金鶴拉麵 (九龍城道) (已結業)

最鐘意周圍試唔同拉麵，呢間喺土瓜灣街市後面，都易搵。7:00入去，唔算多人，環境幾好！夠靜可以傾到計，坐位又唔會好似其他拉麵舖咁逼，坐得幾舒服😌叫左限定嘅黑松露極濃雞白湯拉麵，雞湯真係超級濃！好香好好味！再加埋黑松露，又幾夾個味道！配料嘅雞肉同豬肉都好不錯，整體成碗拉麵都好高質！另外仲叫左串燒同明太子雞翼(冇影相)，樣樣都好味，明太子係釀左喺雞翼入面，幾特別😋雖然呢間價錢略貴(串燒$5x串)，但食物和環境都高質的！廁所都好乾淨好靚哈哈！