金鶴拉麵 (九龍城道) (已結業)

這間土瓜灣嘅金鶴拉麵之前食過, 無論環境服務食物質素都非常之好, 本身覺得店舖面積中等. 但係你入到去先會發現佢大部分都係走廊, 去到盡而先大約有十張枱, 其實佢哋有條件放多啲枱. 不過佢哋嘅裝修真係好靚好有日本feel. 裝修得好似啲五星級酒店, 連廁所都由乾淨又靚, 可惜就比較遠隔涉咗少少. 門口一入去仲要為入咗五星級酒店小食就嗌咗黑毛豚肉串同埋雞泡魚, 豚串四十零蚊有兩串有少少貴, 同埋味道一般. 反而雞泡魚乾燒熱咗又甜又香口, 推介之選.手工啤酒品種多味道好, 限時減價平咗廿蚊一樽.白雞湯沾麵, 我一可以揀全部選慢煮雞或者豚肉, 雞蛋會多半隻, 湯底濃喐啲. 面會彈口啲因為過冷河,我自己鍾意食呢一隻多啲.至於以上兩款一款是正常白雞湯另一款係超濃白雞湯, 初次嚟食嘅朋友可以試下正常嘅白雞湯, 每一碗都伴著炸牛蒡, 食落去好似蕃薯乾一樣, 唔係度度都有得食. 至於食到朋友可以試下超濃白雞湯, 啲雞湯用到張住你個口好似, 好多骨膠原嘅感覺. 不過佢同沾麵都係138蚊. 我會推介沾麵多一啲.至於好多朋友可能會問拉麵食雞肉會唔會奇怪一點, 我個人覺得呢度嘅雞肉係畀豚肉好食好多, 而且出面

成日見到呢間野喺度今次終於入去試一試金鶴雞白湯重點推介我就揀左金鶴雞白湯沾麵價錢$138 包2片叉燒 2件雞肉 1隻溏心蛋個沾麵湯底 望落好少好淡色但絕對係俾佢白湯呃左個汁真係超級濃味 勁好食 個麵又大份大份到食剩4分1都仲有汁喺度店員上檯都有話 可以加湯唔夠熱都可以加架！呢個價錢仲要食唔哂 仲勁飽肚真係好抵食點任何一款拉麵仲可以半價叫小食食(原價$28) 有餃子 唐揚炸雞 炭燒叉燒等等不過個人覺得就咁叫個麵已經好夠lu

同事好耐之前同我講，呢間金鶴拉麵啲嘢食唔錯，今日終於有時間嚟食，一入到去已經覺得個環境勁有日本feel，仲有個開放式廚房👍🏻👍🏻👍🏻👍🏻，廚房好乾淨，食落去都放心，因為之前試過食日本野食到肚痛，同埋枱與枱之間都有好多空間，如果黎一邊食野一邊傾公事都幾好，因為幾有私人空間，同埋有D日本式屏風，分隔兩個區域，同埋嗰幅畫係幾靚，同事好耐之前同我講，呢間金鶴拉麵啲嘢食唔錯，今日終於有時間嚟食，一入到去已經覺得個環境勁有日本feel，仲有個開放式廚房👍🏻👍🏻👍🏻👍🏻，廚房好乾淨，食落去都放心，因為之前試過食日本野食到肚痛，同埋枱與枱之間都有好多空間，如果黎一邊食野一邊傾公事都幾好，因為幾有私人空間，同埋有D日本式屏風，分隔兩個區域，同埋嗰幅畫係幾靚，本身自己好鍾意食鰻魚飯，所以就點左個鰻魚飯同埋一支手工啤酒，因為鰻魚係即燒，所以最好提前預訂，雖然我都唔知，到咗先嗌，不過大約20分鐘就可以食得，鰻魚真係好大舊，淨係食鰻魚都飽，肉好鮮嫩，外面都好脆，因為之前都食過唔同嘅鰻魚飯，貴嘅又有，平嘅都有，呢個價錢中等，但係質素可以媲美貴嗰啲，不過美中不足嘅係，我覺得可以俾多啲蒲燒鰻魚汁，因為自己好鍾意撈汁食

估唔到土瓜灣終於開左ramens！十級興奮啊～lunch time時間去食唔需要排隊，入面既裝修同坐都好舒服🥰我點左雞白湯拉麵口感好濃郁但食耐左都唔會油膩，肉既數量唔會太少，亦唔會覺得好口干！試過去其他地方食既ramens蛋上台果時已經唔係流心但金鶴拉麵的蛋無出現咁既情況，我仲想叫多一隻，可惜太飽。友人點了黑蒜醬油湯拉麵重口味的佢表示好鍾意，口感沒有想像中的油膩，配可樂是一絕！麵質感唔會太軟，較爽口，可能是用冰水過過冷河？哈哈，我都不知道。如果這款佢有出湯包既，我應該會買黎返去煮。當中我最推介的是雞泡干🐔廚師燒得好脆而且入味，剛剛拎上台果時係最好食，不過份量再多點就好！土瓜灣街坊唔想出咁遠時ramens既一定要黎試下，仲可以儲積分下次換其他食物，侍應態度亦好好！😬😬

前幾日約咗朋友去土瓜灣，就見到呢一間食鰻魚飯嘅餐廳於是去試一試， 順便傾吓計。呢間餐廳都幾大。裝修就非常之簡單，日式得來又有啲西式。廚房就好似日本傳統嘅拉麵店一樣，門口嗰個鶴玻璃好靚帶點金黃色。呢度嘅侍應話出名嘅就係雞湯拉麵$98 ，同埋鰻魚飯$198 ，咁就當然要試呢兩樣野。雞白湯拉麵賣相非常之靚，好似藝術品咁，上面加咗炸過嘅牛蒡絲，好鬆脆，令到個拉麵嘅口感多一叢。另外上面仲有慢煮嘅雞肉，非常之滑，雖然係雞胸肉但係都好好食。仲有個留心蛋係上面煮到剛剛好，雖然呢個係雞湯拉麵，但係上面嘅叉燒一啲都唔會失禮，好香豬肉嘅味道，亦都有少少烤過味道。雞湯方面就大有雞油嘅味道，好濃郁，你個面就煮到剛剛好唔會太遠，有少少彈牙。另外個鰻魚飯真係不得了， 鰻魚係每日新鮮燒製，係用新鮮嘅鰻魚做嘅，鰻魚非常之厚身，皮亦都好厚，我本人就好鍾意食厚身嘅鰻魚同埋塊皮夠厚好彈牙，而且佢冇乜細骨，醬汁方面就恰到好處唔會太濃搶咗鰻魚嘅鮮味，有少少甜味咁樣帶出左成個鰻魚嘅味道，而且亦都烤焗得好香口。同埋啲汁剛剛好覆蓋到啲飯，唔會令到個飯好鹹或者好甜非常之好。

之前試過佐敦分店，見土瓜灣開咗就同男朋友試下新店！因為唔想排隊，所以六點就到咗。呢間分店有兩層，都係行日本風。今次叫咗三樣食物。沾麵一如既往都係咁好食，雞湯味好濃厚，沾麵個汁比起拉麵個湯係會清啲同有陣咸香味。沾麵係只得冷麵 （無得揀熱或者凍，好彩冷麵係我地favourite！麵質彈牙偏幼掛湯。員工亦相當貼心提醒我地湯可以加熱。黑蒜醬油拉麵好重黑蒜味，係重口味控會喜歡既口味。雞肉本來已經軟熟唔乾身加上索咗黑蒜湯汁後更加好味。叉燒肥瘦均勻，怕肥女士都唔怕食。溏心蛋流心有醬油味，水準平穩。好多人都介紹鰻魚飯，但我地兩個人食唔曬，所以今次就叫咗$68有三舊既鰻魚串。又估唔到真係好好食，係我食過數一數二好食既鰻魚。肉質外脆內軟，厚身，有燒香同油脂既味道。 下次一定會食鰻魚飯，因為真係好好食！三舊絕對唔夠！最後要讚下洗手間環境，比起好多同類型的餐廳靚而整潔，係日式多功能廁所，估唔到有牙線供應，絕對係加分之處！下次去試埋都係新開既中環分店先！😍

豬骨湯拉麵很常吃，但雞白湯拉麵就真的少之又少。聽說有一間拉麵店在土瓜灣開了分店，主打雞白湯😍 所以決定今天下班後就去試一下！ 一踏進餐廳，侍應的招呼已經值得我給他們十粒星⭐️⭐️⭐️店員的熱情招待，還問要不要幫我收起雨傘，服務殷勤👍🏻餐廳裝潢充滿日本風，有吧枱，上層都有二至四人枱，環境寧靜恬適， 氣氛不錯。拉麵款式都有五至六款，有主打雞白湯拉麵、黑蒜油、醬油和辛味。我們選了兩款拉麵，一款是招牌，一款是辛味🍜🍜招牌拉麵湯底濃稠， 麵質掛湯力強👍🏻 仲有雞肉同叉燒各兩片，再加上半隻溏心蛋，配料蠻多的！兩款拉麵主要是湯底上的分別，辛味拉麵較濃味，辣味非常突出🥶至於原味也是非常濃郁，多吃幾口已經上癮，加上沒那麼刺激，較易入口。我們另加了兩款小食：一客炸雞，一客煎餃子。炸雞還配了椒鹽，其實就算不蘸椒鹽也很香脆可口，而且剛剛炸起，還是熱辣辣，多汁惹味！煎餃子的皮煎得頗香脆，蘸少許醋，好吃！最後店員還提醒我下載app做會員，會送一枝可樂或者雪碧，或者一隻溏心蛋啊！😇 要再encore😆

周不時係社交平台都會見到有人post金鶴既signature 雞湯拉麵，成日都想揾機會試下！比我知屋企附近都有左間，仲唔即刻黎試😍一入店內，已經見到Bar 枱同埋見到師傅煮緊麵，但原來仲可以上一層，入面仲有枱，加上呢到既燈光同設計都係偏暗同偏黑，營造好神秘既感覺！必定要叫既招牌雞白湯拉麵❗️呢到既招牌拉麵，梗係呷啖湯睇下點解咁出名！望落已經見到好濃稠，呈奶白色，原來係用雞熬製六個鐘而成，難怪飲落似我媽煲既老火雞湯，不過口感再傑身同順滑啲😗店家亦用左粗麵，可以更掛湯一啲👍🏾值得一讚係個慢煮雞胸肉，超嫩滑！同埋個炸牛蒡都好脆口，記得要快啲食，浸左湯會腍架❗️另外仲試埋佢既活燒蒲燒鰻魚飯。呢到既鰻魚係生燒，所以食落口感係唔同，魚油較多及較香，而且非常之厚，十分推薦大家試試。店仲話佢既米係用左日本七星米，佢既口感係比其他米爽口而且黏性較低，愈咬愈食到甜味。另外呢個set 仲會包個小食芥辣八爪魚同用鰻魚內臟煮既味噌湯。雖然呢個set 唔平，但勝在料靚，果然唔錯👍🏾記得下載app 做會員仲送你一支汽水或者溏心蛋😍

他們已有4間分店了! 他們算是在短時間內開了多間分店, 很厲害的呢👍🏻~ 分店的食物水準保持到, 這裡的店員服務態度很好, 還會與熟客聊天, 幾有親切感。這間分店比佐敦的那一間大一點, 較為寬敞。這裏有兩層, 裏面以黑色為主色, 暗暗的, 幾有格調, 牆上還有金鶴壁畫。若有機會來, 我建議參觀一下他們的廁所, 不是說笑, 廁所真的值得參觀😂！他們用上和式廁所設計: 有電子開蓋馬桶, 廁所裏面還有旅行版牙刷、牙膏、膠杯及女生每個月的必需品, 很體貼呢！小食方面, 我們點了燒雞泡魚乾🐡、唐揚炸赤雞、燒黑豚肉串、枝豆作小食。一邊聊天, 一邊吃燒雞泡魚乾和枝豆, 不錯不錯, 因為這些小食是不飽肚的。金鶴新推出的特濃雞白湯拉麵🍜 - 湯底用上赤雞熬製六小時而成。湯底有濃郁的雞味, 味道鮮而不太膩, 口感幾順滑, 黏黏的。應該是我吃過最濃厚的雞白湯拉麵，有驚喜😍！拉麵上有炸牛蒡條、叉燒、慢煮雞肉, 另外的配料有溏心蛋、黑木耳、京蔥、筍。粗麵條有微彈牙的口感, 掛湯力強, 充分吸收到雞白濃湯的味道, 是我喜歡的麵質！炸牛蒡條一定要即刻吃, 這樣才能吃到它香脆可口的質感。慢煮雞胸肉非常嫩滑和jui

地點位於土瓜灣大街 不算就腳🌟金鶴雞白湯拉麵 $98 (💡6.5/10)雞白湯為新興拉麵湯底🍜雞湯頗濃但不算creamy 炸牛蒡又有點苦苦的😑 腩肉同慢煮雞胸都唔錯 麵條唔算掛湯及有咬口 整體感覺一般 🤷🏻‍♀️*🌟活燒蒲燒鰻魚飯 $198 (💡7/10)鰻魚肉質頗厚 油香不錯亦燒得香 但沒有好大驚喜🧐 只能說價格好進取😂*🌟唐揚炸赤雞 $33 (💡7/10) 炸粉厚度剛好 肉質亦juicy👍🏻👍🏻

家住土瓜灣多年，近日走過此處，發現終於有拉麵店於土瓜灣出現!樓下有吧枱位置，樓上亦有不少座位，裝修不錯。店員先把餐牌拿來，亦友善詢問需要熱茶還是冰水。店家之招牌為雞白湯拉麵，亦有其他如醬油拉麵及鰻魚飯等選項，亦有數款小食。看到主餐牌以外有一極濃雞白雞拉麵，決定選這個好了。友人選了黑蒜醬油拉麵。另點了一份餃子分享。極濃雞白雞拉麵: 一上桌便被拉麵上的炸物吸引，這擺放得像藝術品般的原來是炸牛蒡，店員還善意提醒此為脆吃更佳。牛蒡確炸得很香脆，亦吃到牛蒡的香味。接著當然要先喝一口湯，極濃這名字真沒取錯，一口奶白的湯頭，喝下是超濃的雞湯味，且濃得湯身頗杰，都掛在麵上，就像吃一個沾麵一般，很出色! 拉麵中的配料亦不馬虎。兩片白雞肉是用上雞胸所做，咬下卻是十分軟滑，完全感覺不出是雞胸肉。另有兩片叉燒，其叉燒的表面有灸燒過，吃到那份灸燒過的油脂香，相當有誠意! 吃拉麵必備的溏心蛋咸淡適中，是數一數二的好。個人本很怕拉麵中的筍，總覺得有怪味，這裡的卻沒有，讓我也輕鬆吃下，實在難得。黑蒜醬油拉麵: 試了友人的黑蒜醬油拉麵一口，湯頭較我的極濃雞白湯為清，黑蒜醬油很香, 也不錯。煎日式餃子: 也點了一份餃子分

又到週未，為了慶祝朋友拿到獎學金，決定和她慶祝一番，決定去到屋企附近的金鶴拉麵啦，上網一看，發現它也在香港也開了幾家分店，水準應該不錯吧。為免排隊等候，我們6點鐘已經入座了，算是晚市的第一枱客人。我們選了一個靠牆的坐位，門前和店內的裝潢的確充滿日式風格，店舖內外都是金碧輝煌的射燈和日本的鶴做主題，十分優雅。我點了店內的招牌菜，白雞湯拉麵。香濃的雞湯配上麵條比起豬骨熬製的來的鮮甜，也許是用上了新鮮的貨色，湯頭的色澤恰到好處，脂肪和油份的比例也不會積聚湯的表面。先試麵條，不軟不硬，少許彈牙，掛湯能力高，令平日食量少的我也吃完一整碗拉麵。然後是雞肉和叉燒，吃得出雞肉也不是雪藏貨，煮的時間也控制得非常好，肉質非常鮮嫩，而叉燒也是不過不失，沒有搶掉雞肉風頭之餘，當做第二配料滿足感非常高。至於其他的配料，還有炸牛蒡、糖心蛋、筍乾和黑木耳絲。糖心蛋生熟程度剛剛好，師傅並沒有忽略細節，值得一讚。而平日不常見的炸牛蒡亦跟整碗拉麵非常合拍，沒有違和感，顯示到用料上面相當有誠意。飲料方面，我跟朋友一起分享了來自印度的手工啤酒，一共有五個口味，我們的選擇了啡色的。啤酒的色澤比一般的較深，可能是因為加入了蜜糖。

今日去土瓜灣探呢個老朋友。老朋友話土瓜灣有一間隱蔽但高檔好味嘅拉麵店，問我有冇興趣去試下。我即刻應承咗。間店舖因為佢唔係開係啲商場地方，係開喺土瓜灣街市附近，而且門面唔會有個誇張既招牌，所以唔熟悉既人，唔係咁易搵到。一入到去，裝修幾高檔，入口有一排bar台，再入去就係正常坐位。我地入到去，被佢一幅高貴既掛畫吸引住。我地分別叫左1個拉麵同1個飯金鶴雞白湯拉麵：個湯底好白好傑好濃味。傑到有少少似飲緊啲忌廉咁。上面嗰啲好似花咁嘅炸物，其實就係炸牛蒡。炸牛蒡最緊要趁熱食，唔好畀 浸係湯度太耐，如果唔係就會淋曬唔好食，唔香口。而佢嘅肉就煮得好淋好易入口。個麵就煮得軟硬剛剛好，唔會太淋，仲保持到爽口，配埋個湯，一流。活燒蒲燒鰻魚飯：食個飯呢要等耐少少，因為職員話係即叫即劏即燒。終於等到鰻魚飯啦，佢地既鰻魚係比平時食開既厚身。而且燒得好恰當，外脆內軟，每一啖都充滿鰻魚既油香。啲飯唔知係咪用左日本米既米呢，特別好食。鰻魚啲油香， 滲透落啲飯度，真係一流。最後整體提大家 餐廳提供即時入會入會後可以揀可樂或者流心蛋。我哋就揀咗流心蛋。佢個流心蛋嘅蛋黃味比平時食既濃厚好多。

高格調的日本居酒屋每次中午時段經過土瓜灣這間金鶴拉麵都非常多人排隊,所以今次提早前來,避開長長的人龍.入到去先經過一張很光猛的吧台,再上幾級樓梯,忽然燈光變得微弱的,像高級西餐廳的格調.雖然與鄰座相隔很近,但這種燈光設計坐得完全沒有壓迫感.金鶴白雞湯拉麵店員細心提示牛蒡最佳的品嚐方法是不要浸入湯食.金黃色嘅炸牛蒡,脆脆的口感略帶甘香,新鮮感十足的創新配菜.第一啖就已經咁正! 更加期待招牌主打—慢煮雞肉.主角之一的雞白湯,濃而不油,呈現非常濃郁的奶白色,雞肉是用慢煮的方法,更加提升雞的香味,果然肉質更加嫩滑,而雞的鮮味真的很出色!! 回味無窮, 非常推介!!黑豚叉燒半肥瘦適中,肉片非常薄,質地滑溜,脂肪散發出一陣陣油香. 拉麵麵條是比較粗身,掛湯能力亦相當滿意,令麵條更香滑！白湯真的是真材實料熬製,喝了整碗湯也不覺得有點口喝.除了拉麵等主食外,下次也可以約朋友來一間格調這麼高的居酒屋喝喝清酒聊聊天啦.

最近要去土瓜灣補習，就搵下一個人可以食乜，結果就搵到呢間高質拉麵店。🍜去到店員就好好服務咁問我飲茶定水☕️，我要咗杯茶，一飲發現居然唔係平價茶，而係好醇嘅日本茶，之後又黎咗一包好靚嘅濕紙巾，好貼心。去到叫嘢食啦，我一個人又食唔到好多嘢，唯有叫一直想試嘅鷄白湯拉麵，果然好濃郁好好飲，炸牛蒡亦係特色之一，果然冇令我失望。🐓小食方面我叫咗三款，第一係炸雞🐥，肉質厚實又充滿肉汁，拉麵加配只係28蚊，夠哂抵食。第二係黑蕯摩鷄肉，一啲都唔鞋口，冇多餘嘅調味，反而食到鷄肉嘅鮮味。第三樣係炙燒豚肉🐖，豚肉片燒得香口，燒汁味濃，薄薄一片亦能見真功夫。總括而言，值得一去再去！正！