金田家 (已結業)

呢排去開紅磡返工，有日經過竟然見到我喺元朗yoho都食過好正嘅金田家 ，今日就約帶埋個為食同事去同佢食過江龍拉麵。一如元朗分店，呢度都有八款拉麵可以揀。 我一如以往，㨂黑豚拉麵， 唔知係咪因為我靚仔，竟然有六塊黑豚叉燒，超級驚喜。為食同事就揀咗激辛拉麵再加底，加底都係加13蚊咋，好抵，同事大讚。我地皆為食肉獸，愛狂追加唔同款的叉燒， 另外呢多個健康黑木耳。小食我哋㨂咗個唐揚雞塊$35， 有4，5粒。 呢個雞塊真係要大力推介，因為係超級好食。師傅炸到好似日本居酒屋食到嘅雞塊咁， 粉漿超薄超脆， 熱辣辣又多肉汁。