金田家 (已結業)

在店外見到黑松露和黑蒜豬骨湯底之拉麵，十分吸引，便決定在此開餐！整張選擇紙很細心，麵條硬度又有，追加食品又有，小食種類又有，一張單all in one, 我地不約而同追加了溏心蛋和黑豚肉叉燒，還點了薯餅，大吃一餐! 兩碗拉麵送上，我們呷一口湯，如果湯的溫度能再熱一點就更好！ 黑松露拉麵好重松露味，店舖十分慷慨，大大一羮松露，好美味! 而黑蒜湯底聞到很濃黑蒜味，飲下去則不太濃烈，麵條硬度適中，無可挑剔。叉燒希望可以再厚切一點，那怕厚切只給2塊，口感會更佳。小吃薯餅十分驚喜，一件是馬鈴薯，一件是用紫薯做，好香好滑薯蓉，必叫! 吃到捧著肚子走，連想食隔離甜品都食不落了! 下次再來幫襯吧！

紅磡呢間金田家經常滿座, 今晚都唔例外。門口燈箱show曬8款唔同口味嘅拉麵, 等緊嘅同時我已經揀好啦等左一陣就有位, 坐低馬上剔好拉麵款式, 再按個人喜好揀埋麵嘅硬度, 多蔥少蔥, 追加配料 / 小食。我地一行2人, 點咗辛子黑蒜拉麵, 黑松露拉麵, 追加溏心蛋, 黑豚叉燒 & 粟米粒, 再加個男爵薯餅。(左)牛肉薯餅, (右)紫薯栗子薯餅平時食開快餐店顆粒分明乾脆結實嘅炸薯餅, 呢個薯餅好唔同!! 表面同樣酥脆, 但入面嘅薯蓉質感非常鬆軟, 輕輕咬一口就化開黑松露控注意啦!!!呢碗麵唔單止有一大舊黑松露醬喺中間, 濃郁起泡嘅豬骨湯底之中仲加咗黑松露油, 食落真係啖啖都充滿黑松露嘅獨特香氣。麵條我唔鐘意太腍, 揀普通硬度就啱啱好。黑豚叉燒薄身, 食落極之軟腍, 口感一流。當我以為佢只係普通一個加咗黑蒜油嘅拉麵, 竟然有驚喜!!! 原來成碗麵中間一大堆純白色京蔥, 先係最吸引人之處!!! 新鮮生京蔥咬落有少少水份, 微甜爽口, 估唔到同拉麵一齊食可以咁夾

放工之後想食拉麵咼，今次就黎左金田家，舖頭位置不多，好有日本拉麵店嘅特色，如果唔想等位就早d行黎。餐牌上除左最基本嘅豚骨拉麵之外，仲有黑松露拉麵、柚子辛口拉麵等等，款式都算多元化。加上有不同小食可供選擇。黑松露拉麵，上台前已聞到好香。一碗拉麵包左4片豚肉，另外加$14就有隻糖心蛋。除左有黑松露係麵上，湯底亦有香濃嘅黑松露嘅味。而糖心蛋亦整得好有水準，除左係糖心之外，蛋嘅表面有醬油味。黑豚拉麵相比黑松露拉麵係多幾片豚肉，而且豚肉肉質較腍。湯底係豬骨湯底，幾好味。拉麵亦有木耳。小食方面，男爵薯餅好好食，即叫即炸，而且絕不油膩。炸粉亦不多，唔會食到好厚粉。個餡有2款，一款係紫薯餡，一款係薯仔餡。紫薯個味好特別。

這間拉麵店座位很少，不到20個，所以每毎經過見人多就放棄了。今日未夠六點見人少少，不過吧枱也是滿座，也有機會進來試一下選了一個黑松露拉麵，另外再加了黑木耳，但是黑木耳我沒想過是另外以小碗上的，雖然份量很多，但沒有被加到拉麵碗中又沾不到湯汁，感到各有各入口，沒有味道。麵到了之後就自行把一半木耳加上，視覺上豐富了很多另外又加了很多自磨芝麻，感覺很不樣吧湯底頗濃但溫度不夠，可能這裡沒有以一層厚厚面油來保溫，這樣就可給人減卻油淋淋的感覺，叉燒有三片，肥瘦均勻而且軟滑。另外麵質也可以隨客人喜好要求，特硬，硬，軟等，不過就是傳統幼麵條

Foodpigss🐷🐷一直都好鐘意呢間拉麵 然而黎過好幾次 誇張啲黎講係除左屋企之外嘅第二個飯堂🤣 首先🐷🐷就食左呢碟唐揚雞塊（$35）炸到好脆 吱埋啲檸檬汁真係好夾☺️ 不過件數好似少過之前🤭 可能係因為大件左🤔 最重要係份量仲算合理😂之後就當然係飲返杯可爾必思（$20）黎襯返炸物喇😇跟住就係主角👉🏻拉麵啦！今次就食左呢個雞白湯豚骨拉麵（$85）雞湯十分濃郁 加埋啲好香嘅葱所以顏色帶點綠💁🏻‍♀️ 麵條方面係用左曲條 有別於平時食開嘅黑松露拉麵果種直麵 食落較實在 更有口感😆 不得不提🐷🐷呢個溏心蛋控食一隻已經唔太滿足到 所以今日加碼食多隻🤤 真係好正！ 可惜今次唔記得加芝麻😭 難怪好似缺少什麼了🙈仲有就係除左蛋之外 🐷🐷呢個食肉獸對肉嘅需求都係好大 所以追加左腩肉叉燒（$20）同黑豚叉燒（$33）相比下 🐷🐷有別於平時 今次覺得腩肉叉燒較黑豚叉燒好食 事關覺得腩肉較香較入味😇 當然黑豚叉燒都不俗 個人認為兩者同樣都係要浸一浸入湯整熱返啲先食係最好。P.S. 溏心蛋每隻$14

今天路過紅磡灣中心，見到一店鋪門外多人排隊等位，是間日本拉麵店，店名是金田家，並在玻璃窗寫上九州第一拉麵，真的如此出名又怎能錯過，於是我也排隊入內食返碗，拉麵店店鋪不大，只有數張小枱和幾個吧枱位,但流動量也相當快，等了約10分鐘就到我了，我點了一碗黑松露拉麵，麵的硬度選了軟，蔥選正常，追加了一隻溏心蛋，拉麵軟滑、湯底濃郁美味，薄片的黑豚义燒夠味又夠林，很好味！最後我也追加了三片黑豚义燒，真的冇令我失望，拉麵的味道和我在日本食的都一樣，好味！

一入鋪頭，比其他連鎖式分店，金田更有多點溫馨地道小店感覺無論環境，拉面師傅，都令我坐喺度食得自在，皆因寧靜舒適，感覺生活節奏都慢咗落嚟，可以靜靜地嘆番個面。一行二人，主食點選了“黑松露拉面”以及“黑豚拉面”, 後各加配咗糖心蛋及腩肉叉燒，小食男爵薯餅。食面要先試湯底，黑豚的豬骨濃湯經典，再試黑松露的，味道大為提升，同樣係豬骨湯底但帶出煥然一新嘅黑松露獨特香味，十分喜愛。而兩碗當中都配上黑豚叉燒，肉質滑嫩，入味之餘有入口即溶嘅感覺，又造到每片都有呢種效果，值得一讚。面條方面亦不過不失，因為又係可以自選硬度。配食方面糖心蛋又令人十分滿意，蛋白入味質地唔會實得得，糖心仍流質的。腩肉叉燒嘅味道跟黑豚不同，但仍然肉質嫩滑，帶來另一種肉香。最後係男爵薯餅，分別一件是鹹食牛肉薯餅，另一是甜食紫薯栗子餅，各有特式！但兩者嘅薯溶餡磨得細滑無渣，口感又係入口即溶，外皮亦造得夠香夠酥，唔似厚粉漿咁，略為驚喜。

媽咪話港鐵黃埔站開了咁耐都末試過搭過去黃埔。於是襯假期帶媽咪搭港鐵去黃埔一帶食晏黃埔出站後步行了约五分鐘！被一間食店的門口頭像吸引了！原來是一間拉麵店金田家！需然坐位不多！但很舒適，最貼心是每張枱下面都有一空格放袋👍🏻黑松露拉麵豚骨湯、黑豚义燒、自家制黑松露醬追加了蛋&紫菜、拉面可自由選擇軟硬度！湯底的豚骨味很濃郁但又不會蓋了黑松露香味，食完拉麵後，我可以把湯飲哂。媽咪叫了柚子辛口拉麵！追加了蛋同五花腩片很特別的湯底……豚骨湯裡加了柚子，辛辣醬放在面。可自己攪配辣度！柚子加辣醬味道清新帶辣，令人覺得好開胃！追加的五花腩片很爽沒有肥的感覺，黑豚义燒有很香的豚肉味😋小食點了男爵薯餅包括牛肉薯餅和紫薯粟子薯餅各一塊牛肉薯餅內軟外脆，薯仔味很濃。紫薯粟子薯餅好有驚喜！紫薯的甜度適中再加上粟子粒有咬口，必食推介!食完拉面及薯餅後來一杯冰凍的可爾必思！為一頓豐富好味的午餐劃上完美的句號

辛苦左成個月，月尾梗係要搵返啲好野慰勞下自己，日本野真心唔錯，見金田家分店開到成行成市，又一直無機會試下，所以就入左去。個人係食肉獸，見黑豚拉麵啖啖肉好正，就決定是你了！拉麵麵身好有九州特色，係幼身拉麵，湯底就好有香港特色，濃味豬骨湯，好唔好食？話明港人口味，當然正啦！當點係勁多豚肉，完全滿足到食肉既要求。而且豚肉烤得岩岩好，唔會太老，調味又調得正。話明食肉獸，topping仲加左份肉，20蚊份，加隻蛋都要14蚊，我就覺得加肉抵到爆🤣肉方面都係豚肉，肉質真心唔錯，脂肪部分好夠但唔會好heavy，食落無乜內疚感，但有啲唔夠入味，可以要放左湯到浸一浸，因為我果碗麵太多肉，topping要另外上！！最後，飲品方面點左柚子酒，35蚊細細杯，但原來果味酒味都超重，平時唔飲得酒既我，小酎一杯就岩岩好啦

第二次encore了，絕對可以試晒金田家全部味的拉麵🤪突然好想食辣，激辛拉麵好夠辣，湯底濃郁，追加左蛋，一如既往溏心程度剛好仲切左一半方便食👍🏻 肉碎係激辛先有的配料，個人中意就咁食肉碎唔撈落湯度，咁就更惹味同啖啖肉🤣 本身跟麵係腩肉叉燒，但因為太掛住黑豚叉燒的肉，果斷追加了一碟麵底仍然係超幼的，吸湯一流~黑松露拉麵本來係怕唔夠黑松露味，食落發現松露味比想像中多好多，基本上成碗麵，連叉燒，粟米同蛋等追加配料都充滿松露香味，有驚喜薯餅有2塊，一塊紫薯，一塊普通薯仔，又香又脆。紫薯無肉混入去，但有栗子，幾特別薯仔有肉碎係入面，似平時食的可樂餅上次去仲未有酒牌，今次終於可以嗌酒飲，係我最中意既梅酒呀🤤 拉麵，薯餅，梅酒，幾樣加埋好圓滿，啱啱食完又覺得自己可以再再encore👍🏻

今日約左朋友睇演唱會 睇show前帶朋友去試下係福岡食過好正, 而家開到黎香港既過江龍--金田家舖面地方唔大, 但係裝修簡約光猛, 感覺唔錯可能好多人慕名而黎, 所以就算時間早都要等一陣入座後店員俾左張點餐紙我地剔野食, 黑豚拉麵加配溏心蛋&粟米豚肉份量好多, 圍住成個碗, 而且食落口肉味濃又好稔拉麵質地揀左普通, 軟硬度掌握得好好, 而豬骨湯亦都好出色, 清而濃郁, 飲左半碗都唔口渴加配個隻溏心蛋亦好滑, 蛋味香又唔會整得過熟辛子黑蒜拉麵加配溏心蛋&紫菜呢款豚肉同黑豚拉麵個款唔同口感同味道, 但係都好好味又唔會肥膩而且加左黑蒜味道亦都濃左香左, 黑蒜迷唔好錯過額外加左個枝豆小食, 店家灑左小小鹽係枝豆上面, 要黎佐酒一流而檯上有2款配料, 分別係辛辣高菜同紅薑, 鍾意食配菜既朋友可以自由添加由日本遠渡香港後都保持到水準, 值得一讚!

去完中大睇花行山就出番嚟紅磡，經過金田家見幾吸收就嚟食下啦👅👅 先揀左個辛子黑蒜豚肉拉麵🍥🍥 好香嘅蒜味，湯底幾濃郁，但唔會太咸！而麵質要左軟身，煮得幾好，淋得嚟又唔會over jor🍜🍜 男友要左黑豚拉麵🍜🍜🐷🐷🐽 湯底冇咁濃，叉燒好多塊，好薄身下，燒得還好啦🦊紫菜口感一般，偏淋！而糖心蛋做得還不錯，幾流心下都🍳🍳 追加粟米都幾大盤，不過比較dry 做唔到好飽滿咁😅 炸雞就正常，有d鞋口！飲品要左抹茶 yum yum🙆🏻‍♂

呢排去開紅磡返工，有日經過竟然見到我喺元朗yoho都食過好正嘅金田家 ，今日就約帶埋個為食同事去同佢食過江龍拉麵。一如元朗分店，呢度都有八款拉麵可以揀。 我一如以往，㨂黑豚拉麵， 唔知係咪因為我靚仔，竟然有六塊黑豚叉燒，超級驚喜。為食同事就揀咗激辛拉麵再加底，加底都係加13蚊咋，好抵，同事大讚。我地皆為食肉獸，愛狂追加唔同款的叉燒， 另外呢多個健康黑木耳。小食我哋㨂咗個唐揚雞塊$35， 有4，5粒。 呢個雞塊真係要大力推介，因為係超級好食。師傅炸到好似日本居酒屋食到嘅雞塊咁， 粉漿超薄超脆， 熱辣辣又多肉汁。

今日本身約左女朋友食飯，點知佢好忙唔得閒，唯有一個人去食飯。紅磡有間「金田家」，早早之前已經聽過其大名，今日經過去試下。中午時間人客唔算多，一個人又易搵位。多款唔同拉麵口味，我就叫左個柚子辛口。小小辣醬味道香辣，食食下好惹味！柚子味清清唔算太重，唔會搶左湯底清甜味道，湯底好香好清甜，黑豚叉燒的確吸引入口即溶！拉麵直身彈牙掛上湯汁夠滋味，溏心蛋的確一讚，蛋香超濃超香！追加左豚腩片，多肉我鐘意腩片多一層油香同樣肉質軟腍，好好味

位於黃埔的金田家，裝修簡潔為主，有種日式的小木屋感覺。始終日本的拉麵店都是以這種裝修為主。地方其實不大，麻雀雖小但五臟俱全，而且金田非常會善用空間。例如收納袋子的位置和廚房的方位等等...(剛到步時客人不多，但8時左右已爆滿。)依然是無印風格。最想推薦第一名是追加的芽菜。芽菜上沾滿了胡椒，胡椒香而不辣，令淡淡的芽菜更朗朗上口。咬下爽脆又夠熟。軟硬度也剛剛好，完全地攻破了我的心。本來一心想點松茸豆乳口味的，但不知道是什麼原因金田家沒在做了。(內心翻滾啊)但黑豚都非常吸引啊，以仙女散花的形式出現。把你重重包圍，食香味連外觀都拿一百分的黑豚!雖然沒有了松茸，但黑豚用它濃厚又老實的湯底把我拉回來，味蕾還是默默地流著淚說黑豚最棒棒啊。另外金田在拉拉麵店中算是飲料選擇多的。Kirin Beer、Green Tea、Mlio Sake Champagne都有...而我選了清清的果酒，蘋果味的，非常非常甜。(白桃又沒有了)期待下次再來金田吧!