金田家 (已結業)

我今日就約咗女朋友去食飯， 佢話今日想食日本野，咁我就上網搵咗間係附近嘅，就去食啦，間野叫金田家！我就係諗住同佢食完拉麵就去睇燈飾，點知食完佢話飽到要返屋企，唔睇啦，女人真係成日都變。點解咁飽呢，事緣我哋就叫咗兩碗拉麵都好大碗，一碗係黑松露豬骨拉麵，另外一碗係普通黑豚骨拉麵。佢就食唔晒，食到一半已經喺度嘈，話好多。咁我就要幫佢食埋，好彩有幾好食，唔係又比佢話我帶你去食埋啲伏嘅嘢。黑松露嗰個就有dd黑松露味，二普通黑豚骨嗰個，就得個多肉，湯汁如果濃少少就會比較好。總括來講，佢去到都幾開心，因為佢見到好似舊陣時中學啲枱咁有櫃桶， 可以俾佢放佢個包包入去，佢話好得意佢好鍾意咁嘅設計，我都覺得幾新奇嘅！如果想食拉麵，依家都係一個唔錯嘅選擇。