金潮小廚

营业中

休息中

【為了美食，你可以去到幾盡？】不接受訂位的霸氣小廚，為了你，唯有一早來到門口等叫號碼，幸好只等了15分鐘就可以入座，五個人坐一張四人枱，不過看到周圍都是如此擠逼，算！看餐牌的價錢，不知道一向是這樣價格高企還是中秋節加價，價錢都偏貴。但上菜後看到的份量，比正常大1.5倍，我心裡頓時平衡了。胡椒豬肚蜆湯 - $130很重的胡椒味，刺激辛辣。豬肚洗得乾淨沒有異味，而且不會韌到嚼不開。蜆的份量起碼有大半斤，鮮甜，但間中幾隻吃到有沙。這個湯還是比較適合冬天喝，因為喝完一碗已經滿頭是汗了。黃金鮮魷 - $105這個小菜一定要極力推介，外層炸至皮薄酥脆，鹹蛋黃的咸香，加上保持爽滑的鮮魷。簡直是好吃得不能停口。啫啫通菜豬頸肉煲 - $100啫啫煲是大排檔必備的菜式，可惜這裡做得比較遜色。應該是煮好再放入煲內，失去了啫啫煲的特色。而且調味重手了，偏咸。醬油干蔥排骨仔煲 - $90排骨肥瘦適中而且煮到入味，不錯！沒有茶芥和加一收費，讚！超級滿足的一餐，期待下次再試其他的招牌菜...

民以為食為先如果愛美是我第一生命愛吃應該是我第二生命呢(阿妹按:家姐 你貪吃成痴小心變肥妹)(我按:我已經肥了很多 回不了?!)今次小妹又覓食這次要介紹的小菜館位於葵芳 金潮小廚價錢經濟實惠 味道一流 難怪常常座無虛席而且許多明星也曾經光顧呢如果晚飯要太約輪候45分鐘左右此外 它還有一個特點(同時優點也是缺點呢)每台限時1.5小時呢 這樣有助縮短等待時間可是如果想知己談天說地就沒有可能了小妹點了有名的胡椒蜆湯、黃金蝦及菜甫炒雞軟骨其實它家的小菜全都很好味份量足夠 2人點了3個菜都吃不下…建議可以多一點人去吃 這樣才可以嘗到不同的菜式胡椒蜆湯是小妹的大愛 每次也必定點它因為它鮮甜美味 喝下去整個人都和暖起來如果冬天飲用十分適合 因為可以暖胃呢此外它還讓人回味幾番 喝完還想再喝黃金蝦的外層是金黃色 十分脆滑外層由咸蛋黃製成 一口咬下來 香濃味甜而且它炸得恰到好處 沒有過火呢最後菜甫炒雞軟骨也十分美味味道鮮甜而且雞軟骨剛剛好 沒有粗糙的口感那個醬汁味道很不錯希望大家喜歡我的分享 這間小菜館真的很適家庭或是朋友聚會呢

開工和同事一起吃飯，便來了這裏，雖然沒有最初的好吃，但比其他地方還是做的好的，也是抵吃的。******************************粟米脆魚柳，HKD80，魚柳肉多又好吃。啫啫炒芥蘭，HKD65，和炒菜一樣，味道很香。脆皮冰梅骨，HKD80，這是招牌菜，脆口帶點甜酸味，開胃。燒汁珍菌炒魚柳，HKD80，這個就一般，因為只是燒汁的味。啫啫雞煲，HKD80，這個很夠火喉，雞也入味。黃金大蝦頭，HKD130，這也是招牌菜，炸的脆口，香蛋黃味。狀元豆腐，HKD85，這個是以蒸白福豆腐，配上元貝和瑤柱，味道很清淡，一般。咸菜胡椒豬肚湯，HKD80，真是很重胡椒味的，味道很出，愛喝這湯的人一定喜歡。

以前已經去過幾次都覺得ok，不過上星期再去食飯之後就應該唔會再幫襯。嗰日好早六點已經去到所以唔需要等位，其實我哋都有少少趕時間所以未齊人都想入去坐低叫餸先，亦都已經知道只可以食個半鐘嘅規矩，諗住邊食邊等。當行到櫃檯前面我已經同佢講我哋會點菜先，你可以現在由我坐低嗰刻開始計時，唔需要等我齊人先計；所以好快咁安排咗枱俾我，點知我都未坐低有個阿姐走嚟問我幾多位，可能佢見到我哋4個人要咗張6人枱，咁我咪答佢6位，嗰阿姐就對我講等齊人先入嚟啦，得個半鐘你食咋，我再同佢講多次之前同櫃檯所講嘅嘢，咁佢就行開咗。點知一坐低又有個阿姐走埋嚟講類似嘅説話，我已經火都嚟埋，就同佢講你唔好理我齊唔齊人，你依家同我開始計時，同一時間我亦在我手錶按下計時掣。55分鐘之後我哋都已經差不多食完，5個人已經放低碗筷，但係仲有一個人食緊剩下嘅餸菜，特别强調仲食緊嗰個從來無放低過筷子，一路都默默咁食緊，就已經有個阿姐問係咪食完，咁食緊嗰個梗話未啦，阿姐一於少理，一口氣收晒其他5個人嘅碗呀，筷子呀，空嘅碟呀，成張檯就只剩下一個碗，一碟未食完嘅餸俾仲食緊嗰個，心諗算啦，點知佢仲嚟，值頭攞塊布嚟抹檯，跟住仲放定下一輪嘅乾淨set

是日兩個人六點半弓到入去⋯所以唔洗等位就坐得底叫野食，兩個人叫咗5樣餸⋯而且樣樣都保持水準好味道，侍應姐姐仲好好幫我地由2人枱轉左四人枱⋯等我哋坐得鬆動啲又可以擺好晒啲菜。

聽人講話呢間要等位，去到又見到d野食好似幾貴，心諗唔通中伏！不過d野食其實唔差，其中有一味湯用蠔仔做主料，輔以胡椒調味，令人印象非常深刻。用左20分鐘去等一味污糟雞，幾入味，雞肉雖然少許老，但係真心有質素。有個老細咁款既阿伯仲會一邊收碟一邊問你夠唔夠食，臨走又會say goodbye,服務加分！不過地板頗滑溜，環境分稍減。

五月中到五尾的天氣都不穩定，跟家人在葵芳，傍晚過後又下雨，唯有留在附近用膳 葵芳不算多餐廳選擇，如果不想幫襯連鎖餐廳或商埸餐廳的話選擇更少，記起早年跟飯腳吃過金潮，印象不錯便不假思索快步來拿檯。上湯白菜浸豬肺看似不特別，但自己動手洗豬肺的話可不是簡單工作，這裡的白菜爽甜，豬肺爽口無異味 ，下次想吃豬肺也會考慮這裡下雨天的小菜滋味。魚香茄子是老媽的送飯之選，眼前的不會過鹹，吃到底的茄子也不算太油膩，用來送飯的確是不錯的。既然沒有叫個清炒的菜類，不如就吃個清蒸類的海蝦蒸豆腐。海蝦的份量還好，不是雪藏貨所以入口有蝦味，另外的豆腐不過不失，但配上下面的豉油和上面的豆豉，令它的食味提升不少。小店雖隱藏在小商場的一角，正門又不在顯眼的地方，七點過後食客卻來去不斷，看來小店也是不少街坊的鐵膽。

星期五去金潮，排隊是必須的我遲收工，朋友早到拎位老闆娘話大概8點有位，果然8點倒就有位坐了*佢吳係叫號碼，係憑佢記憶口up up...所以温馨提示你得閒就問佢⋯到我未呢？我地4個人。叫左1小食鮮魚皮👍🏻必食⋯好爽口⋯點辣椒豉油👍🏻正冰梅骨👌🏻硬左少少，個味ok的炒通菜莖⋯同d豬頸肉一齊炒。。幾好食荷葉飯...溫馨提示要拌混先食⋯如果吳係會好咸全晚頭4樣都👌🏻最尾叫嘅胡椒豬肚湯最不濟得強烈勤菜味⋯⋯可能c傅重手左個湯味道怪怪⋯有中伏之嫌😐

食完西歺lunch，夜晚我哋𢵧咗金潮。金潮係葵芳好出名，好多名人幫襯，Eason都係坐上客。我哋等咗足足30分鐘先有位、今次橺咗樹子魚雲，沙律蝦球，同炒粉絲、啫啫通菜，碟碟都好有水準。特別鐘意個樹子,甜甜酸酸好醒胃，個炒粉一啲都唔油，勁like。個通菜好香好爽、比一般大排檔好。一定會再嚟,平靚正之選！😊

農歷新年前來這間店食團年飯。因為有親戚住葵芳區。所以來了這間絕無地利優勢的小店。小店是我來到之前自以為的，一來到乖乖不得了。排隊人數比旺角還多。跟對面其實較正常(六七成入座)但相對就顯得冷清的食店形成超強大的對比。門口玻璃就貼著個openrice過百好評貼紙作招徠。照這樣看應該很不錯。一來就點這個黃金蝦。應該是招牌菜吧，確係幾好味。蝦夠大隻肉地好。所以無咁易被外層芝士完全蓋過蝦的味道。再來點了這個藕餅雞柳，同枱親烕說比較甜又比較乾。所以雞柳最後有剩餘。但我很喜歡藕餅。很香脆。平時不吃年藕的朋友會被這塊藕餅癲覆你對年藕的感覺。然後肉煲與炒豆苖。其實都很上乘。不過與招牌菜相比就有點被比下去。就是一般排檔很有風味很有鑊氣那種"而已"。然而這裡價錢可不"而已"呀。然後是貝殼類與海產。蜆很甜，聖子也很和豉椒合得來的味道。但不是我十分喜歡的菜式。每樣淺嚐一口味道就還可以，但就未有令我要追加再食一口的級數。最後，我不知道是團年飯的關係還是平時都是一樣。真的比較貴。隨便一個菜都是80,90元的。名菜動輒就是150元以上。還有真的很擠逼～逼得不能再逼，原本要因此扣分。不過店員幾親切。所以食店環境尚算合格

餐廳在恒景商場地下，一進商場左面直行便到。朋友說這裡經常排長龍，十分旺的！難得假期晚上8:30pm，無人排隊。一行2人坐一張圓枱，叫了3個餸。每個餸價錢約100元，但份量足，味道好，所以貴得有道理！大力推薦冰梅骨！炸得很香口，配搭有桃肉的甜酸醬汁，很開胃！黃金魷魚，炸得很脆，魷魚大件和厚肉。啫啫芥蘭煲，內裡有豬頸肉和蝦乾，味道很香口。

與朋友一行六人在葵芳找地方吃飯 朋友介紹這間人氣高的食店 便滿心期待去了我們大概8:45左右到達 仍然有不少人排隊 拿了籌等了大約半小時  雖然店有限時用餐 但真的等得太久 我們都餓壞了入席後馬上下單 叫了六樣小菜1. 魚皮沙律-新鮮的魚皮配苀茜醬油 出乎意料的鮮味 魚皮很爽 很開胃2. 荷葉飯-想不分量頗驚人 我們六人也食剩很多 裡面有豬肉碎和醬汁 其實吃不到荷葉香 像普通炒飯 3. 冰梅排骨- 排骨酸甜可口 外表炸得尚當脆 4. 啫啫雞煲- 一上枱便聽到沙沙響的 再看有豬潤 在表面 豬潤很彈牙入味 雞則比較遜色5. 胡椒蜆湯-這個很推薦 材料豐富 蜆很新鮮 湯鮮甜帶胡椒辣 很搶口6. 金沙南瓜-外皮帶蛋香鬆脆 南瓜裡頭有蛋黃 不會太甜而過膩 很讚整體食物質素很好 只是太多人 要等的時間太長

由於本人經常會係葵芳出沒,所以好多朋友都有問過我「葵芳有冇咩好野食o架?」或者「有冇咩野食推介呀?」若果知道佢地想搵食小菜嘅地方,我大多會推薦佢地去金潮小廚相信有留意開飲食雜誌/節目嘅朋友,對金潮小廚可能都會有點引象,當中較為人熟悉嘅飲食節目「街坊廚神」亦有介紹這人氣小店,不論係閒日或假日,每當晚飯時段店外都會排著長長人龍,還記得第1次打算去食嘅時候,預計等候時間居然長達2小時以上...當時唯有放棄了金潮小廚果真來頭不少,步進餐廳後就發現於收銀處後張貼大量曾經前來用餐的明星照,製成了一幅照片牆,星光熠熠今日由於比較早放工,大約6點半左右已經到達金潮,當時店內人流不多,尚有少量吉位舖位不算太大,環境尚算光鮮,牆上貼滿了各款招牌菜的相片,以供參考,但坐位十分迫硤安坐後不久,伙記便再三查問我地「人齊未?要人齊先入得架」然後隔了不久,又有伙記催促我地「點菜啦點菜啦」,隔離檯更被人催促洗碗筷....實在無奈...今次一共叫了六道小菜,分別是:脆皮冰梅骨、流沙帶子賽螃蟹、回味咖哩軟殼蟹、燒汁野菌炒魚柳、金沙南瓜同金瑤扒生菜.落單後不久,食物就隨隨送上,起菜速度迅速流沙帶子賽螃蟹 ($98) 賣相精

蘇絲黃話過，金潮小廚只值c grade我心感不值，無他，因金潮水準一向高，還要keep 到，可賀，可嘉勉咖哩軟殼蟹 $95 上菜份量嚇死兔兔貓，在坐一男三女都吃不完。 大份又如何，質素呢？ 上佳。軟殼蟹有9件，加上飯焦，均是超水準，脆香軟殼蟹明顯鮮炸，無回鍋feel, 飯焦脆得彈到隔離位。咖哩汁也非池中物，集鮮香濃於一身，吃到大量蟹粉，香到不得了，感覺似蟹粉小籠包的餡料入饌，實在回味無窮，即使飽仍想撈白飯，crazy. 拔絲冰梅骨 $75酸得不得了，但肉質偏瘦，喜歡，最怕肥肉充數。 拔絲效果異常利害魚香茄子 $75不得了，很油。 但鹹魚味濃，份量夠6人以上食。

難得有機會跟一班同事食晚飯, 她們大部份是有小朋友的媽媽, 所以私人時間相對地較少。今次去到較遠的葵芳, 平日我只懂到葵涌廣場shopping, 今次來到金潮小廚是因為其他同事的強烈推介, 加上舊同事跟老闆們認識, 要拎位絕對沒問題, 因這間沒有訂位的...要自己排隊。金潮小廚好受歡迎, 7時多到達已坐無虛席, 而且檯與檯之間都幾擠迫。先來小食 - 鮑汁鳳爪: 我覺得味道較淡, 我較喜歡利苑的鮑汁有黏口感覺, 但有同事們都喜歡食。鮑粒荷香飯: 據說是店招牌菜, 有同事食過都讚口不絕。可惜今次失水準, 這個太乾沒有汁, 將底的材料撈埋也是這樣, 好失望。胡椒蜆湯: 胡椒豬肚湯就聽得多, 胡椒蜆湯就第一次! 不過我較抗拒胡椒辣味, 所以都是抱著一試心態。第一啖飲入口湯好鮮甜, 胡椒味剛剛好不會搶喉, 蜆夠多好大粒, 而且粒粒都沒沙。 冰梅骨: 甜甜酸酸, 肉排夠厚而且入味, 跟白飯食一流。啫啫通菜雞煲: 較鹹, 而且太多肉絲, 喜歡食清炒菜多點。炸肉排: 夠鬆脆, 但仍保留住肉汁好juicy, 而且香味撲鼻。還有同事們另外叫外賣打包回去給家人食, 一路上都嗅到肉排香味!香草蝦球: 賣相美觀