金鶴拉麵 (閩街)

营业中

休息中

香港有好多不同的日式餐廳當中金鶴拉麵係我試過日式拉麵中有水準的一間入到餐廳 店員問我們想要熱茶還是凍茶十分貼心💕 餐廳環境十分舒適裝飾是日本風格白色小石招財貓等等的裝飾讓人感到自身於日本街邊小店之中寫意地享受餐品除咗麵食 鰻魚飯等等 餐廳仲有很多的小食選擇我們選了日式煎餃子餃子外脆內軟 脆脆的邊皮加上肉餡子十分美咪我們點了雞白湯拉麵先嘗一口拉麵湯是十分香濃的雞湯💕配上彈牙的拉麵 雞肉 溏心蛋 十分滿足的拉麵餐💕朋友點了黑蒜醬油湯拉麵試了她的拉麵湯一口 感覺比白雞湯更香濃流心溏心蛋 有淡淡味醂香加入溫熱拉麵湯中吃更滋味😍想特別提一提餐廳的洗手間在通往洗手間的門外有石春小路 感覺十分別緻洗手間內更有漱口杯，衛生巾等用品 感覺真的十分貼心感覺是一間用心營運的店舖

排長龍都要來一試的有名拉麵店。幸好挑選了平日來，排了大概二十分鐘開放式廚房 , 進到店內。餐廳明亮，看到師傅努力地炮製拉麵，很有朝氣地和客人打招呼。特別在師傅是打呔的， 很有尊重的感覺。先叫了個金鶴雞白湯拉麵， 拉麵有口感，雞湯是第一次食拉麵叫的湯底，因為街邊的都是以豬骨湯底為多，喝了一口，非常濃郁而且不肥，很特別，好好喝。 雞肉猶如白切雞很健康，但神奇在於不鞋，有汁。 另外有兩塊豬肉很香。醬漬日本塘心蛋簡直美味。活燒蒲燒鰻魚飯， 有芥苿八爪魚，饅魚清湯，好厚身的饅魚飯，食指大動。 份量蠻大， 飯是珍珠米。饅魚很厚身， 和其他店不同在於 ,是現場燒，所以外脆內嫩，肉汁保留得很好， 兩者摻在一起吃很美味，吃完饅魚清湯很滿足。因為口痕，叫了個日本明太子雞翼， 外脆而內有內餡，有點辛辣的很好吃。黑豚肉串像是豬肉乾的厚身及juicy 版，很特別。最後叫了個抹茶軟凍， 綠茶味濃，不太甜，軟凍很QQ , 好味。走的時候約九半，還有7,8 位在排隊， 果然無來錯。

有同事食過返尋味 強烈推介呢間小店，今日午餐去試試！用雞熬湯底一d油膩感都無 好鮮甜 咸淡適中 飲好多都唔會口喝，炸牛蒡好好食 雞肉和叉燒肉質鮮嫩 食完一碗仲想食多一碗！ 鰻魚即點即燒 外層香脆鬆化 ，肥厚嫩滑 。至於餃子 皮就較厚 有點失望。

我真係好鍾意唱歌(古天樂腔)！吖是我真係好鍾意吃鰻魚飯先真！近來吃了過江龍名代宇奈的出品可以說是性價比不錯的選擇，但早兩天在金鶴拉麵吃的鰻魚飯可說是優質的選擇！！ 店子裝潢典雅富有日式風情，座位不會很有壓迫感，吧檯位置亦坐得頗舒適。 而我們正被安排安座於吧檯位置，凳下有貼心小籃子放手袋，還有堅定眼神的招財貓迎接我們！ 最心心眼當然是君子活鰻魚吧！為什麼稱它作君子皆因夠厚度嘛哈哈哈................. 活鰻魚現場即燒那份吸引力有多大？相信愛吃鰻魚飯的朋友應該感受到！ 除了鰻魚飯店家的招牌拉麵聽聞亦耍家非常，選上坊間少有的金鶴雞白湯拉麵！ 金鶴雞白湯拉麵＄98，內有香脆可口的炸牛蒡、那兩片慢煮赤雞又嫩又滑很是誘人、而炙過的叉燒香氣亦濃而且肥瘦均稱，如可厚多點點口感更妙，半邊溏心蛋也恰如其分，整體賣相也相當吸引而且份量也很足。 主角雞白湯底是選用上日本赤雞熬製六個多小時成，入囗那香濃雞湯味充斥口腔，麵條沒帶一絲鹼水味爽滑有咬口，配合一口濃郁的雞白湯是大享受的時光，最後當然一滴不剩啦！！ 這刻到我的心頭愛活燒蒲燒鰻魚飯＄198，另還有前菜芥末八爪魚和鰻魚清湯同上。 鰻魚清湯

今天與朋友經過佐敦，突然想吃拉麵，所以來到了這間餐廳試試。我們8點多來到，全院滿座，十分多人，等了一陣才入到。我先點了一份金鶴雞白湯拉麵 。這個湯底原來是用赤雞熬製6小時而成，味道濃郁。當中又有叉燒和雞肉。雞肉十分軟滑，叉燒很有口感。我朋友點了一份活燒蒲燒鰻魚飯。我試了鰻魚。鰻魚燒得很香，而且肉質爽口。我們又點了一份日本明太子雞翼。雞翼中釀著明太子，調味調得剛剛好，味道有點點的辣。我們又點了一份燒黑豚肉串。燒黑豚肉串燒得十分好。最後我們點了一份抹茶軟凍。抹茶味香濃，為這餐寫上完美的句號。今天真的很滿足。雖然要等一陣，但十分值得。下次會再來試試其他。

除了遊日興之所至外，甚少特意在香港食拉麵。今日陪為食太太逛完THE ONE後，佢就提議去附近既官涌小街食一間人氣度極高既雞白湯拉麵店。印象中既拉麵一般細細碗且多以豚骨熬湯或醬油做湯底，用上薄薄2-3片豚肉片。週末午餐不妨食輕量一點，那就跟著她箭步來金鶴拉麵。還未抵達正門，午市過後仍見人龍在門外輪候，似乎都是慕名而來朝聖既食客。店舖外觀脫俗清雅，簡約的一扇圓形玻璃窗設計隱隱透徹出瑰麗既金光，看真一點原來是描繪著生動既鶴鳥在振翅起舞。鶴為上品鳥種兼擁高貴氣質，微觀店內的裝潢陳設，亦能感受出箇中隱逸非凡之調子。店外店內鶴蹤處處，盎然生趣兼有著一脈相承既味道。食拉麵能夠坐吧枱確實係一種享受，可以親睹師傅主理拉麵既過程，有著如同處身傳統地道拉麵店果種近廚之樂。專程而來的為食太太毫不猶豫地點雞白湯拉麵，心野野既我卻被鄰座食客既蒲燒鰻魚飯所吸引而臨陣改變一下諗法。主角既雞白湯拉麵，碗邊先係一團帶造型(有點蟹既神髓)的即炸牛蒡絲。師傅要眼明手快掌控上下炸鍋時間及油溫，入口既牛蒡才不致焦黑帶苦澀。薄如紙般既金黃色外層，縱橫交錯然而沒有呈現相互黏著既情況。嘗試動筷子輕力跟蒡絲接觸，頓時一下清脆利落既折斷聲

我同朋友一樣超鍾意食鰻魚飯，呢到係佢食完帶我黎，嘿嘿活燒蒲燒鰻魚飯，套餐有鰻魚飯，昆布湯，豚肉煮活燒既鰻魚魚肉肥美嫩滑！好厚肉，外層燒到微脆！坐ＢＡＲ台見住師傅逐條挑起Ｄ細骨，每一口都極度好味！嘿嘿可以睇到係極厚身，極香油香！配埋薄薄既特製醬汁同埋日本米！雞白湯拉麵，一條條既炸牛蒡，不油膩，脆口！湯底濃郁！慢煮赤雞！唔鞋口仲十級滑嫩！嘿嘿黑豚肉同溏心蛋都一流！豚肉肥瘦剛好，湯濃稠，所以掛麵能力亦一流！嘿嘿隔離台叫左份炸雞！一上台果隻炸雞香味令我地都叫左份果然好好食，外脆內裡雞肉仍然有肉汁香。又嫩！同埋雞件算大件！　很不錯！嘿嘿

一家人頭痕唔知去食咩好、突然間又話想食拉麵，跟住就上網搵啦！發現到呢一間喺佐敦嘅金鶴拉麵，抱住試新野嘅心態去品嚐！喜出望外！我竟然覺得佢好好食！可以媲美一蘭！我同奶奶都讚不絕口！佢嘅湯底真係好好味！本來諗住帶個鰻魚飯、不過我先生話要兩舊水一碗唔抵！所以冇叫到！😅呢間餐廳一定會再有回頭率！仲要都幾高下！Btw,佢個廁所整得好靚！當然係女廁啦！全部野都自動化！認真講句，可以呢埋係入邊唔出嚟都得！因為有電視睇！😂 #金鶴拉麵

Hello, 又到繼續尋找日本美食嘅時間啦！男朋友話請我食飯，我都要繼續食拉麵，可以睇得出我幾咁喜愛拉麵了。呢間金鶴拉麵門面係藍底金色logo，有種高雅嘅感覺。入到去有吧枱同卡位，以拉麵小店黎講，算係幾闊落，坐得好舒服。我地兩個都嗌左金鶴招牌拉麵，呢個白雞湯真係有雞味，飲落清甜，如果同我最愛嘅一蘭豬骨湯底比，可以比到8.97分！雞湯拉麵喺香港真係比較少見，而又做得咁出色，respect！值得一提係佢嘅牛蒡，日本高級少少嘅拉麵舖都會用炸牛蒡代替普通紫菜，除左增添獨特嘅口感，見到佢炸到金黃，似靜止嘅絲帶一樣，一捧到你面前，已經驚艷左你。店舖對於拉麵造型嘅講究，令我諗起日本嘅匠人精神，respect！我地都幾大食下，驚唔夠飽嗌多左煎餃，餃子皮幾薄，炸得幾好，不過算正常水準吧。最驚喜係佢啲筷子套，個個都唔同，好有日本風情畫feel，後來有位侍應想收走我嘅筷子套，我同佢講太靚啦我想收藏，佢好開心咁同我講佢地係特登揀架，即刻令我對佢地更有好感。respect !不過雞湯拉麵description 寫住食完唔會喉嚨乾，但我都係有啲口渴，大家要留意下啦～總結都係一間值得一試嘅拉麵舖！支持有心，重視細節

等候時間：30分鐘環境：不俗食物：A.湯底：淡淡雞湯味、飲完唔會口乾，唔錯。B.拉麵：質地彈牙，讚。C.配料：雞胸肉嫩滑但偏凍；糖心蛋好味；炸牛蒡有苦澀味；其他配料不過不失。服務：等同一粒老鼠屎。首先多謝一位年長的男任應，因為調三次座位而提供一支免費可樂，態度值得一讚。至於樓面唯一一位女任應態度非常拙劣，具體如下：1. 態度、語氣、眼神令人作嘔；西口西面。2.未清理好枱面就要求我調位，有意或無意地將枱面碎屑掃到我外套和櫈，我要自行清潔櫈面碎屑。3.回答詢問時大夾惡，唔講仲以為我欠左你幾千萬。4.離開時，悔氣地講多謝。多_謝哂，我實在承受唔起你既多謝。建議將尼個女人調去洗碗，免得嚴重拖垮整個用餐體驗。

下晝同女朋友係佐敦食午餐，天氣不似預期落起雨來，所以我們就揀了附近一間拉麵小店，店舖內外都具有日本拉麵店的特色，簡單高雅都很有心思，小店坐位不算太多有四人枱和bar枱選擇。金鶴雞白湯拉麵：餐牌上有資料介紹呢個湯底，湯底是用尺雞包仔六個小時而成，其實口感濃味而不油膩，口感順滑，飲後不會有口乾或黏囗的感覺賣相已經好吸引，牛蒡在碗中！麵上還鋪滿了雞肉及豚肉！湯頭滿是雞香，飲落非常濃郁。麵質也不錯，彈牙有蛋香！半熟蛋也是剛剛好呢。必食推介。豚肉肉脂平均，入口即溶，水準之上！辛辣拉麵：餐牌上有資料介紹呢個湯底，湯底是用高湯加秘制辛辣香料來調味，味道辣而不燥，適合喜歡微辣的朋友同樣有雞肉及豚肉，第一啖湯飲味道特濃豚骨湯底，然後辛辣味道濃郁香甜，豚肉肥瘦均勻，整碗麵慢慢滲透了辛辣味道日本明太子雞翼：雞翼大大隻脹卜卜外皮煎得非常香脆，入面嘅雞軟令咬落去有明太子變得好有口感，而且味道非常好煎日式餃子：豬肉及椰菜等餡料，餡料充足，外皮煎到香脆，餃子就中規中矩。

服務好貼心、好細心，一坐低問我地想飲熱茶定係凍茶！女侍應見我整親隻腳，仲安排一個比較舒適嘅位俾我地。好鍾意呢度嘅日式裝修，特別係行去廁所呢個位，鋪晒石春，設計好有心思。餐前小食我哋叫咗明太子雞翼同埋日式煎餃子！主菜就梗係叫呢度嘅招牌雞白湯拉麵同埋活燒鰻魚飯！師傅就係我哋面前即叫即燒鰻魚⋯先來日式煎餃子：新鮮熱辣送上枱，一邊煎得香脆又唔乾明太子雞翼：雞翼炸得好香口，裏面塞滿大少少辣嘅明太子，好惹味第一個嚟嘅主菜係雞白湯拉麵：造型已經好得，有師傅喺面前炸嘅牛蒡、半隻溏心蛋、兩片慢煮赤雞肉、兩片黑豚肉，仲有蔥絲同埋木耳絲識食拉麵，第一時間梗係飲一啖湯先啦雞湯濃厚，但係一啲都唔油膩，飲完唔會口乾，亦都冇豬骨湯咁滯咁飽，試過呢度雞白湯拉麵，我從此冇咁想食豬骨湯。兩塊雞肉你唔好睇佢個樣白烚雞胸咁，咬落又嫩又滑，比起兩塊（畀啲蔥隱藏左嘅）豚肉更加出色兩塊豚肉烤過的，幾香又唔肥膩活燒蒲燒鰻魚飯：黎到真係嘩一聲，鰻魚成塊扒咁厚，個皮烤到脆脆的，連埋醬汁真係一流，好食旁邊有個鰻魚清湯、有一件魚肝響裡面；嗰個小碟係芝麻蘆筍。

朋友係拉麵控，無意係網上發現香港開左間湯底係特別既雞白湯就拉埋我去一齊食。餐廳外面用左鶴既透明玻璃及金色燈光，同店名金鶴一樣金鶴。雞白湯拉麵$98平時都係食豬骨湯拉麵，衣碗雞白湯湯底好濃但一d都唔膩，師博介紹湯底係用赤雞熬左六個中，真係用足料同時間食完成碗拉麵唔會好口乾慢煮赤雞雞肉，肉色嫩白，口感煙韌重有即叫即炸牛蒡，從來無試過食拉麵係配健保食物-炸牛蒡絲，脆卜卜活燒蒲燒鰻魚飯$198本身都打算食拉麵，但見到師傅不段燒鰻魚，香味超吸引，就忍唔住叫左黎食店員介紹鰻魚係引入台灣既，每條約重2公斤，即叫即燒個面鼓湯有鰻魚潤，我地一道以為係雞潤師傅話衣粒鰻魚潤係要自家劏先會食到立刻登記會員就送一樽汽水，十分超值

請問佐敦開咗間隱世拉麵咁啱我又住佐敦 就決定試試佢🤪🤪🤪晚上嚟到出邊排咗10個人職員就出嚟講話要等一小時🤨🤨🤨🤨不過既然決定咗要試 就一於等到底好彩嘅係都只係等左半個鐘就可以食啦！一入門口 職員用非常唔正宗嘅日文同你打招呼🙋🏻亦都冇一個店員係日本人🙃🙃不過又唔一定要係日本人先整得好食嘅帶結果都係非常之令我唔滿意！即燒鰻魚飯 $198但食落同普通吉之島買嘅冇分別又唔熱又特別除咗價錢特別貴之外實在諗唔到任何優勝之處主打菜式雞白湯拉麵🍜呢碗麵就比較正常一啲 湯底有雞味但弊在啲炸牛旁苦左啲 真係敗筆難怪隔離枱會叫走牛旁🙁🙁🙁最好食係呢個炸雞但$33得3件！！！貴左一點！！總括而言，如果唔使排隊都可以一試要排隊就米制啦！

好吃的餐廳，一般都有條龍跟尾，有心裡準備要排隊，心情就會好，估唔到假日2.30pm後都要排，3點先入到座。裝修是現代的日本風，加了幾隻bearbrick，即刻潮左。另外，廁所也一絲不苟，推門出去是日式小庭院，再入去仲有個大電視，十分有質素。師傅都穿白色制服，打上黑色領帶，帶黑色口罩，很專業的樣子。所有水用美國NSF安全食用水認證的濾水器，好有要求！大家安心食用！鰻魚飯好厲害咁！黑蒜醬油湯拉麵 ($98)，低温慢煮日本赤雞肉質很嫩滑，跟一般濃味配料很不一樣，感覺新鮮。黑豚叉燒很扎實，食到肉的鮮味，黑蒜味很香濃，但不會太膩而吃不到最後的那種，很有水準的拉麵。醬漬日本溏心蛋 ($12/1個)，蛋味道很不錯，蛋黃呈半流質狀態，時間控制得很好。午市凡惠顧任何拉麵，加$28追加一款小食。燒黑豚肉串 (原價$48/2pcs)很juicy很香，加點葱吃會更好吃。唐揚炸赤雞 ($33/3pcs)炸得很酥，附黑白胡椒，十分香口，yummy。元祖煎日式餃子 ($33/4pcs)好正宗。日本明太子雞翼 ($48/2pcs)好飽滿，外皮焦脆，餡料很入味，師傅仲用鍚紙包住翼尖，很貼心。