金鶴拉麵 (九龍城道) (已結業)

已經有一段好長時間冇食過呢到既雞白湯拉麵我對呢度嘅湯底簡直朝思暮想極濃雞白湯拉麵 $138上次嚟嘅時候食咗普通雞白湯拉麵已經覺得個湯底係非常濃郁所以今次再嚟嘅時候決定試吓極濃雞白湯湯底湯底比起普通雞白湯更加creamy根本已經唔可以用文字去形容所以大家不妨親身去試一下拉麵口感亦都軟硬適中至於配菜方面有慢煮日本薩摩赤雞胸火炙叉燒、溏心蛋和炸牛蒡等非常之足料豐富北海道極濃蟹湯拉麵 $138（期間限定）本來其實想再食鰻魚飯不過見到有期間限定嘅拉麵又點可以錯過呢雖然外觀上好似同雞白湯冇乜分別但其實每一啖都充滿蟹味蟹味濃郁之餘湯底又滑又creamy而且蟹肉份量亦都好多拉麵一路食一路會吸晒湯底可以話係越食越滋味鰻魚串燒 $68因為已經叫咗兩個拉麵嘅關係所以食唔到鰻魚飯唯有叫個鰻魚串燒黎滿足一下雖然係串燒但鰻魚仍然有三cm厚而且都係即叫即燒又唔會笑得太乾每一啖都好juicy 期待下一次再黎會有其他期間限定嘅新口味呢度除咗拉麵好食而且店員服務非常唔錯會不停主動幫你斟茶環境有如置身於日本拉麵店之外一路食一路聽到日本既歌雖然唔知首歌叫咩名但係你一定會有聽過

因為公司係附近，所以都黎過呢間拉麵到食3次啦~可惜每次黎都發覺無論係食物定用餐環境，都每況越下。土瓜灣可唔可以開多D有質素既拉麵呀：（言歸正傳，第1次黎食過佢既極濃雞白湯沾面，比起座銀係差架啦，不過當時有折扣，性價比都OK既。今次我試左佢既限定，係蟹肉湯拉麵。個湯係濃同杰，但係就爭甘D靈魂。D面質都麻麻地，叉燒都幾好既，D蟹肉就食到有殼。如果附近無野食，黎呢到試下我都覺得可以既。不過138蚊食呢個麵就唔係幾抵...講真，呢個價錢我可以係更貴租既地區食到更加好食既拉麵，佢定價真係有D高。不過最令我覺得不滿既地方唔係佢既拉麵質素，係環境。佢既裝修的確係幾靚，但我坐過吧枱2次，2次都覺得幾熱，食食下會出汗。我估係因為通風系統問題令佢唔可以放甘大冷氣？因為佢枱上面擺左個芭蕉扇比客。但成個觀感就變得有D難睇。而最近呢次我覺得令我最不滿既野係，佢D廚師全部都係講野唔鹹唔淡既呀姐，都唔緊要，但佢地不停係到同個小朋友（我相信係佢個女）同埋店員講野，個小朋友就坐左係我後面張枱睇住個電話，跟住成枱都係書/玩具。我真係以為我去左食譚仔....唔好誤會，我完全係好贊成支持新移民婦女就業既，但我真係唔expec

好耐之前已經食過金鶴拉麵不過就係佐敦店依然念念不忘佢嘅-雞白湯拉麵今日途經土瓜灣發現原來佢依度都有分店二話不說同朋友入去環境格局十足日本高級餐廳有個開放式廚房乾淨整理嘅廚房令人食得安心而且唔會好大油煙味！點了兩個拉麵唔使10分鐘就已經上枱了雞白湯拉麵$98湯底呈現奶白色，聽聞這個湯底是用雞熬製6小時...真係好多日本嘅拉麵店都未試過食到雞白湯👍🏻而且表面有炸牛蒡, 香脆可口...再加埋慢煮雞肉...真係對雞肉完全改觀辛味拉麵$88麵質好彈牙但係略嫌新味唔夠辣😂😂😂叉燒唔會太肥所以食多兩塊都唔會膩唐揚炸赤雞$38薄薄的炸漿..炸到金黃色...熱辣辣的上枱肉質細嫩另外配上檸檬鹽出奇地夾👍🏻食飽飽去個洗手間原來都有驚喜🤦🏻‍♀未試過去一間香港嘅拉麵店個廁所可以咁大咁乾淨☺

呢間拉麵店已經黎過好多次，最主要係因為佢有外面拉麵店比較少有的雞白湯。佢大部份拉麵的湯底都已經試咗，不過其實你會發覺每次黎都有啲新野，今次又有新湯底喇！不過我地無揀到，因為今次目標明確，就係佢個鰻魚飯喇😍😍之前黎發現都幾多人食佢個鰻魚飯，今次一試，果然係值得！雖然價錢上唔算話好親民，會物有所值。睇睇個鰻魚真係好大塊，佢嘅大唔單止比平時嘅大，而且佢嘅厚度都相當吸引，有圖有真相系列。整個飯嘅汁唔多，所以唔會太鹹。推介推介！！另外就叫咗個鹽味啦麵，相對雞白湯又係另一風味！拉麵配料其本上都同雞白湯差唔多，清清地，加上今次食嘅鰻魚飯一清一濃啱啱好！

今天再一次來到位於土瓜灣的金鶴拉麵，因為對上一次的濃厚白雞湯拉麵十分驚艷，所以想再試一下其他拉麵。再一次來到侍應的服務態度依然維持水準而且環境真的很有格調昏暗的環境令人有在高級餐廳用膳的感覺。這一次點了醬油拉麵蒲燒鰻魚串和手工啤醬油拉麵的湯底色澤清澈，未到調校得剛剛好，不會太淡亦不會過鹹，鰹魚味道濃郁，雞胸亦十分嫩，暫時其他食肆未吃過這種口感的雞肉，另外兩塊豬肉肥瘦均勻。最後，麵質偏硬，是我喜歡吃的口感。整體而言十分有水準另外蒲燒鰻魚串是比較遲上碟可能是因為即叫即燒的關係，色澤十分漂亮，有一點點燒焦，外脆內軟，肉質鮮美，果然是金鶴餐廳的主打之一，十分推介。飲品方面，order了手工啤紅赤。紅赤雖然酒精濃度有7%比其他口味高出一點點，但入口一點也不會嗆喉，入口細密，有淡淡的焦糖味，建議喝一口在口腔中慢慢品嚐，果然是Meininger 2017年的國際手工啤比賽中的銀獎得主。總結而言，又是一之完滿的用餐體驗，以環境和食物的質素，價錢相當合理，是一間十分值得一試的餐廳。

最鐘意周圍試唔同拉麵，呢間喺土瓜灣街市後面，都易搵。7:00入去，唔算多人，環境幾好！夠靜可以傾到計，坐位又唔會好似其他拉麵舖咁逼，坐得幾舒服😌叫左限定嘅黑松露極濃雞白湯拉麵，雞湯真係超級濃！好香好好味！再加埋黑松露，又幾夾個味道！配料嘅雞肉同豬肉都好不錯，整體成碗拉麵都好高質！另外仲叫左串燒同明太子雞翼(冇影相)，樣樣都好味，明太子係釀左喺雞翼入面，幾特別😋雖然呢間價錢略貴(串燒$5x串)，但食物和環境都高質的！廁所都好乾淨好靚哈哈！

今日同朋友經過九龍城，見到一間店內裝修以金黑色為主，充滿日本味道嘅拉麵店。門口貼住招牌白雞湯拉麵，豚肉拉麵就食得多，白雞湯又真係第一次聽，仲標榜招牌係特濃白雞湯，而家仲出咗限量版松露味！作為松露嘅小粉絲即刻毫不猶豫入去try try。入咗拉麵店後，店員會好細心咁介紹Menu。鋪頭除咗招牌白雞湯外，亦推薦鰻魚飯。可惜我嘅心就係奔住松露白雞湯拉麵而黎，今次冇叫到鰻魚飯黎食。而店內標榜鰻魚即叫即烤，實在太吸引，於是叫左鰻魚串。店舖的拉麵煮食時間標準10分嚴格，大約每碗麵1分幾鐘左右，以致煮出嚟嘅拉麵煙un彈牙。湯底係店內主打，更加不在話下！估唔到用雞熬既湯底都可以禁濃味！值得推薦既係鰻魚串，完全喜出望外。鰻魚肉質鮮嫩肥美，下次黎會試下個鰻魚飯，因為鰻魚實在太過出色！最近同朋友一齊食左大約$300左右，排隊方面，我18:00去食就唔洗等。

上次食過一次金鶴拉麵，真係食過返尋味，所以今次又再特登同朋友過嚟食多一次，而今次就叫下佢其他嘅拉麵。首先講吓我哋嗌左啲乜嘢餸先，我今次揀嘅係辛味拉麵，因為本身我好中意食辣野，所以就想試下。一上菜，依然都係金鶴一貫華麗作風嘅拉麵，濃厚的湯汁，兩片雞肉加兩片豚肉，仲有半隻溏心蛋。個湯底好濃，飲落辣辣地好開胃。加埋佢啲肉，一啖湯一啖肉一啖麵，真係好正。另外仲有個糖心蛋，隻蛋勁入味，個蛋半熟嘅狀況撈埋啲面真係好正，一咬落口超級有驚喜。麵質佢好似係冇得揀面嘅軟硬，但我覺得佢依家呢個硬度已經好適中，同其他款拉麵一樣，勁有咬口，好彈牙，之後我地又揀左一款小食，就係鰻魚串，本身其實我地係想食鰻魚飯，但又叫左拉麵，所以就叫左個鰻魚串過下口癮。哇果然佢地個鰻魚真係名不虛存，一串有3件，件件都勁厚身，一食落去，超級juicy，鰻魚燒過，食落去超香口。仲好食過我係日本築地食嘅燒鰻魚，我諗我下次會叫佢地嘅鰻魚飯，因為金鶴嘅鰻魚真係食完絕對唔會後悔！最後，食飯緊係要配野飲啦。所以我地都叫左啤酒，而手工啤正正都係金鶴嘅特色之一。我地揀左beniaka紅赤，佢加左番薯入去，飲落去甜甜地，又有少少回甘，細細支但都有7%

今日嚟到土瓜灣探朋友，講開有啲乜嘢好食佢就介紹咗我嚟呢一間拉麵店啦！聽佢講話原來其他分店都成日排長龍，不過今日嚟到唔使排隊就入到去啦我自己就叫咗雞白湯拉麵！個湯好出色而且我好鍾意佢上面整到脆卜卜嘅蒜塊，半肥瘦嘅叉燒亦都要一讚！叫咗個小菜係我最愛嘅雞泡魚干！佢個汁調校得好出色！而且燒得唔會乾好好味，口感好煙銀朋友叫咗個鰻魚飯，侍應好開心走過來介紹話係即叫即燒嘅！配埋鰻魚汁真係一絕啊煎日式餃子，餃子煎得好脆皮而且一啲都唔乾！

今日同朋友黎到土瓜灣金鶴拉麵食飯，之前已經聽聞呢間啲拉麵好好食，店內裝潢有氣氛，播住酒井法子嘅歌，好有日本嘅感覺！餐廳有個拉麵排行榜，大家可以用呢個參下想食D咩。朋友喜歡食辣點左辛味拉麵，呢個麵好惹味，湯底香濃，配菜有些少唔同有蘆荀同菇，每碗都有點小心思！雞白湯拉麵湯底好濃郁，麵質軟硬度適中，仲好彈牙添！每啖麵麵沾滿湯汁，大大片日式叉燒，當然唔少得雞肉，肉質鮮嫩，滑溜溜，麵嘅貌相亦相當吸晴，炸牛蒡點綴左成碗麵，仲好好食，甜甜又炸得香脆，糖心蛋亦係我之愛！我地仲點左明太子雞翼，外層夠脆，裡面釀左明太子，少少辣，咬落去有肉汁，唔會乾身！燒黑豚肉串：豬同脂肪嘅比例岩岩好，好香口，外脆內軟，味道相當好整體黎講，金鶴拉麵好高質，食完呢餐非常飽，以呢個格價相當抵食！

上次係北角個頭食完，過左一排，又再掛住佢個鰻魚，所以今次就黎左佢土瓜灣試下。因為上次真心覺得佢個鰻魚串勁正，所以今次決定一人一串，點兩串，唔使兩個人食一串要分又食得唔夠喉。而今次，我地就點左一個辛味拉面，一個鹽味拉面。呢間比另一間貼心，有個電風扇俾你食到熱可以吹下。覺得之後都會黎食，就登記左做會員，叫左一客溏心蛋。我親愛嘅鰻魚串黎啦～一串有三件，件件都又厚，又肥味，又油香十足，又唔會有骨，又唔會重泥腥味。正。真心強烈推薦大家，就算唔係好夠budget食個鰻魚飯，都點一串鰻魚串試下，真心會愛上佢。我上次食既係雞湯拉面，今次食佢既鹽味拉面，覺得的確比較淡口，相比雞湯一定會清淡啲，相信食得清啲既朋友，應該會更喜歡呢個鹽味拉面。我朋友點既係辛味拉面。我試左一淡湯，立即辣係喉嚨位，而且要食啖水。朋友都話係愈食愈辣，鐘意辣既又可以試下呢個。積分換既糖心蛋。最後真係食到好飽。

一向知道金鶴拉麵雞湯出名，見呢期promote黑松露極濃雞湯拉麵，聽落好正咁喎，當時有個迷思，到底係極濃黑松露定係極濃雞湯，試試囉，哈哈。店舖環境好正，似江戶時代既木柵門，居酒屋式嘅吧檯，俾客人睇住自己碗麵誕生，東主係設計餐廳個陣好尊重日式拉麵店嘅傳統。通常啲餐廳都只係見到一茶匙左右嘅黑松露醬， 金鶴拉麵毫不吝嗇，我諗我應該係見到兩湯匙份量嘅黑松露醬！總之就係比想像中多好多！未食已經聞到強烈的黑松露味，溝勻咗顏色好滿意，好似磨菇湯咁，證明超多黑松露（好多地方一撈勻啲黑松露就消失咗....），美味可想而之，每啖湯都有黑松露味，同雞湯配搭就似天作之合。麵中伴隨好多木耳絲，即刻感覺喺食肉嘅世界中得到平衡。雞柳好嫩。食完去一去洗手間有驚喜，十分貼心嘅女洗手間，承傳日本女士飯後要整理儀容嘅習慣，有牙線、漱口杯，小小金鶴有咁高級嘅洗手間，為整體更添日本氣息！

之前喺呢間鋪食佢嘅拉麵多，今次特登嚟試佢個鰻魚飯。7:00鋪頭未坐滿人嘅時候環境真係好舒服，好有日本feel～對上一次見到餐牌入邊嘅鰻魚飯已經覺得好吸引，今次終於一償所願～由於鰻魚係即叫即燒所以需要等較長時間。朋友仔嗌咗醬油拉麵，原本我極力推介佢食雞白湯拉麵，但因為佢想食清啲就食咗醬油拉麵啦。朋友仔話個湯底清清地，但豚肉好濃味，仲對舊雞讚不絕口，話好嫩滑！都話冇介紹錯㗎啦～等左一排我嘅活燒蒲燒鰻魚飯終於到啦～實物真係同張相一模一樣㗎！舊鰻魚好厚身！！仲要係外皮燒到少少脆，入邊啲肉熱辣辣，仲要彈牙！！！真係好新鮮好好味！！啲飯入邊都有好多鰻魚汁，正！另外仲有一碗用鰻魚骨煲嘅湯同芥末魷魚，消消滯。食完真係超級無敵滿足呀！以後喺呢間鋪除咗雞白湯拉麵之外又多一個選擇啦！依家諗返起都流口水呀！

今日又去咗土瓜灣食好西嘅時間，上次去呢度食拉麵嘅時候就已經發現呢度有鰻魚飯，今次本住一試嘅心情黎呢度。永遠最鍾意土瓜灣既分店，座位唔逼狹。裝修又靚， 一入門口右手邊就係個廚房，其實好想坐巴枱。 睇住廚師煮嘢又係一個風味。今次淨係嗌咗個鹽味拉麵與鰻魚飯。隔咗冇幾多耐，鹽味拉麵就嚟咗，一上枱陣浸有陣陣香味，飲一啖湯滿口鰹魚味，再試一口拉麵中間夾有木耳，口感非常好，而且拉麵面彈牙，質素極高，跟住再試一試叉燒，肉口幾濃，但今次的慢煮雞柳略嫌失色, 肉質無之前咁軟身。跟住上枱是一大片鰻魚整整鋪在飯上面， 佔據了整個飯盒嘅面積 ，一夾起鰻魚非常厚切， 入口膠質加上鰻魚汁嘅香味，魚肉非常厚切，魚皮煙韌，令我食唔停口。再加一啖白飯上面鋪滿咗濃濃嘅鰻魚汁，簡直係我最大嘅滿足 ，總結呢個鰻魚質感絕對一流。一定一試。

今日難得約到老友食飯，兩條佬決定搵間拉麵店食下，之前係北角食過呢間，覺得質素不錯，就帶埋佢黎食。呢間分店大過北角果間，坐位好多，又有個吧枱，可以欣賞廚師整野食。上次食過佢既招牌雞白湯拉麵，今次都唔諗咁多啦，好野緊係要食多次！朋友都follow。由於食過佢個鰻魚真係好高質，我地就叫左一串share。兩條佬緊係要啤啤佢，呢度有日本進口手工啤，menu有哂說明，好詳盡。我地分別叫左雪松啤同香柚啤。雪松啤：色澤較深，飲落係清爽，苦甘味較重。香柚啤：色澤較淺，聞都聞到甜甜地，飲落帶清甜既柚味，幾易入口。主菜雞白湯拉麵，炸牛膀好爽口；豚肉既肉味好重；兩塊雞嫩滑，睇落好似冇乜味，但食落個味好出。鰻魚串，不愧為人氣No. 1，個肉厚身，好飽滿既感覺，口感係彈牙既，蒲燒完即食回味無窮。吹下水，嘆下啤，Chill。