金田家 (已結業)

工作關係，星期日經開紅磡，做完野喺黃埔揾食，諗起附近有金田家，就同女友一齊去！點解要嚟？ 因為上次食完元朗金田家後，覺得非常好食，好想再試下其他款式既拉麵！呢間金田家裝修同元朗一樣精緻，頗有日式拉麵小店味道！同其他金田家一樣，都提供同樣既招牌拉麵，有得揀麵既軟硬度，葱多少，配料，小食等等都盡在點餐紙上！每款麵都各有特色，有辣有唔辣，要留意係每款麵跟既肉未必係豬肉叉燒，有幾款麵會係跟日本黑豚叉燒！兩樣都各有特色，想兩樣都食到，最好就係另加一份豬肉叉燒/黑豚叉燒！ 餐廳下面非常詳細列明可以加邊d配料！落左單之後，我杯可爾必思好快送到！而我個主打辣味既激辛拉麵都好快送到！除左個湯底辣外，辣肉碎夾埋d 麵一齊食，令碗麵更有口感，辣味更香濃，我個人嚟講覺得辣肉碎比豬肉叉燒更出色，當然肥瘦適中既叉燒都係非常軟稔好食！另外我都叫左個黑豚叉燒做配菜，另外加左隻溏心蛋，隻蛋做得依然出色，有流心，又滑！ 我order左麵身要硬，出來既口感同預期一樣硬，證明廚房功夫不錯！我哋仲叫左個大將餃子小食，皮薄餡靚，外面煎得香口，入面d肉又有肉汁，點埋個醬有吊吊味，十分之惹味！女友就叫左個柚子辛口拉麵，濃濃左柚子味令

好耐冇食拉麵啦，今日同朋友行過金田家 ，就突然間好想食，咁啱又冇咩人，於是就入咗去食啦。雖然入面唔算大，不過我哋坐吧枱，都算坐得舒服，唔會太迫。飲品有得揀汽水、乳酸同埋啤酒，仲有我最愛嘅伊藤園綠茶。另外追加嘅木耳都一次過上埋。分量幾多。小食就叫咗煎餃子，真係即叫即煎，皮煎得好脆，入邊亦都幾多餡咁，係一份唔錯嘅餃子。戲玉拉麵嚟啦！我就叫咗個雞骨加豬骨湯嘅MIX拉麵，雞湯嘅味道稍為出，不過都飲到有啲豬骨嘅味道。湯清清地岩我！麵質爽彈糖心蛋入味，半熟最好食係叉燒，非常之薄身， 肥瘦嘅比例適中朋友叫左黑蒜油，佢平時重口味開，覺得個湯有少少淡，不過都好好食～價錢合理，下次再過嚟食先！

同朋友再次回味日本風味一經過舖頭門就大排長龍，呢間舖聽聞係正宗的九洲日本拉麵九洲食過，返到香港可以再食lu 有小食，任揀拉麵軟硬度，環境鋪頭小店一間，但個個都願排隊等侯，十足日本一樣排隊食好西男爵薯餅比較特別即叫即炸，入口外脆裏面的焰料牛肉，好滋味拉麵到了，呢碗黑蒜拉麵味道相當濃，有溏心蛋，叉燒，黑木耳，芽菜，紫菜等，當吾夠再可追家餸菜湯底濃度同日本差不多呢，溏心蛋蛋黃已經流出黎，最令我再追加就一定係溏心蛋排左咁耐隊是值得等呢碗用心泡製拉麵

食拉麵🍜日本的文化已經進駐香港人的生活中，日本直送的已經普及了今天來到紅磡的金田家，一嚐雞白湯豚骨拉麵🍜自己的麵自己擇我今天挑選了雞白湯豚骨拉麵$85、溏心蛋雞白豚骨湯底，奶白色，滑濃的雞湯混合豚骨湯，好濃郁，入口有黏口的感覺，這是足料的味道，鹹度適中而且帶鮮甜麵條是幼身拉麵、我喜歡軟的口感，吸收了湯的精華，食到𠽌𠽌聲沒有梘水味叉燒是薄切的、但師傳將叉燒用火熗輕輕燒過，把油脂燒香，帶焦香味，入口一點也不膩五層肉的精隨推介追加的糖心蛋$14～流心效果相當分明，入口即溶的滋味飲埋汽水就飽飽了！超滿足

紅磡呢間金田家係外面望入去好sharp 鋪面較小細但裝潢都幾得意同樣有啲波波燈仲有個大既九洲第1拉麵既牌haha 而最貼心係食野張枱有櫃筒俾你放袋 好似返學咁旁邊有紅薑同高菜 設備齊全今日再次揀左雞白湯拉麵 熱熱地試下柚子辛口拉麵 追加2款叉燒 叫左個餃子🥟柚子辛口拉麵 有芽菜 隻溏心蛋食落好啫喱狀 夠晒蛋味柚子味同辛辣醬既豚骨湯好特別 柚子既酸甜帶點點辣 味道幾得意 又唔會遮左本來既豚骨湯 麵既硬度揀左普通 食到最後都係小小煙韌但就比一開頭淋左小小叉燒係豚肉叉燒 只係好輕微咁燒過唔會好硬同焦 唔錯餃子好多汁同冇一般拉麵店咁乾同硬

想體驗更多日本匯聚美食文化精緻的感覺有時總會換一下口味，別具一番樂趣，自己鍾情拉麵的粉絲們不知道他們差別在哪裡呢？但一個合乎自己要求的拉麵選擇在於價位合理、地點要方便、衛生可靠而合乎口碑良好、再者當然係拉麵質素，不時也會看看美食網站評估就餐相關資訊地理位置沿途靠近黄埔鐵路站大型商場附近較方便，若是一到假日門口總是滿滿人潮和經常大排長龍，熱潮深受當地住客街坊們及觀光客人的歡迎，人趨之若驚，持續不斷有人來嚐鮮需要時間耐性來考驗！這裡除了拉麵以外還有手打製小食、酒水飲料作出售等…………不妨可以配搭著一起吃喔！餐廳面積位置較為狹小，環境裝飾十分考究，優雅環境經營管理尤如日本風氣派，而每枱翻桌速度蠻快的，我選了湯頭,招牌獨創板曲麵熬煮久時豚骨湯頭坐鎮，麵質有嚼勁吃起來暖呼呼有股滑溜般香氣，拉麵使用曲板麵身係甘多款拉麵之中最特別吸引,味覺上較有爆發力，雞湯清、味甜清爽也不會過份油膩逼出豬油香令味蕾真的調到恰到好處，配上炙燒過叉燒一流！必食餃子皮煙韌通透明顯比平日皮薄細味，底部煎到有層薄脆香口脆卜卜，不會過油肥膩感，餃子紮實真的足料味美，餡料豐富滋味讓人迫不及待食過痛快

今日係紅磡附近做完野，突然之間想食碗拉麵。第一時間就諗起想食好耐嘅金田家，因為我聽講呢間野性價比幾高，而且黑松露味既拉麵真係好吸引。今次同朋友分別點左一個黑松露拉麵($108)同埋黑豚拉麵($98)，配料就加溏心蛋($14)同埋唐揚雞塊($35)，野飲就可爾必思($20)。同一蘭差唔多，呢到既麵係可以自選硬度同埋選要唔要蔥。但係肉方面，呢到既就正好多因為比較厚同埋有味。黑松露拉麵既松露味last到超耐，如果有人之前食過，一入去就會嗅到陣味，雖然有人話有D似煤氣味，但本人好鍾意食。而黑豚拉麵一睇落去就好有霸氣，有超多肉圍住碗麵，而且湯底好有豬骨味，即使加多個麵底都沖唔散陣味。另外，個唐揚雞塊都好有驚喜，因為我冇估到佢既份量都幾多下，而且食落去外脆內軟，十分多汁，本人覺得如果單食一個麵唔夠飽又想食肉可以加黎食下，同時亦都比加叉燒抵食。

大發現！！我愛上了柚子辛口拉麵裡的紅洋蔥，太好吃了。若你也是洋蔥愛好者，請試試看我所說的洋蔥就是在綠色蔥，旁邊的那一堆洋蔥，非常好吃，有點脆脆的，但沒有丁點生洋蔥的辛辣味。問過店員，他們說是有用柚子汁浸過的，過程都幾 繁複。其實 整體這碗拉麵都不錯， 叉燒很淋，邊邊燒得脆，追加了 溏心蛋，也很好吃。 朋友是黑豚拉麵，他追加的 腩肉叉燒，有 煙燻的香味，不錯唷。我們叫了一個小吃，薯餅，裡面的 薯蓉是用蕃薯去做的，外脆內軟，好吃。

假日嚟到黃埔區搵食，中午經過呢間小店，門口有個大叔既嘜頭，仲寫住九洲第1拉麵，就入去會一會佢~~ go~裝修簡潔，天花有啲波波形燈飾最吸睛。店內位置只有大約十幾個位，想食都要等吓位，好彩好快就一轉，等左十幾分鐘就有得食。一人一張order紙，想食咩自己tick，麵嘅硬度、要唔要蔥，悉隨尊便，但湯嘅濃度就冇得揀喇，有得揀埋會更好。我揀左黑松露拉麵追加一隻溏心蛋。溏心蛋除左做到溏心效果，味道仲恰到好處，因為預先調左味。一大pat黑松露醬，想濃啲淡啲可以自己調較，我就一於放晒去個湯度，啖啖湯都係黑松露味，正。朋友係食肉獸，叫左黑豚拉麵仲要追加一碟黑豚叉燒，好大份呀！佢話好掂喎。兩碗拉麵個湯底都係濃而不油，食完都唔會覺得口渴，飲得出係真材實料。麵係幼身麵，夠煙韌彈牙，掛湯能力又特別高，每條都掛到湯汁，特別好味。另外叫左兩碟小食share。大將餃子味道普通，勝在餃子皮夠薄。最出色係男爵薯餅，咬落去又熱又鬆化。一件係牛肉薯仔，另一件係粟子紫薯，呢件超正。香甜紫薯味仲夾住大大粒栗子肉，配搭好match呀~~

又來吃金田家，因為上次實在太好吃。星期六晩上八點來，剛好有位，坐在吧台看著外面雨景。我們分别點了柚子和白桃梅乃宿果酒 ($36)，白桃較甜，而柚子的酒味更濃郁。小食大將餃子 ($30) 也一樣好吃。一客四件，皮薄餡靚。餃子皮煎得香脆可口，餡料也有很多，而且肉質嫩滑鮮甜。沾子餃子醬汁酸酸的令人開胃。愛辛辣的我當然要試試激辛拉麵 ($93)，上面球狀的是炒辣豬肉碎，非常惹味，但不吃辣的就建議不要試了。麵底一如以往，必定點超硬，煙韌有嚼感，令人吃得滋味。還加了一隻溏心蛋 ($14) 才完美，這裡的溏心蛋繼續保持水準，顔色光澤，蛋白凝固，而蛋黃則能做到半液狀半膏狀，非常誘人。寶寶的黑豚拉麵 ($98) 的湯底令我十分欣賞，有十分濃郁的豬骨味，最後他把湯也清光了。還有六片薄切大叉燒，雖然不是肥叉燒，但又能做到軟腍入味。餐廳也毫不吝嗇，放上大量爽口的黑木耳，好味道。男士們覺得肉不夠，還可追加三片黑豚叉燒 ($33) 呢～

今日既晚餐，簡單係街上行下，同屋企人想食拉面，就入左黎，仲要入左黎先知係九州第一既拉麵店😂🙈(未去過九州既我係咩都唔知😭)晚飯時間，店唔算大，我地都要等一陣先入到去。入面既裝修好新淨，亦係好日式既感，係對住廚房，望住師傅做野，而且望到廚房都好乾淨，食野感覺都舒服d牛肉&紫薯薯餅 : 個人比較喜歡紫薯，加上有栗子粒係裹面，內軟外脆，味道好夾，而牛肉個個就不過不失白桃果酒 : 桃味非常濃厚，比起其他果酒，佢比較飲得出裏面既果味，入口亦順滑，唔覺唔覺會飲多左黑豚拉面既黑豚肉真係好似佢張圖咁圍滿哂成個碗邊！湯底濃郁雞肉既外皮輕輕火燒，配上佢既煮法，的確幾好味，唯獨感覺呢個比黑豚既外表感覺冇咁豪華，但又好味

聽左甘耐朋友講去金田家食拉麵去金田家食拉麵，今次我終於都黎食啦。呢到地方唔算大，位置唔係太多，可以一目了然睇到店內或廚房既一舉一動。我太愛天花上面掛住既大波波燈，為店內添加一份美感啤酒當日都幾熱下，所以同朋友點都啤一啤爽下先。本身啤酒係凍既，但佢拎比去地既杯都係凍架飲每一啖都十分冰涼，好過癮柚子辛口拉麵我見個名好特別，我又未食過，於是就點左黎食下。一拎到埋黎就聞到好大陣柚子味，湯底有柚子味之餘仲有少少既辣味，估唔到又幾夾喎不論係麵、蛋定肉，都好入味，唔會覺得湯底同其他料既味係分開左，每食一啖都會有辣辣地既柚子味係個口到徘徊因為我地唔知原來碗野已經有幾片肉，所以另外都加左肉薯餅大大塊薯餅，炸到好可口。入面d餡都幾足熱辣辣，食戈陣要小心d

呢排真係愛上食拉麵上次食左個mama地拉麵之後 心思思想食好食ge經朋友介紹得知九州第一拉麵黎左香港開當然我要去會一會佢金田家 好近地鐵站店內有十幾個位 7點黎到 已經坐左9成人我好喜歡呢d燈光 真係令人好舒服開放式ge廚房 抽風系統做得好好 冇油煙味個張枱都有水 自己加 呢個幾好同埋有櫃筒仔俾你放袋真係好唔錯叫左黑松露拉麵追加芽菜 黑豚肉黑豚拉麵追加木耳 溏心蛋餃子綠茶 可以必思🙂黑豚肉拉麵係有5塊肉咁多 我叫左超硬面 面質非常好食 彈牙豬骨湯底非常濃郁 果然名不虛傳黑豚肉油脂分佈好平均 溏心蛋 真係好正 好入味 甜甜地 一咬落去 流心ge蛋汁充滿左我成個口 好幸福ge感覺朋友叫ge黑松露拉麵🙂一上枱已經聞到陣陣ge黑松露香味估唔到黑松露同豬骨湯底係可以咁夾黑松露更加突出左豬骨湯ge香味 好好食追加ge分量都幾多餃子🙂皮薄多汁 根本同日本係一樣味道可以必思第一次飲 幾特別食完出面已經好多人排隊 好彩早左黎絕值得再食

今日，去接個Friend放工, 經過黃埔既金田家，裝修以簡潔日式的木屋為主。有日本的拉麵店感覺~就和朋友來試一試。店舖雖然比較細，有幾張卡位，其他都係吧枱。不過設備俱全，唔會有太迫的感覺~原來呢到係來自九州的拉麵,即刻睇下MENU 有咩選擇先~ 柚子辛口拉麵配豬肩加埋追加的溏心蛋豬肩肉質鬆軟 , 加上豬骨湯配上清新柚子，飲起有D甜, 清新而不膩, 豬骨既濃和辛辣既香集於一身, 幾特別的做法~~ 溏心蛋醃得相當入味，又滑溜再加左個唐揚鷄塊, 鷄塊好嫩口，沒有太厚炸皮，配沙律醬, 味道不錯。黑松露拉麵追加了黑豚叉燒黑豚叉燒又是豬肩肉香味, 直身麵，芽菜比較多。黑松露加上豬骨湯, 味道一流柚子 &白桃 果酒整體而言，店舖的環境、食物的質素也不錯, 與朋友一齊來撐枱腳真是一個不二之選。

經過親呢度 通常都滿座既 正所謂開左一段時間都咁多人食就證明有實力今日早左收工 見到有空位 就同女朋友入去食啦同其他日本拉麵店一樣，一張紙俾你tick，簡單方便當然佢都有圖片嘅Menu~大家可以參考下唔同嘅價錢同嘢食款式我呢就叫咗豚骨mix拉麵$78佢嘅豬骨湯+雞湯唔係好濃味嗰種反而仲有少少清甜 拉麵夠彈牙 份量適中 豚肉都薄切得來脂肪分布幾好 簡簡單單又好味嘅傳統拉麵 另外加左拉麵必食嘅糖心蛋$14 夠滑夠流心 正吖另外有追加到個肥妹想食嘅粟米$7同黑豚叉燒$33 黑豚叉燒比我既感覺就係味道濃d同硬身少少~另外 女朋友叫既係成碗叉燒既黑豚拉麵$98 佢話湯底夠濃郁 木耳爽口 面質夠硬(因為佢中意食比較硬身 點左硬 )成碗黑豚令到佢好滿足！糖心蛋係必叫另外小食叫咗薯餅$38 分別有兩種口味就係紫薯同牛肉薯餅 個皮金黃又脆 裹面依然好creamy 比較中意牛肉薯餅野飲就叫了兩支綠茶~