金源 (已結業)

又多一間餐廳要結業啦！要食就快手啦😅回青衣探媽咪專程去幫襯😁支持下小店💪 要咗個午餐椒鹽豬扒飯🐷肉質好鬆軟同都幾大塊,蒜香味道濃郁,雖然不是想像中嘅味道但可以！另外叫下午茶☕🍔「豬柳漢堡+碎蛋」拼沙律嘅包質都幾軟, 迷你漢堡豬煎得幾香,碎蛋都幾香滑,而沙律就係鮮果沙律, 味道好香清新!另外嗌左一個炸雞脾餐🍗皮都炸得脆!!肉質嫩滑,即係炸得剛好唔老,調味都夠! 😋奶茶咖啡味道一般,我嫌茶/咖啡味吾夠香濃😅

【葵青區】【金源】呢排寫得比較少葵青區嘅食肆，因為不論係「葵」抑或「青」，我都係比較少經過嘅。適逢呢排都走入青衣睇波，順便處理吓呢頭啲食肆。然而，喺青衣運動場附近嘅餐廳，好似適合寫嘅都已經寫晒，唔係吓吓入青衣城食吖嘛。行遠少少去到青衣邨嘅青衣商場睇睇，有少少估唔到佢個名咁有代表性，但係其實只係一個蚊型商場。餐廳食肆方面，我諗住行上平台搵啦，點知原來冇架喎，係要走返落地下嗰堆度揀，一眼睇晒就係咁多，食就食咁樣喎。咁我見呢間「金源」有位，就入去叫個下午茶食吓，我要 $38 嘅「迷你豬漢堡」。佢寫話係「自家手打豬柳+碎蛋」，我以為係兩者夾埋一個包，點知係兩者各一件迷你漢堡。好彩味道都唔差，個豬柳又真係有啲特別嘅。而配菜方面，除咗薯條同沙律呢啲之外，仲可以揀「薯蓉」，咁我就揀佢啦。佢係凍上嘅，因此食落都係好似食緊沙律咁。嘢飲我要「熱奶茶」，熱飲唔使加錢嘛，吖佢又幾鬼好飲，奶味同茶味都夠濃，飲完仲想嗒多杯喎。叫多個下午茶，都係 $38 嘅「黑松露芝士炒蛋配厚多士」，個蛋略嫌淡味咗啲，多士就算正常。哈，我再飲多杯「熱奶茶」，都係冇落糖，都係咁正。夾埋 $76，影咗張單之後唔見咗張相，痴線，好彩之前

最近返左娘家住，頻頻 同屋企人幫襯附近餐廳嘅下午茶，基本上間間都食過咁滯，食到唔會有期望。見仲未試金源，所以今日就去下，估唔到有驚喜！叫左2個餐：生炸雞髀 & 漢堡包+沙律娘親同阿女食左雞脾，我冇食到但小女平時只係食脆既皮，唔肯食肉，今次揸住個髀食埋肉就知係好野……之後聽到人叫炸髀都賣晒冇得食了。我本來係叫雞翼+沙律 ，唔知係咪我講錯，結果黎左漢堡包+沙律。唔緊要，我都ok既，點知有驚喜！ 包係有牛油烘過，一個蛋沙律另一個係漢堡加茄汁 ，兩個都好好味加埋服務，我 覺得一定要影相📸️寫食評喇～首先我企門口落單，收銀姐姐話叫我坐最入面張檯。後來見我推住Bb車，即刻問我坐唔坐近門口第一張檯，闊啲又可以泊到Bb 車。因為坐門口咩都聽得到，個收銀姐姐好有禮貌，會講多謝，有人走如果佢見到都會講拜拜。聽電話落單又好有禮貌。我都成5點先去食下午茶，在我之後落單既好多食物都沽清，咁咪好囉，啲嘢唔洗整定晒，想食就早啲黎食呢間餐廳我絕對會encore 再幫襯啦！

黎金源食我會預鬆啲時間，最鍾意食佢既焗飯，需時15分鐘，飯粒乾身，焗得夠火喉。白汁，蕃茄汁，咖哩汁都掂次次午餐都會最少有一樣焗餐，唔洗諗就嗌個樣，都啱食呀杯凍檸茶都唔錯。

朋友係要見，約左朋友仔去佢屋企樓下食個早餐，唔係連鎖快餐店就食地道茶餐廳。早餐時段要等位，等左10分鐘就入得去。等位係有原因，好食係要等下啦!早餐選擇唔算太多，正常選擇沙嗲牛肉米粉，大大碗沙嗲味好濃，牛肉就稍為靭，扣左少少分米粉要一讚，唔係平價牌子，唔會越浸越多，食落係好爽滑雪菜肉絲米粉，一樣係大大碗茶餐廳水準真係夠哂抵食多士一上枱食就好熱好脆口，朋友話奶油豬最好食。腸仔蛋就正常味道!奶茶夠香滑做到正常茶餐廳水準

青衣係美食沙漠，但呢間茶餐廳簡直係我既綠洲😝 我鍾意佢d野有鑊氣得黎唔算油。我覺得最最最好食既係粟米班腩飯，連我平時少食茶餐廳野都覺得好食。杯奶茶都好濃！不過裡面環境唔好坐（對不起我是死港女）同埋疫情關係，所以會外賣番屋企食。老公就鍾意椒鹽骨飯同埋各式炒粉麵飯（星洲米，乾牛河果類）。晚市的話，我覺得西檸雞都好味，而且晚市既小菜會跟一大堆雜菜。我覺得好有heart。另外…見到佢裡面係播viutv而唔係tvb👍🏻

去青衣邨金源食晚飯，叫咗個「野菜什菇烏冬」，碗嘢嚟到只有什菇，一舊菜都冇，但明明以前食過係有好多西蘭花 (如圖)，於是我問個侍應點解冇西蘭花，佢好串咁話一向都冇，之後俾我哋chok多兩chok又話午市先有晚市冇，然後我哋話一向只會嚟食晚市，係有西蘭花嘅！之後佢走去收銀，叫個疑似係老板娘嘅女人過嚟，個女人又係重複同一番說話，然後加一句：「今次我俾返兩舊西蘭花你啦，但下次真係冇喇！」嘩，真係皇恩浩蕩呀你！我即刻火滾，同佢講係你哋個menu寫住「野菜」架喎！佢即刻冇出聲就行開咗。呢間嘢啲service一向差，成日落錯單呢啲小事我都算，諗住係黃店就算數，盡量將就下啦，但而家連做生意都咁唔老實，幾粒西蘭花都要呃人。其實如果你真係要咁小家，唔該你就唔好懶，改埋個menu，刪走「野菜」呢兩粒字啦！而家唔係你下次冇西蘭花，係我下次兼以後都唔會再嚟！#其實唔係幾粒菜嘅問題 #我食少幾粒菜唔會死#而係做生意老唔老實嘅問題 #仲要講大話話一向冇

下午茶時段經過見到我想食的星洲炒米，就入左呢間街坊小店。一上菜，有驚喜喎，金屬鍋上，個鍋係熱的。炒到好似冇乜油，食落底原來啲油係底。算係咁啦。總結：呢個係連鎖店以外的一個選擇

真係好難得搵到一間坐得都可以話舒服的茶餐廳，起碼唔會座位太迫。街坊茶餐廳要求不要太多，抗疫措施一般般，不過好貼心咁門口有裝口罩嘅紙袋但我俾錢嘅時候先至見到午餐下午茶或者散叫價錢都係大概$50到。難得佢嘅味道可以好淡，牛肉可以有顏色但冇乜味道嘅乾炒牛河，下午茶迷你版女仔夠飽。星洲炒咪又係唔夠香濃，吵得唔夠乾。反而爸爸讚不絕口的是咖喱湯烏冬，味道香濃咖喱味濃郁，香而不辣。炸豬扒味道唔錯。另一個番茄湯底都有驚喜楊州炒飯面頭有啲XO醬都係味道偏向淡淡的整體服務員都幾有禮貌，下次可以再嚟幫襯。

夜晚行過呢個平民商場，觀乎食肆有幾間，包括老麥，大家樂，茶餐廳，最多人食就係呢間，一於入去。西蘭花炒蝦仁個白飯好大碗，點都夠飽。除左主菜，個餐係有一碟菜同埋送埋茶。碟菜係椰菜同埋有d粟米粒。應該落左鹽就咁煮熟，鹹鹹地，普普通通，但比較硬身。勝在有菜食，出街真係多數肉多。檸檬茶普普通通，略甜，又唔會過甜，大眾化。都比五片檸檬你，雖然檸味就唔多出。到主菜喇。就係西蘭花同埋蝦仁。西蘭花都係略偏硬。蝦仁就其實係急凍蝦碌，不過都算好食，好大隻，爽口彈牙，質感幾滿意。比左都有五大隻！唔會有雪味。調味就鹹鹹地，易入口。總括講，整體菜式其實唔算有咩特別，但我鍾意佢調味唔會太濃，有d菜食。同埋$62一d都唔貴，大碟食到飽，有良心。

本來一直對呢間餐廳係期待同滿意嘅，雖然其他餐廳係呢段時間都會做外賣自取折扣，而呢間係冇，不過我覺得佢地既味道係值既。好可惜質素每況越下，今日買左個早餐香濃蕃茄螺絲粉，薯餅炸過龍油到好似食緊油餅咁都算，主角蕃茄螺絲粉食左1淡已經完全要拎去掉。有幾點想講：1. 湯完全冇蕃茄味。2. 甜到似糖水。（唔知發生咩事）3. 薯餅油到變油餅蛋同茄汁豆就好難整到難食，正常囉。打左電話返去鋪頭比意見，回覆係「好呀，多謝你既意見」，其實⋯比少少誠意，換個包送過嚟都好呀⋯多謝完就變線。老老實實，旁邊老麥早餐都好食過10倍，不誇張。今次食物連服務都失望。希望你哋會改善。

七一假日係青衣碼頭放生。活動結束後joey師姐請大家食飯。我地去金源茶記。我點咗個西炒飯加杯凍奶茶。個套餐$60。間餐廳好細好迫。七個人坐一張細枱。個西炒飯好大碟。好抵食。有火腿及蕃茄碎。賣相好開胃，天熱食好易入口。飯粒抄成番茄紅。賣相滿分。杯凍奶茶好滑。非常好飲。

感想：我參考過這兒的食評後才去光顧食物和前人食評所形容的一樣、不多說了，令人滿意趕著吃沒拍照，食物賣相和傳單上的相片一樣青衣邨商場幾間食肆質素其實都不錯然而最有驚喜果然是這間披著茶餐廰外皮的港日式家庭餐廳老實說從外邊望過去我覺得這間的氣氛並不吸引我所以幾年來從沒進過去、今天一試滿心歡喜茶餐廳一般都講實務不講究太多這間由食材調理到賣相都能看到心思食物質素和外表包裝都超越了本區水準令人難以想像在破爛鄉下屋邨可以吃到特色餐廳的美食

話說因為知道呢間店係支持某立場，所以近排經常去幫襯支持一下，佢啲食物的確係好味又大份，但服務真係差。上一次去，有個好高嘅後生仔負責落單，落到錯哂，拉麵變烏冬，豬骨湯底變鰹魚湯底。上次忍唔住同收銀姐姐(應該係事頭婆)反映，佢都同我哋講唔好意思，咁所以我都算了。點知今日去仲差，我同朋友一齊落單叫嘢食，我嗰份一早到咗，我朋友嗰份好耐都未嚟，之後見到其他遲過我哋入場落單嘅人都已經有得食，於是搵個侍應姐姐「阿花」跟一跟，點知佢就懶懶行，淨係話整緊啦，完全冇去廚房問過。之後又過咗好耐，原來我哋隔離檯個男人都係漏單，佢都忍唔住搵呢位「阿花」問，跟住我又忍唔住一齊投訴，話大家都等咗咁耐，好明顯係漏單啦，你又唔去跟！於是佢先急急腳走去問，最搞笑係之後佢唔敢自己行過嚟，叫咗另一個侍應擺返低張單俾我哋，好明顯係發現真係漏單，知道自己衰咗，所以唔敢面對我哋。之後我去收銀埋單，本來想向事頭婆再反映一下，點知呢位「阿花」可能知我想督佢、投訴佢，於是即刻行埋去收銀處徘徊，所以我都算了，大不了以後唔嚟囉～如果事頭婆睇到呢度啲食評，麻煩跟一跟啲職員嘅服務態度啦，我見到我已經唔係第一個人反映服務差！

好少嚟青衣呢邊食野，附近餐廳都係同類型嘅街坊茶記，諗住是但揀一間啦，見呢間都唔少人食，點知就中左伏。叫左個雞中翼煎蛋蕃茄米線加茶走，杯茶走極澀好苦，好難飲。米線嚟到我就覺得出事喇，明明係羅宋湯嚟嘅，加d糖加d水就當蕃茄湯，諗住快快手食完填飽個肚就算喇，點知！食食下竟然見到條頭髮喎！侍應有幫我換過第碗，但係有成陣漂水味。聞到都唔想再食喇，唯有餓住走啦，呢次嘅用餐體驗好差，希望大家唔會好似我咁中伏啦。