金鶴拉麵 (九龍城道) (已結業)

平時好少黎土瓜灣，見到金鶴拉麵嘅評價都幾高就黎一試，土瓜灣分店有2層，食店環境清靜，比我地嘅感覺好舒服 ，係邊食野邊暢談嘅好地方 。入到去侍應比左QR code我地擇野食同落單 ，仲叫我地慢慢擇 。Menu上有好多拉麵選擇 ，款款都好想試 。 最後擇左佢地嘅2人套餐配 期間限定 （北海道蟹湯拉麵），唐揚炸雞同飲品。呢款蟹味拉麵係蟹湯上加入豐富嘅蟹肉、脆卜卜嘅紫菜、流心蛋同豚肉。先試左個蟹湯，蟹湯好濃味又唔油膩 非常好 令人一飲再飲，所以每一啖都會配湯黎食。而唐揚炸雞好大仔件又唔會粉多又做到外皮脆脆。如果下次黎食都有蟹湯拉麵嘅話必定再食 。外賣自取仲有85折優惠 下次可以試試