金潮小廚

营业中

休息中

朋友看過食評就決定食呢間。 魚皮, 必食推介!好食, 好爽, 好滑! 超正!黃金蝦, 可以連殼食, 好正....但有時食到尾, 真係唔可以連殼食, 因為好硬, 建議熱食, 但勁熱氣........豉椒蟶子皇無得頂呀, 好大隻呀, 好爽, 好鮮, 好甜, 禁的價錢, 食到禁正的野, 去邊到搵吖!胡椒大蜆湯好味之選! 胡椒味好重, 好味。只係覺得有時d蜆唔係自然開, 好似...之前用水整開咗, 而且有d蜆碎晒...想點....飲到呢, 一凍就唔好飲了.....薑蔥筒蠔好大隻蠔, 一煲有四大隻, 真係好正。本身我是愛食蠔之人, 見到禁正, 真係必食之選。順帶一提, d蔥都好香, 可以食, 好正好正。食餐時間大約是個半鐘, 個半鐘一定要交枱, 所以野食來得好快, 大家快快手手食完到下一位吧了。唯一呢一樣野唔好, 如果可以坐耐d就好了, 雖然我今次得三個人, 坐得唔耐, 話唔定下次我有十二個人食, 坐幾個鐘呢~~多人食, 試多d野呀~~~

與一班朋友聚會, 選了這間聞名已久的金潮小廚,可能期望太高, 令我們都十分失望, 實在忍不住要寫食評記錄一下....等位等了好久....服務員態度很一般....點了以下幾味餸:流沙帶子賽螃蟹- 能夠食到大陣急凍味嘅帶子....真的很失望....啫啫雞煲- 我地懷疑雞係落鑊兜幾兜再擺落個煲裡面啫幾啫,所以冇晒味,好淡...黃金蝦- 這個是招牌菜, 幸好還算可以, 否則真的太失望, 但蝦好像不太新鮮...瑤柱扒時蔬- 這個算是最正常的一味菜粉絲蝦煲- 粉絲一夾就散,蝦很霉....我們都不能把它完成....

訂左位,都要等佢執好位先入得,真係好多人,好迫好衝忙咁,食左以下食物:荷葉飯 (料份量適中, 好濕潤)豬爽肉通菜梗煲 (剩係食菜梗, 唔係太岩我, 不過都幾好味, 又有d豬爽肉食下) 胡椒蜆煲 (好濃郁既胡椒味, 辣辣地好好飲, 蜆都係大大隻, 不過有d未開殼) 啫啫雞煲 (惹味, 潤都唔少, 好似幾靚咁, 不過我唔食)魚云煲 (好惹味, 魚都幾滑, 又有大量蔥) 倉魚兩吃 (乒量唔多,倉魚片啖啖肉加左d味, 炸個邊無食到)野食都唔錯,不過又要迫又要等咁耐就唔會特別去

今日聚會選了這一間餐廳，食物質素不錯，但服務方面就一般。我們叫了黃金蝦、冰梅骨、扇貝及茄子煲4樣，全都很夠熱。其中我覺得以冰梅骨最好吃，其餘都不錯，但沒有什麼特別出色之處。就在我們準備再坐一會就結帳時，期間有服務員三番四次的問我們要不要再叫其他食物，最初我們覺得這裡的服務真周到，很少餐廳會追問，但到第N次再來的時候，我們覺得奇怪，好像在趕我們走，但我們環顧四周，當時只坐了一半人，於是覺得很奇怪。最後第N+1次服務員指著牌子說我們已坐了一個半小時，需要交位，我們才明白原來有時限的，她更補充如果我們不再點新的菜便要立即付款離去(當時我們還未吃完)，雖然她沒有用咄咄迫人的語氣，但這種「趕客」的架勢令我們心中有點不滿，她更說已寬限我們，我們也怕自己理虧，就查來電顯示(我們一坐下剛好有朋友打來)，發現還有10分鐘才夠1小時半，就對另一名服務員說我們未夠鐘，所以不會叫其他食物了(桌上的都未吃完)，之後聽到在收銀那邊有人說你們繼續吃，過了一會我們便結帳離去。最後總算因此而有衝突，不過如果是約朋友聚會談話就要注意時間了。

一向知道金潮多人..所以來此處吃飯都會避開晚飯時間(19:00前/21:00後)..今天難得友人能夠配合..18:30來到..不用等位..即刻可以坐低醫肚! Good很愛這裡的蟶子皇..蟶子皇夠爽..豉椒炒得很香..連配菜都完全入味..我連洋蔥/青椒都沒有放過..統統吃掉..這個最美味是--粉絲..吸收了扇貝+金蒜精華..正! 相對扇貝比較失色..可能是今天的不夠肥美..通常都是豉椒/剁椒蒸..自從試了這個..愛上了! 我真的孤陋寡聞..不知阿里山樹子是什麼..只見是一粒粒比blueberry細小小的物體..它能夠有效地去除魚雲的腥味..又不會把魚雲本身的鮮味蓋過..有時候豉汁太濃..剁椒又太辣..喜歡吃魚雲的朋友一定要試我必食至愛..最得我這種懶人歡心(無殼)正當想叫白飯時..友人被一陣荷葉香吸引..說一定要叫一個..嘩..份量好大..不知是否已經飽..覺得只屬一般..不過荷葉真的很香..材料也多..抵食!每次..都是肚滿腸肥地離開~大滿足~

好友提議去"金潮", 佢話試過都好食, 仲話有時會見到名人呀, 所以約埋成班好友一齊去試下! 一早打電話去訂位, 訂咗8:00, 好彩去到都係等一陣就有位, 唔算等太耐! 原本佢哋限時食個半鍾, 我哋一行12人, 邊食邊傾, 個半鐘就根本唔夠駛若果係聚會嘅話就要諗清楚啦!食物方面, 我哋叫咗"南乳炸豬手", 好好味!白灼魚皮,好爽口, 好味!炸蠔, 勁大隻, 必食!海鮮炒粉絲, 正!各款菜式都好好味, 一定會再去!!!

爆水管, 煮唔到晚餐, 唯有出街食金潮小廚喺葵芳名店, 想去幫襯已經齋想了幾年, 因為每次經過都見到等位人龍一堆, 嚇阻力量超強晚上6時半左右去撞吓機會, 怎知道一去就有枱事出突然, 沒有上OR search 吓各食家有乜好介紹, 咁熊爸就話先叫些基本餸 脆皮咕咾肉$65...肉份量很多, 但有些未能與汁料炒勻 肉炸得不脆皮, 咬落去只感覺到實, 甜酸汁並沒什麽特別。招牌豬潤浸時菜$68...選用了通菜, 豬潤並不是如menu裏圖片般爽滑 煮得老了, 硬了 可是浸菜的湯就滲了豬潤的香, 通菜也沒煮到過熟, 顏色依舊是青綠 菜質地是帶爽脆, 杞子與薑片也能提昇湯水的滋味圖片中豬潤看似剛熟, 貌似嫩滑, 絕對能令人垂涎欲滴大澳蝦醬脆腩片$78...腩片都有2cm厚度, 擺入口就嚐到蝦醬味是鹹香有序, 鹹中帶鮮 腩肉炸得肉爽皮脆, 一咬就聽到清脆玲瓏的「嗦」一聲, 抵吃森堡啤酒係香港捷成啤酒自行開發之啤酒品牌, 原料是麥芽、啤酒花、玉米澱粉、酵母菌、水, 酒精含量只有4.5% alc./vol, 聽聞市面並無發售, 只會在中式食肆售賣, $15大支裝, 啤酒顏色金黄, 味道清而不苦,

是日媽咪生日, 一早訂定枱一家人齊齊食飯!!因為之前輕人介紹黎試過蜆湯, 幾好味, 覺得媽咪應該會LIKE, 所以揀左尼度!!蜆湯--水準依然, 好重胡椒味, 唔食得辣既朋友記得"少辣"~鮑粒荷香飯--本人唔太鐘意, 因為入面有鴨肉, 蓮子, 但屋企人覺得OK~另外果幾餸係就小朋友而叫的, 尤其西蘭花同斑塊, 都幾好味架!最普通係個排骨煲, 冇咩特別, 而且大部分都肉少骨大..!!不過總括黎講唔差架, 係人流太旺, 所以D員工都有d趕頭趕命feel.....

今晚同朋友來左呢間食飯,來左呢間野,都幾多人排隊下最憎排隊都係叫小菜O個D,魚皮OK呀,夠爽!個菜都OK,D豬X唔會OVERCOOK黃金蝦都係咁,無咩特別魚頭一般,個樣好似好正,食落係無味既,如果無豉油呢味野係完全無味-O-豬手完全唔掂,呢個好硬,食完好灰個湯係胡椒湯,有D蜆之類,呢個唔錯,夠SPICY,D蜆都好新鮮但計埋要等位既就真係要考慮下有無下次.係度多謝請客的朋友,同埋幫襯我既朋友

已經唔係第一次食, 所以去到金潮已經唔洗諗食乜佢0既招牌黃金蝦, 唔洗講, 必叫食物跟住第2必叫0既係佢個砂窩雲吞雞呢個雞湯, 真係好味到震仲要我係愛雞之人, 呢個窩我完全可以獨吞!而呢次食飯, 試左個新野, 就係荷葉飯呢個荷葉飯好香好好味, 好得成晚最估你唔到0既係佢個漁香茄子煲真係好好味好野多人爭, 所以黎金潮最唔好0既地方就係要等位不過等都值0既, 因為佢D野真係好好味

再去金潮,好似上左癮咁,D野好食又抵食!叫左6個餸黃金蝦不油膩! 很爽!金沙南瓜我覺得這個仲好味過蝦!!!南瓜同咸蛋好MATCH呀!不過E個不及蝦咁爽口, 食多兩舊會有點膩!沙爹肥牛粉絲煲好大煲,上枱時仲滋滋聲!肥牛無乜特別!粉絲索晒D汁好正!!!香桃冰梅骨酸酸甜甜! 不錯!仲叫左金銀蛋浸白菜仔同荷葉飯白菜仔無乜特別,叫係因為但求有蔬菜落肚荷葉飯份量好足!(不)極都仲有!!! 不過都真係有D咸,可能我地未撈好!我地平日去基本上唔係好洗等位!又無時間限制!

我和同事一直都很喜歡吃金潮的小菜~年初五剛開工, 當然要食返餐好的啦~哈哈哈於是BOOK左金潮來開餐~一早就叫定餸了!!落到去即刻有得食~黃金蝦~最愛!!!依然保留水準~豬膶浸時蔬~也是保留水準!!正~蒜蓉蒸扇貝~夠新鮮~啫啫雞煲~送飯一流!!!D豬膶仲係厚切~啫完都唔硬身~依然爽口多汁~燒汁翠玉瓜雜菌炒斑球~夠野味~三兩下就掃晒了~~

下午1:00 , 又係揾食時間, 昨日試完日式, 今日做返一個 "港人" 。平日是專攻晚飯名菜, 今日有幸試午餐。點了兩個午餐, 一個粟米斑球飯加杯熱檸茶, 另一個是金菇肥牛炒河配熱奶茶 。應該是一早預備晒, 即叫即送到 。人多唔駛5分鐘, 粉、飯已經送到, 反而飲品要等10分鐘。先講金菇肥牛炒河, 大碟個樣唔錯, 但係好清楚見到河粉係好多炒唔散及上唔到色, 有少少凍, 肥牛夠嫩,整碟唔係好多油, 金菇都可以清楚見到, 爽爽哋, 個料味道唔錯係主要的河粉反而遜色, 做唔到 ! 奶茶茶味濃, 而我的至愛口味 。至於粟米斑球飯, 估唔到個斑球係沒有炸粉, 可算是健康, 滑, 但全碟只得5塊, 靠粟米及蛋白汁送飯,飯都幾大碟, 但係食食下會溜 !金潮服務可謂見仁見智, 人多侍應只會快手, 取個吉碗都係好多積水, 真係剛剛洗完拿出來果隻 。最唔鐘意係從來無理客人感受, 食完對筷子未放低個碟已經收左, 俾人感到要快D走 。

尋日(17-1-2012 Tue)同男友去葵芳還書畀女友人RY順便食o野,由於佢有o左3個幾月,就佢o係佢樓下,佢仍推介呢間,呢o度晏晝係食碟頭飯,我o地叫兩個餐三個人食.男友要o左$30.00o既照燒汁腸仔肥牛飯,要熱檸茶,我同RC就share$34.00o既粗炒火腿肉絲烏冬,我飲熱檸水.好快,所有o野都到o黎,我o既熱檸水又係澀o既.我先食粗炒火腿肉絲烏冬,係幾有鑊氣,不過好油好油,味道卻唔係咁惹味,紅蘿蔔絲重係硬o既.而男友友o既照燒汁腸仔肥牛飯呢,賣相都幾核突,男友一睇話份量都好多,照燒汁甜甜地,肥牛OK冇問題,飯就濕o左啲.上次o黎係舊年10月o既事. http://www.openrice.com/restaurant/commentdetail.htm?commentid=2202729

1月8日晚上同朋友及佢既屋企人一齊食飯,本來係幾個人一齊剪完頭髮後去食晚飯的,但最後變左十一個人,好誇張,所以就預早食團年飯啦.金潮出名多人等位,本來係想去食泰國菜的,但係因為果間菜館已結業了,所以即刻去返呢度,朋友話7點幾已唔使指意有位,好彩另一個朋友一早已打嚟問左及訂埋枱添呀,佢俾左個booking number佢,嚟到成個門口都係人,已經叫到10x號,我地係42號,好彩冇話要齊人先入得,佢好快就安排左一張枱俾我地啦,不過就要我地個幾鐘就要交枱,都冇所謂的.我地一坐低就開始不停諗食咩,猛叫:黃金蝦,鮮魚皮x2碟,砂窩雲吞雞,黑椒牛仔骨,蜜桃檸汁骨,瑤柱豆苗,瑤柱玉子豆腐,茄子煎倉魚,南乳炸豬手,豬潤上湯時菜,砵酒蠔(後加).十二樣嘢好豐富呀!!餸菜好快送到,馬上開動,鮮魚皮好好味,好爽口,有些蔥,芫茜,花生,加些辣椒豉油一齊食,好好味又爽口,我唔食魚皮的,不過有一次嚟呢度食,朋友話好好味叫我試下,跟住就鍾意左食咁整既魚皮啦.砂窩雲吞雞好大窩,好足料,雲告好多粒,細細粒好味,皮薄所以唔會硬,雞湯好鮮甜香濃,正呀!黃金蝦好好味的,好似縮水了,蝦少了,細隻了,不過味道依然好味,好香感蛋味