金田家 (已結業)

好耐之前已經係銅鑼灣食過呢間拉麵 今日放工近近地 就去左紅磡呢間新開既分店到食 呢度座位唔算多 好似係日本既拉麵店格局 坐起上黎都唔太逼夾呢個黑豚拉麵淨係睇賣相已經好吸引 將一塊塊叉燒圍住個碗舖 砌到好似花形咁 黑豚好林 有五塊 每塊都唔細 拉麵可以自選軟硬度 個人較喜歡偏硬既 呢個硬度對我黎講已經足夠 下次可以試下挑戰超硬 一般拉麵既分量我覺得都比較少 所以我都追加左啲配菜 有溏心蛋 木耳同腩肉叉燒 呢度既溏心蛋好出色 夠哂流心 追加木耳有成一碗滿 爽脆又有咬口 腩肉叉燒都有五片 質感似煙肉 但感覺有少少寡 如果有多少少醬汁或調味就更好食完一碗大拉麵都仲係意猶未盡 心思思最後都叫左個雅布尼叉燒 呢個炙燒叉燒真係非食不可 經過炙燒後 將d油份逼哂出黎 加埋d蔥一齊食 真係好香 好好食 我會為左呢個叉燒返黎encore！！加上而家係紅磡開左分店咁方便 一定會再黎多啲！😀