金源 (已結業)

本身好少幫襯青衣邨間金源，今日食到好😡餐牌寫下午茶特飲加$7 ，見餐牌有阿華田紅豆冰就想飲，落單阿姐話阿華田紅豆冰要加好多錢，於是我問佢咁幾多錢，佢繼續講話要加好多錢，我叫佢問，佢又唔去問，所以叫紅豆冰。但我條氣唔順，走去問疑似老闆娘，問佢點解個侍應唔俾我叫，同埋問加幾多錢，最後篤篤篤部機（因為佢哋用電子產品落單），咪又係加$7，但佢個樣極唔滿意幫我改，亦都唔理會員工嘅處事方法。佢隔離間餐廳啲老闆同員工有人情味好多！

酷愛雞脾嘅我，決定做一個突破!就係搜羅好味炸雞脾!!!!!踏出一小步，先由屋企嘅茶餐廳附近出發!其實未食午餐，捱到下午茶時段!索性熱切期待食雞脾啦!原本34蚊嘅下午茶只包生炸雞脾一隻...似乎貴左啲，又唔夠飽。所以轉嗌左一個炸雞脾餐。 ($41, 包熱飲)一見到，其實價錢都唔平，但係雞脾係咁細隻...真係有少少失望...只不過，佢又真係炸得幾好食!!!根據幾十年食雞脾嘅經驗，好味雞脾有幾個條件，1. 皮要炸得脆！脆到好似薯片有聲的!!! 2. 肉質嫩滑，即係炸得剛好唔老3. 調味夠! 唔洗額外點醬/落鹽! (不過我係偏重口味)咁唯一唔夠嘅就係.... 唔夠我食😂

今日同男友遊青衣途經青衣商場，三間茶記之下亂撞入了一間稍為多人的既金源叫了一個午餐- 鰻魚汁炒豬頸肉烏冬 ($42) ;一個下午茶- 美極炒肉片公仔面 ($38)鰻魚汁炒豬頸肉烏冬:  都算炒得有穫氣，份量都幾足，可惜整體味道稍為偏淡，更加食唔出任何既鰻魚汁，所以最後都係忍唔住問侍應哥哥拎豉油美極炒肉片公仔面(下午茶) : 個公仔面熟既程度岩岩好，亦夠彈牙，而且比炒豬頸肉烏冬炒得更香，值得一讚!總體黎講，如果作為一間街坊茶記，都算係合格有餘，起碼抵食飽肚

金源係喺青衣村嘅一間食店，附近還有其他餐廳。以晚餐嚟計，五十零元一個餐連餐飲，有白飯有碟菜，有鑊氣而且份量夠、質素真係唔錯我最喜愛食鹽燒牛脷，牛脷有五片而且味道很好。其他小菜例如叉燒炒蛋，叉燒同蛋都好嫩滑。

呢間茶記開係我屋企附近，但我假日好少同屋企人食早餐，屋企人話唔錯，所以習慣左係呢度食早餐，我早餐永遠都沙嗲牛肉麵，餐蛋多士。首先個麵底唔係過水麵，而係即煮，沙嗲係夠濃味，牛肉夠鮮。餐蛋多士，出面有幾可有兩塊餐肉，蛋仲要夠滑，有少量蛋汁，平民早餐之選！

服務有陣時就唔係太掂， 我食嘅和牛漢堡咖哩蛋包飯非常好食，跟餐送蜂蜜綠茶超正！亦都食過佢嘅拉麵，唔錯。 每一個套餐都會贈送蜂蜜綠茶， 並且有兩個配料，有時牛油粟米，有時沙律，有時八爪魚

行到青衣商場，仲趕得切食個靚早餐bor, 當然咪走雞啦。😃吾想幫襯連鎖快餐店，價錢愈黎愈貴，份量就愈黎愈細...😒 咁唯有揀對面茶餐廳，3揀1, 行完一圈，見到最多人食既係金源，就行入去，好彩快左5分鐘入去坐低左，之後果d 已經要等位啦。😏話說，平日既早餐時段都做到有人等位都算吾簡單...🤔至於係咪堅好食就真係食完先知。睇完份menu, 其實選擇都幾多，因為吾想食太飽，所以就咁叫左個沙嗲牛肉湯面，炒雙蛋配牛油多士，熱奶茶。先黎沙嗲牛肉湯面，牛肉份量都幾多，但面煮得吾夠耐，食落口感偏硬，要浸多陣先食得。另外，沙嗲汁都稍為多左d, 令到個湯太咸，減左少少分。再黎炒雙蛋配牛油多士，多士是厚身果隻，有驚喜，都哄得夠脆。至於炒蛋方面，雖然吾及大快活既炒蛋咁滑，但都算中上水平，起碼吾會太熟同埋食完一口油...最後輪到奶茶，中規中矩，吾算香滑，亦吾算難飲。埋單算33蚊落樓，中等價位啦...

這是我最常到的飯堂之一, 平日都要等少少位, 復活假期反而少人咗.丈夫尤愛套餐送的大碟蔬菜, (粟米,椰菜, 紫椰菜, 紅蘿蔔,入味蘿蔔), 足證老闆關心顧客健康, 多吃不同種類食物及蔬菜有助健康, 這種心思, 富有人情味.這裡的小炒都很好吃, 大部份都很滿意, 而且店內牆上掛著是日晚餐, 偶有新菜式, 是餐牌內沒有的, 偶有一人雞煲, 一人水煮牛, 必點, 因為兩大一小外出食飯要照顧小孩, 必定有一菜要適合小朋友, 已經很少機會吃辣, 所以家庭飯堂就會叫一人的麻辣菜. 這裡的小炒很出色, 味道很好, 但牛肉試過幾次都很靭, 所以就算有好菜式, 已經很少點牛肉粒了.希望有改善, 可以點番最愛的蜜椒金薯牛柳粒啦!這裡的沙拉肉排, 柚子肉排, 甜酸肉排, 芥末肉排ETC都很特色好吃, 要碰運氣遇上那一種了.肉通常是乾身少少, 但味道好.這裡的蛋包飯也很好吃, 女兒最愛, 經常不讓我點晚餐, 蛋包飯跟的是日式小吃, 幸好街坊店可以換成中菜, 不要日式小吃. 送的綠茶有菊花茶味, 唔係日本餐廳常飲的綠茶味或街邊外賣綠茶飲, 老闆說茶底不同, 菊花茶味唔知有冇清熱效果呢?  燉湯都好足料好有火候

之前有位朋友話金源早餐好抵食架，記得一定要食個奶油豬，一個早餐都可以食左好飽肚，所以心血來潮，四個人一齊決定試一試！首先講下火腿通粉清湯火腿砌粒狀，通粉唔軟唔硬連湯邊飲邊咬好彈牙窄菜肉絲米粉，佢同其他餐廳用既米粉唔同，一食就食得出用某隻鵝牌既米粉，好味！蕃茄湯底既通粉都好好味內附蘿蔔粒好似飲緊蕃茄湯既感覺！奶油豬係早餐必食之選，可配雙蛋/腸蛋/火腿蛋/餐肉腸等........隨意鐘意點配都得，由於奶油豬係熱上既關係，記得奶油豬要熱食先好味啊！

因為屋企成日吾開火，所以經常週處食，附近除左呢間金源，其他餐廳都冇乜特式，幫襯左好多次，經常爆場，試過去其他幾間最後返轉頭，真心值得等嘅。最鐘意食佢嘅香濃蕃茄湯早餐多士又夠鬆軟噚日食左個和牛漢堡蛋包飯配咖哩汁好好味😋塊肉咬落又吾乾配搭得好好！本人食過早餐丶晚餐，試過帶埋親戚朋友嚟過佢地都話正，選擇多水準又幾ok喎！價錢又抵 D員工都算係幾親民（以今時今日既服務態度）唯一美中不足就係冇BB櫈有時帶著BB吾係幾方便囉

收工去同事家玩，去之前佢介紹去呢間屋邨商場嘅餐廳，地方唔大，裝修幾新，似靚啲嘅茶餐廳格局，晚餐食物有中西日式！個個都有得揀！鹽燒牛脷定食（$55）前菜：枝豆：枝豆殻好淋，枝豆飽滿彈牙！好味芝麻醬八爪魚🐙八爪魚彈牙！芝麻味香！好味鹽燒牛脷：一碟另上，牛脷好大塊，彈牙鹹香好味！灑上芝麻香口！點咗燒汁醬好味！湯烏冬（跟餐加$15）奶白色湯，粟米粒甜，扁身烏冬彈牙而且夠滑，係份量少啲！唔係好夠食！青檸蜜（跟餐）檸檬係普通黃檸檬，我唔知係唔係用青檸蜜，夠熱，檸檬酸味清新！好味同事食：客飯：除小菜外，仲跟碟幾大碟嘅雜菜！京都肉排（$55）沙嗲金菇肥牛粉絲煲（$56）黑椒牛仔骨（$60）牛仔骨同事話好韌！豚肉野菜炒定食（$55）秘製豬軟骨烏冬（$55）凍檸茶（跟餐加$2）凍咖啡（跟餐加$2）熱檸茶（跟餐）食物真係唔錯，抵食夾大件！水準唔錯！不過服務就較粗糙！我哋6人入去，女店員比咗最入嘅一個L櫈位置，又迫空間窄，同佢講佢話呢個位可以坐7人，問題係當時唔爆場，點解要質去個窄位呢？咁同事就要求去兩張連枱（4人枱+2人枱）女店員就話唔可以拍埋枱嘅（即係我哋無得一齊坐）其實條隙縫都好窄）咁我哋無問題就坐低！

喱間金源嚟過幾次。d位都幾窄同幾密，經常都要搭枱，祇適合食完就走d客，想坐耐少少傾吓計就no way囉。早午餐都嚟食過，都幾多野食，中式有、西式有、日式都有，製作算幾ok。炒野用個鍋仔載住，都有d特色。味道算幾好，但幾次都一路食一路聽倒d職員，尤其廚房部講野高談闊論，粗口橫飛，幾好食都唔多頂得順，女仕更覺難勘。收銀亦幾混亂，找數要出去講自己坐邊張枱，眼見有d客出去埋單職員又揾唔倒張單，要問個客食左乜，廢時失事希望該店能有改善，否則應該都唔會再嚟囉

食咗碗麵坐了15分鐘, 每一個夥計都粗口百出，每一句都加啲粗口仲要大大聲，當所有食客都透明. 客人走咗淨係將枱面啲垃圾掃落地下。order飲嘢又錯，要杯熱菜蜜俾咗杯熱檸蜜

餐廳失敗之處就是請到不負責任的員工, 沒禮貌不特止, 做漏餐還大聲夾惡, 本來食物質素都唔太差, 但對於不快的事件真是足以另人以後不再光臨。以前做東姑亭時都沒有此類事情發生過，反而入左鋪後, 員工態度惡劣, 經常錯單, 以為用 i pad 落單 upgrade 左, 點知仲錯得緊要, 幫趁左十幾年真係唔會再去

上星期五晚OT完同女友係屋企附近搵野食，呢個屋邨商場裝修後幾間餐廳都試過，間間唔係咁好食，就係未試過呢間，一於試埋佢！係門口睇以為係食小菜，點知望餐牌原來有拉麵同蛋包飯，兩樣都好耐無食，當然叫黎食下先啦！豬軟骨拉麵，豬軟骨夠入味夠「淋」，拉麵爽身，豬骨湯底唔太濃，味道啱啱好，讚👍咖哩炸雞蛋包飯，驚喜估唔到佢會有蛋漿，炸雞肉軟滑有肉汁，不過炸皮厚左少少同唔夠脆，咖哩不過不失略嫌唔夠香，不過整體黎講係好食。