金華冰廳

营业中

休息中

因為今日落雨想近近地食lunch,就揀左呢間，印像中好耐以前試過呢間西多士係幾唔錯😋😋😋，於是今次再叫流心西多士，跟住幫我落單個位伙計問我飲咩，我話唔飲，點知呢位伙計唔答我，😡😡😡只係用支筆指住枱面一行字，我望一望果行字，係寫住堂食每位最低消費一杯飲品，果刻我好想問，呢一句意思唔係話就算唔叫野食最低消費都要飲杯野咩？我有叫西多士喎，最後我都叫左杯凍檸茶，等既時間勁耐，杯檸茶同西多士等左起碼半個鐘，食食下仲睇見有隻烏蠅飛咗落我支叉度，即刻叫伙計同我換😤😤印象中好耐之前食過兩三次都係有烏蠅，估唔到隔左咁耐都係無改善，服務態度亦都好差，老老實實佢西多士同菠蘿包係好食，但要係出面食到咁既質素西多士同菠蘿包亦都唔難，點解我要忍受咁既價錢同咁差既服務態度👿

金華已經成為港人、旅客都會光顧的老店，哈，我食過N次，但每次都很喜歡，雖然服務態度一般，坐都坐得不太好，特別四人位很迫，但會享受食物！奶茶冇得輸，無論凍熱都是依舊咁好飲；夏天可以飲很多飲品，試左菠蘿冰，味道就一般；齋啡就不過不失；菠蘿油好食，我都係食晒一個就夠飽肚。其實若果服務態度盡可能好多點，會更加分，左邊間金華態度明顯係差過新開的那間，態度禮貌做好多d，會更加讚，希望舊店多多改善。By Good Chui

每次經親太子，都會諗起以前返學既回憶，成日一放學就會忍唔住去金華買菠蘿包食，日日去親都係人山人海，除左遊客多之外 港人一樣咁多，因為佢地既菠蘿包真係無得輸 抵食夾大件。捕定三點三，新鮮出爐，好多人爭住買，真係排長龍都願意！佢地既菠蘿包大大個，間唔時我都會叫菠蘿油，大大塊牛油夾係中間，夠足料麵包咬落皮脆內軟，一邊食一邊聞到香噴噴，凍左一樣咁脆咁好味，真係邪惡兼好食到停唔到口，簡直係性價比高既菠蘿油之霸，如何可以不愛它？

在太子上班的好處，就是可以到金華買早餐。金華的菠蘿包出名好吃😋，$6/1個 大大個又好味！菠蘿皮蓋著整個包，每咬一啖都外脆內軟！但留意！包中心絕對不是空氣，非常實淨！！最近我早餐吃的不只是菠蘿包，而是火腿蛋菠蘿包 $21/1個，另外也有雞扒/豬扒菠蘿包都是$21/1個，但早餐不想吃太多肉啦😩即叫即整的腿蛋菠蘿包，熱辣辣脆卜卜，可能你會覺得1個腿蛋菠蘿包的價錢買到3個菠蘿包有點不值，但又咸又甜的菠蘿包真的令人非常滿足☺️☺️吃對了早餐，就會有good good good morning

金華冰廳係人都知係傳統既餐廳，我以前有段時間下午茶成日食佢地既菠蘿油，的確好好味👍🏻👍🏻係會令人上癮，不過長期食實在太肥所以慢慢迫自己戒咗。咁耐無食諗住過黎買個菠蘿油做早餐，當我去到排隊既時候，見到師傅佢拎咗一底熱辣辣既墨西哥包出黎，望下個餐牌，平過菠蘿油呀，$6咋！好啦，我決定轉食墨西哥包！拎上手感覺份量十足（因為我食過空心墨西哥包🙈）。行十分鐘左右返到公司，個包仲好熱辣辣，好香，應該係牛油味？我分唔到係咩味，但真係好好食。果然無改錯名，係出爐墨西哥包👍🏻仲要份量十足，不是空心，唯一缺點就係太新鮮啦😂每咬一啖就跌唔啲包碎出黎，要食得有技巧先得😂唔係就食到成枱都係！唔洗再食集團式經營既麵包舖啦⋯⋯又貴又凍冰冰！😔有得食熱辣辣既包做早餐係幾咁幸福😍

旺角的金華冰廳有名的是奶茶，蛋撻，菠蘿油。但晚上在附近找吃時竟被它的是日特色蒸飯所吸引進去吃晚餐。一向在金華很少吃飯，吃的不是面包就是湯麵。但今天就初次試它的蒸飯。是日蒸饭是我最愛的咸蛋肉餅蒸飯。配例湯和熱飲才41元。太合理的價格。要求了多湯渣的例湯是我最愛的蕃茄 薯仔唐排湯。 沒有味精的中湯很是清甜。蒸飯上的肉餅很彈牙，肉的油脂渗於飯中，令飯非常香。加了咸蛋增加咸香，配飯根本就是絕配。有名面包店的飯也那麼高水準，令人感覺驚喜!

香港地道美食同埋傳統小食，點可以唔提「金華冰廳」，由細個初初食嗰陣佢得一間舖逼到毆，到而家開兩間舖。 間唔中就會上嚟食，每次去都想食好多野所以單拖去掛就唔好咁多選擇最好起碼兩個人去。但係每次去都一定會自己食晒一個菠蘿油，同一個炸雞髀，好似好過分好邪惡，但係真係忍唔住。仲要叫多個蛋撻share，個腦其實仲想叫多個西多士，但知道咁樣實在太離譜了。金華嘅菠蘿油出色在於，次次新鮮出爐，非常鬆脆香口薄皮脆口，牛油溶入麵包夾層中，其他餐廳真係做唔出呢個水準。炸雞髀又係唔可以錯過，睇個樣好似平平無奇，其實勁香，好香口，啖啖肉。蛋撻都嫩滑，皮脆。又係解釋唔到嘅好味同情意結。

真係不得了，夥計又亂，廚房又亂，啲客都亂埋一份叫咗個西炒通粉，公司燴意粉，凍檸茶少甜旁邊兩枱遲嚟嘅都到齊哂食緊尾聲檸茶上枱，比多咗杯奶茶檸茶叫少甜仲甜過同佢講杯奶茶唔係我地嘅，望實我枱麵張單都好似睇唔到字咁，係咁問唔係你地叫？西炒通粉，炒就有炒過啲通粉，最大問題係咸到爆已經估到燴意粉會似汁撈意粉多，洋蔥全部生，我當個人喜好啦，咁我諗個廚好咸，個意粉又係咸爆，我食咗隻無蛋黃嘅蛋就放棄咗坐對面嘅兩位少女滿心歡喜咁叫完，食得幾啖就走咗，係真係幾啖就走咗，最好笑係見佢飲完啖咩香甜奶水面容扭曲個樣

晚餐唔通去食菠蘿油、雞尾飽咩，況且已經無新鮮出爐，咁唯有揀餐牌有個d，今次叫咗個快餐黑掓豬扒飯、凍檸茶小甜小冰，另叫叫咗個乾炒牛河及凍奶茶。黑椒味夠濃但豬扒比較硬身，以為叫個頹飯應該有番咁上下水準，都是失望。個柸凍檸茶多甜多冰，完全無理個你落咩order，嘥氣。乾炒牛河有鑊氣，但炒上來得3/4碟，食得出佢用老抽炒，但呢碟嘢齊叫已經4x元，奶茶當然完全沒問題，這裡買點是奶茶、新鮮出爐麵包。所以找到對的餐廳也要選擇時間及對的食物才是正確。食物才是正確。

昨午去金華冰廳食午餐，環境好令人坐得舒服，叫了個牛肉會意粉😋😋😋，牛肉鮮嫩可口份量又多，再配上楊蔥、番茄汁意粉令人好開胃，意粉香滑，價錢是36元在太子區都是好抵食

今日外賣叫左波蘿油$10，收左錢之後個阿嬸俾左個包我，咁我就行啦，行到一半先發現俾左$6個既波蘿包我！咁我行反轉頭諗住問佢要反$4蚊算…因為我掂過個包了！點知去到好聲好氣問佢，俾個賣包呀嬸話反轉頭…話我走得咁快做咩…鬼知我要咩包，但佢明明俾包我個陣講左波蘿油十蚊同收左我十蚊！好啦咁我下次唔好走得咁快…係佢面前拎個包睇清楚先行囉！！最後我都廢事同佢嘈，叫佢俾反$4蚊我就算了！！所以各位以後買完包記得睇下啲阿嬸有冇俾錯～都明白多人買會好亂，如果唔想俾人鬧反轉頭就自己小心啲啦！

行完金魚街，同一老一兒童去下午茶，入到去睇食乜，未比足夠時間我睇，係咁吹，叫咗1餐1菠蘿包，員工黑曬面話叫多樣飲品，我唯有諗住叫多個餐，我話諗吓叫乜，先落住單先，最後員工黑面比壓力仲話我企係到等到你叫到為止，我媽咪重聽到佢同其它伙記講話我地麻煩，最後我無食到走咗，唔想受氣，可能餐廳做遊客生意，唔想做香港客！！以後唔去幫襯！

每朝8點前上班路過太子，例必到金華嘆個人氣飽同人氣奶茶。最近新出品的叉燒包亦不錯，値得一試再試！至於人氣嘅菠蘿包更加無須多講，新鮮出爐，熱烘烘，抵佢攞獎；奶茶香滑濃郁，冇得彈！怎知某日，點了餐，順便要多杯水，但侍應亞姐去咗相反方向，心怕亞姐忘記，叫多次「吾該要杯水」，亞姐答覆「亞生，我都要時間去攞㗎」！一向脾氣暴躁嘅筆者，晨早流流要受人氣，無名火起三千丈，掃走枱上食物，放低$即走！筆者為一時之氣，傷及其他侍應及食客致歉。但亦希相關員工改善工作態度。筆者在此聲明，從來沒因對方是待應而睢不起對方。

又是成年無來過, 自從無養魚後, 甚少出來這區, 次次行到亞加老街就掉頭, 今天專誠到始創中心取電視解碼器, 路經... 當然然幫襯啦...菠蘿油, 加熱奶茶, $27, 唔貴吖..., 最緊要好食就得了, 菠蘿脆面, 無問題, 滿意, 麵包軟熟度, 也合格有餘, 係塊鮮牛油... 就愈來愈細, 老闆真係好關心客人既健康, 唔落咁大塊牛油, 怕客人脂肪和膽固醇超標..., 老闆...真係用心良苦.... , 唔記得影杯奶茶... 奶茶好正!每次嚟親金華, 都見到阿姐不停咁清潔..., 而阿姐一枝掃把產過來, 我就要不停咁縮腳..., 真係...., 呢樣先係金華既獨有技藝..., 唔好怪我多心, 我成日都懷疑..係老闆叫阿姐掃多幾次地, 尤其是掃果D 食完又唔肯離開既客... 哈哈哈哈....話口未完..., 阿姐甲 掃完地, 阿姐乙和阿姐丙...就出動拖地了.....  金華員工真係好勤力!

第一次寫食評就獻俾金華今日同朋友吃下午茶 叫左一個波蘿油 蛋撻同一杯凍檸茶由於每人最低消費是一杯飲品樓面呀姐就話： 每人最低消費一杯野飲呀我： 好呀 落左果啲先呀 我再睇下一陣再落隔左一分鐘食物來了 呀姐即刻走埋黎黑面喝我地： 落得未呀你地 每人一杯野飲野呀 快啲落啦！同時見到一個樓面呀叔同一枱外國遊客說：埋單出去埋呀 夠膽叫我埋單！我地聽到都覺得好愕然 點可以咁對客人講野如果人地知道要系出面埋 就吾會問你啦！呢間野是有點名氣 但服務真令人傻眼吾系要求五星級服務 只系連基本禮貌都無 覺得好失望 蛋撻同波蘿油都是凍的 (麵包舖都好吃過佢)食物和服務質素超級有待改善俾錢買難受 無謂啦