金潮小廚

营业中

休息中

尋晚九點半先去到金潮，朋友帶路先知已經搬咗新舖，原來兩三年無嚟過。環境比舊舖寬敞，舊舖太窄同人手不足，新舖舒服啲。去到唔駛等位，可能係平日關係，五個人叫咗四餸一小食：魚皮 – 爽口彈牙，但本人有小小驚，始終係生生地，仲要係淡水魚….黃金蝦 -- 用咗中蝦去做 (舊時用細蝦，勁吸油) 好乾身，唔咸，殼都可以食埋。啫啫雞煲 – 一般水準，但裡面既豬潤超好食。豬潤浸豆苗 – 豬潤超爽，啱啱好熟，唔會見血或紅色；豆苗又夠嫩，推介。冰梅骨 – 酸甜味道啱啱好，送飯首選(金潮啲白飯一碗可以當兩碗，抵食)總結：等咩呀，快啲去試下啦!

跟好友們約食飯,我落ORDER要黎金潮,住就住係附近,不過就一次都無黎食過!在中午打電話BOOK枱,不過都唔係去到就有得食,去到都要等大概30MINS,所以最好就早過BOOK枱時間15MINS去等啦!我地叫左荷葉飯,好大包,5人食, 每人分到2-3碗,個荷葉飯要撈得好均巡如果唔係D料就好咸!不過OVERALL都好好味仲叫左黃金蝦,其實我覺得普普通通,係幾香口咁囉!其實E個要唔要剝殼食第三樣係胡椒蜆湯,其實佢係個蜆湯好飲,蜆肉唔好食! 好大碗, 每人又係分到2-3碗!蜆湯好辣好正! 係勁凍GE天氣飲就好正!不過果日好暖, 飲到好熱最後係三杯雞E個就好食, 不過唔抵食!味道濃味, 送飯最好!不過全碟有一半都係D蒜, 蔥等香料!雞唔係有好多!唔太抵食!!OVERALL, 間野係值得再去!當然佢好忙, 你唔好EXPECT佢有好好的服務,好多時等位果D都好自動波囉!唔好對服務方面有好高EXPECTATION 就OK!!!

記得上次星期日5點9到已有好多人喺門口等緊，今次6點鬆啲到，會唔會好多人呢？可能係禮拜六嘅關係，嚟到啱啱仲有位，好彩，真係遲一步都冇位呀！記得以前金潮只係一間街頭小舖，但已有好大條人龍喺門口。咁多人幫襯，當然要細舖搬大舖啦！呢度雖然舖大咗，但係枱好密，坐得都幾迫夾。坐咗一陣，出面已又有一大堆人得緊。睇睇其他人食嘜，再study吓個menu，終於決定到食嘜啦。先點咗好多人都order嘅荷葉飯。上菜時個侍頭好風趣咁講 – 撈起撈起，撈到風生水起！哈，真係好意頭喇！個荷葉飯份量都唔少，撈一撈，嘩！果然真材實料。有肉粒、瑤柱絲、蛋絲等等，而且仲有鮮味醬汁，真係好好食。飯亦軟硬適中，香口得嚟又沾有荷葉嘅香味，真係可算係我食過最好味嘅荷葉飯呀！之後就係啫啫芥蘭豬頸肉煲。嘩！真係又要嘩！上枱時熱辣辣，咁先似煲仔菜架麻。呢道小菜一樣係水準之作。芥蘭夠淋、豬頸肉又好味，總之就係惹味，正！每人$80就食到又飽又lam lam脷，唔怪得咁多一家大細嚟幫襯啦！

係葵芳行完街, 記起呢度有間小炒幾好食, 於是就行過黎兩個人叫左三樣野 蒜蓉豆苗 - 落左好多油囉, 成碟菜油淋淋, 碟底仲超多油 胡椒蜆湯 - 呢排咁凍飲番碗暖身正呀, 蜆好鮮味, 胡椒味好重, 辣辣地幾正 黃金蝦 - 隻蝦有著淡淡既蛋黃味, 唔會太鹹, 送飯一流我地 walk in 8:45pm 黎到, 唔使等即刻有位, 仲可以拉多張凳擺下袋,又唔使限食個半鐘, 可以舒舒服服咁食 服務一般小館質素啦, 有個光頭疑似老闆既男人招呼好 d,會同你介紹下今日有咩好食

琴日係葵芳行街, 跟住搵叔仔兩公婆食飯, 開頭都唔知食咩好, 之前睇過 openrice 葵芳有間金潮有好多食評, 一行四人都去試啦.去到真係好多人, 不過等了 20 分到有位, OK 點了出名黃金蝦, 豬潤浸豆苗, 一個唔記咩名雞煲同胡椒蜆湯.胡椒蜆湯太多胡椒, 飲唔出有蜆味道同太辣豬潤浸豆苗OK, 豬潤剛剛好一個唔記咩名雞煲得幾舊雞, 配料多得滯黃金蝦不錯, 不過差不多食完才上, 整體上不過不失,

吃完下午茶還想吃鹹的東西, 還想要吃晚餐, 來到葵芳, 便跟朋友來這邊晚餐晚上六點多來, 還好不用等位子薑蔥魚皮魚皮份量不少, 吃起來很爽脆. 醬油帶甜不會死鹹蔥薑的份量也給了很多, 很好. 配著魚皮一起吃味道又鮮又有蔥薑味道鮑汁雞腳雞腳滷得很入味, 但吃起來不太有鮑汁的味道, 但味道還是很好滷汁鹹甜度調配得宜, 雞腳皮軟軟的帶點韌度, 下酒不錯吃番茄肉碎浸芥蘭朋友說在別的地方吃過這道菜. 芥蘭煮得軟身但沒有過軟, 菜吃起來也有菜甜番茄肉碎味道也混進裡湯頭裡面, 湯頭甜甜的很好喝. 肉碎吃起來也不會很硬整道菜幾乎都是我一個人在吃胡椒蜆煲這蜆煲有點讓我失望, 因為蜆肉很瘦削...味道也不夠鮮, 不是太好吃, 幸好沒沙湯頭的胡椒味超嗆! 也喝得出有點蜆味, 愛辣愛胡椒味的我覺得這湯頭不錯黃金蝦以鹹蛋黃炒的蝦子. 蝦子先炸過, 蝦殼都炸得夠酥, 蝦子也算彈牙有蝦鮮味道鹹蛋黃滿滿的包著蝦子很惹味, 不會過鹹, 整道不用吃飯, 下酒也很配在葵青區金潮是很受歡迎的一家熱炒店, 畢竟這邊同類型的餐廳非常少如果到這邊要吃熱炒這類的, 可以一試金潮

嗰日同兩個姨甥女行葵涌廣場，諗住行完喺嗰頭食埋飯...所以打俾女友問佢呢頭有咩好食...佢即刻就好熱心咁話:「我又過嚟一齊食、我訂位」。聽落即刻覺得好好奇...咩咁緊要呀...要候禽成咁嘅???就係咁..等佢到達葵芳之後跟帶我哋行咗5分鐘左右...嚟到...發覺已經超多人等位....我女友即刻懶叻咁話:「我已經訂咗位啦」!!!入到去全程由佢發板...點咗5款!!! 有荷葉飯、蜆湯、黃金蝦、芥蘭煲同埋梅子骨。荷葉飯係一絕...冇食過咁掂嘅荷葉飯...足料、望落去夠濕潤但係唔會爛到粥咁...食完唔會有一般荷葉飯嘅「溜」。蜆湯鮮、甜...仲有胡椒粉嘅關係...飲落去後有道暖氣行運全身!!! 芥蘭應該係用蝦醬同豬脛肉炒完再啫干!!!夠香口得嚟仲留有青菜應有嘅清爽口感!!!真係冇得彈...冇任何挑剔嘅地方...無論服務到食物質素都係咁好!!! 價錢又合理!!!最恐怖嘅係...我哋4個人食完5款野....其實已經飽咗...但係佢好食嘅程度...令到我哋異口同聲咁話要點多兩味餸試下。就加咗個魚皮同雞煲...魚皮雖然簡單...但係做到咁爽口嘅香港、九龍、新界甚至廣東一帶今時今日都好少食到。 雞煲就夠野

這間金潮小廚我聞其已久，雖然家住附近，但一直沒有刻意來試，一則怕其名過其實、二則怕要等位。但今天心血來潮，真的想試一試，與老公六點半來到，好彩唔駛等位，即時入坐（但已是最後一張2人枱了，其餘的都好像被訂了！）菜牌上的菜式圖文並茂，很多都很吸引，最後我們點了清湯蘿蔔牛腩和豬肝浸時菜。這兩個應該都不是這裡最有名的菜式，但也沒有令我們失望：1. 豬肝浸時菜：我們選了生菜，雖然是上湯浸著，但生菜仍保持到爽脆，上湯味道恰到好處，不是太鹹，豬肝也煮得剛剛好，不會太老，也沒有太大的那種內臟臭味！值得一讚的是加上了杞子，令整個菜在視覺上和味覺上都豐富了，用心之作！2. 清湯蘿蔔牛腩：牛腩很入味，炆得夠腍，肥瘦適中（我不肯定這是否叫坑腩），食左好多舊都唔覺得漏，湯底清得黎很夠味，唔覺得係味精水，起碼食完之後無成晚口渴！加埋兩飯一粥，盛惠173元！雖然價錢跟酒樓差不多，但味道確實比很多大酒樓都有過之而無不及！我們必定會再幫襯的！

早一星期前已經BOOK左位, 當日雖然我準時6點30分到達, 不過唔齊人原來真係”不容許”入座…唯有繼續等~還好的是詢問期間發現櫃檯旁邊有隻肥CAT, 灰色虎紋好得意~~因為本身係貓痴…所以狂摸佢, 玩玩下好快就有枱起菜不出5分鐘, 先來兩碟小食鮑汁雞腳 - 雞腳大隻夠入味, 正~食完我老豆想再encore, 不過其實已經叫左好多野, 拒絕左!!!!!薑葱魚皮 – 魚皮爽脆彈牙, 有水準~點起汁再加上芫茜及蔥一齊食, perfect match小食都未食完, 其他6尾送陸續上菜!!!!過程不需20分鐘….效率何其快!!!!!!!!!荷葉飯 –雖然size確係十分巨型,但本身飯的軟硬剛剛好, 入面的涵和汁份量適中!!!不愛吃飯的我都食左碗半~GD啫啫芥蘭煲 – 好惹味, 加了辣椒蒜蔥等等調味, 另外有豬頸肉作陪襯令整個芥蘭煲更完滿!!!!值得一讚是豬頸肉並唔係肥膩貨色~ 咕嚕肉 – 精髓當然係個汁, 做得不錯~酸甜適中~如果排骨再脆一點會更好!!!!黃金蝦 – 原本以為要有一定份量既蝦先可以做出好的黃金蝦, 試過細SIZE的做法又覺得不錯~無咁飽滯又可以連殼食南乳豬手 –絕對需要改善

在葵芳約咗人有成個多鍾時間, 五點幾行到有小小餓, 見有間小館入去坐吓, 叫咗個粟米渭班片, 這裡的粟米班片, "班片"不是炸過的, 除了粟米"班片"外, 這裡還加了蛋白, 感覺不錯. 但那"班片"根本不是斑肉而是鯰魚(龍利)肉. 老實講, 香港很多食店, 菜牌寫"班片", 但都不是.

尋日(25-10-2011 Tue)男友連放兩日假後悶,要出街食晚飯,佢睇完戲後o係新都會廣場行,睇吓有咩o野o岩食,點知佢話冇o野o岩,記起恆景花園地下都有個商場,就入o黎睇吓,有間日本o野同呢間,佢問女友人R邊間好食,R話呢間好啲,男友就決定試呢間.我去到,男友已經坐o左o係裡面,開定茶同叫o左一碟$45.00o既前菜鲩魚皮,有大量芫茜同蔥伴住,重有啲脆炸花生.食吓先,凍凍的而且又爽,男友叫我夾埋芫茜蔥同蘸辣豉油食.我先試蘸辣豉油食,都幾辣,但唔再蘸又唔惹味,就算只夾埋芫茜蔥亦唔及得上蘸辣豉油食,簡直係魔鬼.味道: 4.5分而我o地揀o左三樣o野食:1. $60.00o既西檸雞呢o度賣相同其他o既有啲唔同,佢o既脆漿係被炸到脹卜卜,唔係其他o既炸粉漿實啲雞件,食落,唔係幾覺得食炸粉,但雞件其實都幾細件,而我食第一件時,雞肉重係粉紅色o既,我有啲驚驚地..而杰杰地o既西檸汁酸甜度較得o岩o岩好.味道: 4分2. $65.00o既胡椒大蜆湯先飲第一啖,覺得唔係太辣,但飲飲吓就覺得幾辣,蜆都幾新鮮,而殼同肉o既比較都係1比1,唔會多亦唔會少.不過份量唔係多,而湯真係幾辣,男友話要叫支啤酒

這間店舖, 不已經不是第一次到來, 上次星期五來要等1個小時, 今次醒目一點, 星期日真係5:45 p.m.先至等10分鐘, 真的場場爆滿 。今次叫了爽滑魚皮, 樣子很美觀, 食落去爽口彈牙, 唔錯 ! 黃金蝦, 招牌菜, 不可不叫, 滾油新鮮, 蛋黃味十足, 蝦殼薄到可以食埋, 入口還有蝦味, 非常新鮮, 絶不含雪味, 炸得很乾, 紅燒豆腐,賣晒, 無得試; 魚香茄子煲, 送飯一流, 油不多, 茄子夠腍,肉碎夠多, 好好味 ! 蒜茸蒸扇貝, 大大隻, 粉絲舖底, d汁好鮮甜, 好惹味 ! 略嫌有一只不夠熟 。 還有, 炸南瓜, 油不是太新鮮了, 重油味加埋似有用豬油, 好滯 ! 叫了一個西蘭花炒雙魷, 乾魷好堅韌, 小朋友吃不下, 大人也是勉強 !加埋啤酒及白飯, 一餐飯都不過不失 。唯獨是最差的, 入場時限時間, 但未夠鐘前的25分鐘, 已經催埋單, 有點無癮 ! 待客之道就有待改善!!!

今日跟朋友到葵芳聚聚,三人一致通過試食金潮,其實想試好耐,但無奈時間唔夾,加上食晚飯要很早去等位,所以一直無緣試食,直至今天!很期待的心情,入到去店都算大,不過就比較多枱,所以感覺有d迫,但下午唔算太多人,還可以,店員服務都不錯,我地3人叫咗鮑汁雞腳,脆皮冰梅骨,黃金蝦,粟米汁滑斑塊飯及菠蘿海鮮炒飯套餐脆皮冰梅骨>>賣相唔錯,味道一流,若跟白飯,簡直絕配肉亦係半肥廋,所以不會太硬菠蘿海鮮炒飯>>味道幾好,飯夾著菠蘿食,好醒胃黃金蝦>>未至於好好食,因為蝦殼不可連食,亦不是每隻蝦都有咸蛋黃味粟米汁滑斑塊飯>>魚很滑,味道不錯,鮑汁雞腳>>雞腳大隻,夠味,整體不錯

最近街坊廚神第一集介紹金潮小廚，金剛及小儀就是推介這間人氣爆燈小店。其實，這裡都有很多飲食媒體介紹過，從舊店至新店，開飯時間，人龍...總是停不了，舊店座位迫挾，新店之座位也是非常靠攏，地方大了，輪位也許是容易了，環境總比舊店好，店內收銀位置背後，貼上很多光顧過的明星照片，見到的有陳奕迅、李嘉欣、周慧敏、黃宗澤及伍詠薇等等，多到數不完的星星，超強的耀眼星光，然而，來了這麼多次也從未遇上過...。來葵芳用膳，太座總喜歡來這裡，每次於用膳時間到來，門前，總是人山人海的在等候，Johnny最怕漫長的等待，現在每次來這裡，總是吃頭輪，通常黃昏約5時45分前到達，每次都能夠成功取位，但要人齊才會有位給你，這裡飲食會有時間限制，門前及店內告示牌註明是限時90分鐘，一般飲食時間是足夠的，如果要慢慢地細說當年，這裡肯定不適合你，最近來這裡嚐過的菜色如下。金沙南瓜，(65元)，近期看過街坊廚神，金剛及小儀跟這裡大廚素有(炸帝)之稱的蔡本泰師傅學藝，學習到PK賽介紹的就是這個菜。因此就點了這味菜來試試，其實，金沙南瓜就是鹹蛋黃炸南瓜，送來時已嗅到陣陣牛油香氣，表面看到亦有點油，鹹蛋黃跟南瓜的味道，兩者出奇

之前和同事來呢度食lunch~而家再和朋友來吃晚飯~一次過寫晒~黃金蝦 : 午餐時間做的比較好吃, 不油, 用鹹蛋黃做的粉漿好香口, 加埋d蝦好新鮮~真係好正!!甜菜甫雞軟骨爆豆角: 豆角和菜甫好好吃~係用上海干煸的做法!!送飯一流~三杯雞煲: 比較正宗的三杯雞的煮法, 有下九層塔以及小洋葱, 送飯都係一流~瑤柱蝦干蒸勝瓜: 蝦干鮮甜, 勝瓜辟左它特有的腥味, ok~狀元豆腐: 豆腐應該係用百福的.......放面的粉絲事前沒有浸水, 蒸完都還沒吸夠水, 有點硬! 蝦球也是用新鮮蝦~一試無妨這次和朋友晚上來吃, 雖然已經打電話來拿了no. 但還是等了半個鐘先入得去叫左黃金蝦, 豬膶浸油麥菜, 和胡椒蜆湯黃金蝦感覺上午餐時候做得比較好, 晚上也許太忙了所以控制得不太好, 比較油膩豬膶浸油麥菜: 超好吃!!!豬膶是用了黃沙膶, 湯底很清甜, 面上亦沒有浮着豬膶滾出來的血污, 超讚!!!胡椒蜆湯: 雖然味道蠻鮮味, 胡椒湯加蜆是一個好的做法, 但湯太鹹了, 也十分辣.......冬天吃會好d