別於一般拉麵小店。地下為吧枱，上一層有獨立餐桌。拉麵有主打雞白湯、黑蒜、鹽味等，亦有沾麵選擇。估唔到仲有蒲燒鰻魚飯添。金鶴。雞白湯拉麵 $98主打之一雞白湯，店家以赤雞熬製六小時而時，湯底呈奶白色，入口順滑不膩配菜有少見的炸牛蒡，口感爽脆；半邊溏心蛋較實，個人較喜歡流心狀。碗內還有半肥瘦叉燒、雞胸肉，入口軟腍，不會太韌黑蒜醬油拉麵 $98友人點了黑蒜醬油味，湯底顏色較深，蒜香味強烈。麵條都是一樣用幼麵，口感彈牙。除了叉燒外，亦加入少見的雞胸肉。Ps. 餐廳個廁所好特別，真佩服店主的心思！

前日發現土瓜灣有一間新開間拉麵🍜金鶴拉麵🍴，我同屋企人今日興致勃勃想食拉麵，所以就入咗去食下啦🐥鋪頭個環境好有日本feel，清潔乾淨，侍應十分有禮貌。有個投影機播片好高級餐廳feel！😜我地叫左雞白湯拉麵，活鰻蒲燒飯，一客唐楊炸赤雞。🙋🏼‍♀雞白湯拉麵🍜，賣相不錯，熱辣辣嘅湯底好深刻印象，佢個湯底我入口味道濃厚，因為廚師將湯底烹調左六個小時，唔會太咸，以及帶點鮮甜😝，而拉麵🍜個份量適中，面質軟硬程度適中，高品質拉麵。雞肉嫩口。活鰻蒲燒飯，個飯送一碗鰻魚清湯，同一客八爪魚刺身🐙個鰻魚清湯清甜，而個八爪魚刺身真係合適，一眼望個鰻魚真係吸睛呀，好厚，啖啖肉，食完真係舔舔脷，加埋個鰻魚汁再加一啖飯最佳配搭。 😆唐楊炸赤雞 ， 有三舊大雞球，加少少鹽。肉質鮮嫩，食得出係鮮炸雞球，而炸出嚟嘅雞油量唔會太多。下次會再食！😘

星期日既下午同朋友一齊去咗土瓜灣既金鶴拉麵，為咗試佢招牌既金鶴雞白湯拉麵。雖然已事先預約，但可能因為新開同位置較唔顯眼既關係，人流實在唔多，我地好快就喺二樓坐低咗。坐既位置對住一幅金色鶴既畫，和風裝飾配西式裝修，十分特別。我地好快就叫咗目標既拉麵，店員更熱心提醒我地有新店優惠，只要掃一掃QR code登記做會員，就可以有拉麵買一送一優惠店員時不時主動幫忙添玄米茶，服務實在加分。拉麵黎啦~擺盤好有架勢炸牛蒡好脆，但唔可以浸湯太耐，耐咗會變得難咬。雞肉十分嫩滑，好有雞味糖心蛋亦都好入味，蛋黃生熟度啱啱好湯入面隱藏住兩片叉燒，雖然有啲韌，但好彩夠薄。湯底真係非常濃郁，味道啱啱好。拉麵屬較粗既拉麵，份量多，軟硬剛好。另外，佢地既廁所係酒店式既裝修，真係十分驚喜，亦有分男女廁。睇得岀店鋪既裝修好用心，連廁所都有考慮到。最後，我地結賬既時候只係比咗每人$54既價錢就食咗碗性價比超高既拉麵，同享受咗一個舒適既用麵環境雖然土瓜灣、九龍城區可以行既地方唔多，但黎咗金鶴食野係值既

住喺土瓜灣咁多年，終於有間新開有質素的日本拉麵🍜難得今日放假約埋爸爸媽媽去試吓門外裝修好有日本店舖感覺，入到餐廳地方寛敞，燈光昏暗柔和，感覺好舒服😌店員為我地介紹呢度最出名的鰻魚飯，就叫了一個試下先😋鰻魚飯都有跟一個鰻魚骨湯同埋一客芥辣墨魚，這個湯都係第一次飲，飲落好似麵豉湯但比麵豉湯更鮮甜😋鰻魚食落啖啖肉，燒得好惹味👍醬油拉麵-湯底採用鰹魚高湯及用日本醬油去調味，清清地帶有鮮甜鹹味，好好味👍豬肉半肥半瘦食落剛剛好，麵條非常彈牙😋😋😋

土瓜灣最近開左間隱世拉麵店，拉麵店離mtr站大約15分鐘行程，所以搭巴士黎可能會方便d。一入到餐廳，感覺到濃厚嘅日本風味，除左因為裝修好有日本feel之外，仲有播d舊式日本歌曲，好特別。此外，連餐具同埋擺設都有日式風格。待應嘅服務亦值得讚賞。叫左碗白湯拉麵。賣相好特別，有一堆炸牛蒡，令碗拉麵生色不少。湯底方面，雞湯味都幾香濃，而且唔味精，食完無覺得口渴。有別於豬骨湯拉麵，呢度唔單止用雞湯，仲用左雞肉。雞肉好嫩滑。小食餃子都好好食，餃子皮好薄，而且唔會好咸，幾好味。另外，我地仲叫左沾麵。沾麵個湯一定係比普通拉麵嘅湯，而且好香濃。夾d拉麵去浸下d湯，d湯附係麵上好正。不過，個湯比較快凍左，有dd可惜。除左有雞肉同溏心蛋，豚肉都好好食。所以呢間拉麵店好值得大家黎食。

某日路過此地，發現雖然土瓜灣地鐵尚未通車，但金鶴已進駐土瓜灣了！日式環境，主色用黑色配黃調燈，令人感覺舒適，一入門口是吧枱位。之前去過佐敦店，覺得土瓜灣店地方再大些。路過已經見到師傅燒緊鰻魚。轉角上幾級樓梯地方寬敞，有空間感，仲可以包廂房。金鶴.雞白湯拉麵 ($98)牛蒡削成薄條下去炸，炸得形狀有巧思，脆脆的，和湯一起搭配吃，很不錯，但別泡太久容易軟掉。不過吃的時候可以先拿出來，不然會苦。湯頭濃而不油膩，拉麵帶湯汁嚐起來口感順滑，飲湯不會乾口的感覺，可知師傅在湯頭下了不少功夫，雞肉和叉燒很軟嫩，應該是使用低溫烹調，相當健康，糖心蛋半熟的也很好吃。活燒蒲燒鰻魚飯 ($198)要早點order，因為是即叫即燒的，要等10-15分鐘。鰻魚很大份，燒得很漂亮，帶點焦香，肉質細嫩，夠厚身，油脂豐富，魚皮脆脆，醬油香，不會放過多，沒有蓋過魚的鮮味，也不油膩。用上日本的七星米，粒粒飽滿，美味可口，好有水準，實屬上佳之作！芥末八爪魚細細粒，帶點嗆，可以refresh下味蕾。湯有鰻魚骨、竹筍、紫菜，很能配合鰻魚飯！濕紙巾、筷子套充滿日本風情，很精緻。

朋友話佐敦有間拉麵幾好, 發現土瓜灣分店比較就我地腳, 就同老公黎試下入面黎既日式裝修, 比一般拉麵店華麗, 座位非常舒服, 同隔離枱又唔使太貼老公話想食辛味拉麵, 而我就想食新野, 呢到主打係雞白湯, 所以叫左個雞白湯沾麵辛味拉麵, 辣味適中, 辣得黎又未蓋過豬骨湯味麵條係幼麵, 雖然無得揀軟硬度, 但麵條有彈性又爽口配菜除左叉燒, 仲有雞肉, 兩者都嫩滑唔鞋口, 應該係用左慢煮方式黎煮溏心蛋呈於流心狀態, 入口即溶而雞白湯沾麵, 我預左沾麵既湯係咸少少, 但我都想飲啖先雞味超濃郁, 口感似忌廉湯帶少少黏口麵條比湯拉麵粗少少, 口感更結實彈牙, 係我最鍾意既質感配菜同拉麵一樣有雞肉&叉燒, 仲有多半隻溏心蛋不過雞肉&叉燒無浸係湯入面, 入口比較凍侍應提醒如果湯凍左, 可以叫佢地加熱最後亦可以叫侍應加湯, 然後飲埋D湯 我地追加個唐揚炸雞, 雖然只有3件, 但都幾大件外皮炸得超香脆, 但雞肉又好嫩滑, 蘸上檸檬鹽帶點清新感覺拉麵&小食整體好滿意, 可以下次再黎

知道呢間人氣拉麵店係土瓜灣開左分店後，就來左食午飯。呢間店比佐敦嘅大同闊落，裝修依然係非常有日式風格，而且唔單止個店面裝修得好有心思，連個廁所都好靚、好有格調！雞白湯拉麵之前係佐敦店食嘅時候，D牛蒡比較大而且係正個碗中間，所以夾麵嘅時候好唔方便。今次呢間分店將D牛蒡整細左，而且擺係側邊，食嘅時候方便好多。雞白湯香濃，明顯係熬左好耐。雞肉都幾大塊同非常嫩滑！！活燒蒲燒鰻魚飯人氣之選，食過真係一試難忘！鰻魚好大條又厚身，皮煎得金黃香脆，燒汁均勻分佈係條鰻魚上面，肉好軟腍，每一啖都係甜甜地嘅燒汁同啖啖肉，好滿足！唐揚炸雞炸得香脆而不油膩，用嘅炸粉亦唔多，所以皮同肉係緊緊連埋一齊，唔會一咬皮同肉散開曬，好好味！

經常在網路上，看到這間長龍人氣拉麵的消息，今天趁假期空檔，來到一試。店內裝修很有日本特色的現代時代感，以黑色為主色調，座位寛鬆，加上日本流行歌曲，感覺好像到了日本旅遊。金鶴雞白湯拉麵$98，是這裡的主打項目，雞肉雖然是胸肉部分，不過沒有過靱，反而是嫩滑有雞味，伴碟還有炸牛蒡，味道香脆，不過要立即吃掉，否則會有苦澀味。白湯是由雞熬製而成，味道清甜。未吃麵，已經喝了幾口雞湯，麵的份量不少，一位男仕都夠吃。金鶴雞白湯沾麵$138，白湯比拉麵的湯頭厚身，味道亦偏鹹，不過用麵沾上湯，兩者混合之後，味道更適中，果然是另一名物，沒有令人感到失望。至於叉燒和蛋，味道亦算出色，只是雞肉和雞湯實在無懈可擊，所以比下去了。