金鶴拉麵 (閩街)

营业中

休息中

位處於佐敦嘅金鶴拉麵，街道唔算偏僻，但又有難得嘅寧靜環境。內裡裝修相當有格調，帶有日式整齊舒適嘅感覺，係呢度用餐，絕對有去日本拉麵店嘅感覺!呢度嘅招牌菜，就係呢款金鶴雞白湯拉麵，用上六小時烹調雞白湯頭，有日本赤雞、鰹魚等材料熬製，湯頭相當濃郁，拉麵掛湯能力亦強，所以每口麵都吸收到當中嘅精華，滿足感爆燈。而慢煮赤雞，肉質腍軟，肉色白淨，同呢個拉麵相當合拍。加上非常特別嘅炸牛蒡，賣相非常搶眼， 同洋蔥味道相似，浸一浸高湯進食都無問題。而蒲燒鰻魚飯賣相固然吸引，份量令人滿足之外，味道更加值得細味: 以經典嘅蒲燒方法，燒得鰻魚外皮香脆，加上秘製醬汁，燒得鰻魚入味香濃，每食一口都品嚐到當中細嫩而滑嫩嘅魚身，絕對物有所值。