金華冰廳

营业中

休息中

極度差！冇第二次！原本聽同事講好好食，咁啱經過就入黎試下，點知D侍應態度差到一個點！我地排隊終於等到位，嗌咗成10分鐘都冇人過黎落單，檯前有三四個喺度企住，就係唔過黎落單，唔想做生意？我嗌落單嗰時明明有女侍應望到我，我嗌幾次佢就望幾次，但係就係唔過黎落單，想點？最後真係好嬲嗌咗句「唔落單我就走」先聽到有個人細細聲講「等陣」但依然冇人過黎！冇下次！咁差嘅服務態度，快啲執咗佢啦！Black List！

無需多講即刻叫左菠蘿油同西多士 再黎個乾炒牛河菠蘿油外脆內軟 新鮮出爐暖暖地入面包住舊軟滑凍既牛油夾埋一齊食真係好正西多士好味 但呢個好多茶餐廳都做到所以都係大家expect既味道啦😛乾炒牛河有鑊氣牛肉都夠多 正常茶記發揮令我會再回頭一定係菠蘿油同埋香港特色既味道好多人都係嗌個菠蘿油 熱奶茶嘆下正👍🏻👍🏻

菠蘿包是金華冰廳最出名的。菠蘿包烤的恰到火候，菠蘿包撕開，裏面的面包很厚實，帶有甜味。唯一不足的是應該搭配一塊牛油，用面包的熱度將牛油融化，那菠蘿包的口感會變得更香和濕潤。

終於到休息的一天，終於能夠睡到12點了 中午先去探一下很久没見的契女，長大了不少的頑皮妹，有點古古惑惑的，非常活躍 ! 下午茶時間來了，跟朋友一家相約去食個Tea，今次我們來到屋企附近的金華 ，準時3點3入座 !菠蘿油，是港式茶記的象徵之一。每日新鮮出爐的菠蘿油，上下開半，加一片厚切牛油，吃上口，菠蘿皮的香脆微甜、牛油的香味，再配一杯熱茶走，完美結合！菠蘿酥面烤得香香酥酥的，吃起來有脆脆的口感，搭配著軟綿的麵包還蠻香的，麵包本身有點甜甜的味道下次再來

I suddenly want to have Hong Kongnese tea time so I asked my boyfriend to take me there. The traditional Hong Kongnese milk tea was delicious, it was smooth and creamy. I didn’t need to put any sugar inside because I want to taste the tea flavour. The egg tart was fantastic! The pastry was so yummy. It was crispy and soft. The egg was so smooth. The Japanese couples opposite me agreed as well. They came just for the egg tart. The pineapple bun with butter was nice as well but it wasn’t hot enoug

真的很慚愧，身為土身土長嘅香港人，對茶記文化向來一般般; 大脾貼大脾，膝頭吻膝頭的4人卡位，部分伙記直率急躁的服務態度，衛生問題等等…… 所以寧願幫襯集團式快餐店。金華菠蘿油一向出名，不單本地人鍾情，亦是中外遊客Must Try名單上。今日避開繁忙時段，5點幾來到，唔算太多人，可以獨佔一邊2人卡位。落單後沒到5分鐘，新鮮出爐菠蘿油就在面前，名物果然是名物! 那層菠蘿皮正正是我童年時代在屋邨麵包鋪由細食到大果款，可能是情意結，對於有些菠蘿包面層刻意被成菱形，先不說味道如何，已經打折扣。急不及待，馬上開動。咬一口，那酥脆的聲音和口感，hmmm，跟合桃酥有點接近，再配搭着軟綿圓渾的麵包和中間一片牛油，一脆一軟，一甜一鹹，完美的菠蘿油，實在當之無愧。至於這裡的奶茶不算滑，而且當天並沒有放糖，出來的味道竟有些酸味。之後再買了一個菠蘿包當明天早餐。雖然放涼了16小時，但無論酥皮或包身，仍然保持7成新鮮度，可能近來天氣較乾燥都有關係。另外不得不讚金華的菠蘿包是不會皮肉分離，一路食一路跌層皮落嚟

多年前會在金魚街一帶食早餐， 附近選擇不少， 飢詩因為店員態度差而放棄佢😆😆，但今日突然好掛住金華菠蘿油，就去食一個啦 😁😁睇睇餐牌 “得獎菠蘿油” & “足料靚雞批” 呢兩個名好似嗰啲 唔係好出名嘅明星 喺廣告上面寫影視紅星咁 😆😆😆 不過金華菠蘿油又的確係遠近馳名 👍👍 遊客嚟香港都一定會食 😍菠蘿包柔軟有彈性 ， 組織細密 不會太多氣 ， 菠蘿皮鬆脆香甜，温暖的麵包 溶化微凍的牛油，油香滲滿口腔，心裏大叫-> 好肥，但已被食慾支配，大口大口 狠狠的咬下去 😍😍😍 正吖~飢Point : 10/10#hungermarch #飢詩 #非飢詩

一開始如果唔係因為外國朋友來港我自己都未必知道呢間冰廳,馳名gei菠蘿油究竟有幾咁好食呢?答案係:真係真係真係無得輸!當然,好食其中一個主要元素梗係因為佢新鮮出爐新鮮上檯,麵包係熱已經贏一半.好多地方D菠蘿皮薄過紙,但呢度厚度夠,紋理分明,咬落去下下都係脆!但麵包就可以keep到軟熟連綿,加上依然有少少固態gei牛油,三層口感三個味道,叫我食三個都得!唔知大家會唔會同我一樣 次次叫完菠蘿飽都會好想叫西多士呢?加埋奶茶或鴛鴦真係好滿足~所以我同幾個朋友來的話一定會叫埋西多士,雖然佢唔係特別厚特別脆,但呢款正正係細個食的西多士,加埋糖漿邪惡度升級!有次外國朋友想吃蛋撻,我就第一次食,不過我覺得佢無特別,所以大家下次可以集中煩惱菠蘿油後使唔使追加西多士~~~

今朝同大食男友去尖沙咀做野, 但未食早餐頭暈暈, 大食男友就車左我去呢間冰廳; 其實呢間冰廳中學時代成日食, 因為食完就去隔離行街, 對上一次食應該都有5年前, 印象中佢既包係好香, 但當時食覺得只係比其他菠蘿包香...事隔數年, 今日再食金華成餐都有驚喜😊;雞批足料皮又脆, 批底咬落夠鬆； 菠蘿包層‘菠蘿’好脆夠薄, 包好鬆軟😋, 大食男友將碟上每一粒 ‘菠蘿’碎都食埋😂; 連碗餐蛋米都有驚喜, 其他茶餐廳既湯底係好似白水無味, 呢到個湯底係夠味而且好大碗(大食男友要幫我食大半碗😅)!最抵讚既仲有, 阿姐見到有位外藉人士攞錯糖槳當辣油, 主動問那位外藉人士要咩同主動攞辣油俾佢👍🏻👍🏻

離港幾日雖然品嘗唔少當地美食，返到香港就想食返菠蘿油同茶走依啲香港地道特色美食。 自己個人口味依兩個食物都炮製得咁好嘅就係金華冰廳。雖然餐廳長期都座滿食客，座位亦迫迫夾夾，麵包出爐托出嚟一刻嘅險象橫生等等...... 通通變成咗餐廳嘅特色，今時今日甚至要同內地遊客玩爭櫈仔。不過咁都無減我經過就想嚟食嘅意欲。每次亦會揀下午茶時段來嘆個茶食個包、撻或西多，今日亦然，條件反射一樣一坐低就叫茶走菠蘿油。落咗煉奶嘅茶走就好似魔術一樣，將本身已經茶香奶滑嘅奶茶再推高至另一個層次。同樣又滑又淋嘅牛油將已經既香又脆嘅酥皮菠蘿包口感昇華至另一個境界加埋鬆軟嘅麵包入口咀嚼時真係天堂一般嘅感覺。 不過呢啲咁嘅高脂食物永遠就係小食多滋味。但係又冇計，人生嘅大部分嘅快樂又九成九建築响依啲唔健康嘅嘢上面。 唯有跑多兩轉後再嚟下轉。

第二次來吃菠蘿油，雖然從家搭MTR要接近一個小時，但是一想到能夠食到如此好味就覺得和值得！水平依然很高，這次搭配了金華咖啡，感覺中和了甜膩。好神奇菠蘿油這種東西明明應該是很油的，但是金華做出來的一點油膩感都沒有，讓人內心的罪惡感少了許多！個人覺得有外賣的那邊店子的菠蘿油更好吃！這次是在新店鋪吃的，菠蘿油有點涼了。 臨走前幫同學打包了一個，熱呼呼的還燙手，夾了牛油聞起來太香了，努力克制了一路才沒有把它吃掉

今日黎開旺角開工，去金華冰廳食番個下午茶是常識吧。 去到餐廳，見到勁多人排隊，等左一陣先入到去食。我叫左個菠蘿油(HKD 10)，炸雞脾 (HKD 20)同杯熱奶茶 (HKD 17)。 菠蘿油熱哄哄既，牛油俾個包既熱力變成溶溶地既狀態，一啖放入口既味道係筆墨都難以形容呀。 菠蘿包既皮又脆，整體黎講真係好味。 炸雞脾就炸得好香口，唔太油膩，食落去啖啖肉。 至於杯奶茶就非常香滑濃郁，奶味同茶香十分配搭。 本來我仲想叫多個西多士，不過個胃太細，唯有下次再食過啦。

因為今晚要嚟旺角始創中心參加同事婚禮，早點到來幫忙佈置場地前先食個美味下午茶☕️🥧因爲帶住兩個同事一起，佢哋都未食過金華冰室所以理所當然要帶佢哋嚟一趟🤤🤤🤤！今日星期六旺角人頭湧湧，金華門口都堆滿人買菠蘿包🍍！見到門口咁多你以為要等位幸好入到去即刻有卡位👏🏻👏🏻👏🏻同事叫咗個下午茶餐有雞亦蛋撻、雞亦係全亦炸得剛好不老、蛋撻酥皮鬆化蛋槳不會死甜另一個同事叫咗义燒意粉、半肥瘦义燒加意粉就是冰室特色另外每人一個菠蘿包，酥皮非常脆口超級好食🤤🤤🤤奶茶濃香無得頂

慕名而來，可惜，絶對令人失望！下午茶時候，超多人。坐低叫了菠蘿油，熱奶茶！對面，搭枱的一對老夫婦，一邊吃一邊話⋯⋯蛋撻麻麻啫，奶茶不夠滑，比吾上檀香。終於，菠蘿油和奶茶到了，用义吃，食一口，個包係凍的，一點餘溫都沒有，牛油又點會溶呢，冇理由咁出名的金華會咁，比凍的菠蘿油客食架，於是，同夥計講，男侍應邊抹枱一邊聴，但完全無表情冇回應，哎！今時今日名店的服務態度係咁！奶茶嚐了一啖，真係如先前客人話，真的好一般⋯⋯總結，一定唔會再去！

呢間真係一間出名但伙記素質差既餐廳。我平時中午經常會黎食午餐，但今天我真係不吐不快，簡單說說如下：用餐完想問伙計攞多一張紙巾，但那係阿姐居然話＄３包, 我話要餐紙, 佢話已經俾左你, 得一張.我想唔係ma, 呢間餐廳張餐紙都已經薄到死, 連俾多張都唔肯, 我真係第一次見.就係因為一張唔值錢既餐紙, 佢無左個常客.正所為不怕神一般的對手，最怕豬一樣的隊友.另外, 我仲有成大杯飲品未飲, 我自己一個坐卡位, 當時已經過左繁忙時間, 有3客人入黎, 個男伙計叫佢哋過黎坐, 我都算喇, 但我成杯野未飲, 佢居然同D客講我就飲完, 完全係叫我快D走囉.有D咁樣素質既伙計, 真係唔值得出名.