金鶴拉麵 (九龍城道) (已結業)

星期六晚去了土瓜灣見牙醫，之後就系附近周圍搵野食。結果，我和朋友去了一間拉麵店－金鶴拉麵，試下拉麵如何！職員向我們介紹該餐廳的招牌拉麵是以雞白湯為主的拉麵，正好該款拉麵有分極濃和正常濃度，所以和朋友就決定一人一碗。史上極濃雞白湯拉麵 $138：本人所食的就是超極濃厚既雞白湯款，味道比起正常款的，雞味會更加強烈，飲起上黎幾鮮味；加上油份吾多，而且愈飲愈上癮！配菜方面，包括有慢煮雞肉和叉燒，職員所說是可以凍食的；但如果不喜歡凍食，可以浸落湯底而食。個人比較愛吃叉燒，吾會肥又吾算乾。另外，配菜還有炸過的牛蒡，個人不太討好因味道有點兒苦。拉麵份量剛好，麵質彈牙，又爽滑！整體也不錯吧！還有溏心蛋啊！金鶴雞白湯拉麵 $98：而依款既湯底比極濃的，味道會帶少少雞味，口感更加creamy一點。而其他的跟前者一樣。日本溏心蛋 $12x2：因為覺得溏心蛋好正，所以我們又要order一人一隻，口感林林的。

呢間拉麵店既位置都有啲偏僻搵都要一段時間啦不過試完就發覺相當值得！一入到就發現個廚房就喺地下見住大廚喺我哋面前煮好一碗拉麵嘅感覺好神奇！一場來到就梗係要試吓佢最出名嘅雞白濃湯，只不過今次就叫咗沾面，想個口感再濃郁豐富啲～見到呢碗咁白嘅湯忍唔住飲咗啖先果然好重雞味而且口感滑溜飲落去好順口！之後立即去夾碗麵試吓面條係粗身嘅有少少似烏冬，但係佢嗰種咬口更多，好鍾意食呢種煙煙韌韌嘅面！掛湯一流！而雞肉就係慢煮嘅好鍾意嗰種滑嘅口感而且感受到肉嘅紋路～肥瘦適中，最怕啲太肥嘅叉燒哈哈同行嘅朋友就叫咗醬油拉麵醬油湯底清甜有水準唐揚炸雞新鮮炸好，熱辣辣，肉汁滲晒出嚟！而且個皮好薄唔會好大塊炸糠！而且配左准鹽，增加風味😊總括而言，成間店嘅裝修都好有日本嘅感覺。而且無論係食物還是環境都好有水準特別一提嘅事佢個女廁真係好靚，馬桶仲要係智能馬桶🤣好有日本人嘅心機⭐️

老公話想食拉麵，跟住係OR睇，搵到哩間未試過ge，於是來試下～一入去發現地方好細，店員叫我地上樓上，應該上半層，見到地方都幾闊落，有2枱客人，靜靜地，又有歌聽，感覺放松睇下餐牌有咩食先～又係最鍾意雞翼夠熱又香口，好好味！我揀左佢主角ge雞白湯拉麵，上面仲有炸牛榜，可以當小食湯味好濃郁，拉麵夠爽口～叉雞同雞肉都好霖～老公叫左佢今期推ge蟹肉拉蟹，我對蟹一般般，but佢話都ok 鰻魚串燒～味濃又鮮甜～原本想叫2份，但驚太飽，所以叫一串試下先牛舌串燒～都唔錯，但黑椒放得有啲多，蓋左牛ge味道，凍左食就會偏咸

甫進餐廳，開放式廚房盡顯日本麵店的感覺。翻翻餐牌，第一頁總覽後每頁皆附有一款麵的相片，圖文並茂，好不清晰。點了個醬油拉麵，麵條頗有咬口，湯底濃厚，香味濃郁，惟略微鹹。可惜的是雞肉不夠嫩口，一點美中不足

就快就快去日本旅行啦，人未到，心已到只好係香港食返碗拉麵頂頂癮呢到既極濃雞白湯係主打，當然要一嚐，同行友人就無叫極濃版，可以試下個分別拉麵配有兩塊日式叉燒、慢煮雞肉、溏心蛋同炸牛蒡以咁多配料黎講，性價比真係好高叉燒唔會太肥，肉質夠滑雞肉經過慢煮後，質感好特別，而肉味兩者也重溏心蛋溏心效果很喜歡，味道也充足牛蒡暫時只係見過呢間有，脆脆的配料幾特別重點湯底真係好有濃郁雞味，都無諗過雞湯可以咁濃味但都因為係白肉，味道唔會重到膩感，食到最後都只係覺得好正好濃郁友人既雞白湯其實都好飲，都比之前食過既更濃味，但對比返極濃版都有差距，我自己就更喜歡濃郁既感覺仲加左唐揚炸雞小食，肉質唔算好滑但勝在有肉汁同外皮香脆整體都好滿意，係有誠意既拉麵店

啱啱話今晚會寒冷天氣警告生效，凍到媽媽聲，有幾可12月嘅香港會凍成咁吖？唔講仲以為自己去咗其他國度。呢個時候，只想拿拿臨搵間餐廳暱一暱，避吓風頭先啦一串鰻魚串成差唔多$70，究竟有咩咁把炮呢？即叫即新鮮燒不在話下啦，肥美多肉，燒汁啱啱好，燒到焦焦地，完美煉成全身打晒冷震，食碗拉麵暖一暖身，特濃雞白湯堅冇得輸，係正常版嘅進化版，飲啖湯濃到不得了食埋炸牛蒡同拉麵，會唔覺意飲好多湯，好滿足黑蒜湯底都好特別，澀澀地，唔會一味鹹慢煮雞超滑，麵又入晒味，美味しい間嘢從外到內都好有去咗日本嘅感覺，加上氣溫，不容懷疑呀

身處土瓜灣舊區，竟然有幸得到神級拉麵店的青睞。在舊區中的金鶴拉麵，門面亮麗，份外顯眼。一入去，以為只有寥寥數張吧枱。原來上一層，別有洞天。裝修好有格調，座位非常之闊落，而且好乾淨好企理。整體感覺令人覺得好舒適，心情又份外輕鬆。（酒店式廁所更加令人眼前一亮！）一場來到，當然要幫襯招牌雞白湯拉麵啦！我同朋友仔，一人點左一款雞湯，分別係普通雞湯同特濃雞湯，想食出兩種風味。賣相好靚，未入口已經興奮。一碗拉麵上面，分別有慢煮雞肉同叉燒，非常超值。慢煮雞肉質地好軟好特別；叉燒肥瘦得宜，又香又有咬口。最值得令人留意的，當然係招牌雞白湯啦！普通雞湯已經令人好難忘，又香又濃，真正雞湯有雞味！特濃雞湯有掛麵的效果，濃厚滑溜的雞湯充滿着骨膠原，但出奇地又一啲都唔油膩，食晒成碗面，雞湯已經差不多見底了。除咗拉麵滿分之外，小食整體質素都唔錯，串燒火候控制得好，調味亦出色。原來只要用心，一碗簡單的拉麵都可以做到滿分，與別不同。

土瓜灣一向都聚集很多美食，吸引了很多不是住在土瓜灣的人也前往過去尋找美食。男朋友很喜歡吃拉麵🍜，這次在OpenRice尋找了一間在香港已有數間分店的金鶴拉麵。而且好評甚多，我們就決定去吃。門面很光鮮✨有着很有日本特色的裝修。步進小小的門口，很驚嘆，原來要上短短的樓梯，空間非常大。感覺很有氣氛和情調，而且座位非常闊落，當時已經有數台客人在進食。原來這拉麵店有出名的拉麵之外，也有我們最愛吃的鰻魚飯喔！我們就點了一個拉麵一個鰻魚飯以及一個小食。先來的是拉麵，我們最喜歡超香濃的香蒜湯底拉麵，眼看拉麵上鋪滿了很豐富的材料，包括木耳絲，蔥，紫菜，糖心蛋，雞肉片，及叉燒片。店中的湯是非常有名的，我們先試一試他們的湯底，勺起來，湯底非常清澈，帶點點的黑蒜顏色。不會像有些拉麵店的過份濃味，濃度，剛剛好，帶點甘甜。麵條要特別提一下！一吃起來非常煙韌！更重要是我最喜歡麵條帶點麵粉味道的感覺，軟硬適中。然後就來到我們超級期待的鰻魚飯上菜了！是一整個套餐的送來。包括了湯小食和鰻魚飯。湯是魚湯，入面有軟軟的魚骨，吃起來而且很有𡁻口。二小食則是芥末魷魚。好了，急不及待要吃一下厚厚的鰻魚。看起來那鰻魚非常香口，表面烤

我哋兩個會定期去食下拉麵，喜歡拉麵嘅質感同埋湯底嘅配合。今次我哋嚟到土瓜灣呢邊，食咗一個蟹湯拉麵（餐牌相片太吸引），同埋一個雞湯拉麵。今次我哋坐吧枱位置，可以望住廚師煮拉麵，非常期待！白湯拉麵：湯味濃郁，整個賣相都好吸引。望見白雪雪嘅湯感覺幼滑，雞嘅鮮味出晒嚟半熟蛋非常吸引！帶有醬汁嘅香味，加埋湯一齊入口好夾。炸牛蒡好香口，卜卜脆，有少少似炸新鮮薄片薯片。雖然係炸，但係呢個食材令我感覺健康。日式叉燒好林，味濃雞肉片都好好味拉麵都非常有水準，配合埋木耳絲食口感更豐富。蟹湯拉麵嘅配料都同白湯拉麵嘅相似，兩種湯底各有吸引之處。蟹湯濃郁，如果係鍾意重口味嘅一定要試吓。相信真係足料落去煲！最後我哋食埋綠茶軟餅作為甜品，完成我哋今晚豐富嘅晚餐。

之前係天后都食過一次金鶴拉麵點知今日行經土瓜灣比我見到有分店門面好日式 幾搶眼 特別喺個玻璃圓窗 仲有鶴既圖案喺上面呢間分店有兩層 感覺好闊落 座位都好舒服好欣賞同樣有鶴做主題嘅壁畫 配合返餐廳名金鶴 環境幾有日本feel之前試過極濃雞白湯沾麵 已經覺得好正所以今次再試多次 就揀拉麵見到佢有新嘅特別Menu有北海道極濃蟹湯拉麵 諗都唔諗就試埋佢極濃雞白湯拉麵比起沾麵 拉麵仲多湯 一齊食埋都好香濃雞白湯依然好食 好香滑入味 牛蒡好脆 點埋湯一齊食 有埋湯香甜都好正慢煮既雞塊係我最喜愛 嫩滑好食北海道極濃蟹湯拉麵比起雞白湯拉麵唔同就係冇雞塊而有碎蟹肉呢間溏心蛋剛剛好既熟度 溏心到位 好食近睇可以見到湯底起泡 同樣係煮得好奶白好濃厚蟹湯我係更加喜愛 因為佢湯底更鮮甜香濃湯底夠哂濃厚 可以掛麵 麵質適中彈牙  個人覺得份量都好多食物好食係讚既 另外仲有樣抵讚之處我真係未試過係餐廳食野讚埋個廁所呢到廁所真係有日本人個種細心乾淨廁所寬敞又乾淨 仲要係自動廁所 香港好少有細心位係竟然有埋牙刷牙線同m巾女士可以安心係廁所整理儀容完全係冇估到可以咁好令人除左欣賞呢到美食之餘 都feel到餐廳既細心同照顧

數月前吃過一次拉麵，印象深刻，今天想吃拉麵，又想到這裡來。裝修很有日本高級食肆的氣派。北海道極濃蟹湯拉麵$138，是新出的一款拉麵，湯頭以雞湯為主打，再加入蟹的鮮甜味，令到湯頭味道層次豐富。拉麵上除了蟹肉還有大蔥、豚肉叉燒和溫泉蛋。雞白湯拉麵$98，內有兩件叉燒、兩件白雞肉、溫泉蛋，雞白湯是這𥚃的名物，湯底的雞味濃郁，香甜度頗高，是必點湯底之一。溫泉蛋內的蛋黃呈現流心狀，醬油味十足。叉燒 肥瘦適中。蕯摩赤雞胸肉$28，肉質比一般雞肉紥實，爽口鮮甜，是個人喜歡的雞種之一。燒黑豚肉串$28，黑豚肉味道香甜，帶點嚼勁。

今日經過土瓜灣，知道呢度有一間**隱世**過江龍拉麵店。主打**北海道**風味，之前聽過人介紹，決定來試下。入到店舖，不算好大，這就是特色，服務員都服務得很用心。我知道呢度出名嘅係，「蟹湯拉麵」，所以決定點。可以講，佢個湯底非常濃郁，我見到個廚師煮嘅時候，仲刻意定攞咗個類似打蛋器嘅工具，係咁攪個湯，結果個湯好creamy，我飲晒成個湯，一啲喉乾都冇，店員聲稱呢度嘅湯冇落味精，拉麵亦都非常有彈性，蟹肉亦都唔會「梅」，值得一試。之後嚟咗個鰻魚串，呢度嘅鰻魚非常之出名，據說佢呢度嘅鰻魚全部都係即時劏即時做，我呢串鰻魚串燒，非常好，非常有質感，而且佢燒得非常香，皮脆肉軟。最後叫咗支日本手工啤酒，你知手工啤係有日本嘅木酒桶釀製，如果未試過日本手工啤嘅朋友，不妨一試。值得一提，朋友半個鐘頭嚟到搵我，佢自己都叫咗一碗蟹肉拉麵，讚不絕口。

約了朋友在土瓜灣見面，朋友介紹到這間拉麵店晚飯！我們未到6:15已到，可能時間尚早吧，店內未有太多食客，因此上餐速度也算快！環境都幾有日本feel，好舒服，好適合朋友間靜靜地傾談，唔會趕人走！服務都好好，店員好有禮貌，一坐低就問我們要水或茶，之後又會主動幫我地加茶！我們點了一個雞白湯拉麵、一個黑蒜拉麵、一碟雞泡魚乾！拉麵的軟硬度剛剛好，有口感，湯底濃而不油膩，唔會口渴！叉燒薄切肉質軟林林，雞肉則有咬口，荀好好味！我最喜歡係雞泡魚乾，好香口又唔會太乾，食落口感似豬肉乾，甜甜地好好味，又唔貴！

好耐之前我已經食過「金鶴拉麵」，不過就係在佐敦店，今日依然念念不忘佢嘅《雞白湯拉麵》。今日途經土瓜灣發現原來佢依度都有分店， 所以二話不說同朋友入去試吓， 環境格局十足日本高級餐廳有個開放式廚房， 乾淨整理嘅廚房令人食得安心， 而且唔會好大油煙味！我哋點了兩個拉麵，唔使10分鐘就已經上枱了！《雞白湯拉麵$98》，湯底呈現奶白色，聽聞這個湯底是用雞熬製6小時，真係好多日本嘅拉麵店都未試過食到雞白湯，而且表面有炸牛蒡，香脆可口，再加埋慢煮雞肉，真係對雞肉完全改觀！ 正呀！ 《辛味拉麵$88》，麵質好彈牙但係略嫌新味唔夠唔夠辣，叉燒唔會太肥所以食多兩塊都唔會膩。 《唐揚炸赤雞$38》，薄薄的炸漿..炸到金黃色...熱辣辣的上枱，肉質細嫩另外配上檸檬鹽出奇地夾。食飽飽去個洗手間原來都有驚喜， 未試過去一間香港嘅拉麵店個廁所可以咁大咁乾淨！

舊區都有正宗日本拉麵舖嘅享受 金鶴拉麵店早幾日返土瓜灣街市附近探兩老，夜晚去咗街市對出嘅金鶴拉麵食拉麵，從門口睇金鶴拉麵似係新駐土瓜灣嘅店舖，裝修新淨，比人感覺雅緻大方，同舊區土瓜灣對比強烈，相映成趣。一打開趟門就見到一張京都寬闊嘅吧枱。吧枱上面放咗日本嘅sake做裝飾，好得意嘅係每張枱上面都放咗風扇，原來係餐廳冷氣較弱而又主打拉麵，考慮到客人嘅需要就放咗風扇比客人自行使用。金鶴.雞白湯拉麵🍜—我一坐低店員就向我推薦本店招牌金鶴.雞白湯拉麵，等咗大概五分鐘就有得食啦。雞白湯拉麵嘅外型非常有特色，湯底嘅顏色係厚實嘅白色，上面放咗炸牛蒡做裝飾，絕對係一大gimmick，另外仲有豚肉雞肉片，半粒溏心蛋，份料十足。湯底味道濃郁，一試就知係煮咗好耐嘅雞湯，帶濃厚嘅雞鮮味，湯面浮少許雞油，鮮甜而又唔會肥膩感，真係好正。豚肉相對雞肉更加滑嫩同彈牙，味道香甜，雞肉味道就比豚肉更加濃郁，兩者比較下我個人就更加鐘意雞肉，感覺上雞肉同湯底嘅味道比較配合。而牛蒡口感比較脆，去到喉嚨時帶少少苦，整體感覺都幾得意。而成個餐入面最鐘意嘅係個麵底，麵嘅質感彈牙滑嫩，加埋個湯底真係無得頂。不過大家要留意返，同傳統日本餐