金田家 (已結業)

有時候見到好食既餐廳真係會去多幾次都唔厭😌😅自從紅磡開左金田家之後，我都來食過幾次了，因為九龍區夠方便又唔洗過海👍🏻最喜歡係依到既食物定價合理，$80-100就有一碗九州拉麵，而且味道不俗豚骨拉麵 $78 （追加溏心蛋$14）湯底香濃豬骨味，但不重味精腩肉是偏肥口感、入口快溶掉似的😋 要減肥的朋友慎選丫🙈黑松露拉麵 $108還是偏愛黑松露口味 黑松露醬有好多丫！食每一啖麵都好香喔仲追加左黑豚叉燒 $33/4片、木耳$7、粟米 $7、餃子 $20 我地將追加的食物倒入碗中，自製了這個豐富版拉麵上次因為餐廳未有酒牌，不能提價酒精飲品今之終於試到個梅酒 $35/杯梅味突出，配埋拉麵食好夾，幻想自己真係去左日本食野咁😂😂餐廳還提供不同配料比食客

同朋友星期五來到紅磡食拉麵，位置不算多，就和朋友坐在吧枱位，比較有feel我要左一個辛子黑蒜拉麵，佢仲可以選擇面既硬度，追加既小食亦都有好多選擇，我就加左糖心蛋同黑豚叉燒，試吓個湯底先，配料再加上濃郁嘅黑蒜油香味真係好香，少少辣，味道真係一流面嘅硬度亦都適中，糖心蛋唔會過熟亦都好甜。黑豚叉燒亦都好正，估唔到放入口竟然係入口即溶，配合湯底一流，size亦夠大我哋仲叫咗唐楊雞塊，雞肉軟林林，外面占上沙律醬再加少少檸檬汁，一流另外佢嘅白桃果酒都非常唔錯，值得一試

相信唔少去過日本ge朋友都有類似經歷：入到餐廳，正想係袋到拎紙巾之際，店員已將其遞上；又或者係想點菜之時，侍應早已係你身旁，唔駛舉手舉腳舉足成個鐘都冇人埋黎。呢種專業、體貼ge服務態度，曾幾何時都係香港出現過。但今時今日，莫講話普羅大眾ge餐廳，就算去到高級酒店都未必有咁好服務。不過大家都明ge，而家做生意，所有資源都去晒落租金，伙計廚房都係拎緊幾十蚊一個鐘，甚至仲係part time員工，仲可以有要求咩？不過呢，我地今次就十分幸運，黎到黃埔呢間無論環境、食物同服務都超好ge拉麵店 — 「金田家」自從地鐵開到去黃埔之後，黎玩真係方便左勁多！舊時約朋友，要係紅磡站行勁耐先黎到，而家就有地鐵上黎，而且呢頭多野食，附近又有野行有野玩，無法子唔黎多幾次呢。「金田家」離地鐵站5分鐘左右，行過去都算幾方便。黃埔之外，佢地係銅鑼灣同元朗都有分店，呢間鋪ge地方唔算大，座位亦唔太多，不過就非常之光鮮整潔。我地雖然坐左係「拉麵檯」，但空間卻比想像中舒服，仲可以將外套同袋放係位添！　呢度有幾款拉麵同小食選擇，亦可以自由決定麵條軟度同配料，同日本ge拉麵店一樣咁細緻。我地點左呢度主打「豚骨MIX拉麵」($7

今晚，約咗女朋友去紅磡食拉麵，就黎左呢間金田家，一入去佈置得好像日本傳統的拉麵舖🇯🇵感覺好似去左日本一樣我女友食一個辛子黑蒜拉麵，再追加一碟粟米，麵的硬度選擇硬，因為當麵浸在湯入面，都會自動變得軟身。所以我建議選擇硬身。呢個拉麵，好香口，食落有淡淡既黑蒜味，再加上有點辣，感覺幾新鮮！👍🏿而我點咗: 黑豚拉麵，再追加一碟腩肉叉燒，亦同樣選擇硬身的拉麵，黑豚肉質好嫩👍🏿亦極度推介，湯底亦好濃，實在好正！再點了兩款小食，大將餃子🥟及唐揚雞塊🍗餃子味道較淡，所以要沾上餃子汁會比較好，另外唐揚雞塊好脆口👍🏿最後亦點了飲品，可爾必思有點像益力多，幾正👍🏿總括而言，呢間拉麵舖我都幾推介，麵質一流，服務亦不錯！

知道紅磡有好多美食，所以我同朋友特登黎揾食😝😝 咁岩大家都想食拉麵🍜，又見金田家評價幾高就打算試試佢👻 真係無揀錯💓💓 店舖都算細間，佢有一行高枱，可以望住廚房整拉麵，剩底既空間唔多，都係得幾張2人枱，所以多人食既話去其他大啲既分店會坐得舒服啲！我地兩個人，等一等位就有得入座，坐高枱💕 雖然係高枱，但都坐得舒服👻👻好啦，入返正題先😆拉麵湯底方面，特別嘅有黑松露同柚子，而我哋今次就揀左雞白湯同黑松露😋再加番隻蛋🤤小食我哋就叫左個薯餅，佢哋係紫薯同牛肉味。我覺得兩件味道都唔錯，但個人覺得紫薯更為出色，一咬落去就有一陣香味湧出黎😋👍🏼👍🏼👍🏼另外，等拉麵黎嘅時候當然要叫番杯Calpis飲下先啦😆講番個拉麵先，我就食左黑松露拉麵。唔講食落肚嘅味道，淨係聞下已經覺得正😂佢唔止有一堆黑松露喺面，仲有一層松露油，所以每一啖都會食到濃濃嘅黑松露味，真係要俾100個like👍🏼👍🏼👍🏼而我朋友，就食咗雞白湯拉麵。個湯望落去冇乜特別，但食落去就會感受到佢嘅精華所在，我朋友成碗湯飲哂🤣🤣🤣呢度總括黎講食物質素唔錯，老板笑容同服務都好好👍🏼

黃埔本來就係美食天堂，依家有埋地鐵站，入去行街食野超方便!係寶石戲院睇完戲覺得肚餓，見到對面有間拉麵店馬上去試。金田家同拉麵小店一樣，都唔係太大間。店內裝潢同一般日本拉麵店唔同，天花吊住金黃色圓球，平時拉麵店都比較樸素簡單，金田家顯得有點搶眼。餐桌上，同一般拉麵店一樣，都擺放左唔同調味料，但竟然冇辣芽菜0.0! 只有梅菜同醃薑，有點可惜啊~平時去豚王都會喪食芽菜，今次唯有俾錢加餸......餐紙有九款拉麵可選，可惜最後一款售罄了~豆乳湯底第一次見，比較有興趣。猶豫之下揀左激辛拉麵。而呢度冇得揀湯既濃淡，只可揀蔥既多少同麵既軟硬，選項比較少。拉麵未到，點左份枝豆咬下先，平時食開都係凍食，但呢度既支豆都係熱上，似係剛剛煮好，再灑上鹽，即叫即做比較新鮮吧!?拉麵未上，配菜先來，追加左木耳同芽菜，份量多得驚人!幾分鐘後拉麵都送到，睇落去已見到金田家既辣拉麵同其他拉麵店唔同。一般拉麵店都係用辣湯底，而金田家嘅係辣肉醬，賣相似足譚仔炸醬咁。食落帶甜，辣味隨後而來，都幾惹味。拉麵不得不說，金田家既拉麵係我食過既拉麵之中最幼! 感覺比一蘭仲要幼上幾分，湯既味道算中上，豬骨味香但算唔上厚身，但配上幼麵掛

咁岩同女朋友經過紅磡，又忽然好想食拉麵，所以就揀咗呢一間金田家。之前都食過元朗嗰間，所以決定再食！鋪頭嘅設計都幾日本！雖然鋪面唔大但坐得舒服。我揀咗黑松露拉麵，而女朋友就揀左黑豚拉麵，之後每人仲加左蛋，我食左佢一啖黑豚發覺又幾好食，就即刻追加埋小食就食左炸雞。首先講咗個拉麵先，黑松露拉麵d黑松露真係好香，啖啖都有黑松露，因為一黎就有大pat係拉麵上面，好足料，一撈落去之後啖啖都好濃！另外要講嘅係黑豚拉麵，一排黑豚圍住個大碗，真係望到都想食，肉好厚身，口感不錯，湯底都值得一讚，好濃味。但係一定要連蛋食，佢係流心蛋，加埋個拉麵好正。另外個炸雞好脆，熱辣辣份量又夠多。金田家位置都算方便，值得下次再嚟食過！

金田家 紅磡今日有幸同朋友黎食香港版的「日本九州第一拉麵」，聽聞這家的湯底十分不錯，今日要一試到底。😊😊黑豚拉麵 (另加糖心蛋)食麵前，先品嚐一啖湯。感覺超正，味道適中，不鹹不淡，從而不會覺得膩。飲完後，濃厚的豬骨香仍然停留在口齒間，令人想再添一口！叉燒真心抵讚👍，肥瘦適中，十分薄而軟，咬幾口便化，最重要係不膩，因而我追加了一碟叉燒。麵的掛汁能力中上，配搭芽菜食更是一流，食落多汁得黎，爽脆有嚼勁。P. S. 麵的份量偏少，建議可配搭小食 或 加麵底。辛子黑蒜拉麵 (另加糖心蛋)同樣地，先嚐一啖湯，其後脣齒間充滿黑蒜辣味，使整個湯底濃厚而不膩，使食慾大增。糖心蛋亦不遜色，口感嫩滑，充滿蛋香，配搭爽辣的湯拉麵，味覺上升了一個層次。男爵薯品紫薯栗子餡是我的最愛，搭配著沙律醬吃味道一流。岩炸出黎的，因此十分脆，加上酸與甜完美交融，毫無違和感。

天氣凍冰冰 最感到舒服的莫過於食上一碗伴隨著熱湯的拉麵🍜了吧🤤------------------------------黑豚拉麵 $98好濃郁嘅豬骨湯底 🐷麵嘅掛汁能力尚可 叉燒🍥大大塊薄切 有少少入口即融嘅感覺 😍完全冇個種食肉個重嘅油膩 另外加了糖心蛋 不得不讚呢隻蛋 蛋黃keep住半熟流心 連蛋白也很夠味 🥚 配菜還有大量木耳 芽菜 蔥 令你有番d蔬菜平衡下 食曬成碗唔覺悶.7.5/10------------------------------黑蒜拉麵$88同上一碗不同 呢碗拉麵唔係叉燒而轉了豬腩肉 啖啖濃郁嘅蒜香 是較為重味的一款 同時油脂也較豐富，🤤越食越香濃 😏7/10------------------------另外我同朋友還追加了小食，炸薯餅呢個薯餅真係好食到冇得頂 紫薯混合了甘栗🌰 兩者非常match，紫薯入口甜絲絲而栗子增加口感，外層炸成金黃色，脆而不油。而薯仔更出色，沾上小小嘅蛋黃醬令軟綿綿嘅薯仔更帶日本風味😍😍😍😍-------------------------食完之後成個人好暖好舒服 下次一定會再黎食番！

捱咗幾星期canteen，又儲夠彈藥慰勞味蕾～今次趁開會前嘅小空檔去黃埔食碗拉麵。拉麵店價位都差唔多，所以每間都有自己特色，先可以突圍而出。金田家分店唔多，舖頭都幾細，只有吧枱同二人枱，但空間用得唔錯。譬如枱嘅櫃位可以放袋，同日本舖頭一樣貼心。今次揀咗比較特別嘅柚子辛口拉麵。九州拉麵沿用豚骨湯、直身麵，芽菜比較多。呢度麵可以揀軟至極硬，聽聞係九州拉麵店嘅一貫做法。我揀咗軟，食落冇話特別稔，不過就幾掛到湯。個人都係比較鐘情曲麵嘅蛋香，但呢啲係地方特色，要尊重返。湯底未撈辣醬已經有微酸。呢度豬骨湯偏啡，飲落有豬肉香，味道好濃。撈好辣醬湯底變成橙紅，辣辣地，聞落好似擔擔麵。柚子香味淡淡地，要慢慢食出嚟，柚子部分唔算發揮得超好。豬肩肉切成薄片，醃得入味。冇諗到薄薄一片都食得出油脂香，唔錯。金田家小食種類唔多。我就叫咗拉麵店比較少見嘅男爵薯餅，亦即係可樂餅。男爵薯比較軟身，製成薯餅口感綿密。一客就有牛肉薯餅同紫薯甘栗兩隻口味，幾啱獨食嘅我。炸皮麵包糠好薄好碎，炸起嚟鬆脆輕盈。紫薯比較甜，入面仲有大粒栗子，食得好滿足。大推呢款小食呀！！！追加嘅溏心蛋亦冇令我失望。醃得相當入味，蛋黃香濃、軟糯，蛋白

今晚揸車經過紅磡，剛好看到金田家外寫著九州第一拉麵，反正肚餓，咁岩又有車位，就入去試一試。店內好光猛，以淺色木為主，非常簡潔又柔和Bar枱下有格放袋，非常貼心我一反常態選了黑松露拉麵，明明應該食最正路嘅九州叉燒拉麵嘛，不過黑松露的誘惑的確擋不了我地另外追加木耳、溏心蛋、腩肉叉燒，仲有男爵薯餅等食期間我仲邊飲梅酒，雖然無加冰但都夠凍，味道比較甜、梅味出、酒味香濃但不烈，小小地飲一杯岩岩好香噴噴拉麵來了，最先聞到松露香味，繼而看到拉麵上的一大推黑松露，原來還加入了松露油，難怪香得扣人心弦湯底實在無得呃，一啖就知龍與鳯，湯頭有濃厚豚骨香又滑身。可以不去把黑松露攪散，不會影響湯底之餘，夾起拉麵時亦可以將黑松露粒掛上，入口香味更濃郁。碗內裏還有三塊黑毛豬、木耳、香葱及追加嘅溏心蛋。黑毛豬味漸濃但不羶 ; 溏心蛋味道跟外表顏色更是一樣，一樣入味，溏心挺身而非實心。另外追加嘅木耳非常大兜，腩肉叉燒就有四片，肉質好軟滑，有種入口即溶嘅口感最後同朋友share男爵薯餅，一塊牛肉一塊紫薯。先食咸嘅牛肉薯餅，炸得不油膩，外層鬆脆內層軟滑，滑嘟嘟嘅薯蓉中夾雜著牛肉碎，小小咸，好味道 ; 後食甜嘅紫薯薯餅，紫薯

天氣凍除了火鍋，最適合就是吃拉麵，這間金田家一直都想試，不過銅鑼灣或元朗都不太方便，早陣子紅磡終於有分店，想起便去試試。店面不算大，但尚算舒適，桌上放有各種調味料供食客自行調味。每人一張點餐紙，選好交給店員便可以。大將餃子 $30餃子大大隻，餡料很飽滿，煎得剛好不會太乾或太油膩，味道也不錯。唐揚雞塊 $35外層炸到金黃香脆，內裡雞肉嫩滑，沒有多餘調味，不會太油，點上蛋黃醬味道更讚。柚子辛口拉麵 $98這款是豚骨湯底，加了柚子味的辣醬，配料有黑豚叉燒、芽菜、紅洋蔥、紫菜、青蔥。香濃的豚骨湯底，夾雜著柚子的清香，微酸中帶辣，清新惹味，刺激味蕾。黑豚叉燒口感非常軟嫩，而且豬肉味濃。因為太愛食溏心蛋，所以追加了一隻，另加了粟米。溏心蛋煮得非常入味，而且溏心部分亦恰到好處，不會過生或太熟。黑豚拉麵 $98這同樣是豚骨湯底，配料有黑豚叉燒、木耳、紫菜、青蔥，亦加了一隻溏心蛋。單純的豚骨湯底，更能品嚐出當中的香濃美味。剛好我們2款拉麵都是跟黑豚叉燒，又心思思想試腩肉叉燒，所以點了一份。腩肉叉燒比黑豚叉燒多了份油脂香，入口潤滑而不油膩。整體來說食物水準不錯，價錢算合理，可以再去。

The shop looks very famous ramen shop in Japan. They have 3 branches in Hong Kong. The hung hom shop is very small shop with 12 seats. I ordered their basic ramen and chicken karaage(fried chicken). The ramen soup is really good and noodles is also good. They used very thin chasu. To be honest I prefer very fat chasu. So it was not as good as the other ramen shop like rari uma. Anyway this is one of good Japanese ramen shop in Hong Kong.

金田家食嘅係九州拉麵，分店開完一間又一間，近期仲進駐紅磡。紅磡分店店舖唔大，座位都算舒適。星期日嘅下午六點，經已坐無虛席，不過等左一陣已經有位。同朋友各自都被柚子辛口拉麵所吸引，亦分別加左一隻溏心蛋。柚子辛口拉麵($98)，先試一下湯底，有啖啖嘅柚子香味，辣度適中，帶出湯底嘅鮮味。大大片嘅豚肉，切得幼薄，沾上濃郁湯頭，更覺美味。生洋蔥粒亦都為整碗拉麵加分，口感十足，亦非常香口。對我黎講，溏心蛋先係拉麵嘅靈魂。金田家嘅溏心蛋($14)，實在十分出色。蛋白部分已經十分入味，半流心嘅蛋黃，浸一浸入湯底，入口香滑美味。兩個人仲叫左一碟大將餃子($30)作分享。煎餃子非常惹味，肉嫩多汁，都算唔錯。

之前到九州旅行好像每天都吃過一餐拉麵, 款式口味之多真的吃上一個月也吃不完。記得當時在拉麵競技場的也到吃過了這間"九州第一拉麵"的金田家, 的確是美味好吃。這天閒逛黃埔時發現他們在香港已有分店, 於是便再回味一下。店內還是維持着日式拉麵小店風格, 親切又專注,  雖然位置不多, 但也坐得舒服。餐牌中的選擇比當地還要多, 記得當日的限定品幸褔地在香港是長期供應。而他們最著名的就是黑豚叉燒拉麵, 有濃厚的豚骨湯底。我倆都以自己的喜愛點上麵條軟硬度和蔥量可調節和的拉麵, 以外加的小食也很快送上。作為薯仔愛好者, 這款男爵薯餅很難令人抗拒。即點即炸的炸餅甘香鬆脆, 內裏的薯茸軟糯香甜。深色的一塊是混着牛肉碎, 味道濃香惹味; 淺色的配上南瓜, 更為香甜, 兩款都是我的所愛, 亦不理他們即炸即起是有多熱也放進口秒速清碟了。雞白湯豚骨拉麵湯頭較一般豚骨湯底清, 味道亦不會太濃, 是較特別拉麵。這碗拉麵特別配上曲身中型的麵條, 令咬吃來更有口感。而灑上不少的蔥花令拉麵就更香氣十足, 每口麵呷上一口湯, 濃淡適中, 在天氣凍的時候吃拉麵特別滿足。身邊那位點了柚子辛口拉麵了, 味道比一般豚骨拉麵更搶口。