金華冰廳

营业中

休息中

不少人都會因為口傳好味而來尼間地道風味港式餐廳。門口長期都好多人擠擁，雖然不少都都係排隊買新鮮出爐菠蘿包一直都會來食的我，反而好少寫尼間食評，可能成日食的關係，已經成為日常。每次經過都會食的菠蘿油。外脆內較，牛油的香真是無得頂，幾邪惡都要食當場，港式下午茶餐的經典又何止菠蘿油，奶茶、各款出爐麵包：蛋撻、菠蘿油、茶餐都好吸引。茶走配沙爹牛意，都是特別的組合。意粉口感可以，是茶餐廳水準。會再黎光顧這間老字號

喺附近番工，雖然有好多食肆，但每朝要諗食咩早餐其實都幾煩惱，通常食茶餐，但有時唔係太肚餓，我會走過黎金華。午飯我就通常週二先過黎，因為我鐘意佢地嘅粟米玉粒飯。佢地門口長期都好擠擁，雖然有九成九嘅人都係排隊買菠蘿包，但作為喺附近番工嘅人，我覺得叉燒包先係正野。叉燒包 $10/個包餡豐富，比例剛好，又唔會多到食唔到個包，醬汁又唔會濕笠笠漏哂出黎。包本身熱辣辣，又香又鬆軟！菠蘿包時不時都買到，但叉燒包一日出兩輪架咋，好矜貴架，哈哈。

今天路經金華,剛好是食午飯時間,而上次食過新鮮出爐菠蘿油,味道好,於是入去找位食午飯,有個稍肥嘅亞姐態度惡劣地安排,最慘話客把口唔停,仲慘過係佢請。 其它伙記也木口木面。但心唸想食好嘢就當佢地口臭,見快餐牌話金華豬扒,心想招牌貨一定好食,包例湯及飲品41元,如果轉涼粉冰就50元,價錢還可接受,先給例湯(味道🆗),至於意粉等了15分鐘,心想慢工出細貨一定好掂,點知原來係白烚意粉淋上比熟食中心還要差的黑椒汁👎👎👎(有相為証,何等求其)至於主角金華豬扒仲衰,十足食柴皮,用刀都要大力切先切到,好彩得一塊,不用我變浪費者,根本好難咀嚼,好難食👎👎👎。此餐廳原來好評多都係靠麵包師父(整嘅菠蘿包),不如賣包算吧!反正伙記又衰😫,基本食物都唔掂😫,看相片便知咩叫白烚意粉,至於杯冰還可以,何必貼錢買爛壽😡😡😡。旺角(最衰嘅服務及出品)餐廳呢間肯定入圍。溫馨提示🌺此餐廳只合外賣,外賣,外賣(菠蘿包)........千萬勿堂食,好受氣 😡😡😡

今日公司去外出工作，順便到金華冰廳午餐，見到許多街坊常客。叫了一個牛肉會意粉，望著都流口水因蕃茄汁的關係，配上醬汁後食出牛肉都幾滑，意粉口感可以，是一般茶餐廳水準。

金華最出名菠蘿油、西多士，但我每次黎都必叫金華豬扒飯配燴汁。份量好足，豬扒大大件，易切唔難咬而且冇用鬆肉粉，但豬扒對我而言只係配角，我主要都係食汁撈飯，總覺得個汁有種蘑菇香，酸甜版哈迪斯（！！！）蘑菇飯嘅感覺，好好撈飯。By the way，成日都想問邊個發明雜豆呢樣野？撈撈下唔夠汁想問姐姐可唔可以加汁，姐姐爽快答應，然後我就停哂手等，等左六七分鐘，怕姐姐唔記得再問一次，佢就黑臉啦，但都冇say no。結果，我等到飯都凍哂都係冇比汁我。.......一早拒絕我啦好嗎？唔撈汁我都可以趁熱食，何必要我白等？食完嬲住走

介紹台灣朋友來尼度開心下午茶☕叫左凍.熱奶茶.凍鴛鴦,覺得奶茶太濃有d苦澀,同侍應阿姨要淡奶來加,阿姨居然比成罐價錢唔平既黑白淡奶隨便我地落!真係好大方啊😍😄點左招牌波蘿油.酥皮蛋塔,菠蘿皮脆甜包中夾住塊凍牛油,咬落嘴度口感香酥.味道甜中帶鹹好滋味!蛋塔皮好鬆化,蛋漿幾厚又有蛋香,其他點左菠蘿豬扒包.西多士.雞批,不愧係知名老店,食物都好有水準！

老公飲食清淡幾近茹素但偶爾放縱就愛食最肥膩最邪惡的菠蘿油雖未嘗遍香港大小菠蘿油但金華冰室的菠蘿油是其中一家令人回味的誰說這家牛油很厚？其實剛好不過外賣的話要立即食 菠蘿包熱辣出爐 牛油會很快溶奶茶很不錯 沒有草青味如果少人可以堂食就更好了

遠近馳名 金華菠蘿包/菠蘿油好多人都會慕名而來食次次黎出面入面都埋滿人雖然一個賣6蚊，但是 真材實料唔似出面嘅包,一食就好似空氣咁不斷新鮮出爐 就算凍咗少少 菠蘿皮依然脆

去到旺角，曾經聽聞金華冰廳系d老字號冰室，去試下啦，去到叫左個咖哩豬軟骨飯系套餐黎，之後叫左個公司燴意粉，再加個菠蘿油，甘套餐有一杯野飲，甘我叫左兩杯野飲，落單既時候我吾知公司燴意粉無包野飲，見佢張單寫$19杯，甘我問佢$19系凍檸茶？佢話系，甘我就話吾要喇，落單嗰位啊嬸即刻啤住我地，我地心諗乜料啊，d說話又話番我地，對面個啊叔都忍吾住幫我地鬧番佢，個啊嬸仲話個啊叔吾好多事，d態度真系不知所謂囉，又吾系黎左杯野飲先話吾要，我想講個飯同意粉簡直垃圾，完全吾會想食哂，點知會吾會肚痛，菠蘿油還好，但吾算最好食！大把冰室既菠蘿油好食過呢間，不知所謂，一定吾會再食呢間！點解好食既餐廳因貴租而結業，點解吾快d KO呢間冰室！實在太差呢間所謂既冰室！d野食又吾系平過人，就算人地出哂名差態度既冰室，但至少人地既食物好食，就算差態度都願意去食！比得錢食野吾需要去呢間食！真系好不知所謂既冰室！d員工態度差到不得了！😡😡😡😡😡😡😡😡😡😡😡

早上11点去的 离地铁站200米挺好找 不用排队进去吃 吃了早餐套餐蛋挞吞拿鱼三明治菠萝油 酥皮蛋挞好赞 蛋味很重 味道很正 吞拿鱼三明治也还不错 菠萝油冷了所以很腻 柠茶有点甜 会为了蛋挞再去吃的

經過旺角想吃下午茶，突然醒起這間的西多士及菠蘿油很有名，決定來試試！是典型港式的茶餐廳，沒有很寬闊的位置，而且需要搭枱，我們寧願不坐卡位！招牌蛋撻這個是見到別人點我才跟風！很久沒有吃過酥皮蛋撻了，但是這個蛋撻應該放了一段時間，溫度不夠，但酥皮味不錯西多士這是期待已久的邪惡西多士！熱烘烘的西多士漸漸把牛油溶化，再配上糖漿，吃下去的時候有淡淡蛋香，而且麵包鬆軟，感覺一流！咖喱雞扒芝士撈丁這也是邪惡的軸心！沒想到它是原塊芝士上！原來芝士跟咖喱這個配搭也不錯，這個咖喱是典型港式咖喱，不會太甜，也不會太難，味道剛好！但吃得太多會膩...凍奶茶茶味香濃，而且用上黑白奶，非常幼滑，令人一試愛上！其實我很想點菠蘿油來吃，但吃了這兩個已經很飽了，唯有下次！

下晝3點果陣諗住去旺角果邊食拉麵但原來差唔多到間舖既休息時間(休息兩個鐘又再開始晚市)煩緊食乜既時間就路過金華聽講呢度既菠蘿油同蛋撻出名所以就決定入去試下嗌左個下午茶餐有2隻五香雞翼+1個酥皮蛋撻配奶茶另外散叫左個菠蘿油菠蘿油比想像中大上面亦脆口但唔會太散太碎真係唔錯五香雞翼都幾多肉同埋都預左食完會成手油 蛋撻就一般可能熱啲會更好奶茶飲完唔會「鞋」口不過味道就有啲失望可能每個人既口味都唔同啦😅整體都滿意不過短期內再幫襯就未必啦

菠蘿包大件夾抵食，個菠蘿油簡直系人間極品，個菠蘿皮够厚又香脆，兼且唔甩皮，一路食住都系淡淡菠蘿皮/包/牛油/包，4層口感一齊放入口，次次黎食都保持到水凖！！！記得試埋個紅豆冰，豆够大粒够多，唔爛。法蘭西多士，香脆得黎够乾身，够熱，見住大舊牛油一路溶入個多士度，確實治愈，加埋蜜糖，簡直好食到無朋友，最緊要系平靚正！好過去連鎖果間劏人茶記多多聲啦！金華除左食風味，重有人情味，店員服務親切，系咁多年都無變過，我由細都大都食佢

金華冰廳無論香港人同遊客都無人不識，菠蘿油賣到街知巷聞，每日都排哂大隊。由於公司喺附近，都間中黎呢度食午飯，不過一般我地都係逢星期二光顧，為嘅就係粟米肉粒飯，實在非常出色，好啱我地成班人嘅口味。但今日去到，餐牌原來已經轉左，唔見有粟米肉粒飯。所以我地只好點左葡汁雞扒飯，午市附上例湯，平時好多時都係西洋菜湯，今日又係比較特別啊，有蕃茄薯仔湯，對打工仔而言，都有些少新鮮感。蕃茄薯仔湯：茄味就唔係好濃，清清淡淡咁，例湯黎講，係咁上下啦。葡汁雞扒飯($44)：葡汁帶椰香味，食落少少甜，茨汁都幾滑溜。個人就特別鐘意食呢度嘅飯粒，因為食落幾軟熟，唔會覺得好粗糙。雞扒size就比較細塊，雞肉煎得幾香口，雞肉都仲保持到幾滑，唔會老唔會乾。凍奶茶+3：一向鐘意呢度嘅凍奶茶，茶味香濃，而且用上黑白奶，所以好滑。所以我地一直都keep住幫襯呢，不過講真，坐就唔會話坐得好舒服，都要有心理準備搭枱同坐得逼少少，同時都係快食快走。

話說太子有間菠蘿包好出名其實我個人對菠蘿包一般, 但又覺得幾好食ga香港老一輩的老友記都好鍾意食菠蘿包, 菠蘿油家中長輩每次經過太子金華冰廳都會買菠蘿包回來幸好我都鍾意食硬左ga包, 所以外賣都無問題最鍾意個包夠焦<–超愛香脆包的size 比我拳頭大, 又大又厚我lunch 只係一個包都夠