影片
更多
2019-11-20
46 浏览
舊區都有正宗日本拉麵舖嘅享受 金鶴拉麵店早幾日返土瓜灣街市附近探兩老，夜晚去咗街市對出嘅金鶴拉麵食拉麵，從門口睇金鶴拉麵似係新駐土瓜灣嘅店舖，裝修新淨，比人感覺雅緻大方，同舊區土瓜灣對比強烈，相映成趣。一打開趟門就見到一張京都寬闊嘅吧枱。吧枱上面放咗日本嘅sake做裝飾，好得意嘅係每張枱上面都放咗風扇，原來係餐廳冷氣較弱而又主打拉麵，考慮到客人嘅需要就放咗風扇比客人自行使用。金鶴.雞白湯拉麵🍜—我一坐低店員就向我推薦本店招牌金鶴.雞白湯拉麵，等咗大概五分鐘就有得食啦。雞白湯拉麵嘅外型非常有特色，湯底嘅顏色係厚實嘅白色，上面放咗炸牛蒡做裝飾，絕對係一大gimmick，另外仲有豚肉雞肉片，半粒溏心蛋，份料十足。湯底味道濃郁，一試就知係煮咗好耐嘅雞湯，帶濃厚嘅雞鮮味，湯面浮少許雞油，鮮甜而又唔會肥膩感，真係好正。豚肉相對雞肉更加滑嫩同彈牙，味道香甜，雞肉味道就比豚肉更加濃郁，兩者比較下我個人就更加鐘意雞肉，感覺上雞肉同湯底嘅味道比較配合。而牛蒡口感比較脆，去到喉嚨時帶少少苦，整體感覺都幾得意。而成個餐入面最鐘意嘅係個麵底，麵嘅質感彈牙滑嫩，加埋個湯底真係無得頂。不過大家要留意返，同傳統日本餐
早幾日返土瓜灣街市附近探兩老，夜晚去咗街市對出嘅金鶴拉麵食拉麵，從門口睇金鶴拉麵似係新駐土瓜灣嘅店舖，裝修新淨，比人感覺雅緻大方，同舊區土瓜灣對比強烈，相映成趣。
一打開趟門就見到一張京都寬闊嘅吧枱。吧枱上面放咗日本嘅sake做裝飾，好得意嘅係每張枱上面都放咗風扇，原來係餐廳冷氣較弱而又主打拉麵，考慮到客人嘅需要就放咗風扇比客人自行使用。
金鶴.雞白湯拉麵🍜—我一坐低店員就向我推薦本店招牌金鶴.雞白湯拉麵，等咗大概五分鐘就有得食啦。雞白湯拉麵嘅外型非常有特色，湯底嘅顏色係厚實嘅白色，上面放咗炸牛蒡做裝飾，絕對係一大gimmick，另外仲有豚肉雞肉片，半粒溏心蛋，份料十足。
湯底味道濃郁，一試就知係煮咗好耐嘅雞湯，帶濃厚嘅雞鮮味，湯面浮少許雞油，鮮甜而又唔會肥膩感，真係好正。
豚肉相對雞肉更加滑嫩同彈牙，味道香甜，雞肉味道就比豚肉更加濃郁，兩者比較下我個人就更加鐘意雞肉，感覺上雞肉同湯底嘅味道比較配合。而牛蒡口感比較脆，去到喉嚨時帶少少苦，整體感覺都幾得意。
而成個餐入面最鐘意嘅係個麵底，麵嘅質感彈牙滑嫩，加埋個湯底真係無得頂。
不過大家要留意返，同傳統日本餐廳一樣，金鶴拉麵都有中場休息嘅時段，每日三至六點都係落場時間，大家要參考返個開放時間，唔好摸門釘啦。
1 浏览
0 赞好
0 留言
张贴
