金潮小廚

营业中

休息中

到朋友家探訪後來到晚飯，朋友極力推介這裡，所以亦於早一日前訂了位。到了店外，已經看到裡面人山人海。雖然有訂位，但都要在店外等約15分鐘先可以入座。 當晚的菜式都是朋友發板，雖然都是家常菜式，但味道真的做得不錯。黃金蝦︰每枱都叫的菜式！蝦肉大大隻很爽口，外層的鹹蛋黃很有蛋香，炒得乾身，入口不會漿著咀。胡椒蜆湯︰當晚最喜歡的菜式，胡椒湯底辣辣的很醒胃，材料亦充足，有很多蜆，我們共有五人，每人也分得兩碗。豬頸肉通菜煲︰同樣是很足料，通菜爽甜無渣，麵豉醬濃郁惹味。蒜蓉粉絲蒸扇貝︰簡單的一個菜式，蒸扇貝的時間剛好，最喜歡上面舖了很多粉絲跟蒜蓉，用來伴白飯吃真的很美味。狀元滑豆腐︰我很喜歡食豆腐，這個豆腐超滑的，也有豆香，一邊上豆豉斑片，另一邊是粉絲蝦球，只賣$68真的很抵吃！唯一是這裡的座位都坐得很密，環境也嘈吵，不過食物的質素和味道補償了一切，難怪到我們走的時候仍然爆場！

友人介紹下第一次試呢間,下晝打去book位拎左個號碼,book左七點半,七點二時去到問搭唔搭檯,唔搭要等15-20分鐘,唔緊要,反正未齊人,照等囉...但齊人後..無位...繼續等...但期間見有人埋單走人,會有d人一個箭步標埋張檯...期間呢間舖頭係無出聲無理無主持秩序,如是者過左兩三張...都見到後過我地號碼既有人都標左入去,所以突然見到有張吉檯下我地都即刻入去搵收銀,終於搶到張檯返黎,唔係既話可能仍然on居居嚮門口等呢...三小口子嗌左三餸一個湯...味道整體ok,有大排檔感覺,可能就係呢個賣點令到咁多人幫襯...只但係,除左食物質素,我係prefer環境同服務,大排檔要搵好質素既並唔難,加上呢間價錢反而比大排檔貴,book檯制度又奇奇怪怪,(其實唔接受book檯只限walk-in可能會更好)所以..唔係街坊既話其實真係唔需要特別黎到呢度食勒...

由於店外經常好多人等位, 所以試一試"訂位". 當日下午打去店確認時, 店方冇問過訂幾點, 就比左個"號碼", 到我地攞枱時, 齊人, 講得出"號碼", 有吉枱就立即安排入座了, 所以真係冇等過枱今次已是第二次黎食了. 水準一樣咁高, 份量依然大碗. 讚!冰梅骨 : 味道一流, 暫時未喺其他店食得番呢個味. 好食.鮑汁燒E面 : 即係干燒E面. 味道一流, 但這次碟底的"油光"略嫌太多了荷葉飯 : 份量真的不少, 配料夠多, 飯又多. 香茅豬扒 : 甜甜地, 加埋炸到脆卜卜的香茅片, 好夾! 正!啫啫雞煲 : 又係好足料, 上到枱仲"炸炸聲", 每件雞件都好滑溜, 雞胸肉都係. 但豬膶太多了, 一個煲就有4大片. 但整體來說味道一流. 鮮腐竹浸時蔬 : 清清地, 冇咩特別好講店內太滿座了, 所以地方有點迫, 而且店員照顧唔到全場客人, 我地加單/加水, 都要自已走出去要求.最後, 由於每碟份量都不少, 所以真心請大家叫餸時, 先衡量一下食量. 以免造成浪費(第一次光臨時的經歷)

星期五黃昏曬完太陽，朋友們問食飯有冇提議呀，就諗起之前見到大排出龍而冇入到去既金潮小廚，心諗咁早，應該唔洗等位掛。就提議試下呢間拿。估唔到真係好食得咁緊要 。曬左咁耐，大家都好鬼肚餓，黎到果然唔洗等，就即刻入去睇餐牌。第一道黎既胡椒蜆湯，好飲到爆，帶有胡椒味既白色清湯，真係唔知點樣煮出黎嫁。我一路飲一路諗，顏色樣貌咁似日式豬骨湯，配上拉麵唔知會點樣呢！第二道係軟殼蟹配米通，個汁個味勁似合味道咖哩海鮮杯麵，幾好「飲」的。軟殼蟹配咖哩，好食就好食啦，但朋友同我都話，如果炸粉少D就更好了。之後呢道菜係用山楂汁去炸豬肉粒，粒粒脆口，酸酸甜甜，開胃又得，做餸又得，唔錯唔錯。主角真係最後先出場，最獲好評既呢個黃金(軟殼?)蝦，蝦肉入口即溶，蝦殼照咬無誤，少炸粉，蛋味濃。我食過既其他坊間小菜館的黃金蝦認真望塵莫及。總之好味好味。碟旁有蛋黃一個，唔通呢個就係個秘訣??其實仲有一道時菜炒牛肉，太普通無影到，但呢道菜反而令我印象深刻。菜嫩肉滑，配上淡味既蠔油，強勁既鑊氣，雖不至於最頂級，但恐怕香港大部分廚師都跟他比下去了。所以，不妨一試。

上年中秋節同fds gathering 團圓, 去左金潮小廚食晚飯, the 1st time 去呢間restaurant 食晚飯; 之前S.6-7 lunch 有時都會黎呢度, 最記得有1次叫左滑蛋粟米滑班片飯, 滑班片係無用炸粉ge 魚, 食落去好滑, 入口即溶, 配埋個粟米汁, 熱辣辣, 好正!個晚叫左以下菜式, 每個菜式拎出黎都出晒煙, 食落係夠晒熱, 證明係好有鍋氣ge:呢個荷葉飯, 侍應拎出黎擺係枱面已嗅到好香的荷葉飯味;一揭開塊葉, 就更香, 賣相又佳, d 飯又靚, 一見到就已經想食! 食落口, d 飯已經滲入左d 肉汁, 個飯有雞肉, 鹹蛋, 其他肉都有, 好香好入味, 熱辣辣食就最正!賣相ok, 我個fd 叫ge, 我就無咩掂過呢個餸, 我d fds 話味道ok ge個粟米汁比較稀, 但個汁就有好多蛋花, 證明落左唔少蛋, 食落個味亦夠 ~個斑塊炸得好香脆, 但d 炸粉就略嫌用得多左d, 魚都足夠,整體而言, 入味同好食ge用左好多豆豉蒸, 用筷子篤落d 魚度, 係篤到落去, 證明條魚蒸得剛剛好, 蒸得過火左, d 魚就會硬d 魚好冧, 豉汁個味已入左d 魚度, 撈

平常都帶飯返工食，難得和同事外出食飯，都愛食些有鑊氣的小菜，來到金潮，相信沒有人反對這裏的菜式味道不好了。上湯時菜，夠清淡，入口又香上湯的味道，正。沙拉骨，沙律醬香濃入味，超好食。咕嚕排骨，也不差，炸到外脆的排骨，肉不會乾身。招牌黃金蝦，很香濃的咸黃旦味道，蝦又炸得香脆，每次來都要食這菜，值得推介。時菜豆腐，也是清淡的一道菜，豆腐入口又滑，很好。這個菜太多內臟，所以我沒有食呢!豉汁排骨炒河，這個味道一般，有點失色。這個炒飯是加錢要的，所以都不記得名堂了，味道一般。乾燒伊麵，這裏做得不太油膩，但味道也是一般。最後的炒烏冬，前幾個炒飯麵都一般，這個也不何外，如果下次再來，寧願食白飯了。

從來未去過咁x7差嘅餐廳。擒晚去到，訂咗枱都等位等咗15分鐘，都唔緊要。坐低8點正，見到有個牌寫食飯限時1•5鐘，食飯要限時限刻，有啲興！不過，諗住同屋企人食飯，開心就算。但係，8點45分左右，食到差唔多，就有3個阿姐輪流過嚟問使唔使執枱，話咗唔使，又再嚟，最後仲離譜，直接叫我哋埋單！真係火都嚟埋，我話未夠個半鐘，仲乜催我走，佢就話埋咗單先啫，然後直接收埋我啲碗筷。呢間嘢，以後就算有龍肉免費請我去食，我都唔x7去。簡直不x7知所謂！！

今日同阿媽和阿妹重臨細過長大的地方............葵芳邨! 可能係情義結啦, 不時自己都會去行下, 又或依度有好多平嘢買和食的葵涌廣場 , 所以成日會同朋友去逛街! 但今日我哋3母女就係嚟辦年貨, 行到8點鐘阿媽話又凍又肚餓, 所以就帶佢去OPENRICE都多人讚的"金潮小館".估唔到成8點幾, 一個咁冷清的商場仲咁多人等位, 等咗半小時到我哋了. 入去梗係叫精選啦............因得3個人食得唔多, 仲要問阿媽想食咩? 搞咗15分鐘, 終於落咗單, 叫咗個荷葉飯,炸豬手和香葸斑塊!總括:味道OK,但無驚喜, 仲有些失望, 因無網民讚到咁好@@ 價錢尚可合理服務OK環境座位好逼, 背到背, 好多位在路口, 成日有好熱的煲在你頭過或背後第來第去, 好危險@@

有一次家妹說要去葵芳吃飯，並且去一間很好吃的食店，還說要早點去排隊，於是便在下午六時多便到達店舖門口，一排就是大半個小時。經過這次經驗，不計今次，一共去了一次午飯和一次晚飯。在上兩次吃過甚麼，在下已經忘記了也沒有記錄，只是記得是要排隊，而今次卻又希望再次吃一個午餐，看看是否要排隊，幸運地在一時前到達，無需大排長龍，可是入座後，已經坐滿了七成，兩分鐘後卻全院滿座。今次點來粟米汁滑班腩飯，是午市套餐之一。粟米汁是較普通的茶記芡汁，不稠結也不稀，而班腩確實很滑有魚的鮮味而且沒有骨，但是味道卻有點茶像茶記。在下另加十二個大洋換來一碟腐乳炒通菜，這通菜炒得有微微鑊氣，通菜炒得不老且沒有渣，而腐乳味道不太鹹且適中，通菜蘸上腐乳也覺惹味。一杯熱咖啡上桌，沒有太大的咖啡香味，味道也較弱，較正常的薄弱，喝下時咖啡味不濃厚，味道較淡，這裡的咖啡較弱。整體味道還算不錯，唯咖啡較弱，而晚飯較午飯好一點，而服務都很滿意呢。

以往在這店食晚餐也覺得廚師煮得不錯, 今次行經才發現午餐才$32還包飲品, 以廚師的手藝才32元實在太抵價了椒鹽豬扒飯 $32 ... 預先向老細要求要加多一點辣椒碎, 可是老細說明椒鹽是預早放了入豬扒做調味, 結果送上來是有一些愕然...... 豬扒被切成條, 還要是五條, 味道是除了椒鹽調味之外, 卻一點肉味也沒有, 肉質當然浮, 食落還感覺到有泡泡鬆肉粉口感 。泰式咖喱雞扒飯就好似老細所講夠香也夠滑, 看咖喱汁還有落蛋花, 應該是用來收杰咖喱汁之用, 雞扒就薄薄兩片兼且煎得乾爭爭

常言道世事難料，原本此夜無約，豈料同時收到妹跟友人的邀約，商討片刻，便促成此局..其實家住葵涌區，沒道理不介紹早已成此區名店的金潮，此店之前已經來過兩次，各人亦自有心水菜式，不用怎麼剎思量下便點了四菜一飯..跟兩位女中豪傑同行又怎麼少得了酒？先來杯冰凍啤酒再說，原來這支男人的浪漫不一定要配豆腐火腩飯，巾幗女子的酒量也真的不讓鬚眉男兒啊..這裡上菜速度之快令人咋舌，但可否不要第一道就是荷葉飯..?哭笑不得的也只能聞其香而不可啖其味，確實荷葉是挺香的，堆頭大而料亦足，鮑魚菇粒，瑤柱絲，旦絲，燒鴨粒（好似係..）五人分吃亦足夠有餘..跟據餐牌上顯示，帶子應該是切片，工整地放在茄子上，可是上菜之時方發現其賣相變得如此不羈，茄子先泡水後瀝乾，落油鍋炸軟後撈出瀝油，才再下鍋略炒，在家做的話要做得好也挺煩人的，這裡的醬汁很入味，好吃，帶子的存在只是錦上添花..我的All Time Favorite，從第一次嚐過之後便成了每到必點的一道，半肥瘦的豬肉帶骨以半煎炸成式烹製，肉質軟腍鬆化不帶羶，加了罐頭桃肉的冰梅醬起了平衡油膩的作用，酸甜的食味確人見人愛..黃金蝦一般的做法都是連殼炸，這裡如是，如果炸得透

我們想來這家小炒店很久，可是平日不能早去等位，所以就找了個周日，早早就去吃，免得晚一點要等很久。我們六點正在門口出現，裡面幾乎坐滿客人，有不少人在等位，裡面有些客人差不多已經吃完，真厲害。這裡要齊人才可以入座，但好像我們有五個人，來了四個他們都通融一下，不過要搭檯。黑椒牛仔骨。牛仔骨用煲仔上，所以上檯的時候非常香，裡面有大量洋蔥，煮腍了的洋蔥醮著香濃微辣的黑椒汁，最適合送飯。牛仔骨用梳打粉的份量偏重，肉質太腍，毫無口感。黃金蝦。是這裡的招牌菜，蛋黃醬汁有點濕，不夠乾身，還好都算均勻的包著蝦殼，味道不錯的，可是蝦殼略略嫌炸得不夠透，所以直接吞下有點難度。啫啫芥蘭豬頸肉煲。我點菜的時候明明說是啫啫芥蘭煲，不知為何多了些豬頸肉條。豬頸肉條鋪在芥蘭上面，看起來好像沒怎樣煎過，其實略為煎一下應該會更香口吧。冰梅骨。食友本來是想點豬手的，不過其實我看鄰桌又覺得那個豬手有點乾，看起來不怎麼吸引，還好最後點了這個冰梅骨。冰梅骨的size如咕嚕肉，一口一件，味道酸酸甜甜的，很開胃呢。黃酒煮雞。酒味都幾濃，裡面有些白色米粒的東西，應該是加了平常煮酒釀丸子的酒釀呢，不過這個湯要趁熱喝，變暖之後就覺得有酒的苦

童年生活的地方出咗間咁好食GE 小炒餐廳, 太好啦 !! 我地兩個人叫咗三個送!炒芥蘭: 超有鍋氣, 好似大排檔D風味!! 正~~ 芥蘭係又甜又爽口!! 潮式胡椒浸蜆: 未食過, 但湯低好鮮甜!! D 蜆都好新鮮, 胡椒仲好趕寒呢 ~~話梅骨: 酸酸甜甜, 超開胃!!佢SEVICE 都OK !! 上菜都快的!! 又有好多菜式揀 ~~

接近9點，仍然人山人海。好彩門口放左好多凳，邊坐邊傾計等，約20分鐘就有位。花甲極度新鮮，份量很多。胡椒湯小小辣，很惹味。自行加白飯變湯飯，正!味道一般。因為沙律醬令炸漿變冷，有些可惜。不過蝦球很彈牙! 不便宜，有5隻左右。個人覺得黃金蝦球比較出色。味道正常。份量很足。但瑤柱中混合了不少金菇，哈哈。

已經有訂位，黎過N次，但無一次係唔使等，好彩出面有位俾你坐！迫係迫D架啦，但好食就張就一下，只係唔係咁鍾意佢地成日將好多人迫係一張細檯o者。希望佢地可以擴充一下。