金源 (已結業)

行到青衣商場，仲趕得切食個靚早餐bor, 當然咪走雞啦。😃吾想幫襯連鎖快餐店，價錢愈黎愈貴，份量就愈黎愈細...😒 咁唯有揀對面茶餐廳，3揀1, 行完一圈，見到最多人食既係金源，就行入去，好彩快左5分鐘入去坐低左，之後果d 已經要等位啦。😏話說，平日既早餐時段都做到有人等位都算吾簡單...🤔至於係咪堅好食就真係食完先知。睇完份menu, 其實選擇都幾多，因為吾想食太飽，所以就咁叫左個沙嗲牛肉湯面，炒雙蛋配牛油多士，熱奶茶。先黎沙嗲牛肉湯面，牛肉份量都幾多，但面煮得吾夠耐，食落口感偏硬，要浸多陣先食得。另外，沙嗲汁都稍為多左d, 令到個湯太咸，減左少少分。再黎炒雙蛋配牛油多士，多士是厚身果隻，有驚喜，都哄得夠脆。至於炒蛋方面，雖然吾及大快活既炒蛋咁滑，但都算中上水平，起碼吾會太熟同埋食完一口油...最後輪到奶茶，中規中矩，吾算香滑，亦吾算難飲。埋單算33蚊落樓，中等價位啦...