金田家 (已結業)

紅磡終於有似樣少少既拉麵店開左！即刻拉埋屋企人一齊去食自己點左辛味柚子追加蛋，未追加時的配料都唔少，湯底好飲係真係用豬骨來煲，麵底選了硬，係幼麵，感覺有d似一蘭😂 叉燒唸而且唔膩，溏心蛋甜中帶咸，生熟程度剛剛好黑豚肉拉麵，木耳有好多，食極都仲有，其他配料都選了普通，店員好好咁將叉燒排到好似朵花咁😂最original的特濃豬骨湯拉麵，叉燒係用左半肥瘦腩肉，比黑豚多脂肪，中意食肥叉的朋友要叫腩肉叉燒呀後尾因為叉燒太好食😂追加左2份黑豚叉燒，1份腩肉叉燒。喜歡餃子的媽媽叫了一碟，皮薄好多餡，嘴刁的媽媽都好中意食本身想叫梅酒，點知餐廳太新未申請到酒牌，只能叫無酒精飲料，都有伊藤園無糖綠茶同可爾必思。覺得bonus的係，店員叔叔好好人，好好笑容同好有耐性講解食物，好warm呀

真係好有日本食既感覺~係香港食過好多拉麵質素都係好參差..但係金田家一坐低已經好有日本感覺可能因為向住煮麵既哥哥坐既關係啦叫左個黑松露拉麵真係好好好好香呀!我勁欣賞佢啖啖都有黑松露味唔會只係得一小PAT木耳紫菜都係我至愛~真係勁夾!同其他拉麵店一樣佢都係可以自己揀想要硬D/淋D既麵,醬油同埋蔥多少都係自己圈既仲可以追加小食同野飲,我追加溏心蛋、飲左可爾必思加左個牛肉薯餅做小食,wow外脆內多汁!係有衝動想一啖食哂成舊替玉就唔洗了因為食到尾係有少少滯既感覺,哈哈哈~!好足料!黑松露愛好者一定唔可以錯過!

今晚跟朋友做兩樣最愛的事情，一是去黃埔拍little twin stars的聖誕裝飾，二是去吃我最愛之一的拉麵店金田家。黃埔是三間金田家最小的一間，但是無論服務上，食物味道都一樣好，因此我喜歡去金田家吃拉麵。朋友比較喜歡吃傳統口味的拉麵，所以她不用思索已點了黑豚拉麵。這款拉麵的主角當然是黑豚肉所製成的大片叉燒，四片肥瘦得宜的叉燒略帶鮮香，真的是吃得超爽。再額外追加一顆精心製作的糖心蛋，以及原有配料木耳絲，吃起來過癮極了。配合清爽而濃醇，富含美味深度的豚骨湯頭，幼細的拉麵麵條更為滑彈，呈現黑豚獨有的風采。其實我想吃辣的，但是感冒不容許我任性，我還是吃另一至愛黑松露拉麵。黑松露油搭配鮮味十足的豚骨熬成的湯清香柔醇，卻帶有豐富層次的韻味，許久不散。將叉燒上的黑松露醬攪拌，湯頭又變成另一種滋味，散發出幽幽香氣。另外追加的粟米使的黑松露拉麵清新大大提升，甜香粟米增添拉麵鮮甜，亦令拉麵口感豐盛起來。腩肉叉燒則吃起來油脂適中，軟嫩而不膩。同時，腩肉叉燒的肉香也沒有被浪費，放進湯頭裡頭，叉燒濃郁的肉味貫注湯中。

好耐無同佢出黎拍拖食嘢，大家收工收得夜，佢又喺何文田放工所以就約左去黃埔撐枱腳夜晚5係話想特別食啲咩，所以就清清地食個拉麵哩度都係一間貼心嘅拉麵舖，都係可以根據自己口味，揀辣度，麵嘅軟硬度仲有好多款追加嘅食物見拉麵竟然會有得嗌黑松露，所以就孤且一試，果然無嗌錯 ！非常好味仲有有3大片叉燒！湯底夠晒濃！拉麵幼身又煙韌男朋友想食辣，見有款辣得黎係柚子，佢中2試新嘢，所以就叫黎試下黎到果然無令人失望辣味又帶點甘香嘅柚子味食拉麵再加埋小食先至美滿嘅一餐咖嘛！所以嗌左炸雞，仲嗌左叉燒黎試下哩個價錢黎講有咁多件真係抵到喊仲要係認真製作，唔會係成舊都淨係炸粉嘅雞，仲要雞肉好鮮味另外嗌左哩款雅布尼叉燒黎試，係同本身嗰款有啲5同就係有多少許肥肉，但係薄切左一啲肥膩感都無，唔錯咖！哩3塊就係大食男朋友喺拉麵追加嘅叉燒，少少肥肉，大大塊又薄切，係食極都唔厭的

我今日就約咗女朋友去食飯， 佢話今日想食日本野，咁我就上網搵咗間係附近嘅，就去食啦，間野叫金田家！我就係諗住同佢食完拉麵就去睇燈飾，點知食完佢話飽到要返屋企，唔睇啦，女人真係成日都變。點解咁飽呢，事緣我哋就叫咗兩碗拉麵都好大碗，一碗係黑松露豬骨拉麵，另外一碗係普通黑豚骨拉麵。佢就食唔晒，食到一半已經喺度嘈，話好多。咁我就要幫佢食埋，好彩有幾好食，唔係又比佢話我帶你去食埋啲伏嘅嘢。黑松露嗰個就有dd黑松露味，二普通黑豚骨嗰個，就得個多肉，湯汁如果濃少少就會比較好。總括來講，佢去到都幾開心，因為佢見到好似舊陣時中學啲枱咁有櫃桶， 可以俾佢放佢個包包入去，佢話好得意佢好鍾意咁嘅設計，我都覺得幾新奇嘅！如果想食拉麵，依家都係一個唔錯嘅選擇。

我地今日妮到有10個位傢紅磡拉麵店。因為我哋今日好早放工放學，所以好早食dinner呀今日，所以我哋唔使等位，但係呢，如果你哋七點先開始妮食，就需要等，佢哋生意都幾旺，幾多人食！我哋叫咗餃子，做我哋嘅前菜。我自己就覺得太多肥豬肉，如果少啲肥豬肉就會更加好食，但我男朋友呢就覺得有肥豬肉嘅餃子係最好食！餃子煎得啱啱好，唔會太"窿"。我哋又叫咗兩個唔同嘅面，一個係鎮店之寶，我自己叫ge，係金田家黑松露豚骨湯拉麵，佢仲附送左一塊大紫菜俾我哋。紫菜非常之脆，黑松露豚骨湯拉麵嘅湯底除咗係有非常濃郁嘅豬骨味，仲係有非常重嘅黑松露味，簡直就係幸福嘅味道！佢嘅黑豚肉同我男朋友叫個碗黑豚肉豬骨湯拉麵係一樣嘅，但係呢我男朋友叫個碗黑豚肉豬骨湯拉麵，個d肉係多到我男朋友都話有啲驚食唔晒，同埋有啲感覺好似我哋嗰時去大阪食個碗拉麵咁多肉。雖然佢見到碗拉麵一黎到就話唔使加肉，但最後佢都係有加，加左腩肉，勁好食，但真係勁飽勁多肉！我男朋友好似想草肥我，又草肥佢自己咁。。。仲有佢仲有加個替玉，佢話個湯太好味，唔加替玉對唔住個湯，哈哈！我哋仲有叫左一支伊藤園綠茶同埋叫咗一杯白色野飲，可爾必思。

過江龍嚟到紅磡梗係要試吓啦，一向係拉麵迷既我，抱着期待嘅心來到了✌🏻呢度細細間但好有日本拉麵店嘅感覺，裝修乾淨舒服呢張係填食咩嘅紙，另外都有有晒圖片嘅餐牌有得揀面嘅硬度，同要唔要蔥我自己鍾意食硬既。飲料方面，酒類就暫時未供應。朋友叫咗嘅係黑松露拉麵$108+追加糖心蛋$14，我都試左少少，黑松露味好濃郁！好香！好特別，未食過有黑松露味嘅拉麵而且仲有黑松露係面添而我叫嘅就係黑豚拉麵$98+追加糖心蛋$14黑豚份量好多，豬肉味會比較出，肉質比較實，湯底10分濃郁，啱晒鍾意濃湯嘅我硬度適中，拉麵都好彈牙另外我追加左腩肉叉燒$20我覺得黑豚同腩肉叉燒各有千秋，腩肉叉燒會滑身啲同有啲肥肉係側邊，冇咁濃味，我自己就鍾意呢個多啲，可以因應個人喜好選擇另外加左個小食，大將餃子，皮薄，裏面嘅菜肉餡了比較清，點上醋，更加可口嘢飲方便叫咗可以可爾必思$20同綠茶$15類似益力多嘅乳酪飲品，啱晒想飲汽水又想轉下新口味嘅你清清地解渴之選就梗係無糖綠茶難得紅磡開咗一間不錯嘅拉麵店，要比個Like

在紅磡看完電影後，發現金田家原來在這區開了新分店，以前都在銅鑼灣吃過也覺得不錯，所以今次又再來吃晚餐。店面面積較細，不過每張枱都有間隔可存放手袋，相當貼心。雖然都是獨沽一味賣拉麵，不過拉麵款式也不算少。枱上亦放有三款配料：芝麻、高菜和紅薑絲，給客人自行添加。柚子辛口拉麵 $98豬骨拉麵吃得多，所以今次就試試柚子湯底的拉麵，湯身略帶濃稠，可以見到浮油不多，少了一層厚厚的油花。柚子的味道及香氣比預期中強烈，柚子果香令湯頭變得清新，再加上湯底帶點辛辣，辣度不算太搶眼，不會干擾了柚子的獨有風味，令味道具有豐富層次感之餘，也可刺激食慾。麵條幼細而吸湯，口感彈牙，不會煮得過軟，麵量對女生來說已經很飽足。溏心蛋 $14/1隻溏心蛋的軟嫩蛋白包裹著正在流心中、半熟晶瑩的蛋黃，滿溢香濃蛋味。黑豚拉麵 $98豬骨湯底香濃但不油膩，不會因太重口味而覺得十分口渴。黑豚叉燒 $33/3片叉燒肉質軟嫩不死實，不過稍為鬆散，如果可以經火炙燒久一點，富有焦香就更完美了。腩肉叉燒 $20/4片腩肉肥瘦相間，脂香滿瀉，不過同樣都是欠了點炙燒的焦香味。男爵薯餅 $38一碟包括牛肉薯餅和紫薯栗子薯餅兩種口味，薯餅外層炸得金黃

獲得九州第一拉麵之美譽的金田家，不但在倫敦有分店，連在香港也剛開了第三間分店，果然架勢。今晩便和寶寶試試這間新開張的紅磡分店。和大多的拉麵店一樣，餐廳面積也很細小。我們為了避開人流，刻意九時到達，但卻全店滿座，真的很受歡迎唷！首先點個小食大將餃子 ($30)，一客有四件。餃子能做到皮薄餡靚，餃子皮煎得香脆可口，餡料也有很多，而且肉質嫩滑鮮甜。沾子餃子醬汁酸酸的令人開胃。餐廳還竟然有可爾必思 ($20)，是一種日本乳酸菌飲料，味道有點像益力多，在香港的日本餐廳不常見，所以我也很久沒喝了。而寶寶則要可樂 ($14)。我勇於嘗試新食物，又愛吃辣，所以點了柚子辛口拉麵 ($98)。是柚子味噌再加上熬了十多個鐘的豬骨湯底，湯底偏稠身，質感綿綿帶膠質。配上自家秘調的柚子辣醬，微甜帶辛辣，味道豐富。另外還有爽口清新的生紫洋葱和芽菜，為拉麵帶上不一樣的口感。麵質上我選了超硬，喜歡那種煙韌嚼感。沒有溏心蛋 (+14) 又怎能稱上為一碗完美的拉麵呢？我能説，這裡的溏心蛋是完美的。顔色光澤，蛋白凝固，而蛋黃則能做到半液狀半膏狀，非常誘人。寶寶的黑豚拉麵 ($98) 的湯底令我十分欣賞，有十分濃郁的豬骨味，最

我都好耐冇食過金田家了，之前食過銅鑼灣店，最近知道佢新開左紅磡店，就搵個機會黎紅磡先！主打豚骨拉麵，我地就貪心少少想食不一樣嘅湯底。辛子黑蒜拉麵（$88，硬麵，多蔥加$5，溏心蛋加$14/隻）呢個湯底愛好重口味者必食！蒜香十足，湯底帶微辣，唔食得辣嘅人都應該接受到。拉麵選用左腩肉叉燒，半肥瘦；溏心蛋好得，加$14都值。柚子辛口拉麵（$98，硬麵，加木耳$7，粟米$7）湯底係入口帶清新嘅柚子味，然後隨之而來就係辣味，仲有辣醬喺面比你再溝勻黎食。如果比較兩款湯底嘅辣度，呢款就辣少少。另外，呢碗拉麵比嘅係黑豚叉燒，肉味比腩肉叉燒濃呢！追加配料比得好足，全部都大大碗！最後食多一個小食：唐揚雞塊（$35），啖啖炸雞肉，好邪惡呢！

係英國的Convert Garden 路過幾次，都未有機會食，原來香港都有，都唔知金田家咁厲害，今日去黃埔路經此地就去還願。店家裝修簡潔舒適。細閱本menu先知佢攞過英國每日時報的「倫敦十大必食拉麵」中奪得必食得冠軍和九州拉麵節的冠軍，好厲害！黑松露拉麵 ($108)甚有綽頭，用上豚骨湯、黑豚叉燒、自製黑松露醬、黑松露油、木耳、紫菜、青蔥，黑豚肉叉燒比平時的叉燒更嫩，麵質不錯，有咬口。黑松露份量剛好，與拉麵湯底好夾，唔會搶左其他味道。溏心蛋($14)一定要加，見到蛋黃色澤已經好吸引，口感超級美味。腩肉叉燒 ($20)腩肉有炭烤味。柚子辛口拉麵 ($98)，用上豚骨湯、黑豚叉燒、芽菜、紅洋蔥、紫菜、青蔥，柚子味湯底十分清新，值得一試。辣醬蠻辣的，洋蔥醃過的甜甜的很開胃。+$5 多蔥。+粟米 $7，粟米粒粒很飽滿。大將餃子 ($30)餃子不是脆面的那種，冇咁熱氣，肉肉控必食。可爾必思 $20伊藤園綠茶 $15

日本拉麵係其中一樣我喜歡的日食貪其香濃又暖笠笠，冬天食更加正！有日同朋友經過紅磡，試左間新開的拉麵店—金田家！看餐牌後才知道，原來在銅鑼灣和元朗都有分店啊。店內環境雖然不大，但佈局簡潔明亮，就像日本小店般，小小的一間卻五臟俱全餐牌附圖，清晰易明方便大家選擇。落單是自己填的，先揀拉麵款式，麵的軟硬度，加蔥，還可追加小食/飲料。各種都列明所需價錢，非常細心！雞白湯豚骨拉麵 $85店員說是雞肉加豬骨熬成的湯底，喝了一口，香濃入味，不會有雞湯的肥膩黑松露拉麵 $108 是我最愛的黑松露配拉麵，非常少見的配搭松露份量不少，香濃到朋友都聞到 哈哈配有紫菜木耳香蔥、三大塊腩肉非常豐富啊！拉麵方面我選了普通硬度，軟硬適中最怕硬到石頭既麵😅還追加了溏心蛋 （$14）看到蛋黃好像要流出來，忍不住一口吞掉了我地食食下再追加了：腩肉叉燒 $20黑豚叉燒 $33 木耳 $7腩肉脂肪較多，岩哂我木耳份量好多，比足一碗大將餃子 $30煎得香口，豬肉餡料新鮮，不加醋都好好味！飲品分別點了calpis和綠茶Calpis 有點像益力多的味道，幾開胃的！每枱都提供檸檬冰水、芝麻等配料 非常細心的小店

去紅磡返工，幾乎將公司附近嘅食肆都食過哂，難得有間新拉麵進駐，當然要去捧下場 不過日本過江龍拉麵，少不免會有人龍，但好彩地，等左十分鐘左右，都可以順利入場貪心嘅我揀咗黑豚拉麵， 黑豚肉份量好多，充夠圍住碗邊行一個圈。而豚肉本身脂肪比例均勻，肉味濃、肉質比較軟稔，我呢個咁怕肥膏既人，都完全接受。雖然拉麵是熱呼呼的，豚肉就係冷盤上，冷同熱嘅黑豚有兩種口感，冷的口感會較為結實；而熱會較軟稔。我就覺得熱食肉味更出，所以會將佢地係湯底碌熱返。柚子辛口拉麵朋友揀左柚子辛口拉麵，味道較為少見。如果好似我哋咁唔食得辣，可以叫店員辣醬另上。但原來湯底除左淡淡柚子酸甜味，本身都帶有少許辣味。好在辣味唔算嗆喉，以香居多。貪心嘅我當然要有追加拉 ! 糖心蛋係每次食拉麵必點嘅材料，拉麵一到，糖心蛋就要食架拉，如果唔係拉麵嘅餘溫會令糖心蛋變成實心蛋，咁到時喊都無用。我認為糖心蛋可以更流心一點，但味道夠味，淡淡鹵水咸香，彌補到不足。

之前都有開心share過呢間拉麵嘅元朗分店 今次就黎到紅磡分店再食 事關真係食過番噚味🤤 首先簡單講下 大🐷今次同上次一樣都食左黑松露拉麵（$108）味道都一樣👍🏻 黑松露味濃而有層次。同樣地 foodpigss🐷🐷都係加左黑豚叉燒（$33）🤤而唔同嘅就係細🐷今次試埋呢碗黑豚拉麵（$98）一上枱見到碗嘅周圍都係肉！全部都係肉！😍 唔洗另加都有一塊又一塊薄薄嘅黑豚叉燒 脂肪較少 真係食多兩塊都唔驚肥呀！ 另外湯底係豚骨湯 味道都幾濃郁 配埋木耳、紫菜&青葱 真心唔錯😚 麵嘅軟硬度都適中😺 而兩碗麵都追加左既流心又滑嘅溏心蛋（$14）😇 同元朗店一樣惹味 冇失準🤡至於麵後面嘅唐揚炸雞（$35）👆🏻👆🏻👆🏻都炸得好好 肉質幾嫩滑又juicy☺️ 都可以一試 👇🏻👇🏻👇🏻不得不提今次細🐷大食到追加左個替玉（$12）👉🏻👈🏻原來以為就咁得個麵 點知一夾起竟然有三粒肉喺底 真係好驚喜！最後就緊係要飲可爾必思（$20）先夠perfect！

發理除左咖啡店成行成市之外，拉麵店都隨處可見，無論係來自日本嘅過江龍，抑或是小店都有唔少。咁喺雲雲拉麵店之中，自己都有心頭好，金田家係其中一家。自己都幫襯過多次，以前比較唔方便，要去到登龍街，今日一看，佢地已經喺紅磡有分店喇，更加方便就食到。呢間分店位於紅磡灣中心地鋪，位置好易搵、當眼，店嘅面積唔大，大約有十幾個位置，但都保留左好傳統日式拉麵店嘅吧枱位，另外有幾張二人枱。裝潢風格同其他分店相約，客人可以隔住玻璃見到師傅煮拉麵。呢度供應八至九款拉麵，例如豚骨、雞白湯、激辛、黑松露、黑蒜等，亦有配料可以追加，例如溏心蛋、叉燒、紫菜、木耳、芽菜等（追加配料另上）。仲有幾款小食，例如餃子、炸雞塊、薯餅等，價錢合理我地點左兩碗拉麵同一款小食。激辛拉麵：呢款用豚骨湯，加左香辣碎豬肉，仲有腩肉叉燒、粟米、芽菜、紫菜，（我走左蔥）。呢度嘅激辛拉麵一向都深得女友的心，辣度刺激得黎，唔會話成碗麵油淋淋，亦都唔會話太鹹。而且豚骨味都相當濃厚，湯底夠稠，麵容易掛湯。麵係佢鐘意嘅直麵，可以自選硬度，一向都係揀「普通」，掛湯力強，啖啖都有辛辣味。加左芽菜配埋辣辣地嘅湯底，好夾雞白湯豚骨拉麵：以往我都係食濃湯豚骨湯