金源 (已結業)

上星期五晚OT完同女友係屋企附近搵野食，呢個屋邨商場裝修後幾間餐廳都試過，間間唔係咁好食，就係未試過呢間，一於試埋佢！係門口睇以為係食小菜，點知望餐牌原來有拉麵同蛋包飯，兩樣都好耐無食，當然叫黎食下先啦！豬軟骨拉麵，豬軟骨夠入味夠「淋」，拉麵爽身，豬骨湯底唔太濃，味道啱啱好，讚👍咖哩炸雞蛋包飯，驚喜估唔到佢會有蛋漿，炸雞肉軟滑有肉汁，不過炸皮厚左少少同唔夠脆，咖哩不過不失略嫌唔夠香，不過整體黎講係好食。