金鶴拉麵 (九龍城道) (已結業)

今日經過土瓜灣，知道呢度有一間**隱世**過江龍拉麵店。主打**北海道**風味，之前聽過人介紹，決定來試下。入到店舖，不算好大，這就是特色，服務員都服務得很用心。我知道呢度出名嘅係，「蟹湯拉麵」，所以決定點。可以講，佢個湯底非常濃郁，我見到個廚師煮嘅時候，仲刻意定攞咗個類似打蛋器嘅工具，係咁攪個湯，結果個湯好creamy，我飲晒成個湯，一啲喉乾都冇，店員聲稱呢度嘅湯冇落味精，拉麵亦都非常有彈性，蟹肉亦都唔會「梅」，值得一試。之後嚟咗個鰻魚串，呢度嘅鰻魚非常之出名，據說佢呢度嘅鰻魚全部都係即時劏即時做，我呢串鰻魚串燒，非常好，非常有質感，而且佢燒得非常香，皮脆肉軟。最後叫咗支日本手工啤酒，你知手工啤係有日本嘅木酒桶釀製，如果未試過日本手工啤嘅朋友，不妨一試。值得一提，朋友半個鐘頭嚟到搵我，佢自己都叫咗一碗蟹肉拉麵，讚不絕口。