金鶴拉麵 (九龍城道) (已結業)

自從上星期又改左6點後無堂食之後，如果趕唔切返屋企煮飯都始於要叫外賣，今日我又心思思去左金鶴，本來都係食返雞白湯拉麵，但係今日好肚餓 ，打算食佢個鰻魚飯，其實想試好耐但係唔捨得食，因為都唔平 ，不過今日決定豪一次! 外賣自取85折喔😜活鰻蒲燒飯 $238 (要等大約20分鐘)鰻魚係即叫即燒!!! 厚切! 厚切! 厚切!! 佢個質感唔係好似平時去日本食開嗰種腍腍滑滑的，反而係爽口彈牙!!好驚喜~~~ 我最鍾意嘅係佢味道本身唔會好濃，醬汁係另上，可以根據自己口味調較，完全唔會覺得肥膩~ !! 日本糖心蛋$12慢煮日本赤雞$48想特別讚下個個女店員 ，好有禮貌好親切，不過我唔記得佢咩名~~

平時覺得香港好多拉麵餐廳啲櫈都坐得唔好唔舒服，見到食評話呢間餐廳環境好舒適，所以就黎試吓佢嘅拉麵啦見到好少拉麵餐廳有蟹湯所以即刻叫咗一碗一人餐都好抵食，有拉麵、小食仲有飲品我哋叫咗兩個一人套餐，一碗黑蒜醬油拉麵，一碗北海道蟹湯拉麵黑蒜油同埋蟹湯都超級濃郁，我就比較鍾意飲蟹湯，比較creamy啲小食有唐楊炸雞，配上檸檬鹽，第一次試檸檬鹽，味道好特別餃子煎到外皮好香脆估唔到餐廳仲送咗我哋一碟綠茶餐後甜品呢總括而言環境又舒服，餐廳職員服務也好好，好抵食

平時好少黎土瓜灣，見到金鶴拉麵嘅評價都幾高就黎一試，土瓜灣分店有2層，食店環境清靜，比我地嘅感覺好舒服 ，係邊食野邊暢談嘅好地方 。入到去侍應比左QR code我地擇野食同落單 ，仲叫我地慢慢擇 。Menu上有好多拉麵選擇 ，款款都好想試 。 最後擇左佢地嘅2人套餐配 期間限定 （北海道蟹湯拉麵），唐揚炸雞同飲品。呢款蟹味拉麵係蟹湯上加入豐富嘅蟹肉、脆卜卜嘅紫菜、流心蛋同豚肉。先試左個蟹湯，蟹湯好濃味又唔油膩 非常好 令人一飲再飲，所以每一啖都會配湯黎食。而唐揚炸雞好大仔件又唔會粉多又做到外皮脆脆。如果下次黎食都有蟹湯拉麵嘅話必定再食 。外賣自取仲有85折優惠 下次可以試試

呢幾日突然好想食拉麵，上網見到原來土瓜灣都有金鶴拉麵，橫掂去開土瓜灣就去食下。呢間分店嘅裝潢俾人一種好高級嘅感覺，侍應嘅服務態度好親切友善。先嗌咗份唐揚炸雞食先，炸粉唔厚好香脆，雞肉食落好juicy。今次試下北海道極濃蟹湯拉麵。呢款雖然無雞胸肉，但有一梳梳嘅蟹肉，鮮味十足。豚肉好大塊啖啖肉。玉子半熟味道甜甜地。白湯底好濃稠，飲落仲有蟹嘅鮮甜。拉麵煙煙韌韌，幾有口感。友人就嗌咗個辛味拉麵，湯底愈食愈辣好正。佢呢款就有兩片雞胸肉，好嫩滑好好食！

心思思想食雞白湯拉麵，第一時間想起金鶴。一陣子沒來，原來金鶴已推出套餐，$128有拉麵主食、小食和飲品各一，挺抵食。經典的招牌雞白湯拉麵，湯底呈奶白色，味道濃郁，稠密令更多湯底掛在拉麵上。配上慢煮的雞肉，肉質嫩滑，叉燒肥瘦均衡，還有脆口的炸牛蒡、流心蛋和木耳絲，非常豐富。店內期間限定北海道極濃蟹湯拉麵，一於試試。淺蝦肉色的蟹湯，上面鋪滿蟹肉，每口都是鮮甜，有驚喜。小食有炸日式餃子。天氣漸涼食碗熱騰騰的拉麵，滿足一下拉麵癮。

好耐冇黎金鶴拉麵啦，第一次試雞白湯就係黎呢度，好懷念呀。秋冬突然就係想食d濃郁既湯底🍜 比起幾年前，menu新加左幾款主食，例如慢煮雞胸飯，咖喱豬排飯等等。如果menu一成不變，自己留唔住熟客同吸引新客人架啦。期間限定有，蟹味拉麵同京都抹茶雞白湯🍵 umm抹茶同雞白湯會夾咩？我自己就冇勇氣試😂希望其他客人食完寫食評話我知啦😂期間限定 蟹味拉麵我幾時都覺得期間限定的食物係最吸引的。作為限定，通常都係該季節食材當造，自然味道較佳。寫就寫蟹湯，不過係蟹肉加雞白湯😂朋友第一次黎食，咁就可以先嘗一口原味濃厚雞白湯，再拌合蟹肉啦。加埋蟹肉味道更濃烈同豐富🦀紫菜脆卜卜，趁未冧好快d食啦。另外叫左碗金鶴雞白湯拉麵🐥平時好少食牛蒡，不過呢度既炸牛蒡絕對唔會令你失望。啱啱炸起的牛蒡條脆卜卜，食落甘甜。侍應提醒一定要襯熱食，冧左或者凍左就會變得苦了。一啖拉麵一啖湯，濃郁得黎唔會油膩。雞肉鮮嫩。配左套餐，所以有餃子或者炸雞。餃子飽滿，面頭微脆😛最後仲有抹菜蕨餅🍵😍最愛的日式甜品，煙韌既口感真係冇得比呀。四面都覆蓋住抹茶粉。少少冰涼感覺清新🥰食完咁濃味拉麵就啱曬啦～最後既最後要讚一讚侍應叔叔服務周到，由打招呼，

今次同朋友係金鶴拉麵食午餐，由係門口已經覺得店面唔錯，睇落都高級舒服。入到去裝修都幾好，但服務先係一流。 我同朋友行咗好耐先去到，點餐嗰陣好仔細，服務態度抵讚。野食方面，我哋本來諗住試下黑蒜油拉麵但係見雞湯先係招牌，就嗌咗一個雞湯嘅拉麵同埋一個沾麵，雞湯拉麵味有雞味但唔算濃味，但個人認為拉麵都係餚岀嚟既豬骨濃湯會比較夾同好食， 相較起嚟沾麵會比較濃味。兩款麵既口感都唔錯，拉麵偏向幼身啲，沾麵粗身少少會再有咬口啲。整體嚟講都唔錯。

今日買左個拉麵外賣返屋企慢慢嘆朋友同我介紹左一間叫金鶴拉麵係主打日式白雞湯湯底未食過。。想試下佢有好幾間分店我去左位於土爪灣個間寶馬車廠同埋街市既附近既拉麵店買依間除左有拉麵沾麵外...都有飯類...仲有D燒物最特別當然既就係雞白湯點左雞白肉湯底拉麵雞白湯湯底上面有慢煮雞肉同埋日式叉燒仲有溏心蛋 大大碗...賣相好吸引慢煮赤雞肉質好滑好好味雞白湯沾麵 我鐘佢個湯夠哂濃濃得黎又唔會好漏麵質好爽...大推👍🏻蒲燒活鰻魚串 即叫即燒..個皮好香脆...高水準之作鰻魚好厚身...味道超正...會想再食仲有好多野想試。不過飽左了

是咁的~呢個品牌嘅拉麵店開張之後都好受歡迎，聽講佐敦店仲經常都要排隊等位，今次同女朋友仔包黎到土瓜灣，明知呢邊比較容易有位就梗係去試下啦中午時段黎到果然不出所料係唔洗等直接入，入到去其實已經嚇一嚇平時經過完全想像唔到入面個格局竟然係咁有格調雖然裝修幾靚但食評嘅重點就梗係野食啦拉麵款式都有唔少選擇最後就決定叫一碗招牌雞白湯拉麵同一碗黑蒜醬油拉麵雞白湯拉麵一上枱職員都會好細心咁講炸牛蒡要儘快食，咁唔洗講大家都知係怕擺耐會浸淋左啦炸牛蒡係日本居酒屋入面傳統常見嘅佐酒小食，牛蒡本身味道甘甘苦苦咁，炸左之後香口左苦嘅感覺會減低左，真係會愈食愈過癮，唔難想像點解炸牛蒡會係佐酒小食一碗拉麵個靈魂就喺個湯頭到，呢款招牌雞白湯飲落好順滑，飲到好濃郁嘅雞湯味湯頭順滑得黎有煲好耐嘅雞湯果種質感，非常出色嘅拉麵湯底拉麵質地彈牙掛湯力足夠，兩者配合得好好兩塊雞胸肉，用慢煮嘅方法去逼出雞肉嘅鮮味，而且慢煮亦隱藏左雞胸肉又鞋又韌嘅缺點，呢到揚長避短咁去處理雞胸肉真係非常聰明，值得一讚至於叉燒，相信係為左避免醬油叉燒嘅濃味掩蓋左呢到最大賣點嘅清湯，叉燒亦專登用比較淡味嘅處理手法，以接近白烚嘅方式去處理，但呢片叉燒油脂

呢度拉麵嘅款式唔算好多，但係湯嘅濃度就有得揀，我就揀咗一個普通嘅雞白湯拉麵加一個超濃湯底嘅雞白湯拉麵。 另外跟餐可以揀一款小食同埋一款飲品。拉麵非常大碗，有雞肉、日式叉燒 ， 最特別仲有即炸嘅牛蒡。 牛蒡熱辣辣超好食仲好健康添。日式叉燒同埋雞肉都係厚切。 半熟蛋真係做到流心效果，讚！湯底真係做到完全奶白，非常非常濃郁。 超香嘅雞湯味，而另一款特濃雞白湯拉麵嘅湯直頭濃到可以當沾麵食。 小食方面，餃子鄙薄餡靚，做得很好，炸雞就比較乾身比較普通。

辛苦工作完一日，梗係要搵啲好嘢食獎賞下自己🥰透過同事得知係土瓜灣開咗間人氣過江龍拉麵-金鶴拉麵，因為疫情原因好耐冇去日本嘅關係，想食日本嘢嘅我就即刻去試😋 入到去成個環境都好日本風，黑色配金色嘅設計仲令佢哋嘅環境有一種好高貴嘅感覺，牆上仲有幾幅金鶴嘅畫。另外依度仲會播啲音樂，可以好好放鬆之餘，整體氣氛都非常之好。另外真係要大贊佢哋嘅服務態度非常之好👍🏻👍🏻埋座嘅時候佢哋會幫你拉櫈，然之後呢又會細心派發圍裙同橡筋，等食嘢嘅時候唔會彈到成身都係，女仔都可以紮起頭髮方便食用。依一點已經唔係間間餐廳都有🤩之後佢哋更會耐心推介佢哋餐廳出名嘅料理。同埋講返依度仲有免費WIFI使用。佢哋餐牌嘅選擇都幾多，餐牌裏邊仲附有圖片等大家容易啲參閲。夜晚佢哋更設有一人套餐，包含咗飲品小食。所以我同我嘅朋友最後都點咗一人套餐。而落單嘅時候係用QR code所以都幾方便。一人套餐價錢：$128而餐廳更設有日式啤酒，如果想同朋友飲酒嘅話都係額外補差價。一開頭嚟到嘅就係套餐內嘅小食，我哋分別嗌咗燒黑豚串同日式餃子。而佢啲串燒都係即叫即燒，新鮮不再話下。黑豚串非常肥美而且厚，另外佢嘅汁完全係佢嘅精粹令成個黑豚串好入味亦

好掛住日本呀！掛住日本啲野食、溫泉同埋outlet。所以lunch time去咗金鶴尋找日本正宗拉麵的味道，止下癮。門口見到有得外賣，而且自取仲有折，門口有得泊車，夠方便，可以考慮！新推出京都綠茶雞白湯，好特別。叫咗個2人餐，$256，每人有一個拉麵/飯，1個小食，1飲品，1甜品。我哋兩碗麵都叫左招牌雞白湯，麵質Q彈、有咬口，而且好掛湯，個雞白湯超香濃，我最後仲飲晒碗湯，炸牛蒡唔好浸落啲湯到，盡快食，脆卜卜，增加碗麵嘅層次，慢煮雞胸唔鞋，但唔夠入味，塊叉燒好正，夠入味，而且好鬆化。小食叫左燒黑豚串，呢個一定要叫，個豬味好香，黑豚肉真係好味好多，唔會有豬嘅蘇臭味，火侯控制得好好，好有肉汁。餐牌冇，但用電話落單見到小食有芥辣八爪魚，好食，有鮮味。兩個小食都好高質。最後值得一讚係服務好好，kepp住加茶，而且環境好舒服，又乾淨！候

🉑土瓜灣嘅日式店選擇不多，難得有一拉麵店係左近，其實一路都想試試，但想講佢分店嘅位置實在太隱蔽，好容易就會忘記咗佢😂但好彩今次我記得啦！🎏店鋪燈光極之柔和昏暗，寧靜嘅環境，大概係希望食客可以專心品嘗面前嘅美食（p.s. 但我想講亦實在暗咗少少🤭）🖤「金鶴雞白湯拉麵」本人就叫咗佢嘅套餐跟咗唐揚炸雞同佢嘅人工啤，誠惠$128～ 想講嗰雞白湯真係真係好鬼濃！貨真價實，飲得出呢個湯付出嘅6小時時間同心血，正正好似佢嘅介紹口感濃而不膩，湯👍👍🌀驚喜嘅炸牛蒡，好後悔自己顧住打卡影相😢店長已溫馨提示要食咗先，唔係會冧😕想講同平時水煮，就炒完全兩種味道，我個人本身勁憎牛蒡嘅味道，但是炸牛蒡完全是另一件事，就好似化咗妝咁，變到好好味，認唔出🤭大家一定要趁熱食，應該秒清～🌅跟住當然要點評下佢啲配料啦，叉燒整法感覺比較健康，唔會太濃味，對我來講算普通，因為我鐘意嗰種香烤出來帶點脂肪嘅叉燒，無得輸！但好鐘意佢配上兩塊雞胸肉，肉質滑嫩，好健康，做完Gym增肌食就fit晒啦💪！最後❤️❤️要俾隻日本蛋，熟成度掌握得幾好，蛋味好香，yummy~🔆炸唐揚雞timing都好perfect池阿，外面香脆

#金鶴拉麵 一間以雞白湯為鎮店招牌既金鶴拉麵，分店遍佈港九😚今次試咗醬油拉麵 🍜拉麵湯頭的做法是運用醬油做的醬汁，混合魚介or雞高湯👅 非常美味仲有叉燒真的太好吃了！而低溫調理的雞胸肉，雖沒有特別調味不過十分大片且非常厚，大口吃肉的感覺真的過癮！#土瓜灣美食 #香港ig #hkig #hkfoodie #food4life #foodporn #foodlover #lovefood #igfoodie #foodmadness #craveforfood #hungry #eat #冬陰生活日記 #冬陰生活日記_土瓜灣

因為疫情關係金鶴拉麵真係推出左好多吾同優惠除左外賣85折之外仲可以免費登記做會員做左會員平日午市第2碗拉麵半價而且仲可以儲積分換小食京都抹茶🍵雞白湯拉麵 $128（+20）京都抹茶雞白湯拉麵係新推出而且期間限定既拉麵身為抹茶控既我又點可以錯過如果單點係$138但因為我係食套餐要補返差價另外仲有飲品同小食首先講下個拉麵拉麵一放低已經聞到抹茶既香味食既時候亦都食到淡淡抹茶相信佢係將抹茶粉打左入雞白湯抹茶味吾會掩蓋左雞既香味所以食落都幾特別上面亦有大大塊叉燒同埋份量都幾多既蟹肉碎仲有煮得啱啱好嘅半熟蛋特濃雞白湯拉麵🍜$128（+20）如果你係第一次食嘅話我真係非常推介呢個拉麵比大家因為呢個拉麵除咗係我至愛之外仲要話係呢間拉麵鋪其中一個招牌菜你唔會想像到一個拉麵嘅雞湯底竟然可以好似忌廉湯一樣咁濃郁又順滑又creamy完全做到濃而不膩既效果燒黑豚串至於小食揀左燒黑豚串黑豚串肥瘦適中食落有豬頸肉質感但又有少少煙肉既味道呢款小食原價都要$42而家除咗小食之外仲要有野飲所以其實套餐真係好抵