金田家 (已結業)

這夜，我倆來到黃埔逛逛，正當要唸食咩晚餐，見到對面店前有不少人在等位，原來正是有九州第一拉麵之稱的 金田家。既然撞到正，當然要試食一下💪🏻👉🏼柚子辛口拉麵。$98柚子的清新配上微辛的豬骨湯底，口味特別，層次鮮明！拉麵質地選了普通，軟硬度適中，飲左好多啖湯，但絕不口渴☝🏻除左基本的芽菜、香蔥、紫菜外，還有好多紫洋蔥粒，真係生色不少令拉麵整體口感大增👉🏼黑松露豚肉拉麵。$108黑松露香味撲鼻，這湯配上拉麵，每一啖都充滿香濃的黑松露👍🏻好滿足喔！腩肉叉燒 肉味較重 肥肉佔多黑豚叉燒 肉質較嫩 瘦肉佔多加左腩肉叉燒外，仲追加了糖心蛋$14好正，流心蛋香滑，蛋味濃蛋黃香木耳$7份量唔唔少啊👉🏼男爵薯餅。$38有2款，牛肉薯餅&紫薯栗子薯餅。真係好驚喜超好食！首先，由於全部都係新鮮即點即造，好夠熱度，其次，入口即化的感覺，令我整晚難忘，極鬆化酥脆，出奇的毫不油膩！！！特別喜歡紫薯味香濃，仲有不少栗子碎，口感一流！可爾必思。$20伊藤園綠茶。$15夠冰凍🤟🤟

#musttryThe ramen shop is very easy to get to after the opening of whampoa station. With an intimate setting, the customers can see how their ramen is made in front of just their seats.The egg is a must get, look at how shiny it is.. straight egg paradise✨✨I got the tyuzu spicy sauce ramen while my friend got the truffle one. The tyuzu sauce strikes just the right balance of sourness with the hearty pork bone soup. The truffle broth is delicious at first, but can get a bit heavy towards the end.

紅磡本來唔多日本餐廳，食拉麵又好食既就少之又少身為半個拉麵控，難得有一間新既拉麵店開張當然要試試佢激辛拉麵($93)湯低本身都唔算好辣，主要辣味都係來自上面個一堆辣辣地既肉。辣味唔係個種一食就會覺得好辣既個種辣，而係會留係喉嚨慢慢滲個味出黎既個種辣～ 配上甜甜既栗米感覺都幾平衡拉麵冇煮得太淋身，掛湯能力唔錯～ 而叉燒係薄切既，都有4塊，煮得幾入味總括而言係質素同價錢都唔錯既拉麵，如果可以免費配埋溏心蛋就好啦

紅磡區開了一間金田家，日本大名頂頂拉麵金田家，已經在香港、九龍丶新界有分店，方便喜愛拉麵🍜的食友KanAda-ya~金田家的招牌非常易認今天我的柚子辛口拉麵$98柚子味的拉麵真的第一次食、淡淡的柚子香，配上濃濃的豬骨湯非常合襯，加入自家製的辣醬更加惹味，叉燒比軟薄身，肥肉少，麵條才是拉麵的重頭戲，彈牙而且掛湯能力強，我比較喜歡軟身的拉麵，因為食的時候可以吸收更多湯汁溫泉蛋是追加的、這是和拉麵的最佳伴侶配菜有牙菜、洋蔥碎糖心蛋～誠意推介辣辣地的配菜，無上限供應好味大將餃子$30～一客有4隻，每隻也非常飽滿，煎至金黃色而且沒有太多油份，這是機本要求，金田家的餃子做得非常好咬開之後肉和菜平均，外層脆口和圖片一模一樣的吖自己選擇，自己心頭好

同朋友午餐在紅磡叫金田家，佢在集中有好多美食的紅磡區。黑松露拉麵，有豚骨湯、黑豚叉燒、自家製黑松露醬、黑松露油、木耳、紫菜，碗面一上來時便見到一大片黑松露醬，食落口好豐滿的黑松露味帶有少許似只應日本有的好味，連有豚骨湯變成更正，薄薄的豚叉燒又沒有肥肉，最是健康美味，咬落又容易爽口，條條的木耳跟湯一同要食多些。男爵薯餅中的牛肉薯餅是炸得香噴噴又牛肉蓉足夠份量，覺得味道十足。其中有紫薯粟子薯餅，好喜歡紫薯味又香，咬落只想到主材料像大粒粒的薯肉。激辛拉麵，有豚骨湯、香辣碎猪肉，腩肉叉燒、粟米、芽菜。大將餃子，煎到餃子熱騰騰，裡面有餡料夠豐滿，肉汁都流出來了，每人食幾飯實在唔夠食。飲可爾必思，酸甜酸甜再加冰塊飲。

入到去已經大排長龍，要等位，可見呢間拉麵鋪既受歡迎程度😆 見到餐牌已經見到呢間拉麵鋪同普遍其他唔同，佢既拉麵款式多好多，有黑松露拉麵、柚子辛口、松茸豆乳等等，不過今日我地唔好彩，松茸豆乳拉麵已經售罄，冇得試添🙈 結果我地決定食辛子黑蒜拉麵同黑豚肉拉麵😋黑蒜拉麵追加咗一隻溫泉蛋 溫泉蛋既熟成度煮得啱啱好呢湯底既話我認為黑蒜個味道濃啲突出啲😛我地仲追加咗三塊黑豚肉😋黑豚肉拉麵🍜 配上豚骨湯底，清新我地仲叫咗牛肉同紫薯薯餅，一件咸味一件甜味，夾裏面仲裝飾得好精緻添

以前讀書會成日係紅磡搵食, 自從畢業後, 間中先黎下今日經過, 見到有間好得意既拉麵店, 大大個公仔係門口, 所以想試下~依間拉麵店好窩心，每枱都有一壺檸檬冰水。仲有特色既調味，例如帶少少咸既紅薑同辣辣地既漬菜激辛拉麵依度既辛辣好特別，甜甜地，似係甜麵鼓味剛開始時，微辣，之後係慢慢辣出來麵底揀左硬，因為老公唔鐘意食軟麵~激辛拉麵配既係腩肉，所以老公追加左黑豚肉。黑豚肉分開上，但落左湯後，帶點辣之餘，仍不失佢既醬油味。老公又加左流心蛋, 蛋白滑, 蛋黃做到好似JELLY 同CREAM既質感, 好正!黑豚拉麵濃郁湯底，有少少漿口既感覺，應該係用左好多料去準備個湯底。而且師博好有心思將黑豚肉舖係碗邊，好似一朵五瓣既花咁。黑豚肉好濃郁既醬油味，帶出豚肉本身既味道。我另外再追加左腩肉，多d 脂肪，食落香口，同黑豚肉走唔同唔線，但都係好食既味道。大將餃子煎得好香，而且每咬一口都係濃濃既豚肉味，唔使點醋食都得。另外，我點左個Caplis,估唔到依度有得飲呢。應該係比食完辛辣拉麵既人既選擇～

以前一直也知金田家的存在，由於元朗實在太遠，無謂專程過去，而家連紅磡也有分店，近近地，何樂而不為?位於紅磡灣中心地下，M記旁邊，店子細細，只有10多個座位，但上菜快，翻檯速度也快，平均用餐時間約30-45分鐘，即使等位，也是10數分鐘的一回事。湯底離不開豚骨二字，共有九款，另有多款side dishes及數款小食，正常也會點一兩款的。黑松露拉麵 ($108): 豚骨湯底，清甜而不油膩，幾好飲，但不能選特濃湯底，要不便是另一款濃豚骨湯底。此麵含三大片黑豚叉燒，比一般的腩肉叉燒更有肉香，確實高一班。黑松露醬on top，拌麵吃okay，但無散發香氣。拉麵整體不錯男爵薯餅 (+$38): 即牛肉薯餅及紫薯薯餅 - 前者是牛肉混薯蓉，肉感不突出，餡料像薯蓉，食落都不錯; 紫薯也者，乃名符其實，紫薯餡微甜，蠻香，better! 飲品有數款，由於餐廳暫未有酒牌，所以也是飲支無糖綠茶，清清地。

金田家位於紅磡必嘉街，我細細個就係住紅磡，呢度對我嚟講特別有親切感。呢度舊樓依然咁多，最大不同係而家多咗好多食肆，金田家雖然舖面唔大，但門面有個醒目金田叔LOGO，所以都幾易搵。金田家係come from Japan，喺日本攞過好多獎，有「九州第一拉麵」之稱。香港其中一間分店喺銅記著名食街 - 登龍街，喺得嗰度開店，肯定對質素好有信心。雖然店舖面積細，但裝潢簡潔明亮，色調夠warm，唔會覺得侷促逼狹。同其他類似規格拉麵店一樣，都係一張細紙仔落單，有得揀麵嘅硬度，同埋蔥嘅份量，清楚易明。湯底選擇都算唔少，我地今次就揀咗兩種比較特別啲嘅湯底。柚子辛口拉麵$98 - 柚子味湯底配上辣醬，柚子味清新，不過辣醬份量稍為多咗少少，所以感到辣味有少少蓋咗啲柚子味，不過依然覺得味道出奇地匹配。或者店方可以將啲辣醬另外上碟，等食客可以自己調節辣度，咁就perfect啦~麵嘅份量都幾多，黑豚叉燒就有三塊，每塊好大，而且肥瘦適中，入口嫩滑唔會「鞋烚烚」。黑松露拉麵$108 - 一大「pat」黑松露擺咗喺黑豚叉燒上面，唔駛諗啦，撈晒落個湯度啦~黑松露份量多所以落咗湯之後味道都幾濃郁。呢度冇得揀麵嘅粗幼度，不過

好多日本拉麵店呢排都會去香港擴展，呢間金田家都唔例外，仲開到黎紅磡，朋友咁岩又想試於是決定去食個dinner！8點去到都幾多人，因為鋪頭細所以要等位，等一陣就入去，裝修光猛，都算坐得舒服。點菜紙飲品叫左杯日本乳酸，算係坊間少見。主菜叫左黑蒜，追加紫菜同溏心蛋，麵質要左偏硬，口感不錯，湯底亦非常濃郁！溏心蛋好入味最驚喜係叉燒，第一次感受到入口即溶既感覺友人叫左柚子湯底，試左一啖覺得幾清新追加粟米煎餃子亦非常香口食到好飽，埋單每人百零蚊，呢間過江龍真心覺得唔錯，下次可再戰👍🏻

第一先同大家分享食物，在門外見到介紹九州第一拉麵，愛日本旅遊的我便跟家人排隊一試，排左大約15分鐘差不多到，當晚在大門招待的男同事好有日本拉麵店招待感覺，入內一試，寫了豚肉MIX拉麵，雞白湯豚骨拉麵加蛋，男爵薯餅，大將餃子。兩款拉麵同煎餃子味道都不錯跟一般日本拉麵店味道差不多，令我覺得最美味的是男爵薯餅，有一件係紫薯，另一件牛肉薯餅兩者材料豐富，香脆同質感很美味。第二同大家分享係日本食店服務態度係很重要，整個進食過程，感受到門外招待很重要同服務一流，可惜進食過程中見到收銀員態度就感有點失望，未見過日本食店職員會一邊食小吃一邊工作，客人結賬時態度，機本食店要求都冇，真係冇待改善！

呢期壽司小食左 反而成日食拉麵呢間黎自九州既過江龍當然要試下鋪頭面積吾大 好有日式小店感覺鋪頭新裝修白色為主 超級乾淨企理MENU選擇同一般拉麵大同小異我揀左黑豚肉拉麵 朋友仔就試特別野柚辛辣拉麵黑洞我次必定加流心蛋同紫菜簡直將美味再三升級上菜時己經心心眼佢咁大量黑豚肉師傳每片都切得好薄 口感十足黑豚肉無太多脂肪連住 食落無咁膩口至於流心蛋絕對抵讚 佢做到半流半固既口感入口軟綿綿 正到爆拉麵份量亦不過不失 都算夠食吾會話得個幾啖推介中意D肉油脂味較重既朋友追加腩肉义燒半肥瘦既义燒滋味十足BETWEEN我試左啖朋友仔個柚子辛辣個辣味好特別 辣中微微帶酸尾尾中意食辣又意試新野既朋友仔可以一戰小食方面必點餃子我認為呢到既餃子係暫時食過咁多間之中最岩我口味既一間餃子饀料夠多 皮薄得黎夠軟身點埋大量既醋PERFECT池飲品方面有我中意既可爾必思 一杯有埋冰底正總結整體食物質素夠高但又吾貴 值得ENCORE

Japan is the heaven of ramen and Kanda-ya is one of the best ramen shops in Fukuoka Prefecture. It is voted the best ramen place by Tabelog the Japanese food critic site in 2009, 2012, 2013, 2016 and 2017. There are 3 branches in HK, and are operated also in London and Fukuoka. My choice was truffle ramen topped with Hanjuku egg and extra black fungus, at a total of $129. Pork bone broth is a healthy one since I did not get thirsty even after consuming the soup. The truffle paste and truffle oil

好耐之前已經係銅鑼灣食過呢間拉麵 今日放工近近地 就去左紅磡呢間新開既分店到食 呢度座位唔算多 好似係日本既拉麵店格局 坐起上黎都唔太逼夾呢個黑豚拉麵淨係睇賣相已經好吸引 將一塊塊叉燒圍住個碗舖 砌到好似花形咁 黑豚好林 有五塊 每塊都唔細 拉麵可以自選軟硬度 個人較喜歡偏硬既 呢個硬度對我黎講已經足夠 下次可以試下挑戰超硬 一般拉麵既分量我覺得都比較少 所以我都追加左啲配菜 有溏心蛋 木耳同腩肉叉燒 呢度既溏心蛋好出色 夠哂流心 追加木耳有成一碗滿 爽脆又有咬口 腩肉叉燒都有五片 質感似煙肉 但感覺有少少寡 如果有多少少醬汁或調味就更好食完一碗大拉麵都仲係意猶未盡 心思思最後都叫左個雅布尼叉燒 呢個炙燒叉燒真係非食不可 經過炙燒後 將d油份逼哂出黎 加埋d蔥一齊食 真係好香 好好食 我會為左呢個叉燒返黎encore！！加上而家係紅磡開左分店咁方便 一定會再黎多啲！😀

突然間好想食拉麵，所以同個朋友上網搵吓附近有冇拉麵店，竟然俾我哋發現有間九州第一拉麵嘅鋪頭，即刻嗱嗱聲衝過去食。6點鐘左右入到去都已經有幾個客人係入邊，好彩坐到一個二人位，咁我哋都點嘢食。黑豚拉麵＄98 ,呢個係朋友點嘅，佢再加左糖心蛋＄14，腩肉叉燒＄20，豬骨湯底好濃郁，朋友揀咗嘅面度係硬身，食落彈牙有口感，朋友話個糖心蛋好好食，勁想叫多一隻。黑松露拉麵＄108 ,呢兩款嘅拉麵湯底都好相似，飲落好豬骨味重，唔知道原來入邊已經有木耳，我哋再另外加多個木耳＄7，當然一定要再配多一隻糖心蛋啦，我就選咗軟身嘅面底，麵條給晒湯底精華，掛湯能力一流，黑松露嘅份量都相當多，撈埋入去湯入邊，有濃濃嘅黑松露味道，豚肉半肥瘦。上網見到佢嘅薯餅都唔錯，所以點左一客試吓，男爵薯餅＄38 ,原來係有一塊紫薯薯餅，另一個係牛肉薯餅，朋友鍾意紫薯味道，甜甜地，入邊仲有栗子架，我個人就鍾意牛肉薯餅，薯蓉口感綿滑，炸得好香口。整體來講餐廳裝修格調光猛舒服，侍應嘅服務態度亦都相當好，不過廚房因為係一碗一碗拉麵整出嚟，所以要啲時間用心等待，下次再經過都會再幫襯。